온라인 성경

홈페이지
온라인 성경
Ê‑ꞌphê‑ꞌsô 1:18

Ê‑ꞌphê‑ꞌsô 1:18 - Tai Dam

¹⁸ Khỏi đé so Chảu Pua ꞌPhạ hảư chaư ꞌpi ꞌnọng ꞌhụ chẻng#khửn, ꞌpưa ꞌpi ꞌnọng ꞌchí ꞌhụ#ꞌva, ꞌTan chảu ꞌhiạk au ꞌsúm ꞌháu ꞌmá ꞌnặn ꞌpưa ꞌchí đảy ꞌnéo mong ꞌcóng#thả, ꞌsướng ꞌnéo đi quí ꞌpéng ꞌhung ꞌhướng nháư luông khong ꞌTan chảu ꞌvạy hảư phủ pên dên#ꞌpay,

장을 참조하십시오 복사

다시 올라가다 ⬆

Ê‑ꞌphê‑ꞌsô 1:18
49 교차 참조

ꞌMặt‑ꞌthai 13:15

ꞌPưa ꞌnéo ꞌphắn ꞌcốn ꞌnị chaư tăn Hu na ta ꞌcọ lắp ꞌVa báu ꞌsịn, ꞌchớ đaư ta sau hên đảy Hu sau ꞌnghín đảy Chaư sau ꞌhụ đảy ꞌLẹo chắng ꞌchí táo ꞌmá ha ꞌháu, Chảu Pua ꞌPhạ ꞌvạu hảư ꞌhụ#ꞌva ꞌHáu chắng ꞌchí piến peng hảư chaư sau ꞌpẹk saư.

장을 참조하십시오

ꞌMa‑ꞌla‑cô 10:17

ꞌMưa Chảu ꞌGiê‑ꞌsu đang ók ꞌtáng#pay, ꞌmí phủ#ꞌnưng ꞌlen ꞌmá ꞌtạu kháu ꞌlống tó nả ꞌTan chảu ꞌlẹo tham#ꞌva, “ꞌChiếng ꞌsáy phủ chaư#đi, khỏi ꞌchọ ꞌdệt ꞌnéo đaư chắng ꞌchí đảy ꞌmí ꞌchua ꞌlới#ꞌlới?”

장을 참조하십시오

ꞌLu‑ca 24:45

ꞌChớ ꞌnặn Chảu ꞌGiê‑ꞌsu kẻ ók hảư sau ꞌhụ chẻng ꞌquám Chảu Pua ꞌPhạ đảy ꞌchiến#ꞌvạy.

장을 참조하십시오

Nả ꞌviạk ꞌpứng ꞌlam ꞌchạư 16:14

ꞌPứng phủ ꞌnhính ꞌphắng dú hẳn ꞌmí phủ#ꞌnưng ꞌchư ꞌLi‑đia ꞌcốn ꞌmướng ꞌThua‑tê‑ꞌla, pên ꞌcốn ꞌcạ khai phải si#tím, ꞌnáng pên phủ ꞌhụ vảy ꞌháu Chảu Pua#ꞌPhạ. ꞌChớ ꞌnặn ꞌTan chảu khay mốc khay chaư hảư ꞌnáng đảy ꞌphắng ꞌquám ꞌtan Pôn bók son#ꞌnặn.

장을 참조하십시오

Nả ꞌviạk ꞌpứng ꞌlam ꞌchạư 26:18

ꞌHáu sống pay khay ta#sau, piến chaư sau ók sia ꞌluống ꞌtáng ꞌmựt đăm ꞌmá khảu ꞌluống ꞌtáng ꞌhung#saư, ók sia phép phi ꞌSa‑tan ꞌmá ha Chảu Pua#ꞌPhạ, hảư Chảu Pua ꞌPhạ dáng báp ꞌsội mết hảư#sau, ꞌlẹo sau chắng ꞌchí đảy ꞌmí ꞌphớn ꞌtoi ꞌpứng phủ pông chaư ꞌchưa đảy ꞌmá pên ꞌcốn ꞌháu ꞌlẹo#ꞌnặn.’

