온라인 성경

홈페이지
온라인 성경
Nả ꞌviạk ꞌpứng ꞌlam ꞌchạư 14:15

Nả ꞌviạk ꞌpứng ꞌlam ꞌchạư 14:15 - Tai Dam

¹⁵ “ꞌTan ꞌtếng lai ꞌnhá ꞌdệt ꞌsướng#ꞌnặn. ꞌSúm khỏi ꞌcọ pên ꞌcốn ꞌsướng ꞌpi ꞌnọng ꞌtếng lai#ꞌló. ꞌSúm khỏi ꞌmá páo kháo ꞌhung saư hảư ꞌpi ꞌnọng ꞌváng sia ꞌthớn théng báu#ꞌmí ꞌca#săng, khảu ꞌmá ha Chảu Pua ꞌPhạ phủ ꞌmí ꞌchua ꞌlới#dú. ꞌTan chảu pên phủ có ꞌdệt ꞌphạ ꞌdệt#đin, ꞌdệt ꞌnặm#bể, kéng ꞌchu sính ꞌchu#ꞌnéo.

장을 참조하십시오 복사

다시 올라가다 ⬆

Nả ꞌviạk ꞌpứng ꞌlam ꞌchạư 14:15
67 교차 참조

ꞌPai sia ꞌmướng 20:11

Cuông hốc ꞌmự Chảu ꞌPhạ ꞌGiê‑ꞌhô‑ꞌva đảy có ꞌphạ sảng phén#đin, ꞌnặm#bể, kéng mết ꞌchu sính ꞌchu#ꞌnéo. ꞌHọt ꞌmự thứ chết ꞌTan chảu đảy#ꞌdặng. ꞌSướng ꞌnặn Chảu ꞌPhạ ꞌGiê‑ꞌhô‑ꞌva chắng đảy au ꞌmự ꞌdặng ꞌcắm ꞌnặn ꞌvạy pên ꞌmự táng#hák.

장을 참조하십시오

ꞌMặt‑ꞌthai 16:16

ꞌSi‑ꞌmôn Pê‑tô tóp ꞌva, “ꞌTan ꞌmen Chảu ꞌKha‑ꞌlịt, ꞌLụk ꞌchái Chảu Pua ꞌPhạ phủ ꞌmí ꞌchua ꞌlới#dú.”

장을 참조하십시오

Dô‑ꞌhăn 5:26

Chảu ꞌPo hák ꞌmí ꞌchua ꞌlới#dú, ꞌlẹo ꞌcọ dao ꞌquiến hảư phủ pên ꞌLụk hák ꞌmí ꞌchua ꞌlới dú ꞌsướng điêu#căn.

장을 참조하십시오

Dô‑ꞌhăn 7:18

Phủ đaư pák ꞌvạu ꞌtoi chaư#chảu, phủ ꞌnặn ꞌcọ é đảy ꞌchư siêng#chảu. Phủ đaư é hảư ꞌchư siêng phủ sống chảu#ꞌmá, phủ ꞌnặn lỏ#pên ꞌcốn chaư#ꞌsư, báu#ꞌmí chaư ꞌcột#chan.

장을 참조하십시오

Nả ꞌviạk ꞌpứng ꞌlam ꞌchạư 10:26

ꞌTan Pê‑tô ꞌdiến ꞌpúa quan tứn khửn ꞌtếng ꞌvạu#ꞌva, “Hảư tứn#khửn, khỏi ꞌcọ pên ꞌcốn ꞌsướng chảu#ꞌló.”

장을 참조하십시오

Nả ꞌviạk ꞌpứng ꞌlam ꞌchạư 13:32

ꞌSúm khỏi ꞌmá páo kháo ꞌhung saư hảư ꞌpi ꞌnọng ꞌtếng lai ꞌhụ#ꞌva, nả ꞌviạk Chảu Pua ꞌPhạ chao ꞌhẹn cắp pảu pú ꞌháu cón#ꞌnặn,

