1 Reis 17:1 - Kaxinawá Bíblia (BR)

¹ Mai pakea Gileade anu hawẽ mae Tisbé anu hiwea Deusũ hãtxa yuishunika Elias Acabe shanẽ ibuhaira anu kashũ dateama yuikĩ: “Israelĩ enabu mekenika Senhor Deusũ ea nĩkaya ẽ mia yuiaii, ẽ ha dayashũmistũ kenawenã. Eska ikũkaĩshanikiki. Ea nĩkawe. Ano tibi ikũkainaya ẽ yunuriama ui ana ikama inũ basnũ ana butuama ishanikiki”, abaini kaya

1 Reis 17:1 교차 참조

1 Reis 17:12

niti itã kemakĩ yuikĩ: —Haska mĩ mekenika Senhor Deus hiwekẽ ẽ mia parãmaki. Hawa misi ba ẽ hayamaki. Shekiwã duru mespu besti shumu merã ẽ mekea inũ piti sheni eskarabes shumu betsa merã ha besti ẽ hayaki. Ẽ huni bakena inũ ena na habiatiã keyu hawẽ bawakatsi ẽ karu benayuaki. Hatis besti bawashũ pitã txipu buni tenei nũ mawashanaii— aka

1 Reis 17:2

haskawẽ taea Senhor Deusũ ana Elias yuikĩ: “Bari huaikiri pashai nenua kariwe. Hene Jordão pukebaini ukeri pashku Querite anu huneritãwẽ.

1 Reis 18:1

Aĩbũ hiwe anu hiwea 3 ano binukainaya Senhor Deusũ Elias yunukĩ yuikĩ: “Nenua kashũ Acabe hãtxa wakĩ uĩ ana karitãwẽ. Mĩ hanu kakẽ mai anu ui ẽ ana hatu yunushanaii”, aka

1 Reis 18:10

mĩ mekenika Senhor Deusũ ea nĩkatã ea kupitiruwẽ taeshũ ẽ mia parãmaki. Haska Acabẽ hatu amaimakiri mia yuinũ ea nĩkawe. Nawabu betsa betsapabu anu inũ shanẽ ibubu mirima hiwebaunabu dasibi anu mia benakĩ hau hatu yukakubaunũbũ huni mirima ẽ tsumapã hatu yunuyamaki. Hania mia betxitiruma habũ Acabe yuikĩ: “Nukũ mekenika yushibubũ nuku kupitiruwẽ taeshũ txanima ẽ mia yuiaii: ‘Eliaski hania nukukĩ nũ betxitirumahairaki’, akabu hatu yuikĩ hatu yubakubaũyamaki.

1 Reis 18:15

daewakĩ kemakĩ Eliasĩ yuikĩ: —Senhor Deus kushipatũ dasibi binua ẽ dayashũmiswẽ taeshũ ẽ mia yubaii. Na habiatiã txanima Acabe bebũ ẽ nia ea uĩkiki— aka

1 Reis 22:14

hawẽ hãtxa nĩkabiakĩ Micaíasĩ kemakĩ yuikĩ: —Senhor Deus hiweawẽ taeshũ haska Senhor Deusũ haska shinaĩ ea yuia besti ẽ hatu yui kaii— abaini

2 Reis 1:3

habiatiãri Senhor Deusũ nai tsumã Tisbé anu hiwemis Elias yuikĩ: “Samaria anua hãtxa bunikabu shanẽ ibuhaira Acaziasĩ ma hatu yunua bekanikiki. Hatuki nukutãwẽ. Hatuki nukutã hatu yukatãwẽ: ‘Israelĩ enabu mekenika Deus hayamamẽ? ha mae Ecrom anu nawabũ yushibu Baal-Zebube anu mã yuka ishuĩ kairã?

2 Reis 5:16

Eliseũ kemakĩ yuikĩ: —Senhor Deusũ ea uiãyã ẽ mia yubaii. Haska mĩ hawara ea inãkatsis ikai ẽ bitirumaki— aka —Haskama biwe! Biwe!— akĩ heneamabia hawa biama Eliseũ hawa bikatsi ikama nemahairakubainaya

2 Reis 5:20

Eliseũ dayarũ shinãkĩ: “Mabu pepa hamẽ beshiãbu Eliseũ hawa biama Síria nawa Naamã ẽ tsuma Eliseũ ma nitxiãki. Senhor Deuswẽ ẽ yubakaii. Hawaira txibaĩ kushikaini haki nukushũ hawara bewanaibu eã ẽ bi kaii”, ikaini

Isaías 49:18

Bewenikitã mĩ mae uĩbaũwẽ, dasibi itxatã mia anu ana bei haskabirãkanimẽkainã. “Ea Senhor Deus ẽ hiweawẽ ibubis mia akatsi ẽ yubakaii. Dasibi habu beshunã, mane inũ tari hawẽrua mia sawemakĩ akawai bekanikiki, aĩbu beneyakatsi daumis keska mia wakinã.

Isaías 5:6

Haska watã haki petxikaĩkĩ ẽ henebaĩkĩ ana pewakĩ ẽ ana hawa dameshteama inũ ẽ ana basi meshatirumaki. Ẽ haska wabaina hanu ni shushu benei inũ hau mae musha benetxakayamashanũwẽ. Ha inũ, hau ana hamamaki ui iyamanũ nai kuĩ ẽ nemashanaii.