장을 참조하십시오

Lôm 11:29

Chảu Pua ꞌPhạ ꞌmí công ꞌphún phớng ꞌdứa ꞌhiạk au phủ#đaư, ꞌTan chảu ꞌcọ báu#đảy piến#chaư.

장을 참조하십시오

Lôm 2:4

ꞌNhá đu ꞌngai Chảu Pua#ꞌPhạ, ꞌmưa hên ꞌTan chảu phớng ꞌdứa#lai, ꞌmí chaư ứt dón ꞌvạy hơng#ꞌhí, hảư ꞌháu ꞌhụ#ꞌva ꞌTan chảu ꞌmí chaư quảng phớng ꞌdứa ꞌsướng ꞌnặn ꞌpưa hảư ꞌháu piến chaư ꞌváng sia ꞌluống ꞌtáng báp#ꞌsội.

장을 참조하십시오

2 Cô‑ꞌlin‑ꞌthô 4:4

ꞌPứng ꞌcốn báu#ꞌchưa kháo#ꞌnặn, ꞌpộ tô cốc phi ꞌhại [ꞌSa‑tan] phủ ꞌnăng ꞌmướng ꞌlum ꞌchua ꞌlới pang ꞌnị đảy ꞌdệt hảư chaư sau ꞌmựt ꞌmúa ꞌpưa báu hảư sau ꞌhụ kháo ꞌhung saư#đảy, ꞌmen kháo ꞌhung ꞌhướng Chảu ꞌKha‑ꞌlịt phủ pên ꞌsướng điêu Chảu Pua#ꞌPhạ.

장을 참조하십시오

2 Cô‑ꞌlin‑ꞌthô 4:6

Cốc ꞌkhoẹk Chảu Pua ꞌPhạ bók hảư seng ꞌhung sóng sáư bón#ꞌmựt. ꞌLẹo ꞌTan chảu ꞌcọ đảy sóng ꞌhung sáư chaư#ꞌháu, ꞌpưa hảư ꞌháu đảy ꞌhụ chắc ꞌquám ꞌhung ꞌhướng Chảu Pua ꞌPhạ ꞌhung ók nẳng Chảu ꞌKha‑ꞌlịt.

장을 참조하십시오

ꞌKha‑ꞌla‑tia 5:5

ꞌHáu lỏ#ꞌmí chaư ꞌchưa Chảu ꞌKha‑ꞌlịt, Chảu Khuôn Saư ꞌpá ꞌháu ꞌcóng thả đảy pên ꞌcốn đi ꞌmí ꞌmen ꞌsướng ꞌláng áo ꞌháu#ꞌnặn.

장을 참조하십시오

Ê‑ꞌphê‑ꞌsô 1:11

Chảu Pua ꞌPhạ ꞌdệt ꞌchu ꞌnéo ꞌtoi chaư ꞌTan#chảu, chắng đảy téng ꞌháu ꞌvạy#cón ꞌtoi nả ꞌviạk ꞌTan chảu ngắm ꞌvạy, ꞌlẹo ꞌTan chảu chắng đảy ꞌlưạk au ꞌháu ꞌmá pên dên ꞌpay ꞌTan chảu dú cuông ꞌhôm ꞌngáu Chảu ꞌKha‑ꞌlịt.

장을 참조하십시오

Ê‑ꞌphê‑ꞌsô 1:7

Chảu ꞌGiê‑ꞌsu đảy tai tháy au báp ꞌsội ꞌháu ꞌdọn ꞌlượt ꞌTan chảu lay#ók, Chảu Pua ꞌPhạ ꞌcọ dáng ꞌdóm ꞌchu ꞌviạk phít hảư ꞌháu ꞌtoi công ꞌphún nháư luông ꞌTan#chảu.

장을 참조하십시오

Ê‑ꞌphê‑ꞌsô 2:12

Cuông ꞌchớ ꞌnặn ꞌpi ꞌnọng ꞌnhắng báu#ꞌhế ꞌhụ chắc Chảu ꞌKha‑ꞌlịt, báu#đảy pên dên ꞌpay ꞌcốn ꞌI‑ꞌsa‑ên. ꞌQuám nhẳn pao Chảu Pua ꞌPhạ chao ꞌhẹn ꞌvạy cắp ꞌcốn ꞌI‑ꞌsa‑ên té cón#ꞌnặn, ꞌpi ꞌnọng ꞌcọ báu#ꞌmí ꞌphớn nẳng ꞌquám chao#ꞌhẹn, báu#ꞌmí ꞌnéo mong#ꞌcóng. Pên ꞌcốn ꞌmướng ꞌlum#ꞌlạ, báu#ꞌhụ chắc Chảu Pua#ꞌPhạ.

