온라인 성경

홈페이지
온라인 성경
ꞌHệp‑ꞌlơ 7:19

ꞌHệp‑ꞌlơ 7:19 - Tai Dam

¹⁹ ꞌpưa#ꞌva ꞌluột ꞌláng ꞌnặn báu#ꞌchoi săng đi#sút#đảy. Hák ꞌluống ꞌtáng máư ꞌsúm ꞌháu cang tó ꞌnặn ꞌvén đi ꞌsứa#cáu, ꞌdọn ꞌluống ꞌtáng ꞌnặn ꞌháu chắng đảy khảu ꞌmá ha Chảu Pua#ꞌPhạ.

장을 참조하십시오 복사

다시 올라가다 ⬆

ꞌHệp‑ꞌlơ 7:19
29 교차 참조

Dô‑ꞌhăn 1:17

ꞌLuột ꞌláng Chảu Pua ꞌPhạ đảy bók ꞌmá ꞌtáng pú ꞌMô‑ꞌsê pang#ꞌchạu. ꞌLẹo Chảu ꞌGiê‑ꞌsu ꞌKha‑ꞌlịt ꞌnặn lo phủ ꞌmá phớng ꞌdứa công ꞌphún hảư ꞌcốn#ꞌháu, ꞌpá hảư ꞌháu ꞌhụ ꞌluống ꞌtáng ꞌmen#ꞌtẹ.

장을 참조하십시오

Dô‑ꞌhăn 14:6

Chảu ꞌGiê‑ꞌsu tóp#ꞌva, “ꞌHáu ꞌnị lo pên ꞌtáng#ꞌmứa, pên ꞌluống ꞌtáng ꞌmen#ꞌtẹ, pên phủ hảư ꞌmí ꞌchua#ꞌlới. ꞌVa báu ꞌtoi ꞌtáng#ꞌháu, báu#ꞌmí phaư ꞌchí khửn ꞌmứa ꞌhọt Chảu ꞌPo#đảy.

장을 참조하십시오

Nả ꞌviạk ꞌpứng ꞌlam ꞌchạư 13:39

ꞌLuống ꞌtáng ꞌdệt ꞌtoi ꞌluột ꞌláng pú ꞌMô‑ꞌsê đảy bók ꞌvạy ꞌnặn báu#ꞌmí phủ đaư pên ꞌcốn đi ꞌmí ꞌmen tó nả Chảu Pua ꞌPhạ#đảy. Hák#ꞌva ꞌchu ꞌcốn phủ đaư ꞌchưa Chảu ꞌGiê‑ꞌsu, Chảu Pua ꞌPhạ chắng ꞌtứ pên ꞌcốn đi ꞌmí#ꞌmen.

장을 참조하십시오

Lôm 5:2

ꞌDọn ꞌháu ꞌmí chaư ꞌchưa Chảu ꞌGiê‑ꞌsu chắng hảư ꞌháu đảy ꞌpơng inh công ꞌphún Chảu Pua#ꞌPhạ, ꞌháu đảy mẳn chaư ꞌmuôn ꞌmớng thả đảy ꞌhung ꞌhướng ꞌtoi ꞌTan#chảu.

장을 참조하십시오

Lôm 7:7

ꞌVa ꞌsịn ꞌsúm ꞌháu ꞌchí ꞌva ꞌsứ#đaư, ꞌluột ꞌláng Chảu Pua ꞌPhạ đảy bók ꞌvạy ꞌnặn pên ꞌviạk báp ꞌsội ꞌsịn#a, báu#ꞌmen ꞌnéo ꞌnặn cá#đaư. Hák#ꞌva ꞌdọn ꞌluột ꞌnặn ꞌháu chắng ꞌhụ chắc ꞌviạk báp ꞌsội pên ꞌsứ#đaư. Sủ ꞌsướng ꞌluột ꞌláng đảy hảm#ꞌva, “ꞌNhá pháư au khong#sáu,” ꞌháu chắng ꞌhụ chắc#ꞌva ꞌháu pháư au khong sáu ꞌnặn ꞌmen ꞌviạk báp#ꞌsội.

