1 Reis 18:36 - Kaxinawá Bíblia (BR)

³⁶ Jerusalém anushũ Senhor Deus kẽwãti hiwe anushũ inabu hirabi kuaibu habiatiãri Deusũ hãtxa yuishunika Eliasĩ txi tapu dapi nishũ hui kushipawẽ yuikĩ: —Abraão inũ, Isaque inũ, Israel mekenika Senhor Deusuũ, Israelĩ enabu dasibi mekenika Deus mĩ mia inũ ẽ mĩ tsuma mĩ ea yunushinawẽ taeshũ natiã dasibi ẽ abaũshu uĩkĩ hau unãhairanũbũ ikis hatu uĩmawe!

1 Reis 18:36 교차 참조

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

Gênesis 32:9

hanua bika tenei Deusbe hãtxakĩ: “Senhor Deusuũ, mĩ ẽ hutxi Abraão Deus mekenika mĩ ikũkainiki. Mĩ ẽ epa Isaque Deus mekenika mĩ iriakũkainaii. Haskawẽ taeshũ ea yuikĩ: ‘Mĩ mae anu ana kawe. Minabu anu ana kawe. Mĩ hari ka harishũ ẽ mia duawashanaii’, akĩ mĩ ea yubaimaki. Txanima mĩ ea duawaii. Nenua kairã, ẽ mestẽti bestiya ẽ kaniki, na Hene Jordão pukeirã. Hakia na eskatiã yura mani dabeya Hene Jordão ẽ ana pukei kaii. Ẽ haska kainaya ẽ betsa Esaú eki sinatai ea mekewe. Hushũ aĩbu bakeya dasibi tenaĩkiki, ika ẽ haki dateaii. Mĩ ea yuikĩ: ‘Ẽ mia duawakĩ mĩ bababu ẽ pa washanaii, mashiti tsuã tanatiruma wakinã’, akĩ mĩ ea yubayamaki. Haskawẽ taeshũ ẽ betsa Esaú anushũ mekekĩ ea itxakawamayamawe”, atã

Gênesis 46:3

hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

2 Samuel 7:26

Mĩ kena kushipa kẽwãkĩ shabakabi yui: ‘Senhor Deus kushipahaira dasibi binua Israelĩ enabu mekenika Deuski’, ikĩ hau mikiri hãtxakĩ dayuikubaĩshanũbũwẽ, heneamarã. Mĩ hatu mekea Davi mĩ tsumapã enabũ mia nĩkai hau pe hatu shanẽ ibushũkubaĩshanũbũwẽ.

1 Reis 18:21

Israelĩ enabu dasibibu ma itxabu anu Elias hatu dapi kashũ yuikĩ: —Na shinã daberã, hatiã kaya mã ana taewabaĩshanai? Senhor Deusrã, hawẽ mekenika Yushĩ Kayabikenã, ha besti txibãkubaĩkãwẽ. Hakia Baalrã, hawẽ mekenika Yushĩ Kayabikenã, ha bestiri mã txibãkubaĩtirubuki. Haratura katukãwẽ, ha dabe txibãmarã— hatu wa ha yurabu hawa hãtxa betsa taska yuimabumakẽ

1 Reis 18:29

ma bari mananãbi binukainaya hawa heneama nishi pae aka paeã keska unãyamasi sai sai iki ishtxu ishtxu ibiakubainaibũ tsuã nĩkatã hawa tsuã huiwẽ hatu kemamakẽ ma hanu bari kaitiã Jerusalém anushũ Senhor Deusũ kẽwãti hiwe anushũ inabu hirabi hanu hatu kuashũmisbu kemaya Baalĩ hãtxa yuishunika dasibibũ yukakĩ heneaibũ tsuã hawa kemama inũ tsuã hawa hatu nĩkamawẽ taeshũ

1 Reis 18:35

hanushũ kẽwãti txi tapu mishkiri metxa wakĩ mai pukĩbauna anuri ũpash matai keyua

1 Reis 18:37

Mĩ hatũ mekenika Deus Kayabi anu hau mia ana txibãkatsi txĩtunũbũ hatu kenawe. Na yurabu mapubaunabũ hau unanũbũ Senhor Deusuũ, ea kemawe! Txiwẽ ea kemawe!— atã

1 Reis 22:28

Micaíasĩ Acabe ana yuikĩ: —Haska mĩ unanuma txĩtũshanaikiri Senhor Deusũ haska ea hãtxa wakĩ yuiama ishuki— ikaya dasibi yurabu hemaĩtĩ itxai keyuabu nĩkaibũ

2 Reis 1:10

Eliasĩ kemakĩ yuikĩ: —Ẽ Deusũ hãtxa yuishunikarã, na habiatiã mã uiaiĩ. Nai anua txi here hi ibirã matu kuakĩ yamawaikiki— akaya hawaira nai anua hatuki txi here hi ibirã hatu kuakĩ yamawaya

2 Reis 1:3

habiatiãri Senhor Deusũ nai tsumã Tisbé anu hiwemis Elias yuikĩ: “Samaria anua hãtxa bunikabu shanẽ ibuhaira Acaziasĩ ma hatu yunua bekanikiki. Hatuki nukutãwẽ. Hatuki nukutã hatu yukatãwẽ: ‘Israelĩ enabu mekenika Deus hayamamẽ? ha mae Ecrom anu nawabũ yushibu Baal-Zebube anu mã yuka ishuĩ kairã?

