온라인 성경

홈페이지
온라인 성경
ꞌKha‑ꞌla‑tia 2:9

ꞌKha‑ꞌla‑tia 2:9 - Tai Dam

⁹ ꞌTan Da‑cô‑bô, ꞌtan Pê‑tô cắp ꞌtan Dô‑ꞌhăn phủ pék ꞌsướng pên lắc pên sau nẳng ꞌsúm#ꞌhốm, sau ꞌcọ nhẳn ꞌhụ Chảu Pua ꞌPhạ phớng ꞌdứa hảư khỏi pên ꞌlam ꞌchạư páo kháo Chảu ꞌGiê‑ꞌsu, sau chắng khắm ꞌmứ ꞌcạt san cắp khỏi kéng ꞌtan Ba‑ꞌna‑bắt, chắng ꞌpọm chaư căn hảư ꞌsúm khỏi pay páo kháo hảư ꞌcốn táng#ꞌphắn, sau lỏ#páo kháo hảư ꞌcốn#ꞌDiu.

장을 참조하십시오 복사

다시 올라가다 ⬆

ꞌKha‑ꞌla‑tia 2:9
32 교차 참조

ꞌMặt‑ꞌthai 16:18

ꞌLẹo ꞌháu ꞌchí bók hảư#ꞌnọng, ꞌchư ꞌnọng lỏ Pê‑tô [mai#ꞌva, tón#đán]. ꞌHáu ꞌcọ ꞌchí tẳng ꞌsúm ꞌhốm ꞌháu nẳng tón đán#ꞌnị, ꞌlẹo ꞌviạk tai ꞌchí báu#ꞌpẹ ꞌsúm ꞌhốm ꞌháu#đảy.

장을 참조하십시오

ꞌLu‑ca 22:8

Chảu ꞌGiê‑ꞌsu chắng ꞌchạư Pê‑tô cắp Dô‑ꞌhăn pay#cón, pay ꞌkhặn ꞌkháng đa ꞌpán ꞌvạy thả mốt ꞌTan#chảu.

장을 참조하십시오

Dô‑ꞌhăn 1:42

Ăn‑đê‑a chắng ꞌpá ꞌSi‑ꞌmôn pay ha Chảu ꞌGiê‑ꞌsu. ꞌTan chảu bớng ꞌSi‑ꞌmôn ꞌlẹo ꞌcọ ꞌvạu#ꞌva, “ꞌNọng ꞌchư ꞌSi‑ꞌmôn ꞌlụk ꞌchái thảu Dô‑ꞌhăn. ꞌChí khék ꞌchư máư ꞌva ꞌSê‑ꞌpha,” (kẻ ók#ꞌva, Pê‑tô).

장을 참조하십시오

Nả ꞌviạk ꞌpứng ꞌlam ꞌchạư 12:17

ꞌTan Pê‑tô ꞌdiến ꞌnhống ꞌmứ khửn ꞌngá căm păn sáư sau ꞌnhá#ꞌnắn, ꞌlẹo ꞌtan Pê‑tô chắng ꞌtố nả ꞌviạk Chảu Pua ꞌPhạ phủ pên Chảu Chom đảy ꞌpá ꞌtan ók khói sia ꞌhướn ꞌtú ꞌsướng đaư hảư sau#ꞌphắng. ꞌTan sắng sau#ꞌva, “Chắng ꞌcoi ꞌtố ꞌquám ꞌnị sú Da‑cô‑bô kéng ꞌpứng ꞌpi ꞌnọng ứn ꞌphắng é#ꞌnớ.” ꞌVa ꞌlẹo ꞌtan ꞌcọ ꞌpai ók pay bón ứn#sia.

장을 참조하십시오

Nả ꞌviạk ꞌpứng ꞌlam ꞌchạư 15:13

ꞌMưa song ꞌtan sau ꞌvạu#ꞌlẹo, ꞌtan Da‑cô‑bô ꞌcọ đảy cáo khửn#ꞌva, “ꞌPi ꞌnọng ꞌtếng lai#ꞌhới, ꞌphắng khỏi#ꞌnớ.