Mateus 11:14

Mã pabĩkiyabuki. Nĩkatã hakimayamashãkãwẽ. Deusũ hãtxa yuishunika Elias hau ana hushanũ Deusũ yubani Joãonã, habiaki. Mã ikũwãkatsi ikairã, hawẽ hãtxa ikũwãkãwẽ— iwanã,

Mateus 16:14

—Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Elias ana butuimaki”, mia wariakanikiaki. Betsabũri yuikĩ: “Deusũ hãtxa yuishunika Jeremias kasmai hawẽ hãtxa yuishunika betsa daka”, akĩ mikiri yuimisbukiaki— nũ wa

Mateus 27:47

ha namã hatiri mapushũ betsabũ nĩkatã yuikĩ: —Nĩkakãwẽ, Deusũ hãtxa yuishunika Elias kenaikikirã— ikaibũ

Mateus 27:49

betsabũ nemakĩ yuikĩ: —Haska wama heneyuwe, Eliasĩ butekĩ pashawayuimẽkainã— akaibũ

Lucas 1:17

Haska inũ, mĩ bake Joãonẽnã, Deusũ kuxipaya hawẽ Yushĩyã bebũ nishũ haska Eliasĩ Deusũ hãtxa yuishunikatũ ani keska wakĩ hatũ ibubu habũ bakebu ana danãnanaĩ sinatanameama inũ ha patapakĩ nĩkaisbuma hau habũri Deus txibanũbũ mĩ bake Joãonẽ yurabu hatũ Shanẽ Ibu huai manamakĩ hatu xinã betsa wamashanikiki— aka

Lucas 1:19

nai tsumã yuikĩ: —Earã, ẽ Gabrielki, nai tsuma shanẽ iburã. Deus dayashuni ẽ hãtxashũmiski. Ẽ mibe hãtxanũ na kakape Deusũ ea yunushuki.

Lucas 21:36

Hamẽ matunã, ẽ hãtxa txibãkĩ heneama Deusbe bari tibi hãtxakubaĩshãkãwẽ. Haska mese tibi tashnishanai binutã mã ma pewẽ taea hanu matũ Hutxi Kayabi Iuwa ẽ matuki nukuaitiã ea bebũ mã mapushãkanaii— hatu wanikiaki.

Lucas 9:30

Elias inũ Moisés habiaskariai ha daberi txashahaira pũte pũte iki mapushũ haska Jerusalém anua Jesus mawashanai yui habe hãtxaibu

Lucas 9:33

ha dabetã Jesus ma dapashkabainaibũ shabakabi xinãma Pedrõ Jesus yuikĩ: —Yusĩnaã, nũ nenu huarã, pehairaki. Peã shubu dabe inũ besti matu washũpa, betsa mina inũ, betsa Moisésna inũ betsari Eliasnarã?— ikaya

Lucas 9:54

Tiago inũ Joãonẽ nĩkashũ Jesus yuikĩ: —Yusĩnaã, haska Eliasĩ ani keska wakĩ nai anua txi kawãkĩ hau Deusũ ha mae hatu yamawakĩ keyunũ Deus yukapa?— ikaya

João 1:21

—Mĩ tsuaraka, Deus hãtxashunika Elias kanirã, mĩ hamẽ?— akabu —Ẽ hamariki— hatu wa —“Deusũ hãtxa yuishunika kuxipa ea keska hushanikiki”, akĩ Moisés yuinirã, mĩ hamẽkaĩ?— akabu —Ẽ hamariki— hatu wa

Hechos 27:23

Mexu merã ẽ Deus ha ẽ dayashũmis ea mekemistũ hawẽ nai tsuma yunua hushũ

Romanos 11:2

Bebũkirihaira Israelbu habu katukatsis ikĩ Deusũ katunishũ nuku danãma imiskiri matu shabakabi yusĩkĩ hawẽ hãtxa yuishunika pepa Eliaskiri ẽ matu yuiai nĩkakãwẽ. Hawenabukiri hawara Elias Deuski ha ikĩ haki txania hawẽ hãtxa yuishunika betsã keneshũkĩ:

Santiago 5:17

Ha inũ, nukũ shenipabu Elias nuku keskakiri ana xinãnãkãwẽ. Bika tenei Deusbe nũ haibunameai keskai txĩtuãma Eliasri hiwekũkainikiaki. Hakia hawenabũ Deus txibãbumawẽ taeshũ Eliasĩ Deus yukakĩ yuikĩ: “Enabu mĩ kuxipa uĩmakĩ ana ui hatu inãyamayukubaĩwẽ”, akĩ yukakĩ ui nesewaima bari dabe inũ besti namakis ui ana imama inikiaki.

Apocalipse 11:6

Ha inũ, Deusũ hawẽ kuxipa hatu yunua hawẽ hãtxa yusĩkubaĩkĩ hau ana ui iyamayunũ nai beputirubuki. Ha inũ, habũ hene dami wakĩ himi watirubuki. Ha inũ, hawatiãra hatu dasibi tenemakatsis ikĩ hamapai isĩ inũ hamapai betsa xarabu mai anu hiweabu hatu bika tenemakeaketirubuki, Deusũ kuxipa hayabuwẽ taeshunã.