Romanos 11:30 - Kashinawa : Diosun Jesúswen taexun yuba bena yiniki

³⁰ Uatian jawa Jesucristokidi unanma Dios man ninkama iyupaunibuki, matubunan. Jabiaska keskadiai natian Israelbun Jesucristokidi shinankin Dios ninkabumadiki, man ini keskakinan. Jaskaken Dios natian matuwen nuikiki.

Kaxinawá Bíblia (BR)

³⁰ Uatiã hawa Jesus Cristokiri unãma Deus mã nĩkama iyupaunibuki, matubunã. Habiaska keskariai natiã Israelbũ Jesus Cristokiri xinãkĩ Deus nĩkabumariki, mã inibu keskakinã. Haskakẽ Deus natiã matuwẽ nuikiki.

Romanos 11:30 교차 참조

Romanos 11:31

Jaska inun, natian jawen nuiwen Diosun matu jawen duapa uinmakin matu duawaikiki. Jabiaska keskadi wakin ja Israelbu jatuwendi nuidiaxanikiki.

Romanos 15:9

Jaska nukukidi bestima man Israelbumawendi taea Cristo taxnidianiki. Jaskakidaniwen taexun man Israelbuman Dios duapajaida man kenwandiakubaintidubuki. Jaska bebunkidi Diosun jancha yuixunika David jadidi nawai kenekin: “Jaskawen taexun nawa xukua betsa tibibun mia kenwainbun jatubetan mia shinankin kenwankin jui kushipawen nawati pepawen en mia kenwankubainxanaii”, iyamaken

1 Coríntios 7:25

Jamen betsadan, beneyadiabumakidi man ea yukaima jaskakidi nukun Xanen Ibun ea yunuamabia ewen dabanan ikin ea duawa jawen kushipawen yununikai en chintuanmawen taexun matukidi jaska en shinain matu yusinun ninkaidakanwen.

2 Coríntios 4:1

Jaskaken Dios nukuwen dabanan ikin jawen yuba benakidi nun yusinun ixun nuku yununiwen taea jawen babui punu nukai nun bextekeisbumaki.

Colosenses 3:7

chakabu jabiaskadi matun jiwea xeniwen man abiapauni

1 Timóteo 1:18

Timoteoon, ebetan Jesucristo dayaxuni min en bake keskaki. Ea ninkawe. Jesucristo ikunwain jaki dakeama chakabu nemakin chanima jancha min jatu yusinpakenun Diosun jatu yunua Jesucristo ikunwainbu yusinan mekenikabun mia katunibuki. Jabiaskadi shinankin eandi en mia yunuaii, min kaneama ixanai unainan. Jakia yuda betsabu jatiditun Jesucristo ikunwankin taewabianixun chakabu metan ma chintuanbuki, januxun kupixanai anu buidan.

Hebreus 3:18

Ja mae pepa Canaán anu Diosun jatu yubai jatukidi janchai: “En jatu janu jikimatan jatu juindukunmamaxanaidan, jabuan en jancha ninkama danainbudan, jabu jikiama ixankanikiki”, iniki.

1 Pedro 2:10

Ja inun, ja dukun Diosunama man inibuki. Jakia natian man ma Diosun enabuki. Ja dukun Dios matuwen nuiama ibiani na jabiatian matuwen Dios nuikiki.