온라인 성경

Du‑đe 1:3 - Tai Dam

³ ꞌPi ꞌnọng ꞌhặc sương, khỏi ꞌkhớng chaư tẻm sư ꞌmá ha ꞌpi#ꞌnọng, ꞌvạu ꞌmá nả ꞌviạk Chảu ꞌGiê‑ꞌsu ꞌchoi ꞌsúm ꞌháu đảy ók khói sia báp#ꞌsội. ꞌKhạy khỏi hên lỏ#ꞌchọ tẻm sư ꞌmá#tơn, hảư ꞌpi ꞌnọng pảy pốc au ꞌluống ꞌtáng ꞌchưa ꞌTan chảu ꞌsướng đảy ꞌchiến ꞌmá hảư ꞌpứng ꞌcốn ꞌTan chảu#ꞌvạy, ꞌtưa#ꞌnưng lỏ ꞌpó#ꞌlẹo.

장을 참조하십시오 복사

다시 올라가다 ⬆

Du‑đe 1:3
44 교차 참조

Nả ꞌviạk ꞌpứng ꞌlam ꞌchạư 17:3

ꞌchị bók hảư sau ꞌhụ ꞌquám ꞌmen#ꞌva Chảu ꞌKha‑ꞌlịt ꞌnặn hák ꞌchọ báp#ꞌmo, tai pay ꞌlẹo ꞌcọ đảy ꞌcứn ꞌhéng#ꞌmá. ꞌTan Pôn ꞌvạu tó pay máư#ꞌva, “ꞌGiê‑ꞌsu phủ khỏi páo hảư ꞌpi ꞌnọng ꞌtếng lai ꞌhụ ꞌnị lỏ#ꞌmen Chảu ꞌKha‑ꞌlịt ꞌnặn#lo.”

장을 참조하십시오

Nả ꞌviạk ꞌpứng ꞌlam ꞌchạư 18:28

ꞌpưa#ꞌva ꞌtan đảy cố ꞌhéng ꞌtộ thiêng cắp ꞌpứng ꞌcốn ꞌDiu chao ꞌpẹ tó nả ꞌcốn ꞌtếng#lai, ꞌpơng inh nẳng ꞌpặp ꞌchiến ꞌquám Chảu Pua ꞌPhạ ꞌchị bók hảư ꞌhụ#ꞌva, Chảu ꞌGiê‑ꞌsu lỏ#ꞌmen Chảu ꞌKha‑ꞌlịt#ꞌtẹ.

장을 참조하십시오

Nả ꞌviạk ꞌpứng ꞌlam ꞌchạư 20:27

ꞌpưa#ꞌva Chảu Pua ꞌPhạ sắng ꞌmá ꞌnéo đaư khỏi ꞌcọ đảy páo hảư ꞌpi ꞌnọng ꞌhụ mết#ꞌlẹo, báu#đảy dăm săng sắc#khót.

장을 참조하십시오

Nả ꞌviạk ꞌpứng ꞌlam ꞌchạư 28:28

ꞌTan Pôn ꞌmuộn ꞌquám ꞌva, “ꞌSướng ꞌnặn khỏi ꞌchí bók hảư ꞌcốn ꞌI‑ꞌsa‑ên ꞌsúm chảu ꞌhụ#ꞌvạy, kháo ꞌviạk Chảu Pua ꞌPhạ ꞌchoi hảư ꞌcốn ók khói sia báp ꞌsội#ꞌnặn, đảy páo ꞌpe pay ꞌhọt ꞌcốn táng ꞌphắn#ꞌlẹo, sau ꞌchí ꞌphắng#au.”

장을 참조하십시오

Nả ꞌviạk ꞌpứng ꞌlam ꞌchạư 4:12

Dú cỏng ꞌlum ꞌphạ ꞌnị báu#ꞌmí phủ đaư ꞌchoi ꞌcốn ꞌháu khói sia báp ꞌsội#đảy, ꞌmí ꞌto Chảu ꞌGiê‑ꞌsu phủ điêu ꞌchoi#đảy, ꞌpưa Chảu Pua ꞌPhạ hảư ꞌcốn ꞌháu ꞌpơng inh chức nháư phủ điêu Chảu ꞌGiê‑ꞌsu chắng đảy khói sia báp#ꞌsội.”

