13 Ha inũ, haska mĩ ea yukama ibiashu mabu inũ pei mirima inũ hawara hawẽruahaira haska uĩsbuma ẽ mia inãriakubaĩshanaii. Mĩ hiweyukũkainaya shanẽ ibuhaira betsa mia keska hayama ishanikiki.
Unanepawenã, aĩbu duapa keskakĩ nekerishũ mĩ hiwea txaipa mia inãyã ukerishũ mabu pepa inũ yurabũ mia duawakubainai mĩ haska hiwekũkaĩtiruki.
Maiti hawẽrua keska mia sawematã unanepã mia duawakubaĩshanikiki”, ea wa ẽ nĩkarianiki.
Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.
Haska inũ, hawẽ bake hawa yauxitaskama yunua tashnitã mawakĩ nukubu nukũ txakabu nuku buashuniwẽ taeshũ nũ habu Jesus Cristoki dasiabu hawẽ taeshũ nuku duawakĩ hamapai tibi hawẽ bakewẽ nuku ashunishũ Deusũ nuku ashũkubainikiki.
Haska inũ, hamapai nũ yukamis inũ hamapai betsa betsapa nũ xinãriama inũ nũ yukariama hawẽ kuxipahairawẽ Deusũ nuku ashũtiruwẽ taeshũ niti ikama kẽwanãkãwẽ.