장을 참조하십시오

Ê‑ꞌphê‑ꞌsô 3:16

So ꞌnéo quí ꞌpéng ꞌhung ꞌhướng ꞌmí nẳng Chảu Pua ꞌPhạ ꞌnặn au phép ꞌquiến Chảu Khuôn Saư hảư ꞌpi ꞌnọng ꞌmí chaư ꞌchưa mẳn#tứm.

장을 참조하십시오

Ê‑ꞌphê‑ꞌsô 3:8

Ta ꞌva khỏi pên ꞌcốn nả ꞌnọi ta tắm ꞌsứa mết cuông mốt dên ꞌpay Chảu Pua#ꞌPhạ, ꞌTan chảu ꞌcọ ꞌnhắng ꞌmí công ꞌphún phớng ꞌdứa hảư khỏi pên phủ páo kháo ꞌhung saư ꞌviạk Chảu ꞌKha‑ꞌlịt hảư ꞌcốn táng ꞌphắn#ꞌhụ, kháo ꞌhung saư Chảu ꞌKha‑ꞌlịt nháư luông báu#ꞌmí phaư ꞌhụ mết#đảy.

장을 참조하십시오

Ê‑ꞌphê‑ꞌsô 4:1

ꞌSướng#ꞌnặn, khỏi ꞌchọ khảu ꞌtú ꞌpộ ꞌkhớng nả ꞌviạk ꞌGiê‑ꞌsu phủ pên Chảu#Chom, chắng so ꞌpi ꞌnọng kin dú ꞌluống đi sôm đáng pên ꞌcốn ꞌTan chảu ꞌhiạk#au.

장을 참조하십시오

Ê‑ꞌphê‑ꞌsô 4:4

ꞌSúm ꞌháu pên ꞌsướng ꞌmo ꞌkính#điêu, ꞌmí Chảu Khuôn Saư phủ#điêu, Chảu Pua ꞌPhạ ꞌhiạk au ꞌháu ꞌmá ꞌnặn ꞌpưa ꞌchí đảy ꞌnéo mong ꞌcóng thả ꞌsướng#điêu.

장을 참조하십시오

Ê‑ꞌphê‑ꞌsô 5:8

Té cón ꞌnặn ꞌpi ꞌnọng pên ꞌcốn dú ꞌtáng ꞌmựt#đăm, hák ꞌkhạy ꞌnị đảy ꞌmá pên ꞌcốn dú ꞌtáng ꞌhung saư cuông ꞌhôm ꞌngáu ꞌGiê‑ꞌsu phủ pên Chảu#Chom. ꞌSướng ꞌnặn hảư kin dú sôm pên ꞌcốn ꞌtoi ꞌluống ꞌtáng ꞌhung#saư,

장을 참조하십시오

ꞌPhi‑ꞌlịp‑poi 3:14

Khỏi chắng cứ chaư ꞌsướng khéng ꞌlen pay ꞌhọt lắc mai au ꞌnéo sưởng dú ꞌtếng#ꞌphạ, ꞌsướng ăn Chảu Pua ꞌPhạ đảy khék au khỏi ꞌdọn Chảu ꞌGiê‑ꞌsu ꞌKha‑ꞌlịt.

장을 참조하십시오

Cô‑ꞌlô‑ꞌsai 1:12

hảư ꞌmuôn ꞌmớng đảy ꞌdọn Chảu Pua ꞌPhạ phủ pên#ꞌPo, ꞌTan chảu hảư ꞌpi ꞌnọng ꞌmí ꞌphớn đảy ꞌnéo đi quí ꞌpéng cắp dên ꞌpay ꞌTan chảu dú ꞌmướng Chảu Pua ꞌPhạ bón ꞌhung#saư.

