온라인 성경

홈페이지
온라인 성경
Nả ꞌviạk ꞌpứng ꞌlam ꞌchạư 18:12

Nả ꞌviạk ꞌpứng ꞌlam ꞌchạư 18:12 - Tai Dam

¹² Pang án ꞌnhá ꞌKha‑ꞌli‑ôn khửn téng đa tỉnh ꞌA‑ꞌkha‑da, ꞌpứng ꞌcốn ꞌDiu ꞌpọm chaư căn tó ꞌsốn ꞌtan#Pôn, ꞌdiến pắt au ꞌtan pay ha bón ꞌván#ꞌviạk,

장을 참조하십시오 복사

다시 올라가다 ⬆

Nả ꞌviạk ꞌpứng ꞌlam ꞌchạư 18:12
27 교차 참조

ꞌMặt‑ꞌthai 27:19

ꞌChớ Pi‑ꞌlạt phủ pên quan tỉnh ꞌnăng dú bón sét#ꞌván, ꞌmía quan đảy ꞌchạư ꞌcốn pay ꞌvạu sú quan#ꞌva, “ꞌNhá khỏng nuống ꞌhọt ꞌcốn phủ báu#ꞌmí ꞌviạk săng phít ꞌnặn#ꞌnớ, ꞌpưa#ꞌva ꞌcứn ꞌnị ꞌnọng đảy phăn hên ꞌtan phủ#ꞌnặn, pên ꞌláng phăn ꞌdệt hảư ꞌnọng khổ chaư#lai.”

장을 참조하십시오

Dô‑ꞌhăn 19:13

Quan tỉnh ꞌchư Pi‑ꞌlạt ꞌnặn đảy ꞌnghín ꞌcốn ꞌDiu ꞌvạu ꞌsướng#ꞌnặn, quan tỉnh chắng au Chảu ꞌGiê‑ꞌsu ók ꞌmá#ꞌnọk, ꞌlẹo quan tỉnh chắng ꞌnăng bón sét ꞌván khék#ꞌva phơn ꞌcháu pu#đán, ꞌquám ꞌcốn ꞌDiu khék#ꞌva ꞌKha‑ba‑ꞌtha.

장을 참조하십시오

Nả ꞌviạk ꞌpứng ꞌlam ꞌchạư 13:12

ꞌMưa án ꞌnhá hên ꞌsướng#ꞌnặn, ꞌcọ ꞌdiến ꞌchưa ꞌGiê‑ꞌsu phủ pên Chảu#Chom, hên ꞌquám bók son ꞌTan chảu lák lửm#lai.

장을 참조하십시오

Nả ꞌviạk ꞌpứng ꞌlam ꞌchạư 13:50

Hák#ꞌva phen ꞌcốn ꞌDiu đảy ꞌnhuốn chaư ꞌpứng ông quan phủ nháư téng đa nẳng ꞌmướng ꞌnặn kéng ꞌpứng ꞌnáng nủ ꞌme [ꞌcốn táng ꞌphắn] phủ ꞌmá vảy ꞌháu Chảu Pua ꞌPhạ [ꞌtoi ꞌcốn#ꞌDiu], chắng ꞌpá căn ꞌnạp têng ꞌtan Pôn kéng ꞌtan Ba‑ꞌna‑bắt, ꞌlẹo ꞌcọ sắp song ꞌtan ók sia đen đin ꞌmướng#sau.

장을 참조하십시오

Nả ꞌviạk ꞌpứng ꞌlam ꞌchạư 13:7

ꞌMắn pên phủ dú chăm ꞌmứ án ꞌnhá ꞌSê‑ꞌkhi‑ô Pô‑ꞌlô phủ téng đa đon ꞌmướng#ꞌnặn, án ꞌnhá ꞌnị pên ꞌcốn ꞌhụ phủ#lắc. Án ꞌnhá đảy ꞌmới ꞌtan Ba‑ꞌna‑bắt cắp ꞌtan ꞌSôn ꞌmá ꞌpưa é hảư sau ꞌtố ꞌquám Chảu Pua#ꞌPhạ.

장을 참조하십시오

Nả ꞌviạk ꞌpứng ꞌlam ꞌchạư 13:8

Hák#ꞌva Ba‑ꞌla‑ꞌgiê‑ꞌsu phủ pên mo#ꞌmốn, ꞌchư ꞌnọi ꞌva Ê‑ꞌli‑ꞌma nghỉa#ꞌva mo#ꞌmốn, đảy khắt ꞌquám song#ꞌtan, ha ꞌtáng cẳn báu#hảư án ꞌnhá ꞌchưa Chảu ꞌGiê‑ꞌsu.

