온라인 성경

Lôm 12:2 - Tai Dam

² ꞌNhá kin dú ꞌtoi ꞌngươn ꞌhói phái ꞌmướng ꞌlum. Cuông chaư chảu hảư đảy piến peng ngắm ꞌnéo máư. ꞌLẹo ꞌpi ꞌnọng ꞌcọ ꞌchí đảy ꞌhụ hên ꞌluống ꞌtáng ꞌtoi chaư Chảu Pua ꞌPhạ, pên ꞌluống#ꞌmen, ꞌluống đi#sút, ꞌluống sôm chaư ꞌTan#chảu.

장을 참조하십시오 복사

다시 올라가다 ⬆

Lôm 12:2
61 교차 참조

ꞌMặt‑ꞌthai 13:22

ꞌMịt khảu ván tốc sáư cang pá nam ꞌcọ pên ꞌsướng phủ đảy ꞌnghín ꞌquám Chảu Pua#ꞌPhạ, hák#ꞌva phủ ꞌnặn ngắm ꞌpuốn ꞌhọt nả ꞌviạk nẳng ꞌchua ꞌlới#ꞌnị, ꞌviạk ꞌhăng ꞌmí ꞌpá hảư lông pay ꞌtoi ꞌtáng#phít. Song nả ꞌviạk ꞌnị ꞌdệt hảư ꞌquám Chảu Pua ꞌPhạ ꞌnặn báu#đảy ꞌláng đi ꞌmá sú ꞌTan#chảu.

장을 참조하십시오

ꞌMa‑ꞌla‑cô 4:19

hák#ꞌva sau ngắm ꞌpuốn ꞌhọt nả ꞌviạk nẳng ꞌchua ꞌlới#ꞌnị, ꞌviạk ꞌhăng ꞌmí ꞌpá hảư lông pay ꞌtoi ꞌtáng#phít, sau pháư é đảy lai ꞌnéo#ứn. ꞌPứng ꞌviạk ꞌnị ꞌmá ꞌdệt hảư ꞌquám Chảu Pua ꞌPhạ sau đảy ꞌnghín ꞌnặn báu#đảy#đi.

장을 참조하십시오

Dô‑ꞌhăn 14:30

ꞌHáu ꞌchí báu#ꞌvạu tứm săng lai cắp ꞌpứng#ꞌnọng, ꞌpưa#ꞌva tô phi phủ ꞌnăng ꞌmướng ꞌlum pang ꞌnị ꞌchí#ꞌmá. Phi ꞌcọ báu#ꞌmí ꞌquiến săng ꞌlưn ꞌháu cá#đaư.

장을 참조하십시오

Dô‑ꞌhăn 15:19

ꞌVa ꞌpứng ꞌnọng pên phái ꞌmướng#ꞌlum, ꞌcốn phái ꞌmướng ꞌlum ꞌcọ ꞌchí ꞌhặc ꞌpứng ꞌnọng ꞌsướng sau ꞌhặc căn ꞌnặn#lo. Hák#ꞌva ꞌháu đảy ꞌlưạk au ꞌpứng ꞌnọng ók sia#sau, ꞌkhạy ꞌpứng ꞌnọng báu#ꞌmen phái ꞌmướng ꞌlum#ꞌlẹo, ꞌsướng ꞌnặn lo ꞌcốn phái ꞌmướng ꞌlum chắng ꞌhiạk ꞌchắng ꞌpứng#ꞌnọng.

장을 참조하십시오

Dô‑ꞌhăn 17:14

ꞌLụk đảy au ꞌquám Chảu ꞌPo ꞌmá bók sau#ꞌlẹo, ꞌcốn phái ꞌmướng ꞌlum ꞌnị ꞌcọ ꞌchắng#sau, ꞌpưa#ꞌva sau báu#ꞌmen phái ꞌmướng ꞌlum#ꞌlẹo, ꞌsướng ꞌLụk báu#ꞌmen phái ꞌmướng#ꞌlum.

장을 참조하십시오

Dô‑ꞌhăn 7:7

ꞌCốn ꞌmướng ꞌlum báu#hón ꞌchí ꞌchắng ꞌpứng#ꞌnọng. Hák#ꞌva sau ꞌchắng#ꞌpi, ꞌpưa#ꞌva ꞌpi ꞌtuộng ꞌnéo sau ꞌdệt ꞌnặn ꞌva ꞌnéo ác#ꞌhại.