장을 참조하십시오

Lôm 8:3

ꞌPộ ꞌcốn ꞌmướng ꞌlum ꞌháu ꞌmí chaư cáu ꞌluống báp#ꞌsội, ꞌluột ꞌláng ꞌchoi ꞌháu báu#đảy. Chảu Pua ꞌPhạ chắng sống ꞌLụk ꞌchái ꞌTan chảu ꞌlống#ꞌmá, pên ꞌmo ꞌkính ꞌsướng ꞌcốn báp ꞌsội#ꞌháu, tháy au#ꞌháu, ꞌpưa ꞌdệt hảư phép ꞌquiến báp ꞌsội nẳng chaư cáu ꞌháu ꞌnặn báu#ꞌmí ꞌluống#săng.

장을 참조하십시오

ꞌKha‑ꞌla‑tia 2:16

Hák#ꞌva ꞌháu ꞌcọ ꞌhụ#ꞌva, Chảu Pua ꞌPhạ ꞌtứ pên ꞌcốn đi ꞌmí ꞌmen ꞌnặn ꞌcọ ꞌdọn chảu pông chaư ꞌchưa Chảu ꞌGiê‑ꞌsu ꞌKha‑ꞌlịt ꞌto#ꞌnặn, báu#ꞌmen ꞌdọn ꞌluống ꞌtáng ꞌdệt ꞌtoi ꞌluột ꞌláng Chảu Pua ꞌPhạ. ꞌSướng ꞌnặn ꞌháu ꞌcọ đảy pông chaư ꞌchưa Chảu ꞌGiê‑ꞌsu ꞌKha‑ꞌlịt ꞌpưa hảư đảy ꞌtứ pên ꞌcốn đi ꞌmí#ꞌmen ꞌdọn pông chaư ꞌchưa ꞌTan#chảu, báu#ꞌmen ꞌdọn ꞌluống ꞌtáng ꞌdệt ꞌtoi ꞌluột#ꞌláng. ꞌLuống ꞌtáng ꞌdệt ꞌtoi ꞌluột ꞌláng báu#ꞌmí phủ đaư ꞌdệt ꞌpó đảy ꞌtứ pên ꞌcốn đi ꞌmí#ꞌmen.

장을 참조하십시오

ꞌKha‑ꞌla‑tia 3:21

ꞌSướng ꞌnặn ꞌluột ꞌláng Chảu Pua ꞌPhạ khắt cắp ꞌquám ꞌTan chảu chao ꞌhẹn ꞌnặn ꞌsịn#a, báu#ꞌmen ꞌnéo ꞌnặn cá#đaư. ꞌVa ꞌmí ꞌluông đảy ꞌchua ꞌlới ꞌtáng ꞌluột#đaư, ꞌcọ ꞌchí pên ꞌcốn đi ꞌmí ꞌmen ꞌdọn ꞌdệt ꞌtoi ꞌluột ꞌnặn#ꞌtẹ.

장을 참조하십시오

ꞌKha‑ꞌla‑tia 3:24

ꞌSướng ꞌnặn ꞌluột Chảu Pua ꞌPhạ pên ꞌsướng phủ bớng đu ꞌháu ꞌtạu ꞌhọt Chảu ꞌKha‑ꞌlịt ꞌmá, ꞌpưa hảư ꞌháu đảy ꞌtứ pên ꞌcốn đi ꞌmí ꞌmen ꞌdọn ꞌháu ꞌchưa ꞌTan#chảu.

장을 참조하십시오

Ê‑ꞌphê‑ꞌsô 3:12

ꞌDọn ꞌháu đảy dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt kéng đảy pông chaư ꞌchưa ꞌTan#chảu, ꞌháu chắng mẳn chaư tó ꞌhéng khảu ꞌmá ha Chảu Pua ꞌPhạ#đảy.

