1 Reis 19:1 - Kaxinawá Bíblia (BR)

¹ haska Eliasĩ ashu inũ haska Baalĩ hãtxa yuishunikabu dasibi hatu tesẽmashu Acabẽ hawẽ aĩ Jezabel banabimawẽ

1 Reis 19:1 교차 참조

1 Reis 16:31

Nebatẽ bake Jeroboãonẽ Senhor Deus danãkĩ txakabuwakubaini keska wakĩ Acabẽ hawa shinãma ana atimapahairakĩ Sidom nawa shanẽ ibu Etbaal aĩbu bake Jezabel aĩwãtã hatũ mekenika yushibu hawẽ kena Baal duawakĩ kẽwãkubaĩkĩ taewanikiaki.

1 Reis 18:40

hanushũ Eliasĩ hatu yuikĩ: —Baalĩ hãtxa yuishunikabu dasibi hatu atxikãwẽ, hau betsa pashayamanũbunã— hatu wa hawaira hatu atxiabu pashku netsu Quisom anu hatu matxi butemabaĩ Eliasĩ harishũ hatu yunua dasibi hatu tesẽ keyuabũ,

1 Reis 21:25

Acabe haskanikiri matu yuinũ ea nĩkakãwẽ. Acabe shanẽ ibukĩ shanẽ ibu tibi haska iriabuma hawẽ aĩ Jezabelĩ shinã txibãkĩ Senhor Deus sinatamakĩ txakabuwakubainikiaki.

Jeremias 36:26

Hakia Deusũ hãtxa yuishunika Jeremias inũ hawẽ keneshunika Baruque hau atxitanũbũ hawẽ bake Jerameel inũ, Azrielĩ huni bake Seraías inũ, Abdeelĩ huni bake Selemias shanẽ ibuhaira Jeoaquimnẽ hatu yunua bushũ benahairabiabaunabu Jeremias inũ Baruque merabewakĩ Senhor Deusũ hatu hunenikiaki.

Hebreus 11:34

Betsabu itxakawakĩ tenãnũ, iwanã, txi merã hatu putabu Deus ikũwãkĩ hawẽ kuxipawẽ txi nematã hawa menuama kaĩnibukiaki. Betsabu nupe hawẽ detenameti bestiwẽ hatu detepanãbũ Deus ikũwaĩbuwẽ taea pashanibukiaki. Haskakẽ huĩti babubũ ikũhairawakĩ taewaibu Deusũ hatu kuxipa wakubainaya nawabũ Deusũ enabuki sinataibu detekatsis ikaibu maemakĩ hatu pashamanibukiaki.