장을 참조하십시오

Nả ꞌviạk ꞌpứng ꞌlam ꞌchạư 6:7

ꞌSướng ꞌnặn ꞌquám Chảu Pua ꞌPhạ ꞌcọ ꞌnhương ꞌmự mả ꞌpe#ók, ꞌcốn ꞌmướng ꞌGiê‑ꞌlu‑ꞌsa‑ꞌlêm đảy khảu ꞌmá ꞌtoi ꞌtáng Chảu ꞌGiê‑ꞌsu ꞌcọ tứm ꞌtén khửn#lai, ꞌpứng mo lai ꞌcốn ꞌcọ đảy ꞌphắng ꞌquám ꞌTan#chảu.

장을 참조하십시오

Nả ꞌviạk ꞌpứng ꞌlam ꞌchạư 9:13

ꞌA‑ꞌna‑ꞌnia tóp#ꞌva, “ꞌChiếng ꞌTan#chảu, khỏi đảy ꞌnghín lai ꞌcốn ꞌtố ꞌhọt ꞌSôn phủ ꞌnị#ꞌva, ꞌmắn đảy ꞌdệt ꞌhại lai ꞌnéo hảư dên ꞌpay ꞌTan chảu nẳng ꞌmướng ꞌGiê‑ꞌlu‑ꞌsa‑ꞌlêm. ꞌKhạy ꞌnị ꞌmắn au phép ꞌpứng mo cốc ꞌmá pắt phúk au ꞌchu ꞌcốn phủ vảy so ꞌTan#chảu.”

장을 참조하십시오

Nả ꞌviạk ꞌpứng ꞌlam ꞌchạư 9:22

ꞌSướng đaư ꞌSôn ꞌcọ ꞌnhương ꞌmí phép ꞌhéng#khửn, ꞌvạu ꞌmí lắc bắc ꞌmí khéo hảư ꞌcốn ꞌDiu dú nẳng ꞌmướng Đa‑ꞌma‑ꞌsê ꞌnặn báu#ꞌmí ꞌquám#kẻ, ꞌva Chảu ꞌGiê‑ꞌsu ꞌmen Chảu ꞌKha‑ꞌlịt.

장을 참조하십시오

1 Cô‑ꞌlin‑ꞌthô 15:3

Kháo ꞌhung saư khỏi đảy nhẳn ꞌvạy ꞌlẹo ꞌchiên hảư ꞌpi ꞌnọng ꞌhụ ꞌnặn pên nả ꞌviạk nháư ꞌsứa#mết, ꞌsướng Chảu ꞌKha‑ꞌlịt đảy tai tháy au báp ꞌsội ꞌsúm ꞌháu ꞌtoi ꞌpặp ꞌchiến ꞌquám Chảu Pua#ꞌPhạ.

장을 참조하십시오

ꞌKha‑ꞌla‑tia 2:5

Hák#ꞌva ꞌsúm khỏi đảy ꞌchự hiêm kháo ꞌhung saư ꞌluống ꞌtáng ꞌmen ꞌtẹ ꞌnặn ꞌvạy hảư ꞌpi#ꞌnọng, chắng thiêng sia báu#ꞌchịu sú sau sắc#ꞌnọi.

장을 참조하십시오

ꞌKha‑ꞌla‑tia 3:28

Báu#ꞌva ꞌcốn ꞌDiu ꞌhứ#ꞌva ꞌcốn Ca‑ꞌlịch, phủ pên khỏi ꞌhứ#ꞌva ꞌtứ#ꞌtang, phủ ꞌnhính ꞌhứ#ꞌva phủ#ꞌchái, ꞌpi ꞌnọng ꞌchu ꞌcốn phaư ꞌcọ pên mốt điêu căn cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt.

장을 참조하십시오

ꞌKha‑ꞌla‑tia 6:11

Hảư bớng sư ꞌnị ꞌmen ꞌmứ khỏi tẻm ꞌmá hảư ꞌpi ꞌnọng tô nháư sắm#đaư.