장을 참조하십시오

Nả ꞌviạk ꞌpứng ꞌlam ꞌchạư 14:19

ꞌMí ꞌsán ꞌcốn ꞌDiu dú cá ꞌmướng Ăn‑ti‑ô kéng ꞌmướng ꞌI‑cô‑ꞌni‑ôn ꞌmá chướng ꞌcốn ꞌmướng ꞌLi‑ꞌsa‑ꞌtha, au đán hin ꞌlếu sáư ꞌtan#Pôn, ngắm#ꞌva tai ꞌlẹo chắng ꞌlạk ꞌtan ók pay ꞌváng ꞌvạy nẳng ꞌnọk#ꞌmướng.

장을 참조하십시오

Nả ꞌviạk ꞌpứng ꞌlam ꞌchạư 14:2

Hák#ꞌva ꞌpứng ꞌcốn ꞌDiu phủ báu#ꞌnhóm ꞌchưa ꞌdiến ꞌnhuốn chaư ꞌcốn táng ꞌphắn ngắm ꞌnéo ꞌhại hảư ꞌpi ꞌnọng phủ ꞌchưa Chảu ꞌGiê‑ꞌsu.

장을 참조하십시오

Nả ꞌviạk ꞌpứng ꞌlam ꞌchạư 17:13

ꞌMưa ꞌpứng ꞌcốn ꞌDiu dú nẳng ꞌmướng ꞌThê‑ꞌsa‑ꞌlôn ꞌnghín kháo#ꞌva, ꞌtan Pôn đảy páo ꞌquám Chảu Pua ꞌPhạ nẳng ꞌmướng Bê‑ꞌloi‑a, sau chắng pay ꞌnhuốn au dên ꞌpay ꞌdệt ꞌnắn ꞌnướng khửn nẳng bón ꞌnặn#máư.

장을 참조하십시오

Nả ꞌviạk ꞌpứng ꞌlam ꞌchạư 17:5

ꞌMưa ꞌpứng ꞌcốn ꞌDiu phủ báu#ꞌchưa hên ꞌsướng ꞌnặn ꞌcọ ꞌdiến ꞌmí chaư hơng ꞌchắng ꞌtan Pôn cắp ꞌtan ꞌSi‑ꞌla, chắng pay chướng ꞌchứa au ꞌpứng ꞌcốn ác chan ꞌpán ꞌhại nẳng bón ꞌcốn ꞌmá ꞌhạu ꞌmá#ꞌhốm, ꞌnhuốn au dên ꞌpay có cuôn ꞌhại khửn nẳng cuông#ꞌmướng. Sau chắng đủm khảu pay ꞌhướn phủ#ꞌnưng ꞌchư Da‑ꞌsôn, sáo pắt au ꞌtan Pôn kéng ꞌtan ꞌSi‑ꞌla ók ꞌmá tó nả dên#ꞌpay.

장을 참조하십시오

Nả ꞌviạk ꞌpứng ꞌlam ꞌchạư 18:11

ꞌSướng ꞌnặn ꞌtan Pôn chắng dú nẳng ꞌmướng Cô‑ꞌlin‑ꞌthô đảy pi#ꞌnưng hốc#bươn, bók ꞌquám Chảu Pua ꞌPhạ hảư dên ꞌpay ꞌmướng ꞌnặn#ꞌphắng.

장을 참조하십시오

Nả ꞌviạk ꞌpứng ꞌlam ꞌchạư 18:27

ꞌLẹo ꞌtan ꞌA‑pô‑ꞌlô ngắm é khảm pay ꞌtáng tỉnh ꞌA‑ꞌkha‑da. ꞌPứng ꞌpi ꞌnọng phủ ꞌchưa Chảu ꞌGiê‑ꞌsu [nẳng ꞌmướng Ê‑ꞌphê‑ꞌsô] ꞌnặn ꞌcọ đi chaư é hảư ꞌtan#pay. Sau ꞌcọ tẻm sư phák pay ha ꞌpứng ꞌcốn ꞌtoi ꞌtáng Chảu ꞌGiê‑ꞌsu nẳng tỉnh ꞌA‑ꞌkha‑da hảư bớng ꞌdéng ꞌhặp tỏn#ꞌtan. ꞌSướng#ꞌnặn, ꞌmưa ꞌtan ꞌA‑pô‑ꞌlô pay ꞌhọt tỉnh ꞌA‑ꞌkha‑da, ꞌtan ꞌcọ đảy ꞌchoi ꞌpứng ꞌpi ꞌnọng phủ Chảu Pua ꞌPhạ phớng ꞌdứa hảư ꞌmá ꞌchưa Chảu ꞌGiê‑ꞌsu ꞌnặn lai#ꞌnéo,