장을 참조하십시오

Cô‑ꞌlô‑ꞌsai 1:27

Chảu Pua ꞌPhạ é hảư dên ꞌpay ꞌTan chảu ꞌhụ#ꞌva, ꞌquám ꞌlặp ꞌlợc ꞌnặn ꞌchí hảư ꞌpi ꞌnọng ꞌcốn táng ꞌphắn đảy ꞌnéo đi quí#ꞌpéng ꞌhuôm cắp dên ꞌpay ꞌTan#chảu, ꞌnặn ꞌcọ ꞌmen Chảu ꞌKha‑ꞌlịt dú cắp ꞌnặp pheng ꞌpi#ꞌnọng, ꞌpi ꞌnọng chắng mẳn chaư thả đảy ꞌhung#ꞌhướng.

장을 참조하십시오

1 Ti‑ꞌmô‑ꞌthiêu 1:1

Khỏi ꞌchư Pôn, ꞌtoi ꞌquám sắng Chảu Pua ꞌPhạ phủ hảư ꞌsúm ꞌháu ók khói sia báp#ꞌsội, cắp Chảu ꞌGiê‑ꞌsu ꞌKha‑ꞌlịt, ꞌTan chảu sắng hảư khỏi pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt phủ ꞌháu mẳn chaư#nẳng.

장을 참조하십시오

ꞌHệp‑ꞌlơ 10:1

ꞌLuột ꞌláng Chảu Pua ꞌPhạ téng ꞌvạy ꞌnặn pên hún ꞌngáu bók ꞌluống ꞌtáng đi ꞌmá ꞌpái nả#thôi, báu#ꞌmen ꞌnéo#ꞌtẹ. ꞌPứng ꞌchương vảy ꞌsớ ꞌTan chảu ꞌtoi ꞌluột ꞌláng#ꞌnặn, ꞌchu pi sau ꞌcứ au tô sắt ꞌmá vảy ꞌsớ ꞌsướng#cáu, hák#ꞌva báu#ꞌmí ꞌsướng đaư ꞌdệt hảư phủ ꞌmá chăm Chảu Pua ꞌPhạ ꞌpẹk saư#đảy.

장을 참조하십시오

ꞌHệp‑ꞌlơ 11:40

Chảu Pua ꞌPhạ đảy ꞌkhặn ꞌkháng ꞌnéo đi ꞌsứa ꞌnặn ꞌvạy hảư ꞌsúm#ꞌháu. ꞌSướng ꞌnặn ꞌmưa sau ꞌmá ꞌhuôm cắp#ꞌháu, sau chắng ꞌchí đảy pên ꞌluống đi#sút.

장을 참조하십시오

ꞌHệp‑ꞌlơ 11:6

ꞌVa hák báu#ꞌchưa Chảu Pua#ꞌPhạ, báu#ꞌmí ꞌsướng đaư ꞌdệt hảư ꞌTan chảu sôm chaư#đảy, ꞌpưa#ꞌva phủ đaư ꞌchí khảu ꞌmá ha Chảu Pua ꞌPhạ ꞌchọ ꞌchưa#ꞌva ꞌTan chảu ꞌmí#ꞌtẹ, ꞌlẹo phớng ꞌdứa ꞌnéo đi hảư ꞌpứng phủ sút chaư pháư ha ꞌTan#chảu.

장을 참조하십시오

ꞌHệp‑ꞌlơ 3:6

Chảu ꞌKha‑ꞌlịt pên ꞌLụk mẳn chaư ꞌlăm đu ꞌchúa ꞌhướn Chảu Pua#ꞌPhạ. ꞌVa ꞌsúm ꞌháu cứ chaư mẳn tó Chảu ꞌKha‑ꞌlịt, mẳn chaư mong ꞌcóng ꞌnéo ảng ꞌmá#ꞌnặn, ꞌcọ ꞌmen#ꞌva, pên ꞌchúa ꞌhướn Chảu Pua#ꞌPhạ.

장을 참조하십시오

ꞌHệp‑ꞌlơ 4:16

ꞌSướng ꞌnặn hảư mẳn chaư khảu pay ha ꞌtến Chảu Pua ꞌPhạ bón ꞌmí công#ꞌphún. ꞌTan chảu ꞌcọ ꞌchí ín đu ꞌhặc#au, phớng ꞌdứa công ꞌphún ꞌchoi ꞌsúm ꞌháu ꞌchớ#ꞌcợn.