장을 참조하십시오

Ê‑ꞌphê‑ꞌsô 1:1

Khỏi ꞌchư Pôn, ꞌtoi chaư Chảu Pua ꞌPhạ hảư khỏi pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt, ꞌmí sư ꞌmá ha ꞌpi ꞌnọng pên dên ꞌpay Chảu Pua ꞌPhạ nẳng ꞌmướng Ê‑ꞌphê‑ꞌsô, ꞌpi ꞌnọng dú cuông ꞌhôm ꞌngáu mẳn chaư tó Chảu ꞌGiê‑ꞌsu ꞌKha‑ꞌlịt.

장을 참조하십시오

ꞌPhi‑ꞌlịp‑poi 1:1

ꞌSúm khỏi ꞌchư Pôn kéng Ti‑ꞌmô‑ꞌthiêu, phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt, ꞌmí sư ꞌmá ha mết ꞌchu ꞌcốn phủ pên dên ꞌpay Chảu Pua ꞌPhạ dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌtếng#cá phủ bớng đu uôn ꞌpá cắp ꞌpứng phủ ꞌchoi ꞌviạk ꞌsúm ꞌhốm Chảu ꞌGiê‑ꞌsu nẳng ꞌmướng ꞌPhi‑ꞌlịp‑poi.

장을 참조하십시오

ꞌPhi‑ꞌlịp‑poi 1:27

ꞌMí ꞌto hảư ꞌpi ꞌnọng kin dú sôm đáng pên ꞌcốn ꞌchưa kháo ꞌhung saư ꞌviạk Chảu ꞌKha‑ꞌlịt. ꞌVa khỏi đảy ꞌmá dam ꞌpi ꞌnọng ꞌhứ báu#đảy ꞌmá, hák ꞌchí đảy ꞌnghín kháo#ꞌva, ꞌpi ꞌnọng ꞌmí ꞌnặm#ꞌnưng chaư#điêu, cứ chaư#mẳn, ꞌchoi căn tó ꞌsốn pảy che au ꞌquám ꞌchưa kháo ꞌhung saư Chảu ꞌGiê‑ꞌsu.

장을 참조하십시오

Cô‑ꞌlô‑ꞌsai 1:2

ꞌmí sư ꞌmá ha ꞌpứng ꞌpi ꞌnọng nẳng ꞌmướng Cô‑ꞌlô‑ꞌsai pên dên ꞌpay mẳn chaư tó Chảu Pua ꞌPhạ cuông ꞌhôm ꞌngáu Chảu ꞌKha‑ꞌlịt. Khỏi đé so Chảu Pua ꞌPhạ phủ pên ꞌPo ꞌsúm ꞌháu phớng ꞌdứa hảư ꞌpi ꞌnọng đảy công#ꞌphún, dú súc sáng bang#chaư.

장을 참조하십시오

1 ꞌThê‑ꞌsa‑ꞌlôn 2:2

Cón#ꞌnặn, ꞌsúm khỏi đảy chuốp ꞌcốn ꞌmướng ꞌPhi‑ꞌlịp‑poi ꞌdệt#ꞌhại, đu ꞌngai cai#nả, ꞌpi ꞌnọng ꞌcọ ꞌhụ#ꞌlẹo. Tó ꞌmá ꞌsúm khỏi bók son ꞌpi#ꞌnọng, phủ báu#ꞌchưa đảy tó ꞌsốn ꞌháu#ꞌhêng, hák Chảu Pua ꞌPhạ Chảu Chom ꞌsúm ꞌháu ꞌnhắng hảư ꞌsúm khỏi ꞌmí chaư kheng cả páo kháo ꞌhung saư ꞌmá té ꞌTan chảu hảư ꞌpi ꞌnọng#ꞌphắng.