장을 참조하십시오

Cô‑ꞌlô‑ꞌsai 1:23

Hák#ꞌva ꞌpi ꞌnọng ꞌchọ sứp tó tẳng lắc mẳn ꞌchưa Chảu ꞌGiê‑ꞌsu, cứ mẳn chaư ꞌcóng thả đảy ꞌnéo đi quí#ꞌpéng, ꞌnhá ꞌváng sia kháo ꞌhung saư ꞌtoi ꞌpi ꞌnọng đảy ꞌnghín ꞌmá ꞌlẹo#ꞌnặn. Kháo ꞌhung saư Chảu ꞌGiê‑ꞌsu ꞌnặn ꞌcọ đảy páo hảư ꞌchu ꞌcốn dú ꞌtua cỏng#ꞌphạ, khỏi ꞌchư Pôn pên phủ ꞌkhớng ꞌviạk páo kháo#ꞌnặn.

장을 참조하십시오

Cô‑ꞌlô‑ꞌsai 1:27

Chảu Pua ꞌPhạ é hảư dên ꞌpay ꞌTan chảu ꞌhụ#ꞌva, ꞌquám ꞌlặp ꞌlợc ꞌnặn ꞌchí hảư ꞌpi ꞌnọng ꞌcốn táng ꞌphắn đảy ꞌnéo đi quí#ꞌpéng ꞌhuôm cắp dên ꞌpay ꞌTan#chảu, ꞌnặn ꞌcọ ꞌmen Chảu ꞌKha‑ꞌlịt dú cắp ꞌnặp pheng ꞌpi#ꞌnọng, ꞌpi ꞌnọng chắng mẳn chaư thả đảy ꞌhung#ꞌhướng.

장을 참조하십시오

Cô‑ꞌlô‑ꞌsai 1:5

Pên ꞌsướng ꞌnặn ꞌcọ ꞌpưa ꞌpi ꞌnọng ꞌcóng đảy ꞌnéo đi quí ꞌpéng nẳng Chảu Pua ꞌPhạ dom ꞌvạy hảư cá ꞌmướng#ꞌphạ. Nả ꞌviạk ꞌnặn ꞌpi ꞌnọng ꞌcọ đảy ꞌnghín ꞌquám ꞌmen#ꞌtẹ, ꞌsướng kháo ꞌhung saư ꞌviạk Chảu ꞌGiê‑ꞌsu ꞌKha‑ꞌlịt páo ꞌmá ꞌhọt ꞌpi#ꞌnọng.

장을 참조하십시오

Cô‑ꞌlô‑ꞌsai 2:2

Khỏi ꞌdệt ꞌsướng ꞌnặn ꞌcọ ꞌpưa tủm ꞌpúa chaư ꞌpi ꞌnọng ꞌtếng#cá, ꞌmí chaư ꞌhặc ꞌpéng pên ꞌnặm#ꞌnưng chaư#điêu. ꞌSướng ꞌnặn ꞌpi ꞌnọng chắng ꞌchí mẳn chaư ꞌhụ chẻng đảy#mết, ꞌtếng#cá ꞌquám ꞌlặp ꞌlợc Chảu Pua#ꞌPhạ, lỏ#ꞌmen Chảu ꞌKha‑ꞌlịt ꞌnặn#lo.

장을 참조하십시오

Cô‑ꞌlô‑ꞌsai 3:15

Chảu ꞌKha‑ꞌlịt uôn ꞌpá ꞌpi ꞌnọng hảư ꞌtiêng#chaư, đảy khék au ꞌpi ꞌnọng ꞌmá pên ꞌsúm ꞌhốm điêu kin dú hảư ꞌmen#căn. ꞌSướng ꞌnặn hảư ꞌpi ꞌnọng đảy ꞌtiêng#chaư, ꞌlẹo cáo ꞌquám đảy ꞌdọn ꞌTan#chảu.

장을 참조하십시오

1 ꞌThê‑ꞌsa‑ꞌlôn 2:12

ꞌcọ đảy bók hảư ꞌpi ꞌnọng ꞌtoi ꞌluống#ꞌmen, ꞌdệt hảư ꞌpi ꞌnọng ún mốc ún#chaư, bók kin dú sôm pên ꞌcốn Chảu Pua#ꞌPhạ, phủ ꞌhiạk ha au ꞌpi ꞌnọng khảu phén ꞌhôm ꞌngáu ꞌhung ꞌhướng ꞌTan#chảu.

