온라인 성경

홈페이지
온라인 성경
ꞌPhi‑ꞌlịp‑poi 4:17

ꞌPhi‑ꞌlịp‑poi 4:17 - Tai Dam

¹⁷ ꞌCọ báu#ꞌmen khỏi pháư ꞌmón é đảy ꞌchương khong cá#đaư. Hák ꞌva khỏi é hảư Chảu Pua ꞌPhạ phớng ꞌdứa công ꞌphún tứm hảư ꞌpi#ꞌnọng.

장을 참조하십시오 복사

다시 올라가다 ⬆

ꞌPhi‑ꞌlịp‑poi 4:17
26 교차 참조

Dô‑ꞌhăn 15:16

Báu#ꞌmen ꞌpứng ꞌnọng đảy ꞌlưạk au#ꞌháu, ꞌmen ꞌháu đảy ꞌlưạk au ꞌlẹo téng ꞌpứng ꞌnọng ꞌvạy ók pay đảy ꞌláng đi ꞌnéo báu#ꞌhụ ꞌhuội ꞌmá sú#ꞌháu. ꞌLẹo ꞌpứng ꞌnọng au ꞌchư siêng ꞌháu so săng nẳng Chảu#ꞌPo, ꞌTan chảu ꞌcọ ꞌchí#hảư.

장을 참조하십시오

Dô‑ꞌhăn 15:8

ꞌVa ꞌpứng ꞌnọng ꞌmí lai ꞌláng đi ꞌmá sú Chảu ꞌPo#ꞌháu, pên ꞌluống hảư ꞌchư siêng Chảu ꞌPo ꞌháu đảy ꞌhung#ꞌhướng, ꞌcốn ꞌtếng lai chắng ꞌhụ chắc ꞌpứng ꞌnọng pên ꞌcốn ꞌtoi ꞌtáng ꞌháu#ꞌtẹ.

장을 참조하십시오

Lôm 15:28

ꞌMưa khỏi au ꞌngớn ꞌpứng ꞌpi ꞌnọng hảư ꞌchoi dưa ꞌnị pay dao sáư ꞌmứ ꞌpứng ꞌcốn ꞌDiu#ꞌlẹo, khỏi ꞌchí pay cá ꞌmướng ꞌSa‑pên, hák#ꞌva ꞌchí ꞌve dam ꞌpi ꞌnọng#cón.

장을 참조하십시오

2 Cô‑ꞌlin‑ꞌthô 11:16

Khỏi so ꞌvạu máư, ꞌnhá hảư phaư bớng khỏi pên ꞌsướng phủ bảư#ꞌchạ. ꞌVa phaư hák ngắm ꞌsướng#ꞌnặn, so hảư nhẳn au khỏi pên ꞌsướng phủ bảư#ꞌchạ, ꞌpưa khỏi chắng ꞌchí đảy ꞌvạu ảng ꞌnọi#ꞌnưng.

장을 참조하십시오

2 Cô‑ꞌlin‑ꞌthô 9:5

ꞌSướng#ꞌnặn khỏi chắng ngắm ꞌchọ hảư ꞌpứng ꞌpi ꞌnọng ꞌnặn ꞌmá#cón, hảư ꞌkhặn ꞌkháng khong ꞌchoi ꞌcốn khó ꞌcặt ꞌvạy ꞌsướng ꞌpi ꞌnọng chao#ꞌhẹn, ꞌlẹo hảư ꞌkhặn ꞌkháng ꞌchương ꞌnặn ꞌvạy ꞌpưa hảư hên#ꞌva ꞌpi ꞌnọng ꞌmí chaư quảng é ꞌchoi ꞌtẹ, báu#ꞌmen ꞌnéo khốm hảư ꞌchoi cá#đaư.

장을 참조하십시오

ꞌPhi‑ꞌlịp‑poi 1:11

ꞌPi ꞌnọng đảy pên ꞌcốn đi ꞌmí ꞌmen ꞌchu ꞌnéo ꞌdọn Chảu ꞌGiê‑ꞌsu ꞌKha‑ꞌlịt hảư#pên, ꞌdệt hảư sỏng ꞌnhó ꞌchư siêng Chảu Pua ꞌPhạ đảy ꞌhung#ꞌhướng.

장을 참조하십시오

ꞌPhi‑ꞌlịp‑poi 4:11

Khỏi ꞌvạu ꞌnéo ꞌnị ꞌcọ báu#ꞌmen khỏi thiếu#săng, ꞌpưa khỏi đảy ép#ꞌhụ, ꞌva hák ꞌmí ꞌnéo đaư khỏi ꞌcọ sáng chaư#dú.

장을 참조하십시오

1 ꞌThê‑ꞌsa‑ꞌlôn 2:5

ꞌSúm khỏi hên ꞌnéo đaư ꞌcọ ꞌvạu ꞌnéo#ꞌnặn, báu#sưng#ꞌlạ, ꞌpi ꞌnọng ꞌcọ ꞌhụ#ꞌlẹo. Báu#ꞌmí chaư ꞌlặp ꞌsuôn húp huôi au săng cá#đaư, hák ꞌmí Chảu Pua ꞌPhạ bớng#ꞌló.

