온라인 성경

ꞌLu‑ca 8:15 - Tai Dam

¹⁵ ꞌMịt khảu tốc sáư bón đin đi ꞌcọ pên ꞌsướng ꞌpứng ꞌcốn ꞌmí ꞌnặm saư chaư ꞌsư ꞌphắng ꞌquám Chảu Pua ꞌPhạ bók son chứ chăm au hảư mẳn#kén, đảy đi ꞌmá sú Chảu Pua#ꞌPhạ.

장을 참조하십시오 복사

다시 올라가다 ⬆

ꞌLu‑ca 8:15
40 교차 참조

ꞌMặt‑ꞌthai 24:13

Hák#ꞌva phủ đaư cứ chaư mẳn ꞌtạu sút#ꞌchua, phủ ꞌnặn ꞌcọ ꞌchí đảy khói sia báp#ꞌsội.

장을 참조하십시오

ꞌLu‑ca 11:28

Chảu ꞌGiê‑ꞌsu ꞌdiến#ꞌva, “ꞌChốm ꞌmớng lỏ#ꞌmen ꞌpứng phủ đảy ꞌphắng ꞌquám Chảu Pua ꞌPhạ ꞌdệt ꞌtoi ꞌquám bók son ꞌnặn#lo.”

장을 참조하십시오

ꞌLu‑ca 6:45

Phủ đi ꞌcọ ꞌvạu đi ók ꞌmá nẳng cuông#chaư. Phủ ꞌhại ꞌcọ ꞌvạu ꞌhại ók ꞌmá nẳng cuông#chaư. Chaư têm ꞌlộn ꞌsứ đaư ꞌcọ pák ók ꞌmá pên ꞌsướng#ꞌnặn.

장을 참조하십시오

ꞌLu‑ca 8:14

ꞌMịt khảu tốc sáư cang co#nam, pống khửn ꞌtoi#căn, nam tứp ꞌhôm co khảu#sia, ꞌcọ pên ꞌsướng ꞌpứng ꞌcốn đảy ꞌnghín ꞌquám Chảu Pua#ꞌPhạ, hák#ꞌva ꞌnhắng ngắm ꞌpuốn ꞌhọt nả ꞌviạk ứn nẳng cuông ꞌchua ꞌlới#ꞌnị, ꞌmặc ꞌhăng ꞌmặc#ꞌmí, ꞌmặc ỉn ꞌmặc#ꞌmuôn, hảư ꞌpứng ꞌviạk ꞌnặn khảu ꞌmá bíp#ꞌhặt, ꞌquám ꞌchưa ꞌdiến báu#nháư báu#sung khửn#đảy.

장을 참조하십시오

ꞌLu‑ca 8:16

Sủ ꞌsướng ꞌcốn tảy ꞌlén báu#ꞌmí phủ đaư ꞌmưa tảy ꞌlén ꞌpháy ꞌhung khửn ꞌlẹo ꞌchí au thuổi ꞌmá ꞌnguốm#sia, ꞌhứ#ꞌva au pay ꞌvạy nẳng cỏng ꞌdướng#ꞌnón. ꞌMí ꞌto au pay tẳng sáư ꞌtếng thản#sung, ꞌchớ ꞌcốn khảu ꞌmá chắng ꞌchí hên seng#ꞌhung.

장을 참조하십시오

Dô‑ꞌhăn 14:15

Chảu ꞌGiê‑ꞌsu ꞌvạu máư ꞌva: “ꞌVa ꞌpứng ꞌnọng ꞌhặc ꞌháu ꞌtẹ, hảư ꞌdệt ꞌtoi ꞌquám ꞌháu#bók.

장을 참조하십시오

Dô‑ꞌhăn 15:10

ꞌVa ꞌpứng ꞌnọng ꞌphắng ꞌquám ꞌháu đảy bók#ꞌvạy, ꞌpứng ꞌnọng ꞌcọ ꞌchí mẳn chaư cắp ꞌquám ꞌhặc khong#ꞌháu, ꞌsướng ꞌháu ꞌphắng ꞌquám Chảu ꞌPo ꞌháu đảy bók#ꞌvạy, ꞌháu ꞌcọ mẳn chaư cắp ꞌquám ꞌhặc khong ꞌTan chảu ꞌnặn#lo.

장을 참조하십시오

Lôm 2:7

ꞌVa phủ đaư ꞌmí chaư sắc mắn sảng ꞌnéo#đi, é đảy ꞌhung#ꞌhướng, ꞌnéo sỏng ꞌnhó nẳng Chảu Pua ꞌPhạ kéng ꞌchua ꞌlới báu#ꞌhụ#tai, ꞌTan chảu ꞌcọ ꞌchí hảư phủ ꞌnặn đảy ꞌchua ꞌlới#ꞌlới.

장을 참조하십시오

Lôm 6:22

ꞌKhạy Chảu Pua ꞌPhạ hảư ꞌpi ꞌnọng ók khói sia ꞌviạk báp ꞌsội ꞌlẹo đảy khảu ꞌmá sú ꞌquám ꞌTan#chảu, đảy ꞌláng đi ꞌdệt ꞌcốn sú ꞌluống ꞌtáng ꞌpẹk#saư, ꞌcọ ꞌpá pay sú ꞌchua ꞌlới#ꞌlới.