장을 참조하십시오

Nả ꞌviạk ꞌpứng ꞌlam ꞌchạư 19:21

Lăng ꞌpứng nả ꞌviạk ꞌnặn ꞌlẹo ꞌtan Pôn ngắm pay cai tỉnh ꞌMa‑kê‑đô‑ꞌnia kéng tỉnh ꞌA‑ꞌkha‑da ꞌlẹo ꞌmứa cá ꞌmướng ꞌGiê‑ꞌlu‑ꞌsa‑ꞌlêm, tó ꞌmá ꞌchọ pay dam ꞌmướng Lôm#máư.

장을 참조하십시오

Nả ꞌviạk ꞌpứng ꞌlam ꞌchạư 25:10

ꞌTan Pôn tóp ꞌva, “ꞌKhạy ꞌnị khỏi đảy ꞌmá tó nả bón sét ꞌván ꞌmướng#Lôm, pên ꞌmướng khửn cắp Chảu Cai‑ꞌsa, ꞌmen bón khỏi ꞌchọ đảy sét ꞌván#ꞌlẹo. Khỏi báu#đảy ꞌdệt phít săng cắp ꞌpứng ꞌcốn#ꞌDiu, quan tỉnh ꞌcọ ꞌchí ꞌhụ đi#ꞌlẹo.

장을 참조하십시오

Lôm 15:26

ꞌpưa#ꞌva mốt ꞌpi ꞌnọng nẳng tỉnh ꞌMa‑kê‑đô‑ꞌnia kéng tỉnh ꞌA‑ꞌkha‑da ꞌmuôn chaư ꞌhốm ꞌngớn căn pay ꞌchoi dưa dên ꞌpay Chảu Pua ꞌPhạ phủ khó ꞌcặt nẳng ꞌmướng ꞌGiê‑ꞌlu‑ꞌsa‑ꞌlêm.

장을 참조하십시오

Lôm 16:5

So phák ꞌquám tham kháo ha mốt ꞌsúm ꞌhốm Chảu ꞌGiê‑ꞌsu phủ ꞌmặc ꞌsúm căn nẳng ꞌhướn phua ꞌmía#sau. So phák ꞌquám tham kháo ha ꞌtan Ê‑pai‑ꞌnệt ꞌpi ꞌnọng phủ khỏi ꞌhặc#ꞌpéng, dú nẳng tỉnh ꞌA‑ꞌsia ꞌnặn ꞌtan pên phủ ꞌchưa Chảu ꞌKha‑ꞌlịt cón ꞌchu ꞌcốn#mết.

장을 참조하십시오

1 Cô‑ꞌlin‑ꞌthô 16:15

ꞌPi ꞌnọng ꞌcọ ꞌhụ#ꞌlẹo, ꞌchúa ꞌhướn ꞌtan ꞌSê‑ꞌphô‑ꞌna pên phủ ꞌchưa Chảu ꞌGiê‑ꞌsu cón ꞌchu ꞌcốn nẳng tỉnh ꞌA‑ꞌkha‑da, sau đảy au chaư sáư ꞌviạk ꞌchoi dên ꞌpay Chảu Pua#ꞌPhạ. ꞌSướng ꞌnặn khỏi đé so ꞌpi#ꞌnọng,

장을 참조하십시오

2 Cô‑ꞌlin‑ꞌthô 1:1

Khỏi ꞌchư Pôn, ꞌtoi chaư Chảu Pua ꞌPhạ hảư khỏi pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt, cắp Ti‑ꞌmô‑ꞌthiêu phủ pên ꞌpi ꞌnọng cuông ꞌhôm ꞌngáu Chảu ꞌGiê‑ꞌsu, ꞌmí sư ꞌmá ha ꞌpứng ꞌpi ꞌnọng mốt ꞌsúm ꞌhốm Chảu Pua ꞌPhạ nẳng ꞌmướng Cô‑ꞌlin‑ꞌthô, ꞌtếng#cá phủ pên dên ꞌpay Chảu Pua ꞌPhạ dú ꞌtua tỉnh ꞌA‑ꞌkha‑da.