장을 참조하십시오

1 ꞌThê‑ꞌsa‑ꞌlôn 5:8

ꞌTáng ꞌháu pên ꞌcốn chaư ꞌhung saư ꞌsướng ꞌtếng#ꞌvến, ꞌsướng ꞌnặn hảư cứ ꞌmo#ꞌvạy, ꞌmí chaư ꞌchưa Chảu#ꞌGiê‑ꞌsu, ꞌhặc#ꞌpéng#căn, chắng pên ꞌtáng pảy che au ꞌháu ꞌvạy ꞌsướng lính ꞌtứ piếng lếc pảy ớc#ꞌnặn. Cứ ꞌcóng thả Chảu ꞌGiê‑ꞌsu ꞌmá ꞌchoi hảư đảy ók khói sia báp ꞌsội ꞌsướng lính ꞌtứ ꞌmụ lếc cẳn#hua.

장을 참조하십시오

2 ꞌThê‑ꞌsa‑ꞌlôn 1:11

ꞌSướng ꞌnặn ꞌsúm khỏi ꞌcọ ꞌlớng ꞌchớ đé so Chảu Pua ꞌPhạ Chảu Chom ꞌsúm#ꞌháu, hảư ꞌnặp#ꞌva ꞌpi ꞌnọng sôm đáng pên ꞌcốn ꞌTan chảu đảy ꞌhiạk au#ꞌnặn. So Chảu Pua ꞌPhạ au phép ꞌquiến ꞌchoi ꞌpi ꞌnọng ꞌdệt đảy đi ꞌtoi ꞌláng áo ꞌchu#ꞌnéo. ꞌPi ꞌnọng ꞌchưa ꞌcọ đảy ꞌdệt ꞌtoi ꞌquám ꞌTan#chảu, đé so ꞌTan chảu ꞌchoi ꞌpi ꞌnọng ꞌdệt ꞌpứng nả ꞌviạk ꞌnặn hảư ꞌmắn đảy#đi,

장을 참조하십시오

2 ꞌThê‑ꞌsa‑ꞌlôn 2:16

ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu cắp Chảu Pua ꞌPhạ phủ pên ꞌPo#ꞌháu, chaư quảng ꞌhặc ꞌpéng tủm ꞌpúa ꞌháu đảy ún mốc ún chaư ꞌlới#ꞌlới, ꞌTan chảu hảư ꞌháu mong ꞌcóng thả ꞌnéo#đi.

장을 참조하십시오

1 Ti‑ꞌmô‑ꞌthiêu 6:12

Hảư tó ꞌsốn ꞌnéo đi ꞌluống ꞌtáng ꞌchưa Chảu ꞌGiê‑ꞌsu. Hảư ꞌhặc au ꞌchua ꞌlới#ꞌlới. Chảu Pua ꞌPhạ đảy ꞌhiạk ha au ꞌlụk ꞌmá ꞌcọ ꞌpưa ꞌluống#ꞌnặn, ꞌlụk ꞌcọ đảy ꞌvạu ꞌquám đi nhẳn đảy pên ꞌcốn ꞌchưa Chảu ꞌGiê‑ꞌsu tó nả lai ꞌcốn pên chứng#hảư.

장을 참조하십시오

Ti‑tô 2:13

ꞌchớ ꞌháu đang ꞌcóng thả ꞌmự sung sướng ꞌsứa#mết, ꞌmen ꞌmự ꞌháu ꞌchí hên Chảu ꞌGiê‑ꞌsu ꞌKha‑ꞌlịt phủ pên Chảu Pua ꞌPhạ nháư luông ꞌchoi hảư ꞌsúm ꞌháu ók khói sia báp ꞌsội ꞌnặn ꞌhung ꞌhướng ók#ꞌmá.

장을 참조하십시오

Ti‑tô 3:7

ꞌDọn công ꞌphún Chảu Pua ꞌPhạ phớng ꞌdứa hảư ꞌháu#ꞌnặn, chắng ꞌtứ ꞌháu pên ꞌcốn đi ꞌmí#ꞌmen, ꞌháu chắng ꞌcóng thả đảy ꞌchua ꞌlới#ꞌlới.

