1 Reis 1:31 - Kaxinawá Bíblia (BR)

³¹ shanẽ ibuhaira Davi bebũ nia ana haki dãti iki beti ishũ hui kushipawẽ yuikĩ: —Ẽ shanẽ ibuhaira Davi hau hiwepakenũwẽ!— ikaya

1 Reis 1:31 교차 참조

2 Samuel 9:6

Jônatasã bake, Saulũ baba Mefibosete Davi anu buteabu Daviki mesei ha bebũ dãti iki beti ikaya benimakĩ Davĩ yukakĩ: —Jônatasã bake Mefibosetẽ, mĩ miamẽ?— aka —Haa. Shanẽ ibuũ, mĩ ea kena ẽ hushurã, mĩ dayarurã, ẽ habiaki— aka

1 Reis 1:25

Na habiatiã ina awa inũ ina awa hubu meshtemisbu shua inũ txashuwã itxapa tesẽshũ dashpeshũ ma bawabu mĩ huni bake betsabu inũ mĩ detenamenikabu shanẽ ibubu inũ nukunabu Deusbe hãtxashunika Abiatar Adoniasĩ hatu kena butubaĩ habetã pikĩ mabesh neshui benimakĩ hui kushipawẽ yuikĩ: “Nukũ shanẽ ibuhaira Adonias hau hiwekũkainũwẽ”, ikaibũ

Neemias 2:3

ẽ shanẽ ibuhaira yuikĩ: —Shanẽ ibuũ, hiweyukũkaĩwẽ! Txanima na ẽ punu nuka mĩ ea uiainã, ha maewã anushũ ẽ shenipabu maiwapaunibu hatũ mishki hiwe inũ kenebaunibu ma hatuki di iki keyuni inũ hawẽ shui beputi tibi kuabiranibuwẽ taea ẽ ana hatu uĩsma haska shinaĩ ẽ punu nukahairaki— ẽ wa

Ester 3:2

Hamã huaya shanẽ ibuhairatũ hiwe ewapa anu dayamisbu dãti itã tinĩshũ hau kẽwãkubaĩshanũbũ shanẽ ibuhairatũ hatu yunushinawẽ taeshũ hawenabũ haska wabiakubainaya hakia Hamã huaya Mardoqueũ kẽwaĩ haki dateama hawa ha bebũ haki dãti iki tiniãma ikũkainaya

Daniel 2:4

hatũ Siríaco hãtxawẽ unanepabũ hatũ shanẽ ibu yuikĩ: —Shanẽ ibuũ, habi mĩ hiweyukũkaĩshanaii, hawa beshtekeamarã! Nũ mĩ dayarurã, harakiri mĩ namashina nuku yuiwe, haskara hawẽ shinã nũ mia yuikĩ tapĩmairã— akabu

Daniel 3:9

yuikĩ: —Shanẽ ibuũ, habi mĩ hiweyukũkaĩshanaii, hawa beshtekeamarã! Mĩ kena hau shinãkubaĩshanũbũwẽ!

Daniel 5:10

shanẽ ibuhaira inũ habetã piaibu bibiski ikaibũ shanẽ ibũ ewã nĩkatã hikikirã yuikĩ: —Shanẽ ibuũ, habi mĩ hiweyukũkaĩshanaii, hawa beshtekeamarã! Haskaira hawẽ datei besu hushua dakayamawe.

Daniel 6:21

kini uke merãshũ Daniel benimakĩ hui kushipawẽ kemakĩ yuikĩ: —Shanẽ ibuũ, habi mĩ hiweyukũkaĩshanaii, hawa beshtekeamarã!

Daniel 6:6

shanẽ ibuhaira Dariobe hãtxai ha shanẽ ibu dabe uĩkĩ pewanika inũ yununikabu itxapa bui ha bebũ mapushũ yuikĩ: “Shanẽ ibuũ, habi mĩ hiweyukũkaĩshanaii, hawa beshtekeamarã!

Mateus 21:37

hanushũ tsua ana yunutima hawẽ bake abuhairabiakĩ atimas yunukĩ xinãkĩ: “Ẽ bake ẽ yunua ka haki mesekĩ ẽ bimi ea inãtirubuki”, iwanã, yunua ka

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

Hebreus 12:9

Ha inũ, nũ huni ewariama nukũ ibubũ nuku yusĩkĩ nemahairakĩ nuku tapĩmakubainibuki. Hatũ yusĩa bikabiakẽ tapĩkĩ nũ hatu abukubainibuki. Hakia haska nũ wani binukĩ nukũ Epa Deus nai anua abukĩ natiã hawẽ hãtxa nĩkakubaini nũ habe hiweshanaii, hawa txakabuwẽ nuku kupiamarã.

1 Samuel 20:41

hawẽ tsumapã bushuĩ ma kakẽ mishki ture mãtxĩkĩ maspuanibu petxiuria Davi tashnikirã: “Mĩ haska wakĩ ea pehaira washuki”, aki Jônatas bebũ Davi dãti iki dabe inũ bestiki maiki beti beti itã benikauã nia hatũ beya txibaĩ habe tãtsu irabetã habe kasha txakayamai Davi hui teris iki teshatã

1 Samuel 24:8

ha katxu Davi tashnikirã hui kushipawẽ Saul kenakĩ: —Ẽ shanẽ ibuũ, ẽ shanẽ ibuũ— aka nĩkatã nasukekauã Saulũ uiãyã haki mesei Davi dãti iki maiki beti itã ana benishũ