온라인 성경

홈페이지
온라인 성경
Dô‑ꞌhăn 17:8

Dô‑ꞌhăn 17:8 - Tai Dam

⁸ ꞌpưa#ꞌva ꞌquám Chảu ꞌPo dao hảư ꞌLụk ꞌnặn ꞌLụk đảy bók#ꞌlẹo, sau ꞌcọ nhẳn ꞌphắng#au, nẻn chaư#ꞌva ꞌLụk đảy ꞌmá té Chảu#ꞌPo, ꞌchưa#ꞌva Chảu ꞌPo đảy sống ꞌLụk#ꞌmá.

장을 참조하십시오 복사

다시 올라가다 ⬆

Dô‑ꞌhăn 17:8
31 교차 참조

ꞌMặt‑ꞌthai 13:11

Chảu ꞌGiê‑ꞌsu tóp#ꞌva: “ꞌQuám ꞌlặp ꞌlợc phén ꞌhôm ꞌngáu Chảu Pua ꞌPhạ ꞌnặn ꞌTan chảu hảư ꞌpứng ꞌnọng ꞌhụ#đảy, hák ꞌpứng ꞌcốn ꞌnặn ꞌTan chảu báu#hảư#ꞌhụ.

장을 참조하십시오

Dô‑ꞌhăn 12:49

ꞌpưa ꞌquám ꞌháu bók son ꞌnặn báu#ꞌmen ꞌháu hák đảy ꞌvạu ꞌtoi#chaư. ꞌMen Chảu ꞌPo phủ sống ꞌháu ꞌmá pên phủ sắng ꞌnéo hảư ꞌháu bók#son.

장을 참조하십시오

Dô‑ꞌhăn 14:10

Chảu ꞌPo cắp ꞌháu lỏ#dú ꞌhuôm#căn, ꞌnọng ꞌnhắng báu#ꞌchưa#a? ꞌPứng ꞌquám ꞌháu bók ꞌpứng ꞌnọng#ꞌnặn, báu#ꞌmen ꞌháu hák ꞌvạu cá#đaư. ꞌMen Chảu ꞌPo dú ꞌhuôm ꞌháu ꞌnặn đang ꞌdệt ꞌviạk diêng ꞌTan chảu#ꞌló.

장을 참조하십시오

Dô‑ꞌhăn 15:15

ꞌKhạy pay#nả, ꞌháu báu#khék ꞌpứng ꞌnọng ꞌva báo#ꞌchạư. Báo ꞌchạư báu#ꞌhụ chắc chảu ꞌhướn ꞌmắn ꞌdệt#săng. ꞌHáu khék ꞌpứng ꞌnọng ꞌva sính#ꞌcu, ꞌpưa#ꞌva ꞌháu đảy ꞌnghín nẳng Chảu ꞌPo ꞌháu ꞌcọ đảy bók ꞌpứng ꞌnọng ꞌhụ#mết ꞌchu#ꞌnéo.

장을 참조하십시오

Dô‑ꞌhăn 16:27

Chảu ꞌPo ꞌcọ ꞌhặc ꞌpứng#ꞌnọng, ꞌpưa#ꞌva ꞌpứng ꞌnọng đảy ꞌhặc ꞌháu kéng ꞌchưa#ꞌva ꞌháu ꞌmá té Chảu Pua ꞌPhạ#ꞌtẹ.

장을 참조하십시오

Dô‑ꞌhăn 16:30

ꞌKhạy ꞌpứng ꞌnọng hên#ꞌva ꞌTan chảu hák ꞌhụ ꞌchu#ꞌnéo, báu#thả hảư phaư tham ꞌTan chảu ꞌquám#săng. ꞌSướng ꞌnặn ꞌpứng ꞌnọng chắng ꞌchưa#ꞌva ꞌTan chảu ꞌmá té Chảu Pua#ꞌPhạ.”

장을 참조하십시오

Dô‑ꞌhăn 17:14

ꞌLụk đảy au ꞌquám Chảu ꞌPo ꞌmá bók sau#ꞌlẹo, ꞌcốn phái ꞌmướng ꞌlum ꞌnị ꞌcọ ꞌchắng#sau, ꞌpưa#ꞌva sau báu#ꞌmen phái ꞌmướng ꞌlum#ꞌlẹo, ꞌsướng ꞌLụk báu#ꞌmen phái ꞌmướng#ꞌlum.

