Romanos 8:15 - Kashinawa : Diosun Jesúswen taexun yuba bena yiniki

¹⁵ Matudan, ja yushin jatun matu date pae inanmis ja yushin ana matu inankin yabumama jakia Diosun Yushin Pepatun jawen bakebu matu wamamis matu inaniki. Ja Yushin Pepatun nuku janchamakin: “Epaan, En Epa nuikipatuun”, akin kenamakin nuku yuimamiski,

Kaxinawá Bíblia (BR)

¹⁵ Maturã, ha yushĩ hatũ matu date pae inãmis ha yushĩ ana matu inãkĩ yabumama hakia Deusũ Yushĩ Pepatũ hawẽ bakebu matu wamamis matu inãniki. Ha Yushĩ Pepatũ nuku hãtxamakĩ: “Epaã, Ẽ Epa nuikipatuũ”, akĩ kenamakĩ nuku yuimamiski,

Romanos 8:15 교차 참조

Lucas 11:2

Jesúsun jatu yuikin: —Diosbe janchakin yuikinan eska watiki: ‘Epaan, min kena medibidan, mia duawakin jau mia kenwankubainunbunwen. Nai anua xanen ibukin min yunua jaska chibanmisbu keska wakin nenuxundi nun mia chibankatsis ikaibu min shinan besti nuku chibanmakin nuku medabewakubainwen.

Lucas 22:42

yuikin: —Epaan, jamapai dasibi min atidu en unaiin. En mawayamanun min nematidubia en shinain keska ea akama min shinanen besti ea axanwen— ikaya

Lucas 8:37

janu Gerasa anuabu datekin Jesús nichinkin: —Nukun mae anu ana mapekeama kadiwe— akeakeabu janua Jesúsun jatun jancha ninkatan kai xaxun inai kaya

João 16:8

Ja Mekenan Bena juxunan, yudabu mai anuabu xabakabi Dioskidi chakabuwamisbu inun, jabun Dioskidi chakabuwama pepa wamisbuma inun, tsuabuda Diosun unanti watan kupixanai jatu unanmaxanikiki.

João 20:17

Jesúsun nemakin: —En Epa anu kadiama uatian en matube jiwemis keskai en ana matube itidumaki. Ea tsumakin ea bashiyamawe— iwanan, —En betsabu anu kaxun en mia yuixu jatu yuiditanwen. Matu medabewai en Epa anu dasinun ika en kaxanaii. En Epadan, jabia matun Epadiki. En Dios mekenikadan, jabia matun Dios mekenikadiki— aka

Hechos 16:29

januxun jawen tsumabu bin yukatan Pablo inun Silaski datei saki saki iki kushikain kenwain jatu naman danti itan

Hechos 2:37

janu jatube ichabun ninkai ¿jaskatimen? ika jatun juinti nishmajaidai bika tenekin shinankin Pedro inun Jesúsun tsuma kushipaya betsabu jatu yukakin: —Betsabuun, ¿jaskatan nun jaskatidumen?— jatu wabu

Romanos 8:16

jaska wamakin nukun yushinki dasi nanetan nun Diosun bakebu xabakabi nuku unanmakinan.

Romanos 8:23

Jabu bestima nuku dikabidan, nun Diosun bakebunan, jawen Yushin Pepawen jaska Diosun nuku duawaxanai jawen unanti wati yubani nun jaya jawen bake kaya keska wakin yuda bena nuku inanxanai bixanun ika jawada jawen bakebu yubabaini Diosun nuku inanxanai juinti detsupe ixun bika tenekin nun manayuaii.

Romanos 8:26

Jaska inun, nukun juinti babuwen taexun Diosbe janchakin nun jawa yuitidumabiaken jawen Yushin Pepatun nuku medabewamiski. Jadi Diosbe janchati unanma: “¿Jadakidi ea akin Dios jawa yukaxanpa?” ikin nun shinanyan jawen Yushin Pepa Diosbe janchakin nuku yukaxunmiski, jaska nun yuitidumawen nuku ea axunkinan.

Romanos 9:4

Enabu Israelbudan, nukun xenipabu anua Diosun ana jatu ibu wakin jawen bakebu keska watan jatube jiwekin jawen kushipa jatu uinmai jawenduai jatu bebunua chaxajaidakunkainikiaki. Jatu jaska wakin Diosun jawen yunuti inun jawen nemati Moisés yusinmakin jau ichaxun Dios ken kayabi wakubainunbun jatu yusinkin Mesíaskidi jatu yubani jaska manakakin jau chibankubainunbun betsa betsapakidi jatube Dios yubakakunkainikiaki.

1 Coríntios 2:12

Yudabun jabun ikunwanbuman yushin nun biamaki. Jakia Diosun jawen Yushin nuku inani jatun Dios anua jawen duapa nuku inankin nuku tapinmaikiki.

Gálatas 2:4

Janua betsadan, nun ichanu nukun betsabu jatidi nukubetan ikunwain kayabibumadi june nuku unanti wanun ika jikia manixun ninkakin jawama Jesucristokidi ninkatan chibain ma mekei pepabiaibun janua jabun Moisin jatu yusini jatun beya nuku ana jusimakin chibanmanun ika ikaibun jawa jatu ninkama binumakin ja Jesúskidi jancha chanimawen taea jawa beya tibiwen jusikin matukidi nuku kanemama inibuki, man jaska betsatan maetidubumakididan.

Gálatas 5:1

Jaska inun, Moisin nemati inun jawen yunuti nun ana chibanyamanunbun Criston nuku kainmaniki, Moisin yusian chibain nun ana jatun esclavo iyamanunan. Matu jaska nemaniken Jesús besti chibain ana shinan betsa wama judiobun yusian danain ana jatun dayadu esclavo iyamakubainkanwen.

Efésios 1:5

nuku mebikinanxun jawenabu nuku waxanun, iwanan, bebunkidi Jesucristowen jawen bakebu nuku wakatsi jawen duapawen nuku katuniki, jawen shinan nuku inan nun ikunwanxanunbunan.

2 Timóteo 1:7

Diosun jawen Yushin nuku inankin yushin babu dateti nuku inanma iniki. Jakia jawen Yushin kushipa pepa inun jawen bechipai nuinameti inun jawen nukunmebi nun pepakin shinantidu nuku inaniki.

Hebreus 2:15

Ja mawaiwen jatu jaska waxunkin jabu mawaki datei jiwekubainmisbu dasibi Jesúsun nun jabun ikunwainbu ana jawa mawaki datetima nuku waxuniki, bai chakabu pewakin akawakinan.

Santiago 2:19

Januxun matu betsandi shinankin yuikin: “Epa Dios ja besti kushipaken ja besti en ikunwaiin”, ikin man pe shinankin yuiaii. Jaskabiaken yushin chakabubun jabiaskadi ikunwanbiai Dioski datei jawen yuda chuduin saki saki idiamisbuki, kupixanaiki dateidan.

1 João 4:18

Janida janu nui jayadan, janu date jayamaki. Tsuada nui kayabi jayadan, ikunwainbuwen nui bechipainame kayabikin jawen date putamisbuki. Jamen betsa date jayadan, jawen kupiti shinanmisbuki. Jaskawen taea tsuada datekepadan, nui kayabi pae jaki nukudiamaki.