1 Reis 1:44 - Kaxinawá Bíblia (BR)

⁴⁴ Deusbe nukunabu hãtxashunika Zadoque inũ, Deusũ hãtxa yuishunika Natã inũ, Joiadã bake Benaia inũ, Davi mekenikabu Quereteu nawabu inũ, Peleteu nawabũ hau Salomão iyukĩ mekebainũbũ shanẽ ibuhaira Davĩ hatu yunushuki. Shanẽ ibũ hatu yunua hawẽ mulaki Salomão haki katsaũtã Giom anu iyuabu

1 Reis 1:44 교차 참조

Gênesis 36:24

Hanua Seirĩ huni bake betsa Zibeão huni bakeburã, Aiá inũ Aná inibukiaki. Ha Anárã, hanu tsua hiweama anu kashũ hawẽ epã jumento mekeshũ pimashũkĩ ũpash txatxa betsa betsapa habamis betxitanikiaki.

2 Samuel 20:7

detenamenikabu Joabẽ yunumis inũ, Quereteu nawabu inũ, Peleteu nawabu shanẽ ibuhaira Davi mekemisbu inũ habu detenamea unãhairaibu hawẽ betsa Abisaĩ hatu katutã Seba txibanũ ika Jerusalém anu shanẽ ibu beshmas Abisaibe kaĩbaini bui

1 Reis 1:33

hatu yuikĩ: —Ea dayashũmisbu ẽ shanẽ ibububetã ẽ bake Salomão iyukĩ ẽ mula ea besti ẽ haki katsaumekaĩmis katsaũtã ha pashku deti ika hawẽ kena Giom anu ẽ mulaki katsaũbaĩkĩ iyutãkãwẽ.

1 Reis 1:43

Jônatasã kemakĩ Adonias yuikĩ: —Haskamaki. Shanẽ ibuhaira Davi yununikatũ Salomão katukĩ Israelĩ enabu nukũ shanẽ ibuhaira washuki.

1 Reis 1:45

Israelĩ enabu shanẽ ibuhaira hatu unãti wamakĩ Deusbe nukunabu hãtxashunika Zadoque inũ Deusũ hãtxa yuishunika Natãnẽ Salomão sheni ininipa maukai dasibibũ uĩtã benima txakayamai txĩtũbirãkanikiki, haskawẽ taea Jerusalém anu hiweabu sai sai itxakayamakubiranaibu mã nĩkairã.