장을 참조하십시오

Nả ꞌviạk ꞌpứng ꞌlam ꞌchạư 15:7

ꞌMưa sô ꞌván căn đảy hơng ꞌnán sôm ꞌpó#ꞌlẹo, ꞌtan Pê‑tô ꞌcọ ꞌdiến dưn khửn ꞌvạu#ꞌva, “ꞌPi ꞌnọng ꞌtếng lai#ꞌhới, ꞌpi ꞌnọng ꞌcọ ꞌhụ#ꞌlẹo, ꞌmưa cón ꞌnặn Chảu Pua ꞌPhạ đảy ꞌlưạk au khỏi cuông mú ꞌpi ꞌnọng ꞌháu#ꞌnị, hảư pên ꞌcốn téng pay páo kháo ꞌhung saư ꞌviạk Chảu ꞌGiê‑ꞌsu hảư ꞌcốn táng ꞌphắn ꞌmá#ꞌchưa.

장을 참조하십시오

Nả ꞌviạk ꞌpứng ꞌlam ꞌchạư 4:36

ꞌMí phủ#ꞌnưng ꞌchư Dô‑ꞌsệp, mốt ꞌlam ꞌchạư páo kháo Chảu ꞌGiê‑ꞌsu púk ꞌchư máư hảư ꞌtan ꞌva Ba‑ꞌna‑bắt, ꞌchư ꞌnặn mai#ꞌva phủ ꞌhụ tủm ꞌpúa chaư ꞌpi#ꞌnọng. ꞌTan phủ ꞌnặn pên ꞌhọ ꞌháng pú ꞌLê‑ꞌvi, pên ꞌcốn đon ꞌmướng Síp‑ꞌlơ.

장을 참조하십시오

Lôm 1:5

ꞌDọn Chảu ꞌGiê‑ꞌsu ꞌhặc ꞌpéng ꞌlưạk au#khỏi, Chảu Pua ꞌPhạ chắng phớng ꞌdứa hảư khỏi pên ꞌlam ꞌchạư páo#kháo, téng pay ꞌhiạk au ꞌchu ꞌphắn ꞌcốn ꞌmá ꞌchưa ꞌphắng ꞌquám Chảu ꞌGiê‑ꞌsu hảư ꞌchư siêng ꞌTan chảu ꞌhung ꞌhướng ꞌmứa#nả.

장을 참조하십시오

Lôm 12:3

ꞌDọn công ꞌphún Chảu ꞌGiê‑ꞌsu phớng ꞌdứa hảư khỏi pên ꞌlam#ꞌchạư, khỏi chắng so bók ꞌpi ꞌnọng ꞌchu#ꞌcốn, ꞌnhá ngắm nháư ꞌsứa chảu pên#dú, ngắm hảư sôm ꞌpó ꞌsướng Chảu Pua ꞌPhạ hảư phaư ꞌmắn đảy ꞌmí chaư#ꞌchưa.

장을 참조하십시오

Lôm 15:15

Khỏi tẻm sư ꞌmá ha ꞌpi#ꞌnọng, khỏi dám ꞌvạu kỉ khót tơn hảư ꞌpi ꞌnọng#chứ, ꞌdọn Chảu Pua ꞌPhạ đảy phớng ꞌdứa hảư khỏi pên ꞌlam ꞌchạư páo#kháo.

장을 참조하십시오

1 Cô‑ꞌlin‑ꞌthô 15:10

Chảu Pua ꞌPhạ ꞌmí công ꞌphún phớng ꞌdứa khỏi chắng đảy pên ꞌlam ꞌchạư páo kháo Chảu ꞌGiê‑ꞌsu. Công ꞌphún ꞌTan chảu phớng ꞌdứa khỏi ꞌnặn ꞌcọ báu#sia#ꞌlạ, khỏi ꞌcọ đảy au chaư sáư ꞌdệt ꞌviạk lai ꞌsứa ꞌpứng ꞌlam ꞌchạư phủ ứn#mết, báu#ꞌmen khỏi hák#ꞌdệt, ꞌdọn công ꞌphún Chảu Pua ꞌPhạ phớng ꞌdứa#hảư.

장을 참조하십시오

2 Cô‑ꞌlin‑ꞌthô 11:5

Khỏi ngắm#ꞌva, khỏi báu#nả ꞌnọi ta tắm sia ꞌpứng phủ ꞌhiạk pên ꞌlam ꞌchạư dỏi lắc ꞌnặn sắc#ꞌnọi.

