온라인 성경

홈페이지
온라인 성경
ꞌHệp‑ꞌlơ 11:1

ꞌHệp‑ꞌlơ 11:1 - Tai Dam

¹ ꞌMí chaư ꞌchưa Chảu Pua ꞌPhạ, mong ꞌcóng thả ꞌnéo đaư ꞌcọ mẳn chaư ꞌchí đảy ꞌnéo#ꞌnặn. Ta#ꞌva báu#hên cắp#ta, ꞌcọ ꞌnhắng ꞌhụ ꞌva ꞌmí#ꞌtẹ.

장을 참조하십시오 복사

다시 올라가다 ⬆

ꞌHệp‑ꞌlơ 11:1
24 교차 참조

Nả ꞌviạk ꞌpứng ꞌlam ꞌchạư 20:21

Khỏi cáo ꞌquám nẻn chôm hảư ꞌcốn ꞌDiu ꞌtếng#cá ꞌcốn Ca‑ꞌlịch, hảư piến chaư ꞌváng sia ꞌluống ꞌtáng báp#ꞌsội, táo ꞌmá ha Chảu Pua#ꞌPhạ, pông chaư ꞌchưa ꞌGiê‑ꞌsu phủ pên Chảu Chom ꞌsúm#ꞌháu.

장을 참조하십시오

1 Cô‑ꞌlin‑ꞌthô 13:13

ꞌSướng ꞌnặn ꞌnhắng ꞌmí sam ꞌnéo ꞌdứn#mẳn, ꞌnặn lỏ#ꞌmen ꞌmí chaư#ꞌchưa, mong ꞌcóng ha ꞌnéo#đi, ꞌmí chaư#ꞌhặc, ꞌnéo nháư ꞌsứa mết lỏ#ꞌmen ꞌmí chaư#ꞌhặc.

장을 참조하십시오

2 Cô‑ꞌlin‑ꞌthô 11:17

ꞌViạk khỏi ꞌvạu ảng ꞌnị báu#ꞌmen ꞌnéo ꞌGiê‑ꞌsu phủ pên Chảu Chom ꞌháu ꞌvạu cá#đaư, ꞌmen ꞌnéo ꞌquám ꞌcốn ꞌchạ ꞌvạu#ꞌló.

장을 참조하십시오

2 Cô‑ꞌlin‑ꞌthô 4:18

ꞌHáu báu#au chaư sáư ꞌpứng ꞌnéo hên#đảy, hák ꞌpứng ꞌnéo ꞌháu báu#hên. ꞌNéo ꞌháu hên đảy dú kỉ ꞌdan#thôi, hák#ꞌva ꞌnéo ꞌháu báu#hên ꞌnặn ꞌchí ꞌmí dú ꞌlới#ꞌlới.

장을 참조하십시오

2 Cô‑ꞌlin‑ꞌthô 5:17

ꞌSướng ꞌnặn, phủ đaư dú cuông ꞌhôm ꞌngáu Chảu ꞌKha‑ꞌlịt, phủ ꞌnặn đảy pên ꞌcốn#máư. ꞌNéo cáu mết sia#ꞌlẹo, ꞌchu ꞌnéo đảy pên máư#mết.

장을 참조하십시오

2 Cô‑ꞌlin‑ꞌthô 5:7

ꞌHáu kin dú ꞌtoi chaư ꞌchưa ꞌTan#chảu, báu#ꞌmen ꞌtoi ꞌnéo hên#đảy.

장을 참조하십시오

2 Cô‑ꞌlin‑ꞌthô 9:4

Khỏi dản ꞌva, hák ꞌmí ꞌcốn tỉnh ꞌMa‑kê‑đô‑ꞌnia ꞌmá ꞌtoi khỏi lỏ#hên ꞌpi ꞌnọng báu#ꞌkhặn#ꞌkháng, ꞌsúm khỏi đảy mẳn chaư tó ꞌpi ꞌnọng ꞌlẹo ꞌcọ ꞌchí pên ꞌsướng ꞌvạu#ꞌlạ, ꞌsúm khỏi ꞌchí nả#ꞌhại, báu#sút ꞌto ꞌsúm khỏi cá#đaư, ꞌtếng#cá ꞌpi ꞌnọng é#máư.