장을 참조하십시오

1 Ti‑ꞌmô‑ꞌthiêu 1:18

Ti‑ꞌmô‑ꞌthiêu ꞌlụk ꞌhặc ꞌpo#ꞌhới, ꞌquám ꞌpo sắng hảư ꞌlụk ꞌnị ꞌcọ tam ꞌquám phủ pên ꞌlam páo ꞌquám Chảu Pua ꞌPhạ đảy ꞌvạu ꞌhọt ꞌlụk ꞌmưa cón#ꞌnặn. ꞌPhắng ꞌquám#sắng, ꞌlụk chắng ꞌchí ꞌhụ tó ꞌsốn pảy pốc ꞌluống ꞌtáng#đi.

장을 참조하십시오

1 Ti‑ꞌmô‑ꞌthiêu 6:12

Hảư tó ꞌsốn ꞌnéo đi ꞌluống ꞌtáng ꞌchưa Chảu ꞌGiê‑ꞌsu. Hảư ꞌhặc au ꞌchua ꞌlới#ꞌlới. Chảu Pua ꞌPhạ đảy ꞌhiạk ha au ꞌlụk ꞌmá ꞌcọ ꞌpưa ꞌluống#ꞌnặn, ꞌlụk ꞌcọ đảy ꞌvạu ꞌquám đi nhẳn đảy pên ꞌcốn ꞌchưa Chảu ꞌGiê‑ꞌsu tó nả lai ꞌcốn pên chứng#hảư.

장을 참조하십시오

2 Ti‑ꞌmô‑ꞌthiêu 1:13

ꞌLuống ꞌtáng đi ꞌtáng ꞌmen ꞌlụk đảy ꞌnghín ꞌpo bók son#ꞌnặn, hảư chứ chăm au ꞌvạy pên ꞌngươn pên ꞌhói đi ꞌlẹo ꞌdệt#ꞌtoi. Cứ chaư#ꞌchưa, ꞌmí chaư#ꞌhặc, ꞌdọn dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt.

장을 참조하십시오

Ti‑tô 1:4

ꞌPo ꞌmí sư ꞌmá ha Ti‑tô, pên ꞌsướng ꞌlụk ók ꞌhuôm chaư ꞌchưa Chảu ꞌGiê‑ꞌsu. ꞌPo đé so Chảu Pua ꞌPhạ phủ pên ꞌPo cắp ꞌGiê‑ꞌsu ꞌKha‑ꞌlịt phủ hảư ꞌsúm ꞌháu ók khói sia báp#ꞌsội, phớng ꞌdứa hảư ꞌlụk đảy công ꞌphún, dú súc sáng bang#chaư.

장을 참조하십시오

ꞌHệp‑ꞌlơ 13:22

ꞌQuám tít tơn khỏi tẻm ꞌmá hảư ꞌpi ꞌnọng ꞌnị báu ꞌhí#lai, ꞌmí kỉ khót ꞌquám#thôi, so ꞌpi ꞌnọng sôm chaư ꞌphắng#au.

장을 참조하십시오

ꞌHệp‑ꞌlơ 6:9

ꞌPi ꞌnọng ꞌhặc sương, ꞌchăm#ꞌva ꞌsúm khỏi ꞌvạu ꞌnéo#ꞌnặn, ꞌcọ ꞌnhắng mẳn chaư#ꞌva, ꞌluống ꞌtáng ꞌpi ꞌnọng ꞌnhắng đi ꞌsứa ꞌquám đảy ꞌvạu#ꞌmá, lỏ ꞌmen ꞌluống ꞌtáng ók khói sia báp#ꞌsội.

장을 참조하십시오

1 Pê‑tô 5:12

Khỏi hên ꞌtan ꞌSi‑ꞌla pên ꞌpi ꞌnọng mẳn chaư tó#khỏi, ꞌchoi tẻm baư sư kỉ khót ꞌquám ꞌnị ók tít tơn ꞌpi#ꞌnọng. Khỏi pên chứng ꞌhụ hên#ꞌva, ꞌquám bók son công ꞌphún Chảu Pua ꞌPhạ phớng ꞌdứa đảy ꞌvạu ꞌmá ꞌnặn ꞌcọ ꞌmí#ꞌtẹ. ꞌPi ꞌnọng ꞌcứ mẳn chaư au#ꞌnớ.

