1 Reis 18:7 - Kaxinawá Bíblia (BR)

⁷ ma bai betsawẽ pashkabaini buaibũ Eliasri tashniriakirani Obadiaski nukuai Elias unãtã ha bebũ di itã beti ishũ yuikĩ: —Mĩ ẽ shanẽ ibu Eliasrã, habia mĩ miamẽ?— aka

1 Reis 18:7 교차 참조

Gênesis 18:2

Abraão bewenikitã ha bebũ huni dabe inũ besti mapuabu hatu betxitã hatu inũ ika beni kushikaini hatuki nukutã hawẽ beya txibaĩ dãti iki beti itã

Gênesis 44:16

Judá kemakĩ: —Shanẽ ibuhairatuũ, harakiri nũ mia yuitima kaya mĩ nuku waii. Haska wakĩ nũ hawa yumetsuama ishu haskatã nukumebi nũ petirumaki. Haskakẽ nũ txakabuwaniwẽ taeshũ Deusũ nuku unãti washuki, nuku kupinũ ishunã. Mĩ kẽtxa txashakapa tsuãra saku anua mĩ tsumapã betxishuwẽ taeshũ ha bestima nuku dasibiri mĩ dayaru escravo nuku wariwe— aka

Gênesis 44:20

Txanima mia yuikĩ: “Nukũ epa inũ nukũ betsa mashku nũ hayaki. Nukũ betsa mashku habias shãkĩki nanea mawanikẽ ha mesti hiweaki. Anibubiatũ nukũ epã nukũ betsa mashku bawaniki. Haskawẽ taeshũ nukũ epã nukũ betsa mashku betxipaihairaikiki”, akĩ nũ mia yuiwanimaki.

Gênesis 44:33

Haskawẽ taeshũ ẽ betsa mashkuwẽ taearã, ea awe, hawẽ shãtukũ bashikĩ dayaru escravo wakinã. Hanua ẽ betsa mashku hawẽ betsabube ea yunushũwẽ, hau hatube katanunã.

Gênesis 50:18

hanua hakimamari hawẽ betsabu kayabi bua ha bebũ dashka ikaĩ beua beti ika manishũ yuikĩ: —Nukurã, nũ mĩ escravoki. Nuku haskara wariwe— akabu

2 Samuel 19:18

Hene Jordão pukebaĩ shanẽ ibuhaira Davĩ enabu inũ hatũ mabu beshunũ ika bushũ mabu pewabu kemawatã hene pukematãtãkĩ haska wakĩ hatu merabewaya hakiri Davi pe shinãyã Hene Jordão Davi pukenũ ika kapanã Simei hatũ mishki puta puta akima kai Davi bebũ maĩ di ika beushũ datekĩ

1 Reis 11:29

shaba betsatiã Jerusalém anua kaĩkaini kai mae betsa Siló anua Deusũ hãtxa yuishunika hawẽ kena Aíasĩ yabukuti bena sawea bai putxinĩ Jeroboãoki nukutã ha dabe besti nia tsuã uiãma inũ tsuã nĩkabumakẽ,

1 Reis 18:6

hawẽ maewã Samaria kesukauna anu kai pashka dabetã uĩbaunũ ika shanẽ ibuhaira Acabe bai betsawẽ kaya Obadias bai betsawẽri kaya

1 Reis 18:8

kemakĩ Obadias yuikĩ: —Haa, habia ẽ eaki, Eliasrã. Kashũ mĩ tsuma yuiritãwẽ, ẽ nenu niakirã— aka

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Números 12:11

datehairakĩ Moisés yuikĩ: “Ẽ Shanẽ Ibuũ, ẽ nuitapai mia ea apa? Unaĩsmapai patapai nũ txakabushuwẽ taeshũ nuku kupiyamawe. Bakeishta kaĩriama ma debua txapui taei kaiã keska nukũ pui Miriã haska kupitã heneyamawe”, aka

Mateus 11:8

Haskamẽ? Haskamaraka? Haskara hakiri kaĩaĩ mã uĩtãtanimamẽ? Hunĩ tari pepa sawea daka? Tari pepa sawea mabu akũhairayabu hatũ shanẽ ibũ hiwe hawẽrua anu besti hiwea ikaibu mã uĩtiruki.

1 Samuel 20:41

hawẽ tsumapã bushuĩ ma kakẽ mishki ture mãtxĩkĩ maspuanibu petxiuria Davi tashnikirã: “Mĩ haska wakĩ ea pehaira washuki”, aki Jônatas bebũ Davi dãti iki dabe inũ bestiki maiki beti beti itã benikauã nia hatũ beya txibaĩ habe tãtsu irabetã habe kasha txakayamai Davi hui teris iki teshatã