장을 참조하십시오

Lôm 12:1

ꞌPi ꞌnọng ꞌhặc ꞌpéng, Chảu Pua ꞌPhạ ín đu phớng ꞌdứa ꞌsúm ꞌháu ꞌsướng ꞌvạu ꞌmá#ꞌnặn, khỏi chắng sút chaư so ꞌpi ꞌnọng phaư ꞌcọ hảư dao ꞌmo ꞌkính hảư ꞌTan#chảu, pên ꞌsướng ꞌchương vảy ꞌsớ ꞌnhắng ꞌmí ꞌlới#dú, ꞌnéo ꞌpẹk saư sôm chaư ꞌTan#chảu. ꞌDệt ꞌsướng ꞌnị ꞌcọ pên ꞌluống vảy ꞌháu ꞌnéo ꞌmen ꞌsúm ꞌháu ꞌchọ#ꞌdệt.

장을 참조하십시오

Lôm 13:14

Hảư ꞌdệt ꞌcốn ꞌtoi ꞌhói đi ꞌGiê‑ꞌsu ꞌKha‑ꞌlịt phủ pên Chảu#Chom, ꞌnhá ꞌkhớng ꞌtoi ꞌnéo chaư cáu ꞌluống báp ꞌsội#ꞌmặc.

장을 참조하십시오

Lôm 7:12

ꞌSướng ꞌnặn ꞌcọ mai#ꞌva ꞌluột ꞌláng pên ꞌquám ꞌpẹk saư ꞌmá té Chảu Pua#ꞌPhạ, ꞌquám sắng ꞌnặn ꞌcọ đi sút ꞌmen#mết, pên ꞌluống ꞌpẹk saư#ꞌtẹ.

장을 참조하십시오

Lôm 7:14

ꞌSúm ꞌháu ꞌhụ#ꞌva, ꞌluột ꞌláng ꞌnặn ꞌmá té Khuôn Saư Chảu Pua ꞌPhạ#ꞌtẹ. Hák#ꞌva ꞌháu lỏ#pên ꞌcốn ꞌmướng#ꞌlum, dú cỏng ꞌquiến báp#ꞌsội.

장을 참조하십시오

Lôm 7:22

Cuông chaư ꞌháu ꞌcọ é sú ꞌluột Chảu Pua ꞌPhạ đảy bók#ꞌvạy.

장을 참조하십시오

1 Cô‑ꞌlin‑ꞌthô 3:19

ꞌNéo ꞌcốn phái ꞌmướng ꞌlum ꞌhiạk#ꞌva ꞌhụ#lắc, hák#ꞌva Chảu Pua ꞌPhạ bớng hên#ꞌva pên bảư#ꞌchạ, ꞌsướng ꞌquám ꞌTan chảu đảy tẻm ꞌchiến ꞌvạy#ꞌva: ꞌTan chảu au ꞌquám lắc lem khong phủ ꞌhiạk ꞌhụ lắc ꞌmá pắt au#ꞌmắn.

장을 참조하십시오

2 Cô‑ꞌlin‑ꞌthô 4:4

ꞌPứng ꞌcốn báu#ꞌchưa kháo#ꞌnặn, ꞌpộ tô cốc phi ꞌhại [ꞌSa‑tan] phủ ꞌnăng ꞌmướng ꞌlum ꞌchua ꞌlới pang ꞌnị đảy ꞌdệt hảư chaư sau ꞌmựt ꞌmúa ꞌpưa báu hảư sau ꞌhụ kháo ꞌhung saư#đảy, ꞌmen kháo ꞌhung ꞌhướng Chảu ꞌKha‑ꞌlịt phủ pên ꞌsướng điêu Chảu Pua#ꞌPhạ.

장을 참조하십시오

2 Cô‑ꞌlin‑ꞌthô 5:17

ꞌSướng ꞌnặn, phủ đaư dú cuông ꞌhôm ꞌngáu Chảu ꞌKha‑ꞌlịt, phủ ꞌnặn đảy pên ꞌcốn#máư. ꞌNéo cáu mết sia#ꞌlẹo, ꞌchu ꞌnéo đảy pên máư#mết.

