1 Reis 17:13 - Kaxinawá Bíblia (BR)

^13-14 Eliasĩ kemakĩ yuikĩ: —Dateama ẽ hãtxa nĩkawe. “Israelbũ Deusũ ma nuku pewashinaki. Mai anu Senhor Deusũ ui ana imariamakẽ mĩ shekiwã duru shumu merã inũ mĩ piti sheni shumu betsa merã mĩ hayarã, netsuama ikũkaĩshanikiki.” Haskawẽ taeshũ dateama ea bawashũtãwẽ. Ha dukũ mĩ haya misi hatiuma washũ ea beshũwẽ. Haska watã txipu mina inũ mĩ bakena misi betsa mĩ bawatiruki— aka

1 Reis 17:13 교차 참조

Gênesis 26:24

meshu merã Senhor Deus haki nukushũ Isaque yuikĩ: —Dateyamawe. Ẽ mĩ epa Abraão mekenika Deuski. Hawara ẽ yunua Abraão txibãkĩ akubainiki. Haskawẽ taeshũ haibuwakĩ ẽ mia duawariashanaii, minabu itxapa mia pa washũkinã— atã kakẽ

1 Reis 17:12

niti itã kemakĩ yuikĩ: —Haska mĩ mekenika Senhor Deus hiwekẽ ẽ mia parãmaki. Hawa misi ba ẽ hayamaki. Shekiwã duru mespu besti shumu merã ẽ mekea inũ piti sheni eskarabes shumu betsa merã ha besti ẽ hayaki. Ẽ huni bakena inũ ena na habiatiã keyu hawẽ bawakatsi ẽ karu benayuaki. Hatis besti bawashũ pitã txipu buni tenei nũ mawashanaii— aka

2 Reis 6:16

Eliseũ yuikĩ: —Nukũ merabenanikatunarã, hatuna binuaki, habutimarã. Hawa dateyamawe— iwanã,

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Provérbios 3:9

Hawara dasibi mabu mĩ haya inũ mĩ mibã ha dukũ bimi taeai tsekashũ Senhor Deus duawakĩ ha dukũ inãkĩ hawẽ kẽwãkubaĩshãwẽ.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:13

Hakia earã, Senhor Deus ẽ matũ mekenikatũ matu metsũtã yuikĩ: ‘Ana hawa dateyamakãwẽ, ẽ matu merabewakubainaiwẽ taearã’ ”, akĩ

Malaquias 3:10

Matũ bai anua inũ matũ inabu anua haska Moisĩ matu yusini dízimo ena bekĩ eki nukuti Templo hanu arukĩ meketi dĩtu anu hatu inãkubaĩkãwẽ. Mã haska wakĩ ea uĩmaya eki nukuti Templo anu piti pepa hayakũkainaya eanã, matuna binumakĩ nai anua pepahairawẽ ẽ matu duawakubainai uĩkatsirã, ea dukũ unãti wamakãwẽ.

Mateus 10:37

Hawẽ ibubu inũ hawẽ bakebu abuhairakĩ ea abu beshmas wamisrã, enabumaki. Ha inũ, tsuabũra ea txibãkatsi iki bika tenei eki hawa dakeama: “Ẽ habe mawakatsi ikaii”, ikĩ yuiabumarã, habu enabumariki.

Mateus 28:5

hanushũ nai tsumã aĩbu dabe beabu yuikĩ: —Jesus mastaxinabu mã benai hua ẽ unaiĩ. Dateyamakãwẽ.

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Hechos 27:24

ea yuikĩ: “Pauloõ, dateyamawe. Romano shanẽ ibuhaira César mĩ uĩ kanũ Deusũ mia merabewakĩ ha dasibi shashũ mibe buaibu miwẽ taeshũ hatu tenãma ẽ hatu pasha washanaii”, akĩ ea yuishuki.

Hebreus 11:17

Ha inũ, Abraãonẽ Deus ikũwãniwẽ taeshũ Deusũ hawẽ bake Isaquekiri yubakĩ yuikĩ: “Isaquewẽ mĩ bababu itxapa mia washũshanikiki”, abianishũ hanushũ haska ikũ ea txibaĩmẽkaĩ? ishũ unãti wa hawẽ bake Isaque Abraãonẽ Deus inãkĩ kua keyushunũ, iwanã, hawa yauxi hawẽ nuiama hawẽ bake bestitxai iyui kanikiaki.

1 Pedro 1:7

Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.