장을 참조하십시오

Lôm 7:18

ꞌHáu ꞌcọ ꞌhụ nẳng cuông chaư cáu ꞌháu báu#ꞌmí săng đi sắc#ꞌnéo. Ta#ꞌva ngắm é ꞌdệt ꞌnéo#đi, hák#ꞌva ꞌháu ꞌcọ ꞌdệt báu#đảy.

장을 참조하십시오

Lôm 7:4

ꞌNéo ꞌnặn#lo, ꞌpi ꞌnọng#ꞌhới. ꞌSướng ꞌháu đảy tai ꞌhuôm ꞌlắm ꞌmo Chảu ꞌKha‑ꞌlịt, đảy ók khói sia ꞌluột ꞌláng pang ꞌchạu ꞌmá sú Chảu ꞌKha‑ꞌlịt phủ tai pay ꞌlẹo đảy ꞌcứn ꞌhéng#ꞌmá, ꞌpưa hảư ꞌchua ꞌcốn ꞌháu ꞌmí ꞌnéo đi ꞌmá sú Chảu Pua#ꞌPhạ.

장을 참조하십시오

Lôm 8:25

Hák#ꞌva ꞌháu mong ꞌcóng ꞌnéo ꞌnhắng báu#ꞌhế đảy#hên, ꞌháu ꞌcọ cứ chaư ꞌcóng thả#dú.

장을 참조하십시오

1 Cô‑ꞌlin‑ꞌthô 7:19

ꞌHịt tắt mai ꞌdệt báu#ꞌdệt ꞌcọ báu#ꞌmí ꞌluống#săng, kin dú ꞌtoi ꞌquám sắng Chảu Pua ꞌPhạ chắng#ꞌmen.

장을 참조하십시오

Ê‑ꞌphê‑ꞌsô 2:8

Chảu Pua ꞌPhạ ꞌmí công ꞌphún phớng ꞌdứa ꞌpi ꞌnọng chắng đảy ók khói sia báp#ꞌsội, ꞌdọn ꞌmí chaư ꞌchưa Chảu ꞌGiê‑ꞌsu. Báu#ꞌmen ꞌpi ꞌnọng hák ꞌdệt au#đảy, ꞌmen Chảu Pua ꞌPhạ au hảư#ꞌló.

장을 참조하십시오

ꞌPhi‑ꞌlịp‑poi 1:11

ꞌPi ꞌnọng đảy pên ꞌcốn đi ꞌmí ꞌmen ꞌchu ꞌnéo ꞌdọn Chảu ꞌGiê‑ꞌsu ꞌKha‑ꞌlịt hảư#pên, ꞌdệt hảư sỏng ꞌnhó ꞌchư siêng Chảu Pua ꞌPhạ đảy ꞌhung#ꞌhướng.

장을 참조하십시오

Cô‑ꞌlô‑ꞌsai 1:10

ꞌSúm khỏi đé so ꞌTan chảu ꞌcọ ꞌpưa hảư ꞌpi ꞌnọng ꞌhụ kin dú ꞌluống đi sôm đáng pên ꞌcốn hảư ꞌTan chảu sôm chaư ꞌchu#ꞌnéo, ꞌchu ꞌviạk đi hảư đảy ꞌláng đi ꞌmá sú ꞌTan#chảu, hảư ꞌhụ Chảu Pua ꞌPhạ lai tứm#khửn,

장을 참조하십시오

Cô‑ꞌlô‑ꞌsai 1:6

ꞌChu bón ꞌchu ꞌti nẳng ꞌmướng#ꞌlum, kháo ꞌhung saư ꞌnị đảy ꞌpe quảng#ók, đảy ꞌláng đi ꞌmá sú Chảu Pua#ꞌPhạ, ꞌcọ ꞌsướng dú cang mốt mú ꞌpi#ꞌnọng, tẳng té đảy ꞌnghín kháo ꞌhung saư ꞌnị chắng ꞌhụ chẻng ꞌviạk ꞌmen ꞌtẹ công ꞌphún Chảu Pua ꞌPhạ hảư#ꞌnặn.

장을 참조하십시오

ꞌHệp‑ꞌlơ 10:36

ꞌPi ꞌnọng hảư cứ chaư mẳn ꞌdệt ꞌtoi chaư Chảu Pua#ꞌPhạ, ꞌcọ ꞌchí đảy ꞌnéo đi ꞌsướng ꞌTan chảu chao ꞌhẹn#ꞌnặn.

장을 참조하십시오

ꞌHệp‑ꞌlơ 2:1

ꞌPưa ꞌsướng ꞌnặn, ꞌquám ꞌháu đảy ꞌnghín ꞌnéo#đaư, ꞌháu tỏng sút mốc au chaư sáư, dản#ꞌva ꞌháu ꞌchí lông pay ꞌluống#phít.

장을 참조하십시오

Da‑cô‑bô 1:4

Hảư ꞌháu cứ chaư mẳn tứm tó pay#nả, chắng ꞌchí đảy pên ꞌcốn đi sút ꞌchu ꞌnéo báu lút#săng.

장을 참조하십시오

1 Dô‑ꞌhăn 2:3

ꞌVa ꞌsúm ꞌháu ꞌphắng au ꞌtoi ꞌquám sắng Chảu Pua#ꞌPhạ, ꞌcọ ꞌhụ#ꞌva ꞌháu ꞌhụ chắc ꞌTan#chảu.

장을 참조하십시오

우리를 팔로우하세요:

스폰서 링크

광고

광고