장을 참조하십시오

ꞌKha‑ꞌla‑tia 1:4

Chảu ꞌGiê‑ꞌsu ꞌKha‑ꞌlịt ꞌchịu ꞌváng sia ꞌchua tháy au báp ꞌsội ꞌsúm#ꞌháu, ꞌpưa ꞌchoi ꞌháu đảy ók khói sia pang ꞌlới ꞌcốn ác ꞌhại ꞌkhạy#ꞌnị, ꞌtoi chaư Chảu Pua ꞌPhạ phủ pên ꞌPo#ꞌháu.

장을 참조하십시오

Ê‑ꞌphê‑ꞌsô 1:18

Khỏi đé so Chảu Pua ꞌPhạ hảư chaư ꞌpi ꞌnọng ꞌhụ chẻng#khửn, ꞌpưa ꞌpi ꞌnọng ꞌchí ꞌhụ#ꞌva, ꞌTan chảu ꞌhiạk au ꞌsúm ꞌháu ꞌmá ꞌnặn ꞌpưa ꞌchí đảy ꞌnéo mong ꞌcóng#thả, ꞌsướng ꞌnéo đi quí ꞌpéng ꞌhung ꞌhướng nháư luông khong ꞌTan chảu ꞌvạy hảư phủ pên dên#ꞌpay,

장을 참조하십시오

Ê‑ꞌphê‑ꞌsô 2:2

ꞌPi ꞌnọng ꞌkhới kin dú ꞌluống ꞌtáng báp ꞌsội ꞌtoi phái ꞌmướng#ꞌlum, ꞌphắng ꞌquám ꞌdệt ꞌtoi tô cốc phi ꞌhại phủ ꞌmí ꞌquiến téng đa dú cang#hao, ꞌcọ ꞌmen phi ꞌhại ꞌnặn ꞌpá ꞌtuốn uôn chaư ꞌpứng phủ báu#ꞌphắng ꞌquám Chảu Pua#ꞌPhạ.

장을 참조하십시오

Ê‑ꞌphê‑ꞌsô 5:17

ꞌSướng ꞌnặn ꞌnhá pên ꞌcốn bảư#ꞌchạ, hảư ꞌhụ ăn đaư ꞌGiê‑ꞌsu phủ pên Chảu Chom é hảư ꞌpi ꞌnọng#ꞌdệt.

장을 참조하십시오

Cô‑ꞌlô‑ꞌsai 1:9

ꞌDọn ꞌsướng ꞌnặn ꞌsúm khỏi chắng đảy đé so Chảu Pua ꞌPhạ ꞌpưa ꞌpi ꞌnọng ꞌlớng#ꞌlớng. Tẳng té ꞌmự ꞌsúm khỏi đảy ꞌnghín kháo ꞌpi#ꞌnọng, chắng đảy đé so ꞌTan chảu phớng ꞌdứa hảư ꞌpi ꞌnọng ꞌhụ ꞌluống ꞌtáng chaư ꞌmặc khong ꞌTan chảu mết ꞌchu#ꞌnéo, ꞌtếng#cá ꞌquám ꞌhụ ꞌquám lắc ꞌtoi Chảu Khuôn Saư uôn ꞌpá hảư#ꞌhụ.

장을 참조하십시오

Cô‑ꞌlô‑ꞌsai 3:10

ꞌKhạy ꞌpi ꞌnọng ꞌcọ đảy piến pên ꞌcốn#máư, Chảu Pua ꞌPhạ đang piến hảư pên ꞌsướng ꞌTan chảu phủ sảng khửn#ꞌnặn, hảư ꞌhụ chắc chẻng ꞌTan#chảu.

장을 참조하십시오

Cô‑ꞌlô‑ꞌsai 4:12

ꞌTan Ê‑pa‑ꞌpha ꞌmen ꞌtáy ꞌmướng điêu ꞌpi ꞌnọng ꞌcọ ꞌmí ꞌquám tham kháo ha ꞌpi#ꞌnọng. ꞌTan pên phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt, ꞌchớ đaư ꞌcọ ꞌhọn ꞌhún au chaư sáư đé so Chảu Pua ꞌPhạ ꞌpưa ꞌpi ꞌnọng đảy ꞌmí lắc#mẳn, hảư pên ꞌcốn ꞌhụ đi sút ꞌchu ꞌluống#ꞌtáng, mẳn chaư nẻn ꞌtoi chaư ꞌTan chảu ꞌchị bók ꞌchu#ꞌnéo.

