1 Reis 18:18 - Kaxinawá Bíblia (BR)

¹⁸ Eliasĩ kemakĩ yuikĩ: —Haskamaki. Israelĩ enabu eã ẽ hatũ shinã itimaska waismaki. Hakia Senhor Deusũ yunuti hãtxa danãkĩ henenishũ mia inũ minabũ yushibu Baal dami betsa betsapa duawakĩ mã kẽwãkubaĩmiswẽ taeshũ Senhor Deusũ matu kupikubainikiki, ui matu inãmarã.

1 Reis 18:18 교차 참조

1 Reis 16:31

Nebatẽ bake Jeroboãonẽ Senhor Deus danãkĩ txakabuwakubaini keska wakĩ Acabẽ hawa shinãma ana atimapahairakĩ Sidom nawa shanẽ ibu Etbaal aĩbu bake Jezabel aĩwãtã hatũ mekenika yushibu hawẽ kena Baal duawakĩ kẽwãkubaĩkĩ taewanikiaki.

1 Reis 16:32

Hanushũ hawẽ maewã Samaria anu ha yushibu Baal kẽwãti hiwe inũ hawẽ kẽwãti txi tapu hatu wamanikiaki.

1 Reis 21:25

Acabe haskanikiri matu yuinũ ea nĩkakãwẽ. Acabe shanẽ ibukĩ shanẽ ibu tibi haska iriabuma hawẽ aĩ Jezabelĩ shinã txibãkĩ Senhor Deus sinatamakĩ txakabuwakubainikiaki.

1 Reis 21:26

Israelĩ enabu hau hanu hikinũbũ Amorreu nawabu Senhor Deusũ hatu nitxĩbianikẽ hawẽ yushibubu dami Acabẽ hawẽ aĩbetã duawakĩ kẽwãkubainaya hune hawenabũ haskakiri hatu betxipaiama inibukiaki.

1 Reis 9:9

tsuãra kemakĩ yuikĩ: ‘Hatũ mekenika Senhor Deusũ hatũ shenipabu Egito anua hatu tashnimabiabirani hawẽ hãtxa habũ danãkĩ ana txibãma yushibu betsa betsapa duawakĩ kẽwãkubainaibuwẽ taeshũ txakabu betsa betsapa hatu anu yunukĩ Senhor Deusũ hatu kupinikiaki’, akĩ yuikubaĩshanikiki”, iki Senhor Deus Salomãobe hãtxanikiaki.

Provérbios 11:19

Yunuti hãtxa pepa kushipa txibãkubaini hiwea kayabi anu kashanikiki. Hakia txakabu akaibu txibainã, hawẽ taea mawa kayabi anu kashanikiki.

Provérbios 13:21

Habũ txakabu mekubainaiburã, hatũ txakabuwẽ betsa betsapa tenemisbuki. Hakia pepabunã, manakuti pepa bi hawẽ benimamisbuki.

Provérbios 5:22

Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

Jeremias 2:19

Mã haskamiswẽ taea matũ txakabuwẽ ibubis mã kupiti bikubainaii. Duawakĩ mã ea nĩkaismawẽ taea ibubis mã benushanaii. Ẽ ea Senhor Jeová ẽ matũ mekenikabia mã ekiri hãtxai peama ea henekubaĩmisburã, mesehaira inũ txakabuhaira mã tenekubaĩshanaii. Haska uĩkĩ mekĩ shinãkubaĩshãkãwẽ. Ẽ Senhor Deus kushipa dasibi binuawẽ taea ẽ hãtxa ẽ mestẽwaiĩ”, iwanã,

Jeremias 38:4

hanua habu shanẽ ibu beshmasbu hatũ shanẽ ibuhaira anu bushũ yuikĩ: —Nukũ detenamenikabu inũ nukunabu nenu hiweyuabũ Jeremiasĩ hãtxa nĩkai datemisbuwẽ taeshũ ha huni hau tenanũbũwẽ. Nukunabu hãtxa pewama hatu hãtxa txakabu besti yuikĩ mesewakubaĩmiski— akabu

Ezequiel 3:8

Hakia habu keska ẽ mia wariaii, mĩ besu inũ mĩ huĩti mia kushi wakinã.

Hechos 24:13

Haskawẽ taeshũ ha hunibũ mia haskakiri yuiaibuwẽ taeshũ hatũ hãtxa kayabi hawa hayamaki.

Hechos 24:20

Beabumakẽ nukũ shanẽ ibubu Sinédrio itxashũ ea unãti wakĩ hawara ẽ txakabuwamis ea tapĩxĩshũ na shanẽ ibubũ mia haska yuikeãkanaii.

1 Samuel 14:29

Jônatasã kemakĩ: —Ẽ epã hatu nemakĩ nukunabu itxakawakĩ hatu yubawẽ taea mã ma babuaki. Buna bata eskarabes mekĩ ẽ pia ẽ yura ẽ ma ana kushipashuki. Uĩwẽ.