장을 참조하십시오

2 Cô‑ꞌlin‑ꞌthô 12:11

Khỏi pên ꞌsướng ꞌcốn ꞌchạ ꞌpưa ꞌpi ꞌnọng khốm khỏi ꞌdệt ꞌsướng#ꞌnặn. ꞌChọ ꞌpi ꞌnọng sưng au khỏi chắng#ꞌmen. Ta#ꞌva khỏi báu#ꞌmí tiếng ꞌmí kháo#săng, khỏi ꞌcọ báu#nả ꞌnọi ta tắm ꞌsứa ꞌpứng phủ ꞌhiạk pên ꞌlam ꞌchạư dỏi lắc ꞌnặn sắc#ꞌnọi.

장을 참조하십시오

2 Cô‑ꞌlin‑ꞌthô 8:4

ꞌLẹo đé so ꞌsúm khỏi hảư sau ꞌmí ꞌphớn đaư ꞌviạk sống pay ꞌchoi ꞌpứng dên ꞌpay Chảu Pua ꞌPhạ [phủ báu ꞌpó dú ꞌpó kin cá ꞌmướng ꞌGiê‑ꞌlu‑ꞌsa‑ꞌlêm].

장을 참조하십시오

ꞌKha‑ꞌla‑tia 1:16

hảư khỏi ꞌhụ chẻng cắp ꞌLụk ꞌchái ꞌTan#chảu, ꞌpưa páo kháo ꞌhung saư ꞌLụk ꞌchái ꞌTan chảu hảư ꞌcốn táng#ꞌphắn, ꞌviạk ꞌnị khỏi báu#đảy sô ꞌván cắp phủ#đaư.

장을 참조하십시오

ꞌKha‑ꞌla‑tia 1:18

Té ꞌnặn ꞌmá đảy sam#pi, khỏi chắng ꞌmứa cá ꞌmướng ꞌGiê‑ꞌlu‑ꞌsa‑ꞌlêm ꞌpưa hảư quén ꞌtan Pê‑tô, ꞌdặng dú nẳng ꞌtan 15#ꞌmự.

장을 참조하십시오

ꞌKha‑ꞌla‑tia 2:1

Lăng ꞌmá đảy síp sí pi, khỏi kéng ꞌtan Ba‑ꞌna‑bắt đảy ꞌmứa cá ꞌmướng ꞌGiê‑ꞌlu‑ꞌsa‑ꞌlêm ꞌtưa ꞌnưng#máư, ꞌtưa ꞌnị đảy au ꞌtan Ti‑tô ꞌmứa#ꞌtoi.

장을 참조하십시오

ꞌKha‑ꞌla‑tia 2:2

Chảu Pua ꞌPhạ hảư ꞌhụ khỏi ꞌchọ đảy#ꞌmứa. ꞌChớ ꞌnặn khỏi đảy ꞌpọ diêng ꞌpứng phủ pék ꞌsướng ꞌmí ꞌchư siêng nẳng ꞌsúm ꞌhốm Chảu ꞌGiê‑ꞌsu. Khỏi kẻ kháo ꞌhung saư ăn khỏi đảy páo hảư ꞌcốn táng ꞌphắn#ꞌnặn, dản#ꞌva ꞌviạk khỏi ꞌdệt ꞌmá ꞌnặn ꞌchí sia#ꞌlạ.

장을 참조하십시오

ꞌKha‑ꞌla‑tia 6:3

ꞌVa phủ đaư ảng chảu ꞌhiạk pên nháư hák#ꞌva báu#ꞌmí ꞌluống#săng, phủ ꞌnặn ꞌcọ chảu hák bẻo#chảu.

장을 참조하십시오

Ê‑ꞌphê‑ꞌsô 2:20

ꞌsướng ꞌpựn ꞌhướn đảy pu nẻn#na, ꞌmen ꞌpứng ꞌlam ꞌchạư páo kháo Chảu ꞌGiê‑ꞌsu kéng ꞌpứng ꞌlam páo ꞌquám Chảu Pua ꞌPhạ đảy pu#ꞌvạy. Chảu ꞌGiê‑ꞌsu ꞌKha‑ꞌlịt ꞌnặn lỏ#pên ꞌsướng tón đán mun sau#ꞌhẹk.

