1 Reis 1:25 - Kaxinawá Bíblia (BR)

²⁵ Na habiatiã ina awa inũ ina awa hubu meshtemisbu shua inũ txashuwã itxapa tesẽshũ dashpeshũ ma bawabu mĩ huni bake betsabu inũ mĩ detenamenikabu shanẽ ibubu inũ nukunabu Deusbe hãtxashunika Abiatar Adoniasĩ hatu kena butubaĩ habetã pikĩ mabesh neshui benimakĩ hui kushipawẽ yuikĩ: “Nukũ shanẽ ibuhaira Adonias hau hiwekũkainũwẽ”, ikaibũ

1 Reis 1:25 교차 참조

2 Samuel 16:16

hanua unuriari Davĩ haibuhaira Arqueu nawa Husai Absalãoki nukui hui kushipawẽ yui sai ikũkirani: —Nukũ shanẽ ibui hiwekũkaĩshãwẽ! Hiwekũkaĩshãwẽ!— ikaya

1 Reis 1:19

Ina awa inũ ina awa hubuuma shuahairabu inũ txashuwã itxapa tesẽshũ dashpeshũ hawẽ nami ma pewabu hau habetã pinũbũ mĩ huni bake betsabu inũ Deusbe nukunabu hãtxashunika Abiatar inũ detenamenikabu shanẽ ibu Joabe Adoniasĩ hatu kenashũ ma hatu pimaikiaki. Hakia mĩ merabewanika mĩ bake Salomão kenamaki.

1 Reis 1:24

Davi yukakĩ: —Mia katxu Adonias shanẽ ibuhairakũkaĩshanai mĩ ma yunuamẽ?

1 Reis 1:34

Harishũ Israelĩ enabu shanẽ ibuhaira hau hatu ishũshanũ hatu unãti wamakĩ mĩ nukunabu Deusbe hãtxashunika Zadoque inũ Deusũ hãtxa yuishunika Natãnẽ harishũ sheni ininipawẽ maukatãkãwẽ. Haska watã txashuwã mashũ hatu txã txã amakĩ: “Shanẽ ibuhaira Salomão hau hiwekũkaĩshanũwẽ”, akĩ dasibibũ hui kushipawẽ hatu yuimakubirãtãkãwẽ.

1 Reis 1:39

Deuski nukuti tari hiwe pũtenibu anushũ sheni inĩti mashũkia bitã Israelĩ enabu shanẽ ibuhaira hatu unãti wamakĩ Deusbe nukunabu hãtxashunika Zadoquẽ Salomão sheni ininipa maukatã txashuwã mashũ hatu txã txã amakĩ dasibi ha hatube buabũ hui kushipawẽ yuikĩ: “Shanẽ ibuhaira Salomão hau hiwekũkaĩshanũwẽ!” akubaĩkĩ

1 Reis 1:9

shaba betsatiã: “Ẽ hatũ shanẽ ibuhaira ishanaii”, ikĩ hatu unãti wamanũ, iwanã, besi itamama wakatsi hawẽ tsumabu yunua Rogelĩ ũpash txatxa dapi Zoelete mai pakea kesha unãti mishki ewapa anushũ txashuwã inũ ina awa inũ ina awa bene yume bena hawẽ hubu meshtemisbu shuahairabu tesẽ keyushũ dashpe keyushũ hawẽ nami bawakĩ keyuriabuma Adoniasĩ betsabu Davĩ huni bake betsabu besti inũ Judá enabũ shanẽ ibuhaira Davi dayashũmisbu hatubetã pi benimakatsi Adoniasĩ hatu kena bea itxabũ

Mateus 21:9

habu bebuaibu inũ hatxũ beaibũ benimatxakayamabaĩkĩ hui kuxipawẽ hawẽtxaĩs yuibaĩkĩ: —Aitxu! Aitxu! Deusũ kuxipaya huairã, benimawakĩ duawanãkãwẽ. Yavé Deus dasibi binuatũ kuxipaya nuku mekei huikiki, nukũ shenipabu Davi ipauni keska hawẽ baba shanẽ ibuhairairã. Kẽwanãkãwẽ— akubaini bui

Mateus 22:4

ana hawẽ tsuma betsabu yunukĩ: “Ẽ hatu ikatsis ikairã, eska ea yuishũtãkãwẽ: ‘Nukũ tsumapã ina awa inũ hawẽ yuinaka ina tibi shuarãwã deteshũ ma matu bawakĩ shui pewashunabuki. Haskakẽ hawẽ bakebe nawai bekãwẽ’, ea hatu washũtãkãwẽ”, hatu wa bui hatuki txanikubaũbiabu

Lucas 19:38

yuibaĩkĩ: —Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ

1 Samuel 10:24

Samuelĩ hatu dasibi yuikĩ: —Matũ yununika shanẽ ibu kushipahaira ikũkaĩshanũ na huni Senhor Deusũ ma katushu mã uiaiĩ. Israelĩ enabu tsua haska keska hayamaki— hatu wa kemakĩ hui kushipawẽ dasibibũ yuikĩ: —Bari itxapa hau hiwepakeshanũwẽ, nukũ shanẽ ibuhairarã— akĩ keyuaibũ