1 Reis 3:7 - Kaxinawá Bíblia (BR)

⁷ Ẽ mekenika Senhor Deusuũ, ẽ berunã ẽ shinã hayariamabiakẽ miã ẽ epa Davĩ shãtukũ mĩ ea tsauĩmaki, Israelĩ enabu ẽ yunukubaĩshanunã.

1 Reis 3:7 교차 참조

2 Samuel 5:2

Txanima Saul nukũ shanẽ ibubiakẽ miã Israel detenamenikabu mĩ hatu yunu pewakubaĩkĩ Filisteu nawabube mĩ hatu detenamemakubainimaki. Ha inũ, shanẽ ibukĩ Israelĩ enabu dasibi mĩ yunukubaĩshanũ katukĩ Senhor Deusũ mia yubanikiaki. Haskawẽ taea nukũ shanẽ ibu iriakũkaĩshãwẽ”, akeakeabu,

Provérbios 18:12

Ha dukũ kanei ibubis kẽkũkainaiwẽ taearã, txipu ana hawa hayama keyushanikiki. Hakia ibubis keĩsmarã, txipu hawẽ hamapai hawẽruawai shabakabishanikiki.

Jeremias 1:6

eã kemakĩ yuikĩ: “Mĩ ea peirawawa! Senhor Deusuũ, ẽ berunã ẽ hãtxa tapĩkĩ ẽ unãriamaki”, akĩ

Jeremias 1:7

ẽ haska wabia Senhor Deusũ ea yuikĩ: “ ‘Ẽ berunãki’, ikĩ yuiyamawe. Hanu ẽ mia yunuai anu mĩ kakũkaĩshanaii. Haska ẽ mia hãtxamai hãtxakĩ mĩ hatu yuikubaĩshanaii.

Daniel 2:21

Hanu bari tibi uitiã inũ bariãtiã ha tashnimamistunã, Deusũ besti atiruki. Haska wamis shũ shanẽ ibu betsa putakĩ nitxĩtã hawẽ shãtukũ shanẽ ibu betsabu tsaũtiruki. Unanepabu unãmamiski. Tsuara tapinika hawaira tapĩmamiski.

Daniel 4:25

Mĩ shanẽ ibubiakẽ txai tari yurabu pashkatã mĩ hiwenũ mia nitxiãbu inabube hiweshũ ina awa keskakĩ basi mĩ pikubaĩshanaii, basnũmã mĩ yura txa akubainarã. Deus kushipahaira dasibi hatu binua yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis mĩ tapĩriama yuinaka keskai 7 ano hiwekũkaĩkĩ atimas tapĩtã mĩ unãshanaii.

Daniel 4:32

Tari mĩ benãta hiwenũ minabũ mia nitxĩshãkanikiki. Inabube hiweshũ ina awa keskakĩ basi mĩ pikubaĩshanaii. Deus kushipahaira dasibi hatu binuatũ yurabu shukuabu tibi manibaunabu yunukĩ tsuabura shanẽ ibu wakatsi ikĩ ibubis katutiru mĩ tapĩriama yuinaka keska 7 ano hiwekũkaĩkĩ atimas tapĩtã mĩ unãshanaii”, akaya

Daniel 5:18

Ẽ mia yuishunai ea nĩkawe. Hawẽ hãtxa nĩkakĩ dasibibũ hau hawẽ kena unãkubaĩshanũbũ mĩ hutxi Nabucodonosor kushipa wakĩ Deus kushipa dasibi hatu binuatũ shanẽ ibuhaira wanishũ duawakubainiki.

Daniel 5:21

hau tari hiweyukũkaĩshanũ nitxiãbu dami betsai yuinaka keskai jumento inamabe hiweshũ ina awa keskakĩ basi pikubaini basnũmã hawẽ yura txa akubaina Deus kushipahaira dasibi hatu binuatũ yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis tapĩriama yuinaka keskai hiwekũkaĩkĩ atimas mĩ hutxĩ tapĩkĩ unaniki.

João 10:9

Hakia hanu hikiti shuirã, ẽ eaki. Tsuara eanu hikiaibu ẽ hatu mekekubaĩshanaii, Deusunabu hatu wakinã. Txashuwã meke pehairawakĩ hatu bitxitã kaĩmakĩ basi pepa pimakĩ ẽ hatu ama keska wakubaĩshanaii.

1 Samuel 18:16

hakia hatube detenamenũ ika butã butanaibũ Davĩ hatu pe yunukubainaiwẽ taeshũ Israelĩ enabu inũ Judá enabu dasibibũ Davi betxipaiaibũ