1 Reis 22:36 - Kaxinawá Bíblia (BR)

^36-37 ma bari kaya hawẽ detenamenikabu hatumebi yuinamekĩ: “Nukũ shanẽ ibuhaira ma mawashuki. Ana tsuã nuku yunutimaki. Inũ burinãkãwẽ”, iake iaketã Síria nawabu henebaini buaibũ, hawẽ maewã Samaria anu shanẽ ibuhaira Acabẽ yura bui haya kashakubaĩkĩ mai wanibukiaki.

1 Reis 22:36 교차 참조

2 Samuel 19:8

hawẽ hãtxa nĩkatã kasha nesetã benitã kaĩkaini ka maewã hikiti shui beputi kesha tsaukẽ: “Shanẽ ibu Davi mae hikiti anu ma tsauaki”, itã txanibaunaibu nĩkatã Davi tsaua bebũ dasibibũ daewai beabu hanushũ hãtxa pepawẽ Davĩ hatu ana benimawanikiaki. Israelĩ enabu shukuabũ Absalão txibãbiai hatũ hiwe tibi anua pashaimabu

1 Reis 12:16

shanẽ ibuhaira Roboãonẽ haska betxipaiaibu hatu ashũkatsi ikama hawa hatu nĩkama ibubis ikaya Israelĩ enabu shukuabu shanẽ ibubu inũ anibu unanepabũ uĩkĩ unãtã hawaira yuinamei shinã betsaibũ habias shinaĩbu keska huni betsã hatu kemashũkĩ hui kushipawẽ shanẽ ibuhaira yuikĩ: “Txanima, nukuburã nũ hawa Davĩ enabumaki. Jessé enabube hiwekũkaini nũ hawa hatũ hamapai biama ikũkaĩshanaii. Davĩ enabu shukuabu bestitxai ibubis hatumebi shanẽ ibutirubuki. Haskakenã, enabu Israelbuũ, nukũ hiwe tibi burinãkãwẽ”, hatu wa hawẽ hãtxa nĩkatã henebaini Israelĩ enabu 10 shukuabu nortekiri hatũ mae tibi hawaira buake buakeaibũ

1 Reis 12:24

“Senhor Deusũ matu yunuikiki. Matũ betsabu Israelbuberã, ana hatube detenameyamakãwẽ. Haska shinãkĩ ẽ matu pashkaimawẽ taea matũ mae tibi anu txĩtũbaĩkãwẽ”, akĩ hatu ea yuishũtãwẽ— aka Semaías kashũ ha detenamenikabu hatũ shanẽ ibubube Senhor Deusũ hãtxa hatu yui keyua haska Senhor Deusũ ma hatu yunua nĩkatã Roboão henebaini Senhor Deusũ hãtxa ikũwaĩ hatũ mae tibi txĩtuaĩbũ

1 Reis 22:17

hanushũ Micaíasĩ yuikĩ: “Mati matipa anu Israelĩ enabu dasibi pashkai sa iki keyuabu, txashuwã itxapa mekenikauma keskabu ẽ uiãyã Senhor Deusũ ea yuikĩ: ‘Haburã, ibu hayabumaki. Hatũ hiwe anu txĩtũbaini unanuma bestibu hau bunũbũwẽ’, akĩ ea yuishuki”, aka

1 Reis 22:31

hakia hawẽ cavalõ tarãbaĩti detenamenikabu hawẽ bumisbu 32 shanẽ ibu beshmasbu Síria nawa shanẽ ibuhairatũ hatu yunukĩ: —Detenamei taebaũkinã, Israelĩ enabu shanẽ ibuhaira Acabe ha dukũ betxitã betsabukiri shinãma ha besti tenanũ, iwanã, txibãshãkãwẽ. Hatu ashiãwẽ taeshũ

1 Reis 22:35

dia hirabi detenamehairaibũ hawenabu datei hau pashayamanũbũ Síria nawabu bebũ hawenabu detenameaibũ hakia hatũ petxiuri nia hawẽ cavalõ tarãbaĩti anu hawẽ himi shuru shuru iki Acabe nibiabai babui punu nukatã hawẽ tarãbaĩti namaki himi mataya bari hikiaya mawai di ikaya

1 Samuel 4:10

Filisteu nawa detenamenikabu kushibaĩ hawaira Israelĩ enabu hatu maemakĩ detekĩ keyuabu hatiri pashai hatũ mae tibi anu buabũ itxapahaira tenãkĩ hatu deteabu 30.000 Israelĩ enabu maĩ bua detenamenikabu ma mawai keyuabũ