2 Reis 1:6

habũ kemakĩ yuikĩ: —Nũ kai bebũ huni betsa nukuki nukushũ nuku yuikĩ: “Harishũ shanẽ ibũ matu yunushu anu ana txĩtũribaĩkãwẽ. Haska Senhor Deusũ ea yuishu matũ shanẽ ibu yuiritãkãwẽ: ‘Israelĩ enabu mekenika Deus hayamawẽ taeshũ Ecrom anu nawabũ yushibu Baal-Zebube anu hau mĩ tsumabũ mia yukashunũbũ mĩ hatu yunushuwẽ taea mĩ dakati anua beniama mĩ mawaii’, akĩ Senhor Deusũ eska yuikiki”, akĩ nuku yuiawẽ taea nũ txĩtũshuki— akabu

2 Reis 19:19

Senhor Deusuũ, mia besti mĩ mekenika Deuski”, iwanã, “Mai hirabi anu yurabu shukua betsa betsapabũ hau mia unãkĩ tapĩkubaĩshanũbũ Senhor Deusuũ, mĩ nukũ mekenika Deuswẽ taeshũ ikis Assíria nawabu kushipabu nuku nemashũkĩ nuku mekekubaĩshãwẽ”, ikaya

2 Reis 5:15

hawẽ yura ma shusha uĩtã Naamã inũ habe beshiãbu Eliseu anu ana txĩtũbaini haki nukunũ ibaini Eliseu tashnia nia Naamã haki kematã yuikĩ: —Nenu Israelĩ enabu anu Deus Kayabi hayaki. Ikis ẽ ikũwaiĩ. Txanima mai hirabi anu Deus betsa hayamaki. Ẽ mĩ dayaruwẽ taeshũ hawara pepa mia inãkuinũ ishũ ẽ mia ea akaii— aka

2 Reis 5:8

shanẽ ibũ kene uĩtã datekĩ hawẽ tari ushnishina txanibaunaibu Deusũ hãtxa yuishunika Eliseũ nĩkatã Israelĩ enabu shanẽ ibuhaira anu hau hãtxa bunũbũ: “Haskakĩ mĩ tari mĩ ushnishinamẽ? Ha huni ea anu yunuwe, hau ea uĩyununã. Hatũ ẽ Deusũ hãtxa yuishunika Israel anu ẽ hiwea hau tapĩyununã”, hatu wa bushũ shanẽ ibuhaira yuiabu,

Êxodo 3:6

ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ

Êxodo 4:5

Senhor Deusũ ana yuikĩ: —Na ẽ mia haska wamashurã, mĩ hatu uĩmaya txanima ẽ miki nukutã mibe hãtxashu mia ikũwãshãkanikiki, earã, ẽ matũ shenipabũ Deuski, Abraão mekenikarã, Isaque mekenikarã, Jacó mekenikarã—

Ezequiel 36:23

Hatu anushũ mã ea txitekĩ yuãbiaya ha nawabu bebũshũ ẽ kena meribi kushipa ẽ hatu uĩmashanaii. Ẽ hatu haska washuna ea uĩ ea besti ẽ Senhor Jeová habũ ea unãkubaĩshãkanikiki. Ea Senhor Deusũ ẽ hãtxa txanima ẽ mestẽwaiĩ.

João 11:42

Ẽ mia yuka nĩkatã mĩ ea merabewakubaĩmiski. Mĩ ea yununirã, na ebe mapubaunabũ hau ea uĩkĩ ikũwanũbũ shabakabi ẽ mia yukaii— itã,

Hechos 10:30

Cornéliõ kemakĩ: —Ma shaba dabe inũ dabetiã ka na habia baritiãri 3:00 da tardekẽ ẽ hiwe anua samakekĩ Deus kuxipa ẽ ea akaya ẽ besuuria Deusũ nai tsuma betsa tari hushupa txashahaira sawea nishũ

Hechos 3:1

Hanua shaba betsatiã ma 3:00 da tardekẽ judeubũ Deus yukamisbutiã Pedro inũ João Templo anu buaibũ

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Efésios 3:14

Haskawẽ taea mã judeubumakiri nukũ Epa Deus bebũ dãti itã ẽ matu kuxipa yukashũmiski,