장을 참조하십시오

1 ꞌThê‑ꞌsa‑ꞌlôn 4:3

Chảu Pua ꞌPhạ é hảư ꞌpi ꞌnọng pên ꞌcốn ꞌpẹk saư, báu#hảư ꞌdệt phít ꞌviạk ꞌnhính ꞌchái.

장을 참조하십시오

Ti‑tô 3:5

ꞌTan chảu ꞌchoi hảư ꞌsúm ꞌháu ók khói sia báp ꞌsội#ꞌnặn, báu#ꞌmen ꞌdọn ꞌpứng ꞌnéo đi ꞌmí ꞌmen ꞌháu đảy ꞌdệt ꞌmá cá#đaư, ꞌmen ꞌdọn ꞌTan chảu ꞌmí chaư ín đu ꞌhặc au ꞌháu#ꞌló. ꞌTan chảu hảư Chảu Khuôn Saư ꞌlạng suối au ꞌháu hảư ꞌmí chaư#máư, ꞌmá piến chaư hảư ꞌháu pên ꞌcốn#máư.

장을 참조하십시오

Da‑cô‑bô 1:27

Chảu Pua ꞌPhạ phủ pên ꞌPo#ꞌva, ꞌluống ꞌtáng kin dú ꞌpẹk saư báu#ꞌmí ꞌnéo chê đảy ꞌcọ ꞌchọ bớng đu ꞌpứng phủ chuốp khổ khốn ꞌsướng ꞌme mải kéng ꞌlụk#khỏ, ꞌlẹo hảư cứ ꞌmo chảu ꞌnhá hảư ꞌcốn phái ꞌmướng ꞌlum ꞌpá lông ꞌtoi ꞌluống ꞌtáng#phít.

장을 참조하십시오

Da‑cô‑bô 4:4

ꞌCốn chaư ꞌcột tó Chảu Pua ꞌPhạ#ꞌhới, ꞌpứng chảu ꞌcọ ꞌchí ꞌhụ#ꞌlẹo, ꞌviạk ꞌmặc phái ꞌmướng ꞌlum lỏ#ꞌmen ꞌviạk khắt ꞌchắng Chảu Pua#ꞌPhạ. ꞌSướng ꞌnặn ꞌva phủ đaư é pên phái ꞌmướng#ꞌlum, phủ ꞌnặn lỏ#pên ꞌcốn khắt ꞌchắng Chảu Pua#ꞌPhạ.

장을 참조하십시오

1 Pê‑tô 1:14

Hảư kin dú ꞌsướng ꞌlụk bók#ꞌphắng, ꞌnhá ꞌdệt ꞌtoi chaư cáu ꞌmặc ꞌnéo ꞌhại uối ꞌsướng ꞌmưa ꞌchớ ꞌpi ꞌnọng ꞌnhắng báu#ꞌhế ꞌhụ ꞌluống ꞌtáng#ꞌmen.

장을 참조하십시오

1 Pê‑tô 1:18

ꞌPi ꞌnọng ꞌcọ ꞌhụ#ꞌlẹo, Chảu Pua ꞌPhạ đảy tháy au ꞌpi ꞌnọng ók sia ꞌluống kin dú ꞌnéo báu#ꞌmí ꞌca săng ꞌsướng ꞌhịt ꞌkhóng pảu pú ꞌpi ꞌnọng sứp tó ꞌmá#ꞌnặn, báu#ꞌmen au ꞌchương khong ꞌhụ pưới ꞌnau ꞌsướng ꞌngớn ꞌcắm ꞌmá tháy au cá#đaư.

장을 참조하십시오

1 Pê‑tô 2:3

ꞌPi ꞌnọng đảy ꞌhụ chắc Chảu ꞌGiê‑ꞌsu pên ꞌcốn ꞌhụ phủ#đi.

장을 참조하십시오

1 Pê‑tô 4:2

Cuông ꞌchớ ꞌnhắng pên ꞌcốn ꞌmướng ꞌlum#dú, ꞌchọ kin dú ꞌtoi chaư Chảu Pua#ꞌPhạ, báu#ꞌmen ꞌtoi ꞌluống ác ꞌhại chaư phủ ꞌcốn#ꞌmặc.

장을 참조하십시오

2 Pê‑tô 1:4

ꞌDọn ꞌsướng ꞌnặn ꞌTan chảu chắng đảy chao ꞌhẹn ꞌnéo nháư luông quí#ꞌpéng, ꞌnéo ꞌchí ꞌchoi hảư ꞌpi ꞌnọng đảy ník ꞌvện sia ꞌnéo ác ꞌhại ꞌluống pưới ꞌnau ꞌsướng ꞌcốn phái ꞌmướng ꞌlum ꞌmặc#ꞌnặn, ꞌpi ꞌnọng chắng ꞌchí ꞌmí chaư ꞌsướng chaư ꞌTan#chảu.

장을 참조하십시오

2 Pê‑tô 2:20

Cuông ꞌchớ sau đảy ꞌhụ chắc ꞌGiê‑ꞌsu ꞌKha‑ꞌlịt Chảu Chom phủ đảy ꞌchoi ꞌsúm ꞌháu ók khói sia báp ꞌsội#ꞌnặn, sau ꞌcọ đảy ók khói ꞌluống ꞌtáng uối ꞌhại ꞌcốn phái ꞌmướng ꞌlum ꞌmặc ꞌtoi#ꞌnặn. Hák#ꞌva ꞌluống ꞌtáng uối ꞌhại ꞌnặn ꞌmá khốm hua sau#ꞌcứn, ꞌchua ꞌlới sau ꞌnhương ꞌchí ꞌvén ꞌhại ꞌsứa té#ꞌkhoẹk.

장을 참조하십시오

1 Dô‑ꞌhăn 3:13

ꞌPi ꞌnọng ꞌhặc#ꞌpéng, ꞌsướng ꞌnặn ꞌcốn phái ꞌmướng ꞌlum ꞌmặc ꞌchắng ꞌpi#ꞌnọng, ꞌcọ báu lák#săng.

장을 참조하십시오

1 Dô‑ꞌhăn 5:19

ꞌHáu ꞌhụ#ꞌva ꞌháu pên ꞌcốn Chảu Pua#ꞌPhạ, ꞌlẹo ꞌháu ꞌcọ ꞌhụ#ꞌva ꞌchu ꞌcốn phái ꞌmướng ꞌlum đảy dú cỏng ꞌquiến tô cốc phi#ꞌhại.

장을 참조하십시오

Nả ꞌviạk ꞌchí ꞌchọ pên ók 12:9

Tô ꞌluống nháư#ꞌnặn, ꞌmen tô ꞌngú té ꞌmưa ꞌláng pang#ꞌchạu, khék#ꞌva tô cốc phi ꞌhại ꞌhứ#ꞌva phi ꞌSa‑tan, phủ bẻo ꞌlứa mết ꞌchu ꞌcốn nẳng phén đin ꞌmướng#ꞌlum. ꞌChớ ꞌnặn tô ꞌluống nháư cắp ꞌpứng mốt ꞌtáng ꞌmắn ꞌchọ thỉm ꞌlống ꞌmá ꞌmướng#ꞌlum.

장을 참조하십시오

Nả ꞌviạk ꞌchí ꞌchọ pên ók 13:8

ꞌChu ꞌcốn ꞌmướng ꞌlum ꞌchí ꞌlạy vảy ꞌháu tô sắt ꞌhại#ꞌnặn. ꞌMí ꞌto ꞌpứng ꞌcốn ꞌmí ꞌchư đảy tẻm ꞌvạy té có sảng phén đin ꞌmướng ꞌlum nẳng ꞌpặp sổ ꞌmí ꞌchua ꞌlới#ꞌlới, ꞌmen ꞌpặp sổ khong ꞌDo ꞌnọi Chảu Pua ꞌPhạ phủ chuốp khả#ꞌlẹo, ꞌpứng ꞌcốn ꞌnặn chắng ꞌchí báu#ꞌlạy tô sắt#ꞌhại.

장을 참조하십시오

우리를 팔로우하세요:

스폰서 링크

광고

광고