장을 참조하십시오

Dô‑ꞌhăn 17:18

Chảu ꞌPo sống ꞌLụk ꞌlống ꞌmá ꞌmướng ꞌlum ꞌnéo#đaư, ꞌLụk ꞌcọ đảy sống sau ók pay páo nẳng ꞌmướng ꞌlum ꞌnéo#ꞌnặn.

장을 참조하십시오

Dô‑ꞌhăn 17:21

Chảu ꞌPo#ꞌhới, ꞌLụk so hảư ꞌchu ꞌcốn sau đảy pên ꞌnặm#ꞌnưng chaư điêu#căn, ꞌsướng Chảu ꞌPo cắp ꞌLụk lỏ#ꞌhuôm chaư#căn. So hảư sau đảy ꞌhuôm chaư cắp Chảu ꞌPo kéng#ꞌLụk, ꞌpưa hảư ꞌcốn ꞌmướng ꞌlum ꞌchưa#ꞌva ꞌmen Chảu ꞌPo ꞌnặn lo pên phủ sống ꞌLụk#ꞌmá.

장을 참조하십시오

Dô‑ꞌhăn 17:23

ꞌLụk dú ꞌhuôm#sau, Chảu ꞌPo dú ꞌhuôm#ꞌLụk, ꞌpưa hảư sau ꞌpọm ꞌpiếng pên ꞌnặm#ꞌnưng chaư điêu#căn. ꞌCốn ꞌmướng ꞌlum chắng ꞌchí ꞌhụ#ꞌva ꞌmen Chảu ꞌPo ꞌnặn lo pên phủ sống ꞌLụk#ꞌmá, Chảu ꞌPo ꞌcọ ꞌhặc sau ꞌsướng Chảu ꞌPo ꞌhặc#ꞌLụk.

장을 참조하십시오

Dô‑ꞌhăn 17:3

ꞌChua ꞌlới ꞌlới#ꞌnặn, mai#ꞌva, sau ꞌhụ chắc Chảu ꞌPo lỏ#Chảu Pua ꞌPhạ ꞌmen ꞌtẹ phủ#điêu, cắp ꞌLụk ꞌchư ꞌGiê‑ꞌsu ꞌKha‑ꞌlịt phủ Chảu ꞌPo đảy sống ꞌmá#ꞌnị.

장을 참조하십시오

Dô‑ꞌhăn 3:17

Chảu Pua ꞌPhạ sống phủ pên ꞌLụk ꞌmá ꞌmướng#ꞌlum, báu#ꞌmen ꞌmá sáư ꞌsội ꞌcốn ꞌmướng#ꞌlum, ꞌpưa ꞌmá ꞌchoi hảư ꞌcốn ꞌmướng ꞌlum đảy khói sia báp ꞌsội ꞌdọn phủ pên ꞌLụk#ꞌnặn.

장을 참조하십시오

Dô‑ꞌhăn 3:33

Phủ đaư hák nhẳn au ꞌquám ꞌTan chảu ꞌcọ nhẳn pao#ꞌva, Chảu Pua ꞌPhạ ꞌvạu ꞌmen#ꞌtẹ.

장을 참조하십시오

Dô‑ꞌhăn 6:68

ꞌSi‑ꞌmôn Pê‑tô tóp ꞌva, “ꞌChiếng ꞌTan#chảu, ꞌchí hảư ꞌpứng ꞌnọng ꞌpai pay ha#phaư? ꞌTan chảu pên phủ ꞌmí ꞌquám ꞌpá hảư đảy ꞌchua ꞌlới#ꞌlới.

장을 참조하십시오

Dô‑ꞌhăn 8:42

Chảu ꞌGiê‑ꞌsu ꞌvạu hảư#sau, “ꞌVa Chảu Pua ꞌPhạ pên ꞌPo ꞌpứng chảu#ꞌtẹ, ꞌpứng chảu ꞌcọ ꞌchí ꞌhặc au#ꞌháu, ꞌpưa#ꞌva ꞌháu ók té Chảu Pua ꞌPhạ ꞌmá dú#nỉ. Báu#ꞌmen ꞌháu hák#ꞌmá, ꞌmen Chảu Pua ꞌPhạ sống ꞌháu#ꞌmá.