장을 참조하십시오

2 Cô‑ꞌlin‑ꞌthô 11:10

ꞌQuám ꞌmen ꞌtẹ ꞌviạk Chảu ꞌKha‑ꞌlịt ꞌsướng khỏi bók son ꞌmá ꞌnặn ꞌcọ báu#piến, ꞌsướng ꞌnặn báu#ꞌmí phaư nẳng tỉnh ꞌA‑ꞌkha‑da ꞌmá hảm ꞌquám khỏi cáo ảng#ꞌnị.

장을 참조하십시오

2 Cô‑ꞌlin‑ꞌthô 11:26

Khỏi đảy ꞌtiếu ꞌtáng lai#ꞌtưa, sủ ꞌláng ꞌhại nẳng ꞌme#ꞌnặm, nẳng ꞌcốn#cướp, nẳng ꞌcốn ꞌDiu ꞌphắn điêu#khỏi, nẳng ꞌcốn táng ꞌphắn ꞌcọ#ꞌmí. Báu#ꞌva dú nẳng bản#ꞌmướng, dú nẳng ꞌtông#ꞌlẹng, dú nẳng ꞌnặm#bể, dú nẳng ꞌpi ꞌnọng chaư ꞌcột#chan.

장을 참조하십시오

2 Cô‑ꞌlin‑ꞌthô 9:2

Khỏi ꞌhụ chắc ꞌpi ꞌnọng ꞌhọn chaư é ꞌchoi, khỏi chắng đảy ảng ꞌpi ꞌnọng hảư ꞌcốn dú tỉnh ꞌMa‑kê‑đô‑ꞌnia ꞌhụ#ꞌva, ꞌpi ꞌnọng [dú ꞌmướng Cô‑ꞌlin‑ꞌthô] tỉnh ꞌA‑ꞌkha‑da đảy ꞌkhặn ꞌkháng té pi cai#ꞌlẹo, ꞌmí chaư ꞌhọn ꞌkhớng ꞌchí ꞌchoi dưa ꞌcốn khó ꞌcặt ꞌnặn ꞌcọ ꞌpá lai ꞌcốn dú tỉnh ꞌMa‑kê‑đô‑ꞌnia ꞌnặn ꞌhụ ꞌhọn ꞌkhớng ꞌtoi#nẳng.

장을 참조하십시오

1 ꞌThê‑ꞌsa‑ꞌlôn 2:14

ꞌPi ꞌnọng ꞌcọ pên ꞌsướng ꞌpứng mốt ꞌsúm ꞌhốm Chảu Pua ꞌPhạ nẳng phén đin Du‑đai, pên phủ dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt ꞌnặn sau ꞌcọ đảy chuốp báp ꞌmo ꞌpộ ꞌpi ꞌnọng ꞌcốn ꞌDiu ꞌdệt#hảư, ꞌsướng điêu ꞌpi ꞌnọng chuốp báp ꞌmo nẳng bản ꞌmướng khong#chảu.

장을 참조하십시오

1 ꞌThê‑ꞌsa‑ꞌlôn 2:16

ꞌSúm khỏi páo hảư ꞌcốn táng ꞌphắn ꞌhụ ꞌtáng đảy ók khói sia báp ꞌsội, ꞌcốn ꞌDiu cứ khắt khoang ꞌdệt ꞌdạk ꞌchá#hảư. Sau hák ꞌdệt ꞌnéo ꞌsội báp sáư hua sau nắc tứm pay#nả. Pên ꞌsướng#ꞌnặn, ꞌviạk pút nhay Chảu Pua ꞌPhạ téng ꞌsội tốc sáư hua sau#mết.

장을 참조하십시오

Da‑cô‑bô 2:6

Hák#ꞌva ꞌpứng ꞌpi ꞌnọng lỏ#đu ꞌngai phủ ꞌcặt khó#ꞌnặn. ꞌMen ꞌtẹ phủ ꞌhăng ꞌmí lỏ#ꞌmặc ꞌnạp têng kéng pắt ꞌpi ꞌnọng pay sét#ꞌván.

장을 참조하십시오

우리를 팔로우하세요:

스폰서 링크

광고

광고