1 Reis 1:39 - Kaxinawá Bíblia (BR)

³⁹ Deuski nukuti tari hiwe pũtenibu anushũ sheni inĩti mashũkia bitã Israelĩ enabu shanẽ ibuhaira hatu unãti wamakĩ Deusbe nukunabu hãtxashunika Zadoquẽ Salomão sheni ininipa maukatã txashuwã mashũ hatu txã txã amakĩ dasibi ha hatube buabũ hui kushipawẽ yuikĩ: “Shanẽ ibuhaira Salomão hau hiwekũkaĩshanũwẽ!” akubaĩkĩ

1 Reis 1:39 교차 참조

1 Reis 1:25

Na habiatiã ina awa inũ ina awa hubu meshtemisbu shua inũ txashuwã itxapa tesẽshũ dashpeshũ ma bawabu mĩ huni bake betsabu inũ mĩ detenamenikabu shanẽ ibubu inũ nukunabu Deusbe hãtxashunika Abiatar Adoniasĩ hatu kena butubaĩ habetã pikĩ mabesh neshui benimakĩ hui kushipawẽ yuikĩ: “Nukũ shanẽ ibuhaira Adonias hau hiwekũkainũwẽ”, ikaibũ

1 Reis 1:34

Harishũ Israelĩ enabu shanẽ ibuhaira hau hatu ishũshanũ hatu unãti wamakĩ mĩ nukunabu Deusbe hãtxashunika Zadoque inũ Deusũ hãtxa yuishunika Natãnẽ harishũ sheni ininipawẽ maukatãkãwẽ. Haska watã txashuwã mashũ hatu txã txã amakĩ: “Shanẽ ibuhaira Salomão hau hiwekũkaĩshanũwẽ”, akĩ dasibibũ hui kushipawẽ hatu yuimakubirãtãkãwẽ.

1 Reis 1:40

haria dasibibu benima txakayamabirãkĩ teperewe mawakubaĩkĩ Salomão mula katsaumekainai dasibibũ txibaĩ sai sai iki xãxãki itxakayamakubainaibũ mai beshakũkainaya

1 Samuel 10:24

Samuelĩ hatu dasibi yuikĩ: —Matũ yununika shanẽ ibu kushipahaira ikũkaĩshanũ na huni Senhor Deusũ ma katushu mã uiaiĩ. Israelĩ enabu tsua haska keska hayamaki— hatu wa kemakĩ hui kushipawẽ dasibibũ yuikĩ: —Bari itxapa hau hiwepakeshanũwẽ, nukũ shanẽ ibuhairarã— akĩ keyuaibũ

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.