온라인 성경

ꞌLu‑ca 16:8 - Tai Dam

⁸ Chảu ꞌhướn chắng sưng phủ đu ꞌviạk ꞌhướn chaư ꞌcột ꞌnặn#ꞌva, ꞌmắn ꞌchang ꞌhụ ꞌdệt ꞌnéo lắc#lem, ꞌcọ ꞌpưa ꞌcốn ꞌmướng ꞌlum ꞌnị kin dú nẳng căn ꞌhụ ꞌdệt ꞌnéo lắc lem ꞌsứa ꞌpứng phủ ꞌtoi ꞌluống ꞌtáng ꞌhung saư [phái Chảu Pua#ꞌPhạ].

장을 참조하십시오 복사

다시 올라가다 ⬆

ꞌLu‑ca 16:8
23 교차 참조

ꞌPai sia ꞌmướng 1:10

ꞌSướng ꞌnặn ꞌháu ꞌchọ ha ꞌnéo ꞌmá ꞌdệt khốm ꞌnạp ꞌnhá hảư sau đảy mả ꞌpe#khửn. ꞌVa báu#ꞌsịn, ꞌmí ꞌmự ꞌnưng bản ꞌmướng hák pên#sớc, sau ꞌcọ ꞌchí khảu ꞌhuôm cắp sớc ꞌmá ꞌtặp#ꞌháu, ꞌlẹo ꞌcốn ꞌI‑ꞌsa‑ên ꞌchí au căn ꞌpai sia#mết.”

장을 참조하십시오

ꞌMặt‑ꞌthai 12:32

Phủ đaư ꞌvạu khắt khoang ꞌháu pên ꞌlụk phủ ꞌcốn ꞌnị ꞌcọ ꞌnhắng ꞌchí dáng ꞌdóm hảư#đảy. Hák#ꞌva phủ đaư ꞌvạu khắt khoang Chảu Khuôn#Saư, sút ꞌchua ꞌnị ꞌhọt ꞌchua nả ꞌcọ ꞌchí dáng ꞌdóm hảư báu#đảy.

장을 참조하십시오

ꞌMặt‑ꞌthai 17:26

Pê‑tô tóp ꞌva, “Kếp nẳng dên ꞌpay#lo.” Chảu ꞌGiê‑ꞌsu chắng ꞌvạu sú ꞌmắn ꞌva, “ꞌNéo ꞌnặn phủ pên ꞌlụk pua báu#ꞌchọ#sia. [ꞌHáu pên ꞌLụk Chảu Pua ꞌPhạ ꞌnị ꞌcọ báu#ꞌchọ#sia.]

장을 참조하십시오

ꞌLu‑ca 16:10

Phủ ꞌmí chaư ꞌsư tó ꞌviạk ꞌlệc ꞌnọi ꞌcọ ꞌchí ꞌmí chaư ꞌsư tó ꞌviạk#nháư. Phủ ꞌmí chaư ꞌcột tó ꞌviạk ꞌlệc ꞌnọi ꞌcọ ꞌchí ꞌmí chaư ꞌcột tó ꞌviạk#nháư.

장을 참조하십시오

ꞌLu‑ca 16:4

ꞌMắn chắng ngắm#đảy, ꞌchớ ók ꞌviạk ꞌsứ đaư ꞌpi ꞌnọng chắng ꞌchí ꞌkhớng tỏn ꞌmắn khảu ꞌhướn#sau.

장을 참조하십시오

ꞌLu‑ca 16:7

ꞌLẹo tham phủ#ꞌnưng máư#ꞌva, ‘Chảu ꞌlế ꞌchịu ꞌto#đaư?’ Phủ ꞌnặn tóp ꞌva, ‘ꞌChịu ꞌpắn bung khảu.’ ꞌMắn chắng bók ꞌva, ‘Au sổ ꞌnợ ꞌmá tẻm sáư#ꞌva pét ꞌhọi bung thôi ꞌsịn#ꞌnớ.’

장을 참조하십시오

ꞌLu‑ca 18:6

ꞌGiê‑ꞌsu phủ pên Chảu Chom chắng#ꞌva, “Hảư ngắm bớng ꞌquám ꞌsáy sét ꞌván ꞌviạk phủ chaư báu#ꞌsư ꞌnhắng ꞌva tớc#ꞌnặn.

장을 참조하십시오

ꞌLu‑ca 20:34

Chảu ꞌGiê‑ꞌsu tóp sau#ꞌva: “ꞌViạk phủ ꞌcốn au căn pên phua ꞌmía ꞌmen ꞌchua ꞌlới pang ꞌnị#thôi.

장을 참조하십시오

ꞌLu‑ca 20:35

Phủ đaư Chảu Pua ꞌPhạ sôm đáng hảư ꞌcứn ꞌhéng ꞌchua ꞌlới pang nả ꞌcọ ꞌchí báu#au căn pên phua ꞌmía#ꞌlẹo.