장을 참조하십시오

ꞌKha‑ꞌla‑tia 5:6

Dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌhịt tắt mai ꞌnặn ꞌdệt ꞌhứ báu#ꞌdệt ꞌcọ báu#ꞌmí ꞌca#săng, ꞌmí ꞌto chaư ꞌchưa ꞌnéo ꞌhụ ꞌhặc ꞌpéng#căn.

장을 참조하십시오

Ti‑tô 1:1

ꞌPo ꞌchư Pôn, phủ ꞌkhớng nả ꞌviạk Chảu Pua#ꞌPhạ, pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt, ꞌTan chảu téng hảư ꞌpo tủm ꞌpúa ꞌpứng ꞌcốn Chảu Pua ꞌPhạ đảy ꞌlưạk ꞌvạy ꞌnặn hảư ꞌchưa mẳn tứm#khửn, ꞌpá hảư sau ꞌhụ ꞌluống ꞌtáng ꞌmen#ꞌtẹ, chắng ꞌchí đảy ꞌhụ ꞌluống kin dú nể dăm Chảu Pua#ꞌPhạ.

장을 참조하십시오

ꞌHệp‑ꞌlơ 10:22

ꞌSướng ꞌnặn ꞌsúm ꞌháu chắng khảu ꞌmá chăm Chảu Pua ꞌPhạ ꞌtoi chaư#ꞌsư, ꞌmí chaư ꞌchưa#nẻn, chaư đảy sák sang#ꞌpẹk, ók sia chaư uối#ꞌhại, kéng ꞌmí ꞌmo ꞌkính áp ꞌnặm saư ꞌpẹk#ꞌlẹo.

장을 참조하십시오

ꞌHệp‑ꞌlơ 10:39

ꞌSúm ꞌháu báu ꞌchư ꞌpứng phủ ꞌpịch ꞌcứn pay sú ꞌluống đắp siêu cá#đaư, pên phủ ꞌchưa Chảu ꞌGiê‑ꞌsu, đảy khói sia báp ꞌsội#ꞌlẹo.

장을 참조하십시오

ꞌHệp‑ꞌlơ 11:13

ꞌPứng ꞌcốn ꞌvạu ꞌmá ꞌnị phaư ꞌcọ kin dú ꞌtoi chaư ꞌchưa Chảu Pua ꞌPhạ ꞌtạu#tai, ꞌcọ ꞌnhắng báu#ꞌhế đảy ꞌpứng ꞌnéo Chảu Pua ꞌPhạ chao ꞌhẹn#ꞌnặn, hák#ꞌva sau ꞌmuôn ꞌmớng nhẳn au ꞌvạy dú cá#đắc. Sau nhẳn#ꞌva pên ꞌcốn táng ꞌmướng pay ꞌmá nẳng phén đin ꞌmướng#ꞌlum.

장을 참조하십시오

ꞌHệp‑ꞌlơ 11:27

Pú ꞌmí chaư ꞌchưa Chảu Pua#ꞌPhạ, chắng đảy ꞌpai ók sia phén đin ꞌmướng Ê‑díp, báu#dản pua pút nhay#hảư. Pú mẳn chaư ꞌsướng hên ꞌTan chảu phủ báu#ꞌmí phaư hên#đảy.

