온라인 성경

홈페이지
온라인 성경
ꞌHệp‑ꞌlơ 1:3

ꞌHệp‑ꞌlơ 1:3 - Tai Dam

³ ꞌLụk ꞌchái ꞌnặn hảư ꞌháu hên ꞌhung ꞌhướng Chảu Pua#ꞌPhạ, ꞌlẹo ꞌcọ pên ꞌsướng điêu ꞌTan#chảu, ꞌmí phép ꞌquiến bók hảư ꞌchu sính ꞌchu ꞌnéo ꞌmí#dú. ꞌMưa sák sang ꞌviạk báp ꞌsội hảư phủ ꞌcốn#ꞌlẹo, ꞌcọ ꞌnăng ꞌhiếng sảng ꞌphượng khoa Chảu Pua ꞌPhạ phủ ꞌmí phép nháư ꞌquiến luông dú cá bón sung#sút.

장을 참조하십시오 복사

다시 올라가다 ⬆

ꞌHệp‑ꞌlơ 1:3
42 교차 참조

ꞌMặt‑ꞌthai 22:24

“ꞌSáy ꞌpo#ꞌhới, pú ꞌMô‑ꞌsê đảy bók#ꞌva, ꞌpi ꞌchái au ꞌmía ꞌlẹo tai ꞌnhắng báu#ꞌhế ꞌmí#ꞌlụk, ꞌnọng ꞌchái ꞌmắn đảy au ꞌpi ꞌpạư mải ꞌmá pên ꞌmía ꞌvạy sứp ꞌchựa sai ꞌpi ꞌchái#ꞌmắn.

장을 참조하십시오

ꞌMa‑ꞌla‑cô 16:19

ꞌGiê‑ꞌsu phủ pên Chảu Chom sắng ꞌpứng ꞌlam ꞌchạư páo kháo ꞌTan chảu#ꞌlẹo, Chảu Pua ꞌPhạ chắng au ꞌTan chảu khửn ꞌmứa ꞌmướng#ꞌphạ, ꞌnăng ꞌhiếng sảng ꞌphượng khoa Chảu Pua#ꞌPhạ.

장을 참조하십시오

Dô‑ꞌhăn 1:14

Phủ pák pên siêng Chảu Pua ꞌPhạ ꞌnặn đảy ók ꞌmá pên#ꞌcốn, kin dú ꞌtoi ꞌcốn#ꞌháu. ꞌHáu hên ꞌTan ꞌhung ꞌhướng sôm pên ꞌLụk ꞌchái điêu ꞌmá té Chảu Pua ꞌPhạ phủ pên#ꞌPo, ꞌTan sút chaư phớng ꞌdứa công ꞌphún hảư ꞌcốn#ꞌháu, ꞌpá hảư ꞌháu ꞌhụ ꞌluống ꞌtáng ꞌmen#ꞌtẹ.

장을 참조하십시오

Dô‑ꞌhăn 1:29

ꞌMá ꞌmự lăng, ꞌtan Dô‑ꞌhăn hên Chảu ꞌGiê‑ꞌsu ꞌmá#ꞌhọt, ꞌdiến bók ꞌpứng ꞌcốn dú hẳn ꞌhụ#ꞌva, “Bớng#ꞌí, phủ ꞌnị lo pên ꞌsướng tô ꞌdo ꞌnọi Chảu Pua ꞌPhạ sống ꞌmá tháy au báp ꞌsội ꞌcốn ꞌmướng#ꞌlum.

장을 참조하십시오

Dô‑ꞌhăn 1:4

ꞌTan hák ꞌmí ꞌchua#ꞌlới, ꞌchua ꞌlới ꞌpá chaư phủ ꞌcốn đảy ꞌhung#saư.

장을 참조하십시오

Nả ꞌviạk ꞌpứng ꞌlam ꞌchạư 2:33

Lăng ꞌmá ꞌmưa Chảu ꞌGiê‑ꞌsu đảy khửn dú ꞌhiếng sảng ꞌphượng khoa Chảu Pua ꞌPhạ#ꞌlẹo, ꞌTan chảu chắng đảy phép ꞌhặp au Chảu Khuôn Saư ꞌsướng Chảu Pua ꞌPhạ phủ pên ꞌPo đảy chao ꞌhẹn#ꞌvạy, ꞌkhạy Chảu ꞌGiê‑ꞌsu ꞌcọ sống Chảu Khuôn Saư ꞌlống#ꞌmá, ꞌsướng ꞌpứng chảu đảy ꞌhụ đảy hên ꞌnị#lo.

장을 참조하십시오

Nả ꞌviạk ꞌpứng ꞌlam ꞌchạư 7:56

ꞌTan ꞌSa‑tê‑ꞌphôn ꞌvạu#ók, “Bớng#ꞌí, khỏi hên ꞌphạ khay#ók, hên ꞌGiê‑ꞌsu phủ pên ꞌlụk phủ ꞌcốn ꞌnặn dưn dú ꞌhiếng sảng ꞌphượng khoa Chảu Pua#ꞌPhạ.”

장을 참조하십시오

Lôm 1:16

Khỏi páo kháo ꞌhung saư Chảu ꞌKha‑ꞌlịt ꞌnặn báu#đảy nhéng ai#săng, ꞌpưa#ꞌva kháo ꞌhung saư ꞌmen phép ꞌquiến khong Chảu Pua ꞌPhạ ꞌchoi hảư ꞌchu ꞌcốn phủ ꞌchưa đảy ók khói sia báp#ꞌsội, ꞌTan chảu hảư ꞌcốn ꞌDiu ꞌhụ#cón, ꞌlẹo chắng hảư ꞌcốn táng ꞌphắn#ꞌhụ.

장을 참조하십시오

Lôm 8:34

Chảu ꞌGiê‑ꞌsu ꞌKha‑ꞌlịt pên phủ đảy ꞌmá tai, báu#sút ꞌto#ꞌnặn, ꞌnhắng đảy ꞌcứn ꞌhéng ꞌmá#máư, ꞌkhạy ꞌcọ dú ꞌhiếng sảng ꞌphượng khoa Chảu Pua ꞌPhạ đé so ꞌTan chảu ꞌpưa#ꞌháu, ꞌsướng ꞌnặn chắng báu#ꞌmí phaư ꞌchí ꞌmá sáư ꞌsội ꞌháu#đảy.

장을 참조하십시오

2 Cô‑ꞌlin‑ꞌthô 4:4

ꞌPứng ꞌcốn báu#ꞌchưa kháo#ꞌnặn, ꞌpộ tô cốc phi ꞌhại [ꞌSa‑tan] phủ ꞌnăng ꞌmướng ꞌlum ꞌchua ꞌlới pang ꞌnị đảy ꞌdệt hảư chaư sau ꞌmựt ꞌmúa ꞌpưa báu hảư sau ꞌhụ kháo ꞌhung saư#đảy, ꞌmen kháo ꞌhung ꞌhướng Chảu ꞌKha‑ꞌlịt phủ pên ꞌsướng điêu Chảu Pua#ꞌPhạ.

장을 참조하십시오

Cô‑ꞌlô‑ꞌsai 3:1

ꞌPi ꞌnọng ꞌmí ꞌchua ꞌlới ꞌnéo máư đảy ꞌcứn ꞌhéng ꞌmá ꞌtoi Chảu ꞌKha‑ꞌlịt#ꞌlẹo, ꞌsướng ꞌnặn hảư ꞌpi ꞌnọng ꞌkhớng chaư ha ꞌpứng ꞌnéo dú ꞌmướng#ꞌphạ, ꞌmen bón Chảu ꞌKha‑ꞌlịt ꞌnăng ꞌtến ꞌhiếng sảng ꞌphượng khoa Chảu Pua#ꞌPhạ.

장을 참조하십시오

Ti‑tô 2:14

Chảu ꞌGiê‑ꞌsu ꞌchịu ꞌváng sia ꞌchua ꞌpưa ꞌsúm#ꞌháu, ꞌpưa tháy hảư ꞌsúm ꞌháu ók khói sia ꞌtáng ác ꞌhại mết ꞌchu#ꞌnéo, ꞌlẹo hảư ꞌsúm ꞌháu ꞌmí chaư ꞌpẹk saư pên ꞌcốn ꞌTan#chảu, au chaư sáư ꞌdệt ꞌnéo đi ꞌnéo#ꞌmen.

장을 참조하십시오

ꞌHệp‑ꞌlơ 1:13

Chảu Pua ꞌPhạ ꞌvạu sú tiên ꞌchạư ꞌcọ báu ꞌkhới ꞌva: ꞌMá ꞌnăng ꞌhiếng sảng ꞌphượng khoa ꞌháu Chảu Pua ꞌPhạ ꞌTạu ꞌhọt ꞌmự ꞌháu au ꞌpứng phủ khắt ꞌchắng Múp ꞌlống dú cỏng ꞌpựn tin chảu.

장을 참조하십시오

ꞌHệp‑ꞌlơ 10:12

Hák#ꞌva Chảu ꞌKha‑ꞌlịt au ꞌlới vảy ꞌsớ Chảu Pua ꞌPhạ ꞌtưa điêu tháy au báp ꞌsội hảư ꞌháu ꞌlới#ꞌlới, ꞌlẹo ꞌnăng ꞌlống ꞌphượng khoa Chảu Pua#ꞌPhạ.

장을 참조하십시오

ꞌHệp‑ꞌlơ 12:2

Hảư ꞌlé bớng Chảu ꞌGiê‑ꞌsu, phủ ꞌpá ꞌháu ꞌmí chaư ꞌchưa té cốc ꞌtạu lả#sút. ꞌTan chảu ꞌchịu khổ ꞌtếng ꞌmạy tháng#khen, báu#đu săng ꞌviạk tai ꞌnặn pên ꞌnéo nả#ꞌhại, ꞌpưa ꞌlé hên ꞌviạk ꞌmuôn ꞌmớng ꞌtặt ꞌvạy tó nả#ꞌTan, ꞌlẹo ꞌcọ đảy ꞌnăng ꞌhiếng sảng ꞌphượng khoa ꞌtến Chảu Pua#ꞌPhạ.

장을 참조하십시오

ꞌHệp‑ꞌlơ 4:14

ꞌSúm ꞌháu ꞌmí mo luông chức nháư đảy khửn ꞌmứa bón sung sút cá ꞌmướng#ꞌphạ, lỏ#ꞌmen ꞌGiê‑ꞌsu ꞌLụk ꞌchái Chảu Pua#ꞌPhạ. ꞌSướng ꞌnặn ꞌháu pên ꞌcốn nhẳn ꞌva ꞌchưa Chảu ꞌGiê‑ꞌsu, hảư mẳn chaư ꞌtoi ꞌluống ꞌchưa#ꞌnặn.

장을 참조하십시오

ꞌHệp‑ꞌlơ 7:27

ꞌTan chảu báu#pék ꞌsướng ꞌpứng mo luông#ứn, ꞌmự đaư sau ꞌcọ ꞌchọ đảy au ꞌchương vảy ꞌsớ ꞌmá tháy au báp ꞌsội chảu#cón, chắng tháy au dên#ꞌpay. ꞌTan chảu lỏ au ꞌmo chảu vảy ꞌsớ ꞌmá tháy báp ꞌsội ꞌcốn ꞌtếng#cá, ꞌtưa điêu lỏ ꞌpó#mết.

장을 참조하십시오

ꞌHệp‑ꞌlơ 8:1

ꞌPứng ꞌquám ꞌvạu ꞌmá ꞌnặn ꞌva ꞌsướng ꞌnị: ꞌSúm ꞌháu ꞌmí mo luông nháư ꞌnăng ꞌhiếng sảng ꞌphượng khoa ꞌtến Chảu Pua ꞌPhạ phủ ꞌmí phép nháư ꞌquiến luông dú cá ꞌmướng#ꞌphạ.

장을 참조하십시오

ꞌHệp‑ꞌlơ 9:16

Sủ ꞌsướng sư tẻm păn ꞌchương cáu#ké, ꞌcợn đảy bớng thí phủ ꞌnặn tai#ꞌlẹo chắng păn#đảy.

장을 참조하십시오

ꞌHệp‑ꞌlơ 9:26

ꞌVa ꞌTan chảu hák ꞌdệt ꞌsướng#ꞌnặn, té có sảng ꞌmướng ꞌlum ꞌTan chảu ꞌchí ꞌchọ báp ꞌmo lai#ꞌtưa. Pang lả sút ꞌnị ꞌTan chảu đảy ók ꞌmá au chảu ꞌmo vảy ꞌsớ Chảu Pua ꞌPhạ ꞌpưa hảư ꞌpẹk sia báp ꞌsội ꞌtưa điêu lỏ ꞌpó#mết.

장을 참조하십시오

1 Pê‑tô 1:21

ꞌDọn Chảu ꞌKha‑ꞌlịt ꞌnặn#lo, ꞌpi ꞌnọng chắng pông chaư ꞌchưa Chảu Pua#ꞌPhạ, phủ au ꞌTan chảu tai ꞌcứn ꞌmá đảy ꞌhung#ꞌhướng. ꞌSướng ꞌnặn ꞌpi ꞌnọng chắng ꞌmí chaư ꞌchưa ꞌlẹo ꞌcọ mẳn chaư ꞌcóng thả đảy nẳng Chảu Pua#ꞌPhạ.

장을 참조하십시오

1 Pê‑tô 3:22

ꞌlẹo ꞌTan chảu đảy khửn ꞌmứa cá ꞌmướng ꞌphạ dú ꞌhiếng sảng ꞌphượng khoa Chảu Pua#ꞌPhạ. ꞌPứng tiên ꞌchạư ꞌtếng#cá phủ ꞌmí phép nháư ꞌquiến luông ꞌcọ dú cỏng ꞌquiến Chảu ꞌGiê‑ꞌsu mết.

장을 참조하십시오

2 Pê‑tô 1:16

ꞌMưa ꞌchớ ꞌsúm khỏi hảư ꞌpi ꞌnọng ꞌhụ#ꞌva, ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu ꞌmí phép nháư ꞌchí táo ꞌlống ꞌmá ꞌmướng#ꞌlum, ꞌsúm khỏi báu#đảy ꞌvạu ꞌtoi ꞌquám ꞌtố ꞌlạ đai ꞌsướng ꞌcốn lắc lem téng#ók. ꞌSúm khỏi pên chứng hên cắp#ta, ꞌTan chảu ꞌmí phép ꞌquiến nháư#luông.

장을 참조하십시오

2 Pê‑tô 1:17

Chảu Pua ꞌPhạ phủ pên ꞌPo hảư ꞌTan chảu đảy ꞌhung nả ꞌmá#ta, ꞌmưa ꞌchớ Chảu ꞌPo phủ nháư luông ꞌhung ꞌhướng ꞌvạu#ꞌva, “ꞌTan phủ ꞌnị lo pên ꞌLụk ꞌchái ꞌhặc sương khong#ꞌháu, phủ ꞌháu sôm chaư#lai.”

장을 참조하십시오

1 Dô‑ꞌhăn 1:7

ꞌVa ꞌháu kin dú ꞌtoi ꞌluống ꞌtáng ꞌhung saư ꞌsướng Chảu Pua ꞌPhạ dú ꞌluống ꞌtáng ꞌhung#saư, ꞌháu ꞌcọ đảy ꞌhuôm chaư#căn, ꞌlẹo ꞌlượt Chảu ꞌGiê‑ꞌsu phủ pên ꞌLụk ꞌchái Chảu Pua ꞌPhạ ꞌcọ ꞌlạng suối ꞌdệt hảư ꞌháu ꞌpẹk saư mết báu#ꞌmí báp#ꞌsội.

장을 참조하십시오

1 Dô‑ꞌhăn 3:5

ꞌPi ꞌnọng ꞌcọ ꞌhụ#ꞌlẹo, Chảu ꞌGiê‑ꞌsu ꞌKha‑ꞌlịt ók ꞌmá ꞌpưa au báp ꞌsội ꞌháu ók pay#sia, hák ꞌTan chảu báu#ꞌmí báp#ꞌsội.

장을 참조하십시오

Du‑đe 1:25

ꞌMen Chảu Pua ꞌPhạ phủ#điêu, phủ ꞌchoi ꞌsúm ꞌháu đảy ók khói sia báp ꞌsội ꞌdọn ꞌGiê‑ꞌsu ꞌKha‑ꞌlịt Chảu Chom ꞌsúm#ꞌháu. ꞌChư siêng ꞌhung#ꞌhướng, phép nháư ꞌquiến luông té đaư té#đai, so hảư pên khong ꞌTan chảu té ꞌnị ꞌmứa nả ꞌlới#ꞌlới, ꞌa‑ꞌmen.

장을 참조하십시오

Nả ꞌviạk ꞌchí ꞌchọ pên ók 3:21

Phủ đaư ꞌpẹ báu#ꞌtoi ꞌtáng#ꞌmựt, ꞌháu ꞌcọ ꞌchí hảư phủ ꞌnặn ꞌmí phép ꞌquiến ꞌnăng ꞌtến téng đa ꞌhuôm cắp#ꞌháu, ꞌsướng ꞌháu ꞌnị đảy ꞌpẹ ꞌtáng ꞌmựt ꞌlẹo đảy ꞌmí phép ꞌquiến ꞌnăng ꞌtến téng đa ꞌhuôm cắp Chảu Pua ꞌPhạ phủ pên ꞌPo ꞌháu ꞌnặn#lo.

장을 참조하십시오

Nả ꞌviạk ꞌchí ꞌchọ pên ók 4:11

ꞌChiếng Chảu Pua ꞌPhạ phủ pên Chảu Chom ꞌTan chảu sôm đáng đảy ꞌhung ꞌhướng ꞌMí ꞌhung nả ꞌmí ta ꞌtếng#cá phép ꞌhéng kheng cả ꞌDọn ꞌva ꞌTan chảu sảng téng ꞌchu sính ꞌchu ꞌnéo chắng ꞌmí#ók, hảư ꞌmí ꞌchua ꞌlới dú ꞌtoi ꞌluống chaư ꞌTan#chảu.

장을 참조하십시오

우리를 팔로우하세요:

스폰서 링크

광고

광고