Romanos 14:10 - Kashinawa : Diosun Jesúswen taexun yuba bena yiniki

^10-12 Januxun Diosun yuikin: “En jancha chanima matu yuinun ninkakanwen. Yuda dasibibu unantan en jatu kupiaya danti itan ea kenwankin jaska ea besti kushipajaidatun en jatu kupiaya ea yuia akeakexankanikiki”, aka jawen jancha yuixunikatun keneniki. Jaskawen taexun tsuabunda Jesús chibain betsabu jatukidi nun jatu yuainbu inun tsuabunda Jesús chibain betsabu nun jatu dananmisbu nun jaska jatukidi janchamis Dios bebun nia nun jaki chaniaya nuku tibi unanti wa akeakexanaiwen taea nukubetan Jesús ikunwainbu ana jatu yuankin dananyamakubainankanwen, nukunmebidan.

Kaxinawá Bíblia (BR)

^10-12 Hanushũ Deusũ yuikĩ: “Ẽ hãtxa txanima matu yuinũ nĩkakãwẽ. Yura dasibibu unãtã ẽ hatu kupiaya dãti itã ea kẽwãkĩ haska ea besti kuxipahairatũ ẽ hatu kupiaya ea yuiakeakeshãkanikiki”, aka hawẽ hãtxa yuishunikatũ keneniki. Haskawẽ taeshũ tsuabũra Jesus txibaĩ betsabu hatukiri nũ hatu yuaĩbu inũ tsuabũra Jesus txibaĩ betsabu nũ hatu danãmisbu nũ haska hatukiri hãtxamis Deus bebũ nia nũ haki txaniaya nuku tibi unãti wakeakeshanaiwẽ taea nukubetã Jesus ikũwaĩbu ana hatu yuãkĩ danãyamakubainãkãwẽ, nukũmebirã.

Romanos 14:10 교차 참조

Mateus 7:1

ana jatu yuikin: —Tsuada ja akin chitekin unanti wayamaxankanwen. Man jatu jaska wamaken Diosundi jabiaskadi wakin matu chitekin ja akamadi ixanikiki.

Lucas 18:9

janua ichapa mapuxun ninkaibukidi jabu jatidi ibubis kenkin shinain bepadamei: “Ea besti en pepaki. Jakia betsabudan, jaskaisbumaki”, ikin jatu dananmisbu Jesúsun ana miyui betsawen jatu yusinkin jatu dabinwankin yuikin:

Lucas 23:11

Jesúsun jawa ja yukaikidi jatube janchama kutaxna niken jawen soldadobubetan Herodesin Jesús ichakawakin kaxe wakin betsa betsapa watan xanen ibu keska wakin sanpu jawendua sawematan jawawen jaska watima ana jawendi Herodesin Pilato anu Jesús yunua iyuabu

João 5:22

Jaskawen taexun tsuada Epa Diosun unanti waismaki. Jakia jau dasibibu jawen baken jatu unanti waxanun jawen kushipa inani jayaki. Jaskawen taexun jabias Dios kenwanmisbu keska wakin jawen bakedi jau kenwanxanunbunan. Tsuabunda jawen bake ma yununi kenwanbumadan jaskatan jawen Epadi kenwan kayabitidumaki.

Hechos 10:42

Janua badi jawen jeneaitian jaska yuda dasibi mawabu tibi inun jiweabu tibi Jesús xanen ibukin jatu unanti waxanai nun jatu yusinkubainxanunbun Jesús jabitun nuku yunubainyamaki.

Hechos 17:31

Juni betsa katuxun yudabu anu yununi mawa bestenwankin yudabu dasibi jawen kushipa jatu uinmaniki. Jaskawen taexun ja xaba ma Diosun katuni anu ja juni katuniwen taexun yuda dasibi mai jidabi anu jiwebaunabu jatu unanti waakeakekin keyutan Diosun jawa kaneama jatu kupixanikikiki— jatu wa

Hechos 4:11

Jesús Diosun jaska keska waimakidi matu xabakabi wanun ea ninkakanwen. Man jiwe wanikabun mishki dananbiaibun jabias mishki keska Diosun bixun dexun makedex wakin kene jawen mestenwankin akawaimaki, ja jabias Jesúsdan.

Romanos 2:16

Jaskawen taea janu badi jawen jeneaitian Diosun Jesucristowen taexun jaska judiobu inun judiobuma jawada chakabu inun pepa june akubainmisbu dasibi jatu unanti wakin keyuxanikiki. Na jaska waxanaikidi jawen kaka pepa jawen meketi Jesucristokidi en jatuki chanikunkainaii.

1 Coríntios 4:5

Janu unantiwati idiamabiaken matumebi nuku tibi unanti wakin ja akin nuku chiteyamakubainkanwen. Janu nukun Xanen Ibu juaitian mananankanwen. Jatun besti dasibi june nun amis xabakabi taxnimaxanikiki, na jaska juinti medan nun jaya nuku bepenxun uinmakinan. Januxun Diosun nukun daya unankin betsa kenjaidawakin betsa bexmas kenwankin ikunwainbu tibi Diosun kenwan akeakexanikiki, manakukinan.