장을 참조하십시오

1 Cô‑ꞌlin‑ꞌthô 11:23

ꞌGiê‑ꞌsu phủ pên Chảu Chom đảy bók ꞌpứng ꞌquám ꞌnị hảư#khỏi, ꞌlẹo khỏi chắng đảy ꞌchiên ꞌmá hảư ꞌpi ꞌnọng ꞌhụ#ꞌva, ꞌcứn ꞌmự Du‑đa ꞌchí phản ꞌTan chảu#ꞌnặn, ꞌTan chảu ꞌcọ đảy khắm au béng#tay.

장을 참조하십시오

1 Cô‑ꞌlin‑ꞌthô 15:1

ꞌPi ꞌnọng ꞌhặc ꞌpéng, ꞌkhạy khỏi so tơn ꞌpi ꞌnọng hảư ngắm ꞌhọt kháo ꞌhung saư ăn khỏi đảy páo hảư#ꞌnặn, ꞌpi ꞌnọng ꞌcọ đảy ꞌphắng ꞌlẹo tẳng chaư ꞌchưa mẳn ꞌtoi kháo ꞌhung saư#ꞌnặn.

장을 참조하십시오

1 ꞌThê‑ꞌsa‑ꞌlôn 2:13

ꞌMưa ꞌsúm khỏi páo ꞌquám Chảu Pua ꞌPhạ hảư ꞌpứng ꞌpi ꞌnọng ꞌphắng#ꞌnặn, ꞌpi ꞌnọng ꞌcọ đảy ꞌchưa#ꞌva ꞌmen ꞌquám bók son ꞌmá té Chảu Pua#ꞌPhạ, báu#ꞌmen ꞌquám son khong phủ#ꞌcốn. ꞌSướng ꞌnặn ꞌsúm khỏi chắng ꞌlớng ꞌchớ so đảy ꞌdọn Chảu Pua#ꞌPhạ. ꞌQuám bók son ꞌnặn ꞌcọ ꞌmen ꞌquám ꞌmá té Chảu Pua ꞌPhạ#ꞌtẹ, ꞌdệt hảư ꞌpứng ꞌpi ꞌnọng phủ ꞌchưa Chảu ꞌGiê‑ꞌsu mẳn#chaư.

장을 참조하십시오

1 ꞌThê‑ꞌsa‑ꞌlôn 4:1

ꞌPi ꞌnọng ꞌhặc ꞌpéng, ꞌsúm khỏi so bók tứm máư ꞌto nả ꞌviạk ꞌpi ꞌnọng đảy ép ꞌhiến nẳng ꞌsúm khỏi#ꞌnặn, ꞌchọ đảy kin dú ꞌnéo đaư chắng ꞌchí hảư sôm mốc ꞌpớng chaư Chảu Pua#ꞌPhạ, ꞌpứng khu ꞌnặn ꞌpi ꞌnọng ꞌcọ đảy ꞌdệt ꞌmá#ꞌlẹo. Hák ꞌsúm khỏi phủ tang nả ꞌGiê‑ꞌsu phủ pên Chảu Chom so bók hảư ꞌpi ꞌnọng ꞌtoi ꞌluống ꞌtáng ꞌnặn tứm ꞌtén ꞌmứa nả#máư.

장을 참조하십시오

1 Dô‑ꞌhăn 4:14

ꞌSúm khỏi đảy hên ꞌlẹo ꞌcọ pên chứng#ꞌva, Chảu Pua ꞌPhạ phủ pên ꞌPo đảy sống ꞌLụk ꞌchái ꞌmá pên phủ ꞌchoi ꞌcốn ꞌmướng ꞌlum hảư ók khói sia báp#ꞌsội.

장을 참조하십시오

Nả ꞌviạk ꞌchí ꞌchọ pên ók 1:1

Khót ꞌquám Chảu ꞌGiê‑ꞌsu ꞌKha‑ꞌlịt hảư ꞌhụ ók chẻng ꞌnị Chảu Pua ꞌPhạ hảư ꞌTan#chảu, ꞌpưa hảư ꞌpứng ꞌcốn ꞌkhớng nả ꞌviạk ꞌTan chảu ꞌhụ nả ꞌviạk ꞌchí ꞌchọ pên ók cuông ꞌdan chăm#ꞌnị. Chảu ꞌGiê‑ꞌsu ꞌchạư tiên ꞌchạư chăm ꞌmứ ꞌTan chảu ꞌlống ꞌmá bók Dô‑ꞌhăn phủ ꞌkhớng nả ꞌviạk ꞌTan chảu ꞌnặn#ꞌhụ.

장을 참조하십시오

우리를 팔로우하세요:

스폰서 링크

광고

광고