장을 참조하십시오

Dô‑ꞌhăn 12:36

ꞌChớ ꞌháu ꞌnhắng dú nẳng ꞌpứng#chảu, hảư ꞌpơng inh seng ꞌhung#ꞌnị, chắng ꞌchí đảy pên ꞌcốn dú phái seng#ꞌhung.” Chảu ꞌGiê‑ꞌsu ꞌvạu ꞌsướng ꞌnặn ꞌlẹo ꞌdiến ꞌpai pay bắt ník sia#sau.

장을 참조하십시오

1 Cô‑ꞌlin‑ꞌthô 3:18

ꞌNhá ꞌmí phaư ngắm chảu hák bẻo#chảu, cuông ꞌpi ꞌnọng ꞌva ꞌmí phủ đaư ngắm ꞌhiạk chảu pên ꞌcốn ꞌhụ lắc nẳng ꞌchua ꞌlới pang#ꞌnị, hảư phủ ꞌnặn pên ꞌcốn ꞌhiạk#ꞌva bảư#ꞌchạ, phủ ꞌnặn chắng ꞌchí đảy pên ꞌcốn ꞌhụ lắc#ꞌtẹ.

장을 참조하십시오

Ê‑ꞌphê‑ꞌsô 5:8

Té cón ꞌnặn ꞌpi ꞌnọng pên ꞌcốn dú ꞌtáng ꞌmựt#đăm, hák ꞌkhạy ꞌnị đảy ꞌmá pên ꞌcốn dú ꞌtáng ꞌhung saư cuông ꞌhôm ꞌngáu ꞌGiê‑ꞌsu phủ pên Chảu#Chom. ꞌSướng ꞌnặn hảư kin dú sôm pên ꞌcốn ꞌtoi ꞌluống ꞌtáng ꞌhung#saư,

장을 참조하십시오

ꞌPhi‑ꞌlịp‑poi 3:19

Sau au ꞌtọng chảu ꞌdệt pên chảu#chom. ꞌNéo ꞌhại uối sôm đáng nả ꞌhại sau cáo ảng#ꞌva ꞌmen ꞌnéo#đi. Sau ngắm ꞌhọt ꞌto ꞌviạk ꞌmướng ꞌlum ꞌnị#thôi. ꞌPứng ꞌcốn ꞌnặn ꞌcọ ꞌchí ꞌchọ đắp siêu sia ꞌpái#nả.

장을 참조하십시오

1 ꞌThê‑ꞌsa‑ꞌlôn 5:5

ꞌPi ꞌnọng ꞌtếng#cá ꞌmí chaư ꞌtoi ꞌluống ꞌtáng ꞌhung saư ꞌsướng ꞌtếng#ꞌvến, ꞌháu báu#ꞌmí chaư ꞌmựt ꞌsướng ꞌtếng ꞌcứn#ꞌlẹo.

장을 참조하십시오

1 Pê‑tô 2:9

Hák#ꞌva ꞌpứng ꞌpi ꞌnọng lo pên ꞌchựa ꞌphắn Chảu Pua ꞌPhạ đảy ꞌlưạk ꞌvạy#ꞌlẹo, pên ꞌsướng ꞌpứng mo ꞌkhớng nả ꞌviạk Chảu#Chom, pên ꞌphắn ꞌcốn ꞌpẹk saư mai ꞌvạy hảư Chảu Pua#ꞌPhạ, pên dên ꞌpay diêng ꞌTan#chảu, ꞌpưa ꞌpi ꞌnọng ꞌchí đảy páo sỏng ꞌnhó Chảu Pua ꞌPhạ phủ ꞌhiạk au ꞌpi ꞌnọng ók khói sia ꞌluống ꞌtáng ꞌmựt đăm ꞌmá khảu ꞌluống ꞌtáng ꞌhung saư lák ꞌkhán ꞌTan#chảu.

장을 참조하십시오

1 Dô‑ꞌhăn 3:10

ꞌSướng ꞌnặn ꞌsúm ꞌháu chắng ꞌhụ chắc ꞌmen phủ đaư pên ꞌlụk Chảu Pua#ꞌPhạ, phủ đaư pên ꞌlụk tô cốc phi#ꞌhại. Phủ đaư hák báu#ꞌhụ ꞌdệt ꞌtoi ꞌluống ꞌtáng#ꞌmen, báu#ꞌhụ ꞌhặc ꞌpi#ꞌnọng, ꞌcọ mai#ꞌva, phủ ꞌnặn báu#ꞌmen ꞌlụk Chảu Pua#ꞌPhạ.

장을 참조하십시오

우리를 팔로우하세요:

스폰서 링크

광고

광고