장을 참조하십시오

ꞌHệp‑ꞌlơ 11:7

Pú ꞌNô‑a ꞌmí chaư ꞌchưa Chảu Pua ꞌPhạ, chắng ꞌphắng ꞌquám ꞌTan chảu bók hảư pú ꞌhụ cón ꞌviạk báu#ꞌhế hên [ꞌnặm ꞌchí thuổm ꞌmướng#ꞌlum]. Pú nể dăm Chảu Pua ꞌPhạ#lai, chắng đảy ꞌdệt bẳng ꞌhứa nháư ꞌvạy hảư ꞌchúa ꞌhướn chảu đảy khói#tai. Pú ꞌNô‑a ꞌmí chaư ꞌchưa ꞌnéo#ꞌnặn, Chảu Pua ꞌPhạ chắng hảư pú kin dú ꞌnéo đi ꞌmí#ꞌmen, ꞌcốn phái ꞌmướng ꞌlum chắng ꞌchọ sáư#ꞌsội.

장을 참조하십시오

ꞌHệp‑ꞌlơ 2:3

ꞌSướng ꞌnặn ꞌva ꞌháu báu#au chaư sáư công ꞌphún nháư luông Chảu Pua ꞌPhạ ꞌchoi hảư đảy ók khói sia báp#ꞌsội, báu#ꞌmí ꞌsướng ꞌháu ꞌchí khói sia#đảy. ꞌLuống ꞌtáng khói sia báp ꞌsội ꞌnặn Chảu ꞌGiê‑ꞌsu đảy páo ꞌmá cón#ꞌlẹo, ꞌpứng phủ đảy ꞌnghín ꞌcọ nhẳn pên chứng hảư ꞌháu#ꞌva ꞌmen#ꞌtẹ.

장을 참조하십시오

ꞌHệp‑ꞌlơ 3:14

ꞌVa ꞌháu cứ chaư ꞌchưa mẳn ꞌsướng té ꞌkhoẹk ꞌnặn ꞌmá ꞌtạu#sút, ꞌcọ ꞌmen#ꞌva, ꞌháu ꞌcọ đảy khảu ꞌhuôm cắp Chảu ꞌKha‑ꞌlịt.

장을 참조하십시오

ꞌHệp‑ꞌlơ 3:6

Chảu ꞌKha‑ꞌlịt pên ꞌLụk mẳn chaư ꞌlăm đu ꞌchúa ꞌhướn Chảu Pua#ꞌPhạ. ꞌVa ꞌsúm ꞌháu cứ chaư mẳn tó Chảu ꞌKha‑ꞌlịt, mẳn chaư mong ꞌcóng ꞌnéo ảng ꞌmá#ꞌnặn, ꞌcọ ꞌmen#ꞌva, pên ꞌchúa ꞌhướn Chảu Pua#ꞌPhạ.

장을 참조하십시오

ꞌHệp‑ꞌlơ 6:12

ꞌSúm khỏi báu#é hảư ꞌpi ꞌnọng pên ꞌcốn khỉ#ꞌchạn. Hảư ꞌtoi ꞌngươn ꞌhói ꞌpứng phủ cứ chaư ꞌchưa#mẳn, chắng nhẳn đảy ꞌtoi ꞌquám chao#ꞌhẹn.

장을 참조하십시오

2 Pê‑tô 1:1

Khỏi ꞌchư ꞌSi‑ꞌmôn Pê‑tô, phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt, pên ꞌlam ꞌchạư páo kháo ꞌTan#chảu. Khỏi ꞌmí sư ꞌmá ha ꞌpi#ꞌnọng, đảy ꞌdọn ꞌquám đi ꞌmí ꞌmen Chảu ꞌGiê‑ꞌsu ꞌKha‑ꞌlịt phủ pên Chảu Pua ꞌPhạ ꞌchoi hảư ꞌsúm ꞌháu ók khói sia báp ꞌsội#ꞌnặn, chắng hảư ꞌpi ꞌnọng ꞌmí chaư ꞌchưa ăn ꞌnéo quí ꞌpéng ꞌsướng điêu ꞌsúm#khỏi.

장을 참조하십시오

우리를 팔로우하세요:

스폰서 링크

광고

광고