1 Reis 19:19 - Kaxinawá Bíblia (BR)

¹⁹ Senhor Deusũ hãtxa nĩkabirani hanua Elias kai hanushũ Safatẽ bake Eliseũ hawẽ bai anu hawẽ mibã banakatsis ikĩ ketashamebaĩbaina 12 ina awa dabe hi tekishkũrabea habiaskas txitxibaina hawẽ tsumabu mai sheshati awa sharamabaĩkĩ hatu yunubaĩkĩ Eliseũ hatũri hawẽ henekĩ mai mishpu wakĩ ana pewabainaya Eliasĩ betxibirani haki nukunũ ika kakĩ daĩbaĩkĩ Eliseuki hawẽ yabukuti haki puẽkĩ peyabubaini kaya

1 Reis 19:19 교차 참조

1 Reis 19:13

haskai nĩkatã hawẽ datei Elias hawẽ yabukutiwẽ hawẽ besu beyabukutã tashnikirã kini kesha nikẽ, hãtxa tashnikĩ yuikĩ: “Eliasiĩ, mĩ hawa shinãbirãshina hanu nia ikai?” aka

1 Reis 19:16

Ana kai Ninsĩ baba Jeúki nukushũ Acabẽ shãtukũ hau Israelĩ enabu shanẽ ibuhairashanũ sheni ininipa maukakĩ katuriatãwẽ. Ana kai mae betsa Abel-Meolá anu Safatẽ huni bake Eliseuki nukushũ mĩ shãtukũ hau ẽ hãtxa hatu yuishunika ishanũ sheni ininipa maukakĩ ea katushũriatãwẽ.

2 Reis 2:8

hanushũ hawẽ yabukuti Eliasĩ pekatã sebikĩ txaipa watã hawẽ hene bekusha, hene dami hamebi tuash iki niti ikẽ ha dabe mai tsusĩ anu pukebaini

Êxodo 3:1

Habiatiãri hawẽ kuka Reuel, hawẽ kena betsa Jetrorã, Midiã anu hiwea hawẽ txashuwã Moisĩ basi pimashũkubaini txaihaira kakũkaini hanu tsua hiweabuma anu hatu iyui kai hanu Deusbe hãtxati mati keyatapa hawẽ kena Horebe tenamã Moisés hikikẽ

Amós 7:14

hakia Amósĩ kemakĩ yuikĩ: —Earã, ẽ Deusũ hãtxa yuishunikamaki. Ha inũ, ibubis ẽ haska yuitirumariki. Hakia earã, ẽ Deusũ hãtxa yuishunikatũ bakemariki. Hamẽ ha dayakĩ ẽ hamapai ẽ bimisrã, txashuwã mekekubaĩkĩ inũ figo ni meranua hawẽ bimi tsekakubaini ẽ hawẽ hiwekũkainimaki.

Amós 7:15

Hakia habiatiãri txashuwã ẽ mekebiakẽ Senhor Deusũ ea henematã ea yuikĩ: “Enabu Israelbu norte anu hiweabu anu kashũ ẽ kushipawẽ ẽ hãtxa ea hatu yuishũkubaĩtãwẽ”, iwanã, ea nitxĩmaki.

Hebreus 11:37

Ha inũ, betsarã, Deus ikũwaĩwẽ taeshũ betsabu mãkãwẽ hatu tsaka tsaka akĩ hatu tenãpakeaibũ betsabu hawẽ hi nisatiwẽ hatu meshtekĩ nisanibukiaki. Deus hatu danãmakatsi ikĩ hamapai xarabu bika hatu tenemakĩ hatũ nupe txaipawẽ betsabu hatu detekĩ tenaĩbũ betsabu itxakawakĩ hatu nuitapawabu pashai hamakiri kakĩ txashuwã bitxi tari besti sawea yumãhairakubainibukiaki,

Juízes 6:11

Hanua mae betsa Ofra anu huni betsa Abiezerĩ enabu Joás ika anu Senhor Deusũ nai tsuma kushipa tashnia hi ewapa kushipa namã tsaua habianuri hanu haki vinho wanũ ishũ uva bimi pema pema akĩ hawẽ hene shuru shuru amisbu anurã, hau Midiã nawabũ uĩyamanũbũ hunetã Joásĩ huni bake Gideãonẽ ha mesti shekiwã tsekakĩ maiki kusha kusha akĩ shemeaya

1 Samuel 11:5

Saul hawẽ bai anu dayatani hawẽ ina awa dabe hi tekishkũyã dabeyabe hui yuka ikĩ: —Nukunabu haskaimẽkaĩ? Haskai kasha txakayamakanimẽkaĩ?— hatu wa Jabes anua hunibu hushũ hatu kaka yuikãshu habias kaka Saul banabimabu

1 Samuel 28:14

Saulũ yukakĩ: —Haskara tashnikiranai mĩ uiaĩ?— aka kemakĩ aĩbũ yuikĩ: —Huni mestebuhaira tariwẽ yabukukiranai ẽ uiaiĩ— aka nĩkatã Samuelki ikĩ unãtã haki datei dãti iki maiki beti ikẽ