26 hakia nemakĩ hawẽ bake hiweawẽ nuihairakĩ hawẽ ewa kayabitũ shanẽ ibu yuikĩ: —Ẽ shanẽ ibuũ, haskamaki. Ea nĩkawe. Na bakeishta tenãma aĩbu betsa inãwẽ— aka hakia aĩbu betsã yuikĩ: —Enama inũ minamaki, nũ ikairã, hau tuash anũbũwẽ— ikaya
hawẽ betsa kayabiwẽ nuihairai kashakatsis iki hawaira hawẽ dĩtu merã hikikaĩ kasha txakayamai
shanẽ ibũ hatu yunukĩ: —Ha bake hiwea namakis meshtetã ha aĩbu dabe hatu inãkãwẽ— hatu wa
shanẽ ibũ hatu nemakĩ kemakĩ: —Bakeishta hau mawayamanũ ha aĩbũ benukatsis ikamarã, txanima hawẽ ewa kayabiki. Ha bakeishta tenãma ha inãkãwẽ— hatu wa ma bakeishta inãbu
Mĩ shinanã, aĩbu betsanã, hawẽ bake kayabi betxipaibiakĩ hakimakĩ henetirumẽ? Hawẽ bake kayabibia hakimatiruki. Hakia earã, Siãonẽ, ẽ mia hawa hakima taskatirumaki.
Haska inũ, hãtxa txanima nĩkakatsi ikamarã, hãtxabiatã aisbumarã, tsuawẽ nuisbumarã, tsua merabenãma hiwemisbuki.
Haska inũ, matube dasibi haibunaĩ nũ pekubainiburã, Deusũ nuku unaĩkiki, Jesus Cristõ nui duapa ea inã ẽ matu ashuniwẽ taea matukiri ẽ hakimaismaki.
Cristõ hawẽ kuxipa matu inãkinã, hawẽ xinã txãkãkaĩti matu inãniki. Mã nui haya matũ betsabu ha xinãwẽ matu yunua mã hatu daewatiruki. Tsuara mã Cristoki dasiarã, habias Yushĩ mã haya ikũwaĩ betsabuwẽ hatuya nui mã kashakũkaĩtirubuki.
Yura betsabu duawatikiri xinãma inũ, hawa hatuki nuitimakiri xinãma inũ, yuãnanãti besti xinaĩ inũ, hatũ hiwea mekekĩ pewama pubẽ besti xinãkĩ hawara pepa Deusũ abumis danaĩ haki sinatashãkanikiki.
Hakia tsuara mabuhairayatũ ikũwaĩbu betsa nuitapai uĩbiai beru txãkãshũ hatu merabewama hawa inaĩsmarã, hawa Deusũ nui hayamaki.
