1 Reis 12:16 - Kaxinawá Bíblia (BR)

¹⁶ shanẽ ibuhaira Roboãonẽ haska betxipaiaibu hatu ashũkatsi ikama hawa hatu nĩkama ibubis ikaya Israelĩ enabu shukuabu shanẽ ibubu inũ anibu unanepabũ uĩkĩ unãtã hawaira yuinamei shinã betsaibũ habias shinaĩbu keska huni betsã hatu kemashũkĩ hui kushipawẽ shanẽ ibuhaira yuikĩ: “Txanima, nukuburã nũ hawa Davĩ enabumaki. Jessé enabube hiwekũkaini nũ hawa hatũ hamapai biama ikũkaĩshanaii. Davĩ enabu shukuabu bestitxai ibubis hatumebi shanẽ ibutirubuki. Haskakenã, enabu Israelbuũ, nukũ hiwe tibi burinãkãwẽ”, hatu wa hawẽ hãtxa nĩkatã henebaini Israelĩ enabu 10 shukuabu nortekiri hatũ mae tibi hawaira buake buakeaibũ

1 Reis 12:16 교차 참조

2 Samuel 15:13

haska Absalãonẽ akai unãtã hãtxa bunika Davi anu kashũ yuikĩ: —Israelĩ enabu itxapahairatũ Absalão txibanũ ishũ shinãkanikiki, shanẽ ibu wakatsi ikinã— aka

2 Samuel 16:11

Abisai inũ hawẽ shanẽ ibu beshmasbu Davĩ ana hatu yuikĩ: —Ẽ bake kayabitũ besti ea tenãpanã ha huni Benjamimnẽ enabu dikabitũ ea yupuikiki. Nemayamakãwẽ, habiaska Senhor Deusũ yunuakirã.

2 Samuel 20:1

Belial anushũ Benjamimnẽ enabu huni betsa txakabu Bicrĩ bake hawẽ kena Sebã Judá hunibũ hãtxa hatu dabãmabaĩkĩ Davi henemabaĩkatsi hatube sinatai benikaũ hawẽ trombeta txã txã akĩ Israelĩ hunibu yuikĩ: “Txanima Jessé bakẽ Davĩ hamapai nũ bitirumaki. Israelĩ hunibuũ, Davi henebaini nukũ hiwe anu inũ bunãkãwẽ”, hatu wa

1 Reis 11:34

Hakia Davi ẽ katuni ẽ tsuma ikũkaĩkĩ ẽ yunuti hãtxa inũ ẽ nemati hãtxa txibaĩ hiwekũkainiwẽ taeshũ hau shanẽ ibuhairanũ ẽ mebiãma Salomão hiwekũkainaya shanẽ ibuai ẽ mekekubaĩshanaii.

1 Reis 11:35

Hakia Israelĩ enabu dasibi hau ana shanẽ ibuyamanũ Salomãonẽ bake ẽ nemashanaii. Mebĩtã ẽ mia katushanaii, Israelĩ enabu 10 shukuabu yunui mĩ shanẽ ibu ikũkaĩshanunã.

1 Reis 11:36

Hanu ẽ kena ipashanai Jerusalém ẽ katuni anu meshu merã bĩ dekua keska ẽ tsuma Davĩ enabu huni bestitxai katukubaĩkĩ ea bebunua Jerusalém anu shanẽ ibutiru, Israelĩ enabu shukua bestitxai ẽ henekubaĩshanaii.

1 Reis 11:39

Hatũ txakabuwẽ taeshũ Davĩ enabu pakubainaibu bari itxapa hatu kupikubaĩkĩ atimas henekĩ ẽ ana hatu kupiama ishanaii’ ”, anikiaki. Haska wakĩ Deusũ hãtxa yuishunika Aias Jeroboão yuimanikiaki.

1 Reis 22:17

hanushũ Micaíasĩ yuikĩ: “Mati matipa anu Israelĩ enabu dasibi pashkai sa iki keyuabu, txashuwã itxapa mekenikauma keskabu ẽ uiãyã Senhor Deusũ ea yuikĩ: ‘Haburã, ibu hayabumaki. Hatũ hiwe anu txĩtũbaini unanuma bestibu hau bunũbũwẽ’, akĩ ea yuishuki”, aka

1 Reis 22:36

ma bari kaya hawẽ detenamenikabu hatumebi yuinamekĩ: “Nukũ shanẽ ibuhaira ma mawashuki. Ana tsuã nuku yunutimaki. Inũ burinãkãwẽ”, iake iaketã Síria nawabu henebaini buaibũ, hawẽ maewã Samaria anu shanẽ ibuhaira Acabẽ yura bui haya kashakubaĩkĩ mai wanibukiaki.

Provérbios 15:1

Hãtxa pewẽ hatu kemakĩ pewakinã, sinataibu hatu daewamisbuki. Hakia hãtxa kushipawẽ kũyã akĩ yuikinã, ana hatu sinatahairamamisbuki.

Isaías 7:17

Senhor Deusũ mia anu txakabuhaira hatiãra yunushanikiki, mĩ mae anu hiweabu inũ minabu mĩ hiwe hawẽrua anu hiweabu anu kaĩmakinã. Efraim inũ Judá mã pashkanitiã haska mã hiweisma txakabuhaira matu anu tashniai mã uĩshanaii. Na haska txanirã, Assíria shanẽ ibuhairatũ hatu ashanaikiri yuinikiaki.

Isaías 7:2

Haskaibutiã tsuãra shanẽ ibuhaira Acaz inũ hawenabu anu hatu banabimakĩ: “Síria nawabu Efraim enabube dasitã matuki yubakakanikiaki”, hatu wa hanua Acaz inũ hawenabũ haska nĩkatã datebauni huĩti bene bene iki hi shukua niwẽ hatu bubi bubi amis keskaibũ

Marcos 3:24

Miyuiwẽ matu yusĩnũ nĩkakãwẽ. Mae betsa anua nawabu hatũmebi pashkatã detenamei hatũ yura debui keyumisbuki.

Lucas 19:14

hanushũ hawẽ mae pakea anushũ hawenabũ ha shanẽ ibu beshmas danãkĩ abuabumawẽ taeshũ hawenabu betsabu yunukĩ yuikĩ: “Shanẽ ibuhaira binuatũ hiwe anu kashũ ha huni hau nukũ shanẽ ibu iyamashanũ yuitãkãwẽ”, hatu wa buimashũ haki nukutã yuiabu

Lucas 19:27

Ha inũ, habu eki sinatakĩ hau hatũ shanẽ ibu ẽ iyamashanũ, habũ ea abuama danaĩmaburã, itãshũ ẽ besuubi hatu tenãkãwẽ”, hatu akimakiaki— Jesusũ hatu wabaini

João 13:8

Pedrõ ana yuikĩ: —Duawakĩ ea hutxuwe, iwanã, ẽ mia yunuamaki— aka Jesusũ nemakĩ: —Ẽ mia hutxuamarã, mĩ enabu kayabi iturumaki— aka

Juízes 8:35

Ha dikabi Gideãonẽ hatu merabehaira wabiani ana shinãma Gideãonẽ enabu Israelĩ enabu betsabũ hatu pe duawakĩ merabewama irianibukiaki.