San Mateo 21:44 - Manitanati Tuparrü

⁴⁴ Tapü arrümanu canrrü, arrtü anati naqui taübüco onü, coiñoti. Y arrti naqui paquio manu canrrü onüti, cütocati nurria iquiana. (Arrti Jesús tacana manu canrrü. Arrübama üriatu israelitarrü tacana bama masamunu porrü.)

Manityanati Tupax

⁴⁴ Tapɨ axɨmanu kanx, axtɨ anati naki taɨbɨkoti onɨ iñaxioti ñana. Axtɨ axɨmanu kanx pakio onɨti taman, sɨsioti kɨtoxti nuxia kiana.

San Mateo 21:44 교차 참조

San Mateo 21:43

‛Sane nauquiche sucanañü aume —nanti Jesús—, tiene que acaübu amopünanaqui arrüna nüriacarrti Tuparrü, nauqui atorri ümo bama ipiaca aiñama nisüboriquirrimia tacana arrüna urria ümoti Tuparrü.

San Mateo 21:45

Nauquiche oncoimia manuma üriatu bama sacerdoterrü ichepe manuma fariseorrü arrümanio machepecataca uiti Jesús, tütusiatai ümoma arrümanu nurarrti ta ümoma.

San Mateo 26:24

Arrüñü Ñemanauncurratoe Ñoñünrrü tiene que acoco sobi arrüna nantü icu Nicororrü. ¡Pero taquisürütiatai naqui uiche aipiaventecanatiñü! Manrrüpü uirria arrtü chanatipü icu cürrü tücañe.

San Mateo 27:25

Auqui namatü aübu nitosibirrimia: —¡Arrüsomü ichepe bama suisaütaiqui rresponsablerrü somü caüma ümo niconcorrti!

San Lucas 2:34

Auqui arrti Simeón macunusüancanati ümoma, auqui nantito ümo Mariarrü nipiacütoti Jesús: —Sürümanama bama israelitarrü chiyasuriurumatipü ñana naqui ñaüma y sürümanama ito bama yasuriurumati.

San Lucas 20:18

‛Arrti naqui taübüco onü manu canrrü, iñarrioti. Tapürrtü paquio manu canrrü onüti, cütocati nurria iquiana. (Arrti Jesús tacana manu canrrü. Arrübama üriatu israelitarrü tacana bama masamunu porrü.)

San Juan 19:11

Aiñumuti Jesús: —Arrücü ane nüriaca iñemo, itopiqui torrio aemo uiti Tuparrü. Sane nauquiche arrübama uiche aitorrimianamañü aemo ane manrrü nomünantü uimia apünanaquicü.

Romanos 9:33

Ta ane corobo nurarrti Tuparrü sane: Amasasai nurria. Iñata taman canrrü onü manu yiriturrü nürirri Sión au Jerusalén. Ui manu canrrü popetabarrioma macrirrtianuca y uirri taübücoma. Pero arrti naqui oncotitü ümo manu canrrü, tonenti naqui chücüsobotipü ñana. Urria nacarrti. (Machepecatarrü arrüna sane. Arrümanu canrrü tonenti Jesucristo.)

1 Tesalonicenses 2:16

Chichebopü uimia supanita isucarü bama chütüpü israelitarrü, nauqui ataesübupüma ito eanaqui nomünantü. Ui arrüna sane manrrü tarucu nomünantü ui bama israelitarrü. Pero tirranrrü aiñanai carrticurrü ümoma, arrüna uiche atacüruma.

1 Pedro 2:8

Tone arrümanu canrrü uiche popetabarrioma macrirrtianuca, y taübücoma uirri. Sane te pasabo uiti Cristo. Arrübama chirranrrüpüma aicocoromati tüboricomantai ümoti. Pasabo sane, itopiqui sane nirrancarrti Tuparrü.