장을 참조하십시오

ꞌHệp‑ꞌlơ 6:18

Chảu Pua ꞌPhạ au ꞌquám chao ꞌhẹn ꞌlẹo tứm ꞌquám chao mang#máư, song ꞌnéo ꞌnị báu#piến peng#đảy, ꞌTan chảu báu ꞌmí ꞌsướng đaư ꞌvạu bẻo#đảy. ꞌSướng ꞌnặn ꞌsúm ꞌháu phủ ꞌTan chảu hảư ꞌpai sia ꞌláng ꞌhại ꞌmá mẳn chaư nẳng Chảu ꞌGiê‑ꞌsu chắng đảy tủm ꞌpúa chaư#lai.

장을 참조하십시오

ꞌHệp‑ꞌlơ 7:11

ꞌToi ꞌluột ꞌláng Chảu Pua ꞌPhạ bók ꞌvạy#ꞌnặn, ꞌchựa sai ꞌhọ ꞌLê‑ꞌvi chắng đảy ꞌdệt#mo. ꞌVa mốt ꞌhọ ꞌLê‑ꞌvi hák ꞌdệt mo đảy đi mết ꞌlẹo#ꞌtẹ, ꞌcọ ꞌchí báu#thả phủ ứn ꞌsướng phái ꞌtan ꞌMê‑ꞌkhi‑ꞌsê‑đếc ꞌmá piến phái ꞌtan ꞌA‑ꞌlôn [ꞌchựa sai ꞌhọ ꞌLê‑ꞌvi].

장을 참조하십시오

ꞌHệp‑ꞌlơ 7:20

ꞌLẹo ꞌmí ꞌquám chao mang#máư. ꞌMưa phủ ứn téng khửn pên#mo, báu#ꞌkhới ꞌmí ꞌquám chao#mang.

장을 참조하십시오

ꞌHệp‑ꞌlơ 7:25

ꞌSướng ꞌnặn phủ đaư phán ꞌTan chảu ꞌmá ha Chảu Pua#ꞌPhạ, ꞌTan ꞌmí ꞌluống ꞌchoi ꞌmứa nả ꞌlới#ꞌlới#đảy, ꞌdọn#ꞌva ꞌTan chảu ꞌmí ꞌlới dú ꞌpưa đé so Chảu Pua ꞌPhạ ꞌchoi#sau.

장을 참조하십시오

ꞌHệp‑ꞌlơ 8:6

Hák ꞌkhạy ꞌnị Chảu ꞌGiê‑ꞌsu nhẳn au ꞌviạk nháư ꞌsứa ꞌpứng mo#cáu, ꞌsướng ꞌTan chảu pên ꞌcốn song cang ꞌtoi ꞌquám nhẳn pao đi#cón, ꞌmá nẳng ꞌquám chao ꞌhẹn đi#ꞌsứa.

장을 참조하십시오

ꞌHệp‑ꞌlơ 9:9

ꞌPứng ꞌhịt ꞌkhóng cáu ꞌnặn pên ꞌngươn ꞌhói hảư ꞌhụ nẳng ꞌchua ꞌcốn ꞌháu#ꞌnị, ꞌsướng#ꞌva, au ꞌchương kéng khả sắt vảy ꞌsớ Chảu Pua ꞌPhạ ꞌnặn ꞌcọ báu#ꞌmí ꞌluống ꞌdệt hảư chaư phủ vảy ꞌháu ꞌTan chảu đảy đi cá#đaư.

장을 참조하십시오

Da‑cô‑bô 4:8

Hảư ꞌsặt ꞌmá chăm Chảu Pua ꞌPhạ ꞌlẹo ꞌTan chảu chắng ꞌchí ꞌsặt ꞌmá chăm ꞌpi#ꞌnọng. ꞌPứng ꞌcốn báp ꞌsội hảư piến chaư sia ꞌlẹo ꞌmá kin dú ꞌtoi ꞌluống ꞌtáng#ꞌmen, ꞌpứng ꞌcốn song chaư ꞌcọ hảư piến pên chaư điêu ꞌpẹk#saư.

장을 참조하십시오

우리를 팔로우하세요:

스폰서 링크

광고

광고