장을 참조하십시오

2 Pê‑tô 1:1

Khỏi ꞌchư ꞌSi‑ꞌmôn Pê‑tô, phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt, pên ꞌlam ꞌchạư páo kháo ꞌTan#chảu. Khỏi ꞌmí sư ꞌmá ha ꞌpi#ꞌnọng, đảy ꞌdọn ꞌquám đi ꞌmí ꞌmen Chảu ꞌGiê‑ꞌsu ꞌKha‑ꞌlịt phủ pên Chảu Pua ꞌPhạ ꞌchoi hảư ꞌsúm ꞌháu ók khói sia báp ꞌsội#ꞌnặn, chắng hảư ꞌpi ꞌnọng ꞌmí chaư ꞌchưa ăn ꞌnéo quí ꞌpéng ꞌsướng điêu ꞌsúm#khỏi.

장을 참조하십시오

2 Pê‑tô 2:21

Sau báu#ꞌhụ chắc ꞌluống đi ꞌmí ꞌmen ꞌnặn ꞌcọ ꞌvén đi ꞌsứa ꞌhụ ꞌlẹo hák ꞌpịch sia ꞌquám sắng Chảu Pua ꞌPhạ đảy ꞌchiến ꞌmá hảư#sau.

장을 참조하십시오

Du‑đe 1:1

Khỏi ꞌchư Du‑đe ꞌnọng ꞌchái Da‑cô‑bô, pên phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt. ꞌMí sư ꞌmá ha ꞌpi ꞌnọng ꞌpứng phủ Chảu Pua ꞌPhạ pên ꞌPo ꞌhặc ꞌpéng ꞌhiạk au ꞌmá pên ꞌcốn ꞌTan#chảu, pảy pốc ꞌpi ꞌnọng cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt.

장을 참조하십시오

Du‑đe 1:17

ꞌPi ꞌnọng ꞌhặc sương, ꞌnhá ꞌlứm ꞌpứng ꞌquám mốt ꞌlam ꞌchạư páo kháo ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu ꞌnặn đảy ꞌchiến#ꞌvạy.

장을 참조하십시오

Du‑đe 1:20

ꞌPi ꞌnọng ꞌhặc sương, ꞌnéo đaư ꞌchí đảy mẳn chaư ꞌtoi ꞌluống ꞌtáng ꞌchưa Chảu Pua ꞌPhạ ꞌnặn lỏ ꞌcoi ép ꞌdệt#au. Hảư đé so ꞌTan chảu ꞌtoi Chảu Khuôn Saư uôn#ꞌpá.

장을 참조하십시오

Nả ꞌviạk ꞌchí ꞌchọ pên ók 12:11

ꞌPi ꞌnọng ꞌháu đảy ꞌpẹ tô ꞌluống nháư ꞌDọn ꞌlượt ꞌDo ꞌnọi Chảu Pua ꞌPhạ ꞌTếng cá ꞌquám pên chứng sau đảy páo ꞌnặn Ta ꞌva ꞌchí tai sau ꞌcọ báu sia đai ꞌchua ꞌlới.

장을 참조하십시오

Nả ꞌviạk ꞌchí ꞌchọ pên ók 2:10

ꞌNhá dản ꞌviạk báp ꞌmo khó chaư chảu ꞌchí ꞌchọ#ꞌpọ. ꞌHáu bók hảư chảu ꞌhụ#cón, tô cốc phi ꞌhại [ꞌSa‑tan] ꞌnặn ꞌchí hảư ꞌsán ꞌcốn cuông ꞌsúm ꞌhốm chảu chuốp pắt khảu ꞌtú ꞌpưa thử chaư ꞌpứng#chảu, ꞌlẹo chảu ꞌchí chuốp khổ báp ꞌmo đảy síp#ꞌmự. Hảư mẳn chaư tó ꞌháu ꞌtạu#tai, ꞌháu ꞌchí sưởng chảu ꞌmí ꞌchua ꞌlới#ꞌlới.

장을 참조하십시오

우리를 팔로우하세요:

스폰서 링크

광고

광고