장을 참조하십시오

ꞌHệp‑ꞌlơ 10:32

Ngắm bớng ꞌmưa cón, ꞌchớ ꞌpi ꞌnọng ꞌhụ kháo ꞌhung saư#ꞌlẹo, ꞌmí lai ꞌnéo tó ꞌsốn ꞌdệt hảư báp#ꞌmo, ꞌpi ꞌnọng ꞌcọ ꞌnhắng cứ chaư#mẳn.

장을 참조하십시오

ꞌHệp‑ꞌlơ 6:4

ꞌPứng ꞌcốn đảy ꞌhụ chẻng ꞌluống ꞌtáng Chảu Pua#ꞌPhạ, đảy công ꞌphún ꞌTan chảu phớng ꞌdứa#hảư, đảy ꞌhuôm Chảu Khuôn#Saư, ꞌhụ chắc ꞌquám Chảu Pua ꞌPhạ ꞌmen ꞌluống#đi, ꞌhụ phép ꞌquiến ꞌchí ꞌmá ꞌpái nả#ꞌlẹo, hák ꞌnhắng ꞌváng sia ꞌTan#chảu, báu#ꞌmí ꞌsướng đaư ꞌchí au sau ꞌcứn ꞌmá piến chaư máư#đảy. Sau ꞌdệt ꞌsướng#ꞌnặn, báu#lák săng sau hák tók ꞌneng lếc sáư ꞌLụk ꞌchái Chảu Pua ꞌPhạ ꞌtếng ꞌmạy tháng khen ꞌtưa ꞌnưng#máư, pên ꞌva ꞌdệt đu ꞌngai cai bang#ꞌTan.

장을 참조하십시오

1 Pê‑tô 1:3

So sỏng ꞌnhó Chảu Pua ꞌPhạ phủ pên ꞌPo ꞌGiê‑ꞌsu ꞌKha‑ꞌlịt Chảu Chom ꞌsúm#ꞌháu. ꞌTan chảu ꞌmí chaư ín đu ꞌhặc ꞌpéng lắm#lai, chắng phớng ꞌdứa ꞌsúm ꞌháu hảư đảy pên ꞌcốn ꞌmí ꞌchua ꞌlới#máư. ꞌDọn Chảu ꞌGiê‑ꞌsu ꞌKha‑ꞌlịt tai ꞌlẹo ꞌcứn#ꞌmá, ꞌchua ꞌlới ꞌháu chắng ꞌmí ꞌluống mẳn chaư mong#ꞌcóng,

장을 참조하십시오

1 Pê‑tô 3:9

ꞌVa phủ đaư ꞌdệt ꞌhại tó#chảu, ꞌnhá ꞌdệt ꞌhại#ꞌcứn, ꞌnhá đá tóp#đá. ꞌPịch ꞌmá lỏ#au ꞌquám cóp ꞌphái tóp#sau. Chảu Pua ꞌPhạ ꞌhiạk ha au ꞌpi ꞌnọng ꞌmá ꞌdệt đi ꞌnéo ꞌnặn chắng ꞌchí đảy sáng bang nẳng#ꞌTan,

장을 참조하십시오

1 Pê‑tô 5:10

Chảu Pua ꞌPhạ phủ ꞌmí chaư quảng phớng ꞌdứa ꞌchu ꞌnéo đảy ꞌhiạk ha au ꞌpi ꞌnọng ꞌmá ꞌhuôm ꞌhung ꞌhướng ꞌlới#ꞌlới cuông ꞌhôm ꞌngáu Chảu ꞌKha‑ꞌlịt. Lăng ꞌmưa ꞌpi ꞌnọng ꞌchịu báp ꞌmo khó chaư đảy ꞌdan#ꞌnưng#ꞌlẹo, ꞌTan chảu hák ꞌchí hảư ꞌpi ꞌnọng đảy ꞌláng đi ꞌcứn#khửn, ꞌlẹo ꞌcọ ꞌchí tủm ꞌpúa au hứa ꞌhéng hảư ꞌpi ꞌnọng mẳn mốc mẳn chaư#ꞌchưa.

장을 참조하십시오

우리를 팔로우하세요:

스폰서 링크

광고

광고