장을 참조하십시오

Nả ꞌviạk ꞌpứng ꞌlam ꞌchạư 14:21

Song ꞌtan ꞌcọ đảy páo kháo ꞌhung saư ꞌviạk Chảu ꞌGiê‑ꞌsu nẳng ꞌmướng#ꞌnặn, ꞌmí lai ꞌcốn ꞌmá ꞌtoi ꞌtáng Chảu ꞌGiê‑ꞌsu. ꞌLẹo song ꞌtan chắng au căn ꞌcứn ꞌmứa ꞌmướng ꞌLi‑ꞌsa‑ꞌtha, ꞌmướng ꞌI‑cô‑ꞌni‑ôn kéng ꞌmướng Ăn‑ti‑ô,

장을 참조하십시오

Nả ꞌviạk ꞌpứng ꞌlam ꞌchạư 14:7

ꞌChu bón sau đảy pay ꞌnặn sau ꞌcọ páo kháo ꞌhung saư ꞌviạk Chảu ꞌGiê‑ꞌsu pay#ꞌtoi.

장을 참조하십시오

Nả ꞌviạk ꞌpứng ꞌlam ꞌchạư 16:30

ꞌlẹo ꞌpá ꞌtếng song ꞌtan ók ꞌmá chắng tham#ꞌva, “ꞌPứng ꞌtan#ꞌhới, khỏi ꞌchọ ꞌdệt ꞌnéo đaư chắng ꞌchí ók khói sia báp ꞌsội đảy#ꞌlế?”

장을 참조하십시오

Nả ꞌviạk ꞌpứng ꞌlam ꞌchạư 27:10

“ꞌPi ꞌnọng#ꞌhới, khỏi hên#ꞌva ꞌháu ꞌtiếu ꞌtáng pay nả ꞌchí chuốp ꞌpọ ꞌláng#ꞌhại, ꞌhứa ꞌtếng ꞌchương khong ꞌcọ ꞌchí sia pay#lai, ꞌmo ꞌháu ꞌcọ ꞌchí sia pay#máư.”

장을 참조하십시오

Nả ꞌviạk ꞌpứng ꞌlam ꞌchạư 27:21

Mốt ꞌcốn nẳng ꞌhứa báu#đảy kin khảu ꞌmá đảy lai ꞌmự#ꞌlẹo, ꞌtan Pôn chắng dưn khửn bók sau#ꞌva, “ꞌPi ꞌnọng#ꞌhới, ꞌva ꞌpi ꞌnọng hák ꞌphắng ꞌquám khỏi báu#ók sia đon ꞌmướng Ca‑ꞌlê‑tê ꞌnặn, ꞌháu ꞌcọ ꞌchí báu#đảy chuốp ꞌhại sia ꞌchương khong ꞌsướng ꞌnị cá#đaư.

장을 참조하십시오

Nả ꞌviạk ꞌpứng ꞌlam ꞌchạư 27:25

ꞌSướng ꞌnặn ꞌpi ꞌnọng ꞌnhá ꞌnọi#chaư, khỏi ꞌchưa Chảu Pua#ꞌPhạ, ꞌsứ đaư ꞌcọ ꞌchí pên ꞌsướng ꞌTan chảu bók ꞌnặn#ꞌtẹ.

장을 참조하십시오

Nả ꞌviạk ꞌpứng ꞌlam ꞌchạư 4:24

Sau đảy ꞌnghín ꞌsướng ꞌnặn ꞌcọ ꞌdiến ꞌpọm chaư căn đé so ꞌhọt Chảu Pua ꞌPhạ#ꞌva, “ꞌChiếng Chảu Pua ꞌPhạ phủ pên Chảu#Chom, phủ có ꞌphạ sảng phén#đin, ꞌnặm#bể, kéng mết ꞌchu khu ꞌchu ꞌnéo dú cỏng ꞌphạ ꞌtếng#đin.

장을 참조하십시오

Nả ꞌviạk ꞌpứng ꞌlam ꞌchạư 7:26

ꞌMự#lăng, ꞌtan pay máư ꞌdiến hên song ꞌcốn ꞌI‑ꞌsa‑ên đang ꞌtặp#căn, ꞌtan ꞌcọ đảy hảm bók sau ꞌcứn đi cắp căn lỏ#ꞌva, ‘Ải ꞌnọng#ꞌhới, pên ꞌpi ꞌnọng điêu#căn, ꞌchí phít căn săng#ꞌlế?’

장을