장을 참조하십시오

1 Ti‑ꞌmô‑ꞌthiêu 3:3

báu ꞌnghiến#lảu, báu#pút đảy nhay#ꞌchọng. Hảư ꞌmí chaư ón#van, báu#ꞌmặc phít khỏng tỏng#sương, báu#húp ꞌngớn#ꞌcắm.

장을 참조하십시오

1 Ti‑ꞌmô‑ꞌthiêu 6:10

ꞌMặc húp ꞌngớn ꞌcắm ꞌpá ꞌcốn ꞌdệt lai ꞌnéo ác#ꞌhại. ꞌSán ꞌcốn é đảy é ꞌmí#lai, ꞌdiến ꞌváng sia ꞌluống ꞌtáng ꞌchưa Chảu ꞌGiê‑ꞌsu, chắng chuốp au lai ꞌnéo khổ#báp.

장을 참조하십시오

Ti‑tô 1:7

Phủ bớng đu uôn ꞌpá ꞌsúm ꞌhốm Chảu ꞌGiê‑ꞌsu ꞌnặn ꞌchọ pên ꞌcốn đi báu#ꞌmí ꞌnéo chê#đảy, ꞌpưa#ꞌva Chảu Pua ꞌPhạ đảy téng hảư phủ ꞌnặn bớng ꞌviạk ꞌTan#chảu. Báu#ꞌchọ ảng chảu pên nháư ꞌnạp têng#sáu, báu#ꞌmí chaư#ꞌhọn, báu ꞌnghiến#lảu, báu#pút đảy nhay#ꞌchọng, báu#ꞌmí chaư ꞌcột kin#sáu.

장을 참조하십시오

Ti‑tô 3:14

ꞌPứng ꞌpi ꞌnọng ꞌháu phủ ꞌchưa Chảu ꞌGiê‑ꞌsu ꞌchọ ép ꞌhụ sáư chaư ꞌdệt ꞌnéo#đi, ha ꞌchương sủ ꞌvạy ꞌchớ ꞌcặt khó ꞌmá chắng ꞌchí ꞌmí ꞌchoi dưa#căn, báu#pên ꞌcốn dú ꞌlạ kin#đai.

장을 참조하십시오

ꞌHệp‑ꞌlơ 6:10

Chảu Pua ꞌPhạ pên phủ đi ꞌmí#ꞌmen, báu#ꞌlứm sia hứa ꞌhéng chaư ꞌhặc khong ꞌpi ꞌnọng ꞌpưa ꞌchư siêng ꞌTan#chảu, ꞌsướng#ꞌva ꞌpi ꞌnọng ꞌchoi dưa dên ꞌpay ꞌTan#chảu, ꞌlẹo ꞌcọ ꞌnhắng ꞌchoi#dú.

장을 참조하십시오

1 Pê‑tô 5:2

ꞌcoi ꞌlăm đu bớng ꞌdéng au phen ꞌcốn Chảu Pua ꞌPhạ dao hảư ꞌpi#ꞌnọng. Hảư bớng đu ꞌtoi chaư Chảu Pua ꞌPhạ ꞌdọn ꞌmí chaư é#ꞌdệt, báu#ꞌchư pắt hảư#ꞌdệt. Báu#ꞌchư é đảy ꞌngớn ꞌcắm chắng#ꞌdệt, hák sút chaư ꞌmuôn ꞌmớng sáư nả ꞌviạk ꞌTan#chảu.

장을 참조하십시오

2 Pê‑tô 2:15

Sau đảy ꞌváng sia ꞌluống ꞌtáng đi ꞌtáng ꞌsư pay ꞌtoi ꞌluống ꞌtáng#phít, ꞌdệt ꞌsướng Ba‑ꞌla‑am ꞌlụk ꞌchái thảu Bê‑ô. Ba‑ꞌla‑am pên ꞌlam páo ꞌquám Chảu Pua#ꞌPhạ, hák#ꞌva ꞌmắn ꞌmặc au ꞌngớn ꞌcắm ꞌmá ꞌtáng báu#đi.

장을 참조하십시오

2 Pê‑tô 2:3

ꞌCốn pom pên ꞌsáy ꞌmí chaư húp huôi ꞌngớn#ꞌcắm, chắng ꞌchí téng au ꞌquám ꞌlạ đai ꞌmá ꞌvạu sú ꞌpi ꞌnọng#ꞌphắng. Hák hơng ꞌmá ꞌlẹo Chảu Pua ꞌPhạ ꞌmí ꞌluống ꞌtáng ꞌvạy sáư ꞌsội#sau, ꞌTan chảu phủ ꞌchí ꞌdệt hảư sau đắp sia ꞌcọ báu#ꞌlứm.

장을 참조하십시오

Du‑đe 1:11

ꞌSội nắc ꞌchí tốc sáư phen ꞌcốn ác ꞌnặn. Sau ꞌtoi ꞌtáng Ca‑in ꞌmưa#ꞌláng, sau au chaư ꞌdệt ꞌnéo phít ꞌpộ sau é đảy ꞌngớn ꞌcắm ꞌsướng Ba‑ꞌla‑am ꞌdệt pang ꞌchạu#ꞌnặn, ꞌlẹo ꞌcọ ꞌchọ đắp siêu pay ꞌsướng Cô‑ꞌla phủ tứn khửn tó ꞌsốn#ꞌnặn.

장을 참조하십시오

우리를 팔로우하세요:

스폰서 링크

광고

광고