장을 참조하십시오

Ê‑ꞌphê‑ꞌsô 3:8

Ta ꞌva khỏi pên ꞌcốn nả ꞌnọi ta tắm ꞌsứa mết cuông mốt dên ꞌpay Chảu Pua#ꞌPhạ, ꞌTan chảu ꞌcọ ꞌnhắng ꞌmí công ꞌphún phớng ꞌdứa hảư khỏi pên phủ páo kháo ꞌhung saư ꞌviạk Chảu ꞌKha‑ꞌlịt hảư ꞌcốn táng ꞌphắn#ꞌhụ, kháo ꞌhung saư Chảu ꞌKha‑ꞌlịt nháư luông báu#ꞌmí phaư ꞌhụ mết#đảy.

장을 참조하십시오

Cô‑ꞌlô‑ꞌsai 1:29

ꞌPưa ꞌdệt hảư đảy ꞌnéo ꞌnặn khỏi chắng ꞌdệt ꞌviạk nắc#na, chóng sáư chaư ꞌdọn ꞌhéng Chảu ꞌKha‑ꞌlịt đảy tủm ꞌpúa hảư khỏi#ꞌdệt.

장을 참조하십시오

1 Ti‑ꞌmô‑ꞌthiêu 3:15

lon ꞌpo ꞌnán ꞌmá#ꞌhọt, ꞌlụk bớng sư ꞌnị ꞌcọ ꞌchí ꞌhụ ꞌluống kin dú ꞌnéo đaư nẳng ꞌhướn Chảu Pua#ꞌPhạ. ꞌHướn ꞌnặn lỏ ꞌmen ꞌsúm ꞌhốm Chảu Pua ꞌPhạ phủ ꞌmí ꞌchua ꞌlới#dú. Mốt ꞌsúm ꞌhốm ꞌTan chảu pên lắc pên sau hảư ꞌluống ꞌtáng ꞌmen#ꞌtẹ.

장을 참조하십시오

1 Dô‑ꞌhăn 1:3

ꞌTan chảu phủ ꞌsúm khỏi đảy hên đảy ꞌnghín#ꞌnặn, ꞌsúm khỏi ꞌcọ páo hảư ꞌpi ꞌnọng ꞌhụ#ꞌtoi, ꞌpưa hảư ꞌpi ꞌnọng đảy ꞌhuôm chaư ꞌsúm#khỏi, ꞌsướng ꞌnặn ꞌsúm ꞌháu ꞌcọ đảy ꞌhuôm chaư Chảu Pua ꞌPhạ phủ pên ꞌPo cắp ꞌGiê‑ꞌsu ꞌKha‑ꞌlịt phủ pên ꞌLụk ꞌchái Chảu Pua#ꞌPhạ.

장을 참조하십시오

Nả ꞌviạk ꞌchí ꞌchọ pên ók 3:12

Phủ đaư ꞌpẹ báu#ꞌtoi ꞌtáng#ꞌmựt, ꞌháu ꞌchí tẳng phủ ꞌnặn pên ꞌsướng sau ꞌhẹk ꞌhướn vảy ꞌsớ Chảu Pua ꞌPhạ Chảu Chom#ꞌháu, ꞌlẹo phủ ꞌnặn ꞌchí báu#ók sia sắc#ꞌtưa. ꞌHáu ꞌchí au ꞌchư siêng Chảu Pua ꞌPhạ Chảu Chom ꞌháu ꞌtếng#cá ꞌchư siêng ꞌmướng ꞌTan chảu khék#ꞌva ꞌmướng ꞌGiê‑ꞌlu‑ꞌsa‑ꞌlêm máư, ꞌmá mai sáư phủ ꞌnặn#ꞌvạy, ꞌmướng ꞌGiê‑ꞌlu‑ꞌsa‑ꞌlêm máư ꞌnặn ꞌchí ꞌlống ꞌmá cá ꞌmướng ꞌphạ nẳng Chảu Pua ꞌPhạ Chảu Chom#ꞌháu. ꞌLẹo ꞌháu ꞌchí au ꞌchư máư ꞌháu ꞌmá mai sáư phủ ꞌnặn#ꞌvạy.

장을 참조하십시오

우리를 팔로우하세요:

스폰서 링크

광고

광고