1 Reis 5:6 - Kaxinawá Bíblia (BR)

⁶ Haskawẽ taeshũ mai pakea Líbano mati matipa anushũ hau kusha ea meshteshunũbũ hatu ea yunushũwẽ. Ẽ dayarubũ matũ dayarubu hatu merabewashãkanikiki. Haska Sidom nawabũ hi sẽkea unãhairakĩ pewamisbu enabu betsã habiaskari watirubumarã, mĩ unãhairaiwẽ taeshũ mĩ dayarubũ ea dayashunaibũ hawara mĩ ea yukai ẽ mia pakashanaii”, aka Salomãonẽ hãtxa bushũ

1 Reis 5:6 교차 참조

Gênesis 10:15

Hanua Camnẽ bake betsa Canaãnẽ huni bake dabe bawani ha dukũ Sidom inũ ha katxu Hete inibukiaki. Hawẽ bababu betsa betsapa hiwea akeakeshũ bake bawai shukui pahairanibukiaki, Jebuseu nawabu inũ, Amorreu nawabu inũ, Girgaseu nawabu inũ, Heveu nawabu inũ, Arqueu nawabu inũ, Sineu nawabu inũ, Arvadeu nawabu inũ, Zemareu nawabu inũ, Hamateu nawabu wakinã.

1 Reis 5:7

hatũ shanẽ ibu Hirão yuiabu Salomãonẽ hãtxa nĩkatã shinã txãkaĩ benimakĩ yuikĩ: “Hawenabu mirimabu hau yunukubaĩshanũ Senhor Deusũ Davĩ huni bake unanepa ma inãwẽ taeshũ Senhor Deus kẽwanãkãwẽ”, itã

Esdras 3:7

Haska Pérsia nawa shanẽ ibuhaira Cirõ hawẽ yunuti una hatu inaĩmawẽ taeshũ hau Senhor Deus kẽwãti hiwe wanũbũ Líbano mati anushũ kusha derashũ sẽkekĩ itxapawashũ ha hi kekukĩ txaipa washũ ianẽwãwẽ bukĩ Jope anu keti ashũ hene anua mapemakĩ ianẽwã kesha hau mãtxĩkubainũbũ maewã dabe Tiro inũ Sidom anu hiweabũ yubakatã piti inũ nushuti inũ piti sheni hawa yaushiama hatu inãkubaĩkĩ habu mishki dayanikabu inũ hi mastanikabu dayamakĩ peiwẽ hatu pakakubainaibũ

Romanos 12:17

Ha inũ, yura betsabũ matu itxakawabu ana hatube manakunãyamakubaĩkãwẽ. Ha inũ, hawara pepa yura betsabũ abukĩ matu yunuabu txibãkĩ mã haskari akairã, hatu bebũshũ shabakabi ashũkĩ uĩmakubaĩkãwẽ.

Efésios 4:7

Hanushũ nuku tibi duawakĩ hawẽ kuxipa nũ hayanũ nuku inãkatsis ikĩ Cristõ nuku tibi abukĩ inãpakeikiki, ha kuxipawẽ nũ dayanũbunã.

Filipenses 4:8

Ẽ betsabu inũ ẽ puibuũ, kenekĩ ẽ ma matu keyushunai ea nĩkairakãwẽ. Eska tibi pepa xinãkãwẽ. Dasibi hãtxa kayabi inũ, dasibiwẽ pepa wai nũ haki mesetiru inũ, dasibi nũ kanetiruma inũ, dasibi pepas inũ, dasibi hawẽ nũ xinã txãkãtiru inũ, dasibibu tsuara hawẽ pepawẽ kẽwãmisbu inũ, haska tibi hatukiri xinã kayabikubaĩkãwẽ, haskakĩ Deus benimawakinã.