온라인 성경

홈페이지
온라인 성경
Ê‑ꞌphê‑ꞌsô 4:16

Ê‑ꞌphê‑ꞌsô 4:16 - Tai Dam

¹⁶ ꞌTan chảu hảư ꞌsúm ꞌháu pên ꞌsướng ꞌmo ꞌkính điêu ꞌmí lai#ꞌphớn, ꞌphớn đaư ꞌcọ tủm ꞌpúa ꞌmo#ꞌkính. ꞌSướng ꞌnặn ꞌphớn đaư ꞌcọ ꞌdệt ꞌviạk phaư#ꞌmắn, ꞌsúm ꞌhốm chắng ꞌchí nháư mả#khửn, ꞌmí chaư ꞌhặc tủm ꞌpúa#căn.

장을 참조하십시오 복사

다시 올라가다 ⬆

Ê‑ꞌphê‑ꞌsô 4:16
28 교차 참조

Dô‑ꞌhăn 15:5

ꞌHáu pên ꞌsướng cốc ꞌchứa mák#ít, ꞌpứng ꞌnọng lỏ#ꞌsướng kính#ꞌmắn. Phủ đaư dú ꞌhuôm#ꞌháu, ꞌháu ꞌcọ dú ꞌhuôm#sau, ꞌmen phủ ꞌnặn lo ꞌmí lai ꞌláng đi ꞌmá sú Chảu Pua#ꞌPhạ. Báu#ꞌmí#ꞌháu, ꞌpứng ꞌnọng hák ꞌchí ꞌdệt săng báu#đảy.

장을 참조하십시오

Lôm 12:4

ꞌCốn ꞌháu ꞌmí ꞌmo ꞌkính#điêu, hák ꞌcọ ꞌmí lai#ꞌphớn, ꞌphớn đaư ꞌcọ ꞌmí ꞌviạk phaư ꞌmắn báu#pék#căn.

장을 참조하십시오

1 Cô‑ꞌlin‑ꞌthô 10:17

Khảu ꞌnặn pên pẳn#điêu, ta#ꞌva ꞌháu ꞌmí lai ꞌcốn ꞌcọ pên ꞌsướng ꞌmo#ꞌnưng ꞌkính điêu#căn, ꞌpưa ꞌháu đảy kin ꞌhuôm pẳn khảu#điêu.

장을 참조하십시오

1 Cô‑ꞌlin‑ꞌthô 13:13

ꞌSướng ꞌnặn ꞌnhắng ꞌmí sam ꞌnéo ꞌdứn#mẳn, ꞌnặn lỏ#ꞌmen ꞌmí chaư#ꞌchưa, mong ꞌcóng ha ꞌnéo#đi, ꞌmí chaư#ꞌhặc, ꞌnéo nháư ꞌsứa mết lỏ#ꞌmen ꞌmí chaư#ꞌhặc.

장을 참조하십시오

1 Cô‑ꞌlin‑ꞌthô 8:1

ꞌVạu ꞌmá ꞌtáng ꞌviạk ꞌchương sáu đảy vảy ꞌsớ ꞌthớn théng pom#ꞌnặn: ꞌMen#ꞌtẹ, ꞌsúm ꞌháu phaư ꞌcọ ꞌhụ đi [nẳng nả ꞌviạk ꞌnặn#ꞌlẹo]. ꞌViạk ꞌhiạk chảu ꞌhụ đi ꞌnặn ꞌpá chaư cảo#nháư, hák ꞌviạk ꞌhặc căn ꞌnặn lỏ#tủm ꞌpúa chaư căn#khửn.

장을 참조하십시오

ꞌKha‑ꞌla‑tia 5:22

ꞌNéo Chảu Khuôn Saư ꞌpá kin dú ꞌnặn lỏ ꞌhặc#căn, ꞌmí chaư ꞌmuôn#ꞌmớng, kin dú ꞌmen#căn, ꞌmí chaư ứt dón, ꞌmí chaư phớng#ꞌdứa, chaư quảng sảng#ꞌdáo, ꞌchưa mốc ꞌchưa chaư#đảy,

장을 참조하십시오

ꞌKha‑ꞌla‑tia 5:6

Dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌhịt tắt mai ꞌnặn ꞌdệt ꞌhứ báu#ꞌdệt ꞌcọ báu#ꞌmí ꞌca#săng, ꞌmí ꞌto chaư ꞌchưa ꞌnéo ꞌhụ ꞌhặc ꞌpéng#căn.

장을 참조하십시오

Ê‑ꞌphê‑ꞌsô 1:4

Cón Chảu Pua ꞌPhạ báu#ꞌhế có sảng phén đin ꞌmướng ꞌlum ꞌcọ đảy ꞌlưạk au ꞌsúm ꞌháu pên ꞌcốn ꞌTan chảu dú cuông ꞌhôm ꞌngáu Chảu ꞌKha‑ꞌlịt, ꞌháu chắng đảy pên ꞌcốn ꞌpẹk saư khong ꞌTan chảu báu#ꞌmí ꞌluống#chê.

장을 참조하십시오

Ê‑ꞌphê‑ꞌsô 3:17

So hảư Chảu ꞌKha‑ꞌlịt dú cắp ꞌnặp pheng ꞌpi ꞌnọng ꞌdọn đảy pông chaư ꞌchưa ꞌTan#chảu. ꞌNọk ꞌnặn so ꞌTan chảu ꞌchoi ꞌpi ꞌnọng ꞌhặc căn mẳn#kén.

장을 참조하십시오

Ê‑ꞌphê‑ꞌsô 3:7

Chảu Pua ꞌPhạ ꞌmí công ꞌphún phớng ꞌdứa hảư khỏi pên phủ téng páo kháo ꞌhung#saư, ꞌtoi phép ꞌquiến ꞌTan chảu khỏi chắng páo#đảy.

장을 참조하십시오

Ê‑ꞌphê‑ꞌsô 4:12

ꞌpưa hảư sau ꞌchoi dên ꞌpay Chảu Pua ꞌPhạ ꞌhụ ꞌkhớng nả ꞌviạk ꞌTan#chảu, ꞌpưa tủm ꞌpúa ꞌsúm ꞌhốm Chảu ꞌKha‑ꞌlịt,

장을 참조하십시오

Ê‑ꞌphê‑ꞌsô 4:15

Hảư ꞌháu au ꞌquám ꞌhặc ꞌvạu ꞌsư tó#căn, ꞌpưa hảư ꞌsúm ꞌháu nháư mả khửn ꞌchu#ꞌnéo, chắng ꞌchí pên ꞌsướng Chảu ꞌKha‑ꞌlịt phủ pên cốc#ꞌháu.

장을 참조하십시오

ꞌPhi‑ꞌlịp‑poi 1:9

Khỏi đé so Chảu Pua ꞌPhạ phớng ꞌdứa hảư ꞌpi ꞌnọng ꞌnhương ꞌmự ꞌnhương ꞌmí chaư ꞌhặc căn tứm#khửn, hảư ꞌhụ nẳng ꞌluống phít ꞌluống#ꞌmen,

장을 참조하십시오

Cô‑ꞌlô‑ꞌsai 2:19

ꞌCốn ꞌnéo ꞌnặn đảy ꞌváng sia ꞌluống ꞌtáng Chảu ꞌKha‑ꞌlịt phủ pên cốc mốt ꞌsúm ꞌhốm ꞌTan#chảu, ꞌsướng hua pên cốc ꞌmo#ꞌkính. ꞌTan chảu ꞌpá mốt ꞌsúm ꞌhốm ꞌtếng#cá dú ꞌhuôm ꞌkính#điêu, ꞌsướng ꞌchu khỏ ꞌchu sểm ên tít tó căn ꞌliệng ꞌmo#ꞌkính, chắng nháư mả khửn ꞌtoi chaư Chảu Pua#ꞌPhạ.

장을 참조하십시오

Cô‑ꞌlô‑ꞌsai 2:2

Khỏi ꞌdệt ꞌsướng ꞌnặn ꞌcọ ꞌpưa tủm ꞌpúa chaư ꞌpi ꞌnọng ꞌtếng#cá, ꞌmí chaư ꞌhặc ꞌpéng pên ꞌnặm#ꞌnưng chaư#điêu. ꞌSướng ꞌnặn ꞌpi ꞌnọng chắng ꞌchí mẳn chaư ꞌhụ chẻng đảy#mết, ꞌtếng#cá ꞌquám ꞌlặp ꞌlợc Chảu Pua#ꞌPhạ, lỏ#ꞌmen Chảu ꞌKha‑ꞌlịt ꞌnặn#lo.

장을 참조하십시오

1 ꞌThê‑ꞌsa‑ꞌlôn 1:3

ꞌChớ ꞌsúm khỏi đé so Chảu Pua ꞌPhạ phủ pên ꞌPo#ꞌháu, ꞌsúm khỏi ꞌcọ ꞌlớng ngắm ꞌhọt ꞌpi ꞌnọng phủ ꞌchưa ꞌlẹo đảy ꞌdệt ꞌtoi ꞌquám Chảu Pua#ꞌPhạ. ꞌPi ꞌnọng ꞌmí chaư ꞌhặc chắng đảy khó ꞌmo ꞌkhớng nả ꞌviạk ꞌTan#chảu. ꞌPi ꞌnọng mong ꞌcóng thả ꞌGiê‑ꞌsu ꞌKha‑ꞌlịt Chảu Chom ꞌsúm#ꞌháu, chắng đảy cứ chaư ꞌtoi ꞌluống ꞌtáng ꞌchưa ꞌnặn#lo.

장을 참조하십시오

1 ꞌThê‑ꞌsa‑ꞌlôn 2:13

ꞌMưa ꞌsúm khỏi páo ꞌquám Chảu Pua ꞌPhạ hảư ꞌpứng ꞌpi ꞌnọng ꞌphắng#ꞌnặn, ꞌpi ꞌnọng ꞌcọ đảy ꞌchưa#ꞌva ꞌmen ꞌquám bók son ꞌmá té Chảu Pua#ꞌPhạ, báu#ꞌmen ꞌquám son khong phủ#ꞌcốn. ꞌSướng ꞌnặn ꞌsúm khỏi chắng ꞌlớng ꞌchớ so đảy ꞌdọn Chảu Pua#ꞌPhạ. ꞌQuám bók son ꞌnặn ꞌcọ ꞌmen ꞌquám ꞌmá té Chảu Pua ꞌPhạ#ꞌtẹ, ꞌdệt hảư ꞌpứng ꞌpi ꞌnọng phủ ꞌchưa Chảu ꞌGiê‑ꞌsu mẳn#chaư.

장을 참조하십시오

1 ꞌThê‑ꞌsa‑ꞌlôn 3:12

Đé so ꞌTan phủ pên Chảu Chom hảư ꞌpi ꞌnọng ꞌnhương ꞌmí chaư ꞌhặc#căn, ꞌhặc ꞌtếng cá ꞌchu ꞌcốn hảư sút#chaư, ꞌsướng ꞌsúm khỏi ꞌhặc ꞌpi ꞌnọng ꞌnặn#lo.

장을 참조하십시오

2 ꞌThê‑ꞌsa‑ꞌlôn 1:3

ꞌPi ꞌnọng ꞌhặc ꞌpéng, ꞌpi ꞌnọng ꞌmí chaư ꞌchưa Chảu ꞌGiê‑ꞌsu tứm ꞌtén lai#khửn, phaư#ꞌcọ ꞌnhương ꞌhặc căn#máư, ꞌsướng ꞌnặn ꞌsúm khỏi ꞌcọ ꞌchọ đảy ꞌdọn Chảu Pua ꞌPhạ ꞌpưa ꞌpi ꞌnọng ꞌlớng#ꞌlớng ꞌcọ chắng#ꞌmen.

장을 참조하십시오

1 Ti‑ꞌmô‑ꞌthiêu 1:5

ꞌViạk hảm ꞌcốn bók son ꞌnéo ꞌluống phít ꞌnặn ꞌcọ ꞌpưa é hảư ꞌpi ꞌnọng ꞌhặc căn ꞌdọn ꞌmí chaư ꞌpẹk#saư, hua chaư ꞌhụ#ꞌva ꞌdệt#ꞌmen, ꞌmí chaư ꞌchưa Chảu ꞌGiê‑ꞌsu#ꞌtẹ.

장을 참조하십시오

1 Pê‑tô 1:22

ꞌPi ꞌnọng đảy ꞌphắng au ꞌquám ꞌmen#ꞌtẹ, ꞌpá chaư chảu đảy ꞌpẹk#saư, ꞌmí chaư ꞌsư ꞌhặc ꞌpéng tó#căn, ꞌsướng ꞌnặn hảư mết chaư ꞌhặc căn nẻn#niêu.

장을 참조하십시오

1 Dô‑ꞌhăn 4:16

ꞌHáu ꞌhụ chắc Chảu Pua ꞌPhạ ꞌhặc ꞌháu ꞌlẹo ꞌcọ ꞌpơng inh tó chaư ꞌhặc ꞌTan#chảu. Chảu Pua ꞌPhạ ꞌmen phủ ꞌmí chaư#ꞌhặc. Phủ đaư kin dú ꞌtoi ꞌluống#ꞌhặc, ꞌcọ ꞌmen#ꞌva phủ ꞌnặn đảy dú ꞌhuôm ꞌTan#chảu, ꞌTan chảu ꞌcọ dú ꞌhuôm phủ#ꞌnặn.

장을 참조하십시오

우리를 팔로우하세요:

스폰서 링크

광고

광고