1 Reis 12:28 - Kaxinawá Bíblia (BR)

²⁸ haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã

1 Reis 12:28 교차 참조

Êxodo 1:10

Haskakenã, hawarawẽ hatu beshtekubainãkãwẽ. Nũ hatu haska wama ana pakĩ nuku binuhairaibũ tsuabura nukuki sinatakĩ nuku detenũ ika beaibũ Israelĩ enabu pahairakĩ nukuki sinatakĩ habuki dasitã hatubetã nuku detebaini Egito anua pashai keyutirubuki”, hatu wa

Êxodo 20:4

“Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.

Êxodo 32:25

huni betsa betsapabu Israelĩ enabuki sinatamisbu hatuki kashetirubu Moisĩ unãkĩ inũ Arãonẽ hatu mekekĩ hatu hawa nemama hatũ txakabu besti txibaĩ beyakũkainai Moisĩ shabakabi uĩtã

Êxodo 32:4

Arãonẽ bitã ouro pau dasibi mishki kuahairatã haki payukĩ txakã txakã akĩ ina awa baketiu wakĩ hawẽ shũpĩ wãti inũ hawẽ mastatiwẽ Arãonẽ datsa datsa akĩ shũpĩ wãkĩ ina awa bake dami wakẽ dasibibũ uĩkĩ hatu yuikĩ: —Israelĩ enabuũ, uĩkãwẽ. Narã, nukũ mekenika yushĩ deuski, hatũ Egito anua nuku tashnimabiranimarã— hatu abaunaibũ

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Provérbios 14:12

Hiwei pea dabanẽ merabenã bestikũkaini hãtxai hiwemisburã, bari hawẽ heneaitiã Deusũ hawẽ huĩti pema unãtã hatu kupishanikiki, mawa kayabimakinã.

Isaías 30:1

Deusũ hawẽ hãtxa mestẽwãkĩ yuikĩ: “Ẽ yusiã nĩkaisbumã bakebuũ, mã peirashãkãwã! Ebe hãtxai yubakamabia mã ibubis yubakaii. Haska eã daya shinãkĩ ẽ matu yunuamabia ibubis matumebi daya tibi akatsis ikĩ mã katumisbuki. Haska shinãkĩ mã itxawamisrã, txakabu itxapa mãtxiã keska wakĩ mã ewawaii.

Isaías 30:10

Ha habũ haskashanai bebũkiri unãmisbu habiabũri hatu yuikĩ: “Nama keskakĩ ana uĩyamakãwẽ”, ikĩ hanushũ Deusũ hãtxa yuishunikaburi yuikĩ: “Haska txanima mã uiaĩ ishanai nukuki txaniyamakãwẽ. Hawara nũ ikai hawẽ nuku dake wama nuku hãtxa pe besti wakãwẽ. Nũ kanebiaya haskaira nuku nemayamakãwẽ.

Daniel 3:1

Hanushũ hatũ shanẽ ibuhaira inũ hawẽ mekenika yushibubukiri dasibibu hatu shinãmati dami wakĩ hawẽ keyatapa 27 metro inũ hawẽ hashpa 2 metro inũ 70 centímetro mane ouro dami watã hau Babilônia mai pakekauana mapãpa hawẽ kena Dura anu hau nitxĩshanũbũ shanẽ ibuhaira Nabucodonosorĩ hatu yunua mane dami pewanikabũ nĩkatã haska hatu yunua akubaĩkĩ ma keyushunabu

Amós 8:14

Samaria anua yushibubu dami tsuabũra mã yubamisbuki. Hanua tsuabura yubakai hãtxairã, Dã anu hiweabu matũ yushibũ hiweawẽ mã yubakamisbuki. Hanua Berseba anu yushibubu hiweabuwẽ mã yubakakubaĩmisbu mawai mã di ishanaii, ana haskatã mã benitirubumarã”, akĩ txanima hãtxa Senhor Deusũ ea yuishinaki.

2 Pedro 2:19

Habu txakabũ hatu tsumawawẽ taea ha hunibũ hawa hatu nematirubumaki, ha ikũwãkĩ taewaibũ akaiburã. Nuku tibirã, hatũ nuku mekearã nũ hawẽ tsumawẽ taea ha parananãmisbũ tsumarã, txakabu bestiki, tsuã danãkĩ henetirumarã.