1 Reis 11:36 - Kaxinawá Bíblia (BR)

³⁶ Hanu ẽ kena ipashanai Jerusalém ẽ katuni anu meshu merã bĩ dekua keska ẽ tsuma Davĩ enabu huni bestitxai katukubaĩkĩ ea bebunua Jerusalém anu shanẽ ibutiru, Israelĩ enabu shukua bestitxai ẽ henekubaĩshanaii.

1 Reis 11:36 교차 참조

2 Samuel 7:16

Ẽ hatu mekekubainaiwẽ taea minabu Israelĩ enabu shanẽ ibupakeshãkanikiki, niti ikamarã. Ha dikabi haska mĩ hatu yunumis keska heneama ikubaĩshãkanikiki’, iwanã, Davi ea yuishũtãwẽ”— abainaya

2 Samuel 7:29

Mĩ tsuma mĩ duawashanai hakiri shinaĩrawe. Miki txiti ikaibu mĩ hatu kesheshũ duawaya hau hiwepakeshanũbũwẽ. Senhor Deusuũ, mĩ ma ea yubashuki, mĩ hatu pepa waya enabu shanẽ ibui hau benimai pepakubaĩshanũbũwẽ, heneamarã”, anikiaki.

1 Reis 11:32

Hakia Israelĩ enabu mae tibi anua Jerusalém katushũ ẽ kena ẽ hanu netani inũ ẽ tsuma Davi ẽ betxipainiwẽ taeshũ Israelĩ enabu shukua bestitxai Salomãonẽ enabu ẽ habu heneshũshanaii.

1 Reis 11:37

Hati yurabu mĩ yunui shanẽ ibukĩ Israelĩ enabu shanẽ ibu mĩ ikũkaĩshanũ ẽ mia katushanaii.

1 Reis 12:17

hau hatu ana dayamakubainũ kushipawẽ hatu dayamakubaĩmis shanẽ ibu Adorão shanẽ ibuhaira Roboãonẽ ana yunukĩ nitxiã Israelĩ enabu 10 shukuabu anu kashũ hatu ana dayamapanã haki sinatakĩ mashash tũkewẽ tsaka tsaka akĩ tenãshinabu haska washinabu Roboãonẽ nĩkatã hatuwẽ datei hawẽ cavalõ tarãbaĩtiki hawaira inatã Siquém anua pashai Jerusalém anu kai hikia Judá enabũ mae pakekauana anu Israelĩ enabu hiwebaunabu besti yunui Salomãonẽ bake Roboão hatũ shanẽ ibu ikũkainaya

1 Reis 2:4

Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

1 Reis 9:3

ana habe hãtxakĩ yuikĩ: “Mĩ ebe hãtxakĩ ea kẽwaĩ inũ mĩ ea ea akai mĩ hãtxa ẽ nĩkayamaki. Ha kẽwãti hiwe mĩ ma akima anu ẽ kena ikũkaĩshanaiwẽ taeshũ meribi ena wakĩ ẽ ma pepa washinaki. Mekekĩ uĩ ẽ hanu ikũkaĩshanaii.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Apocalipse 21:10

ha nai tsuma ẽ yushĩki nukushũ nama keskawẽ mati keyatapa anu ẽ yushĩ ea iyushũ Jerusalém maewã pepahaira meribi Deusũ nai anua buteai ea uĩmaxina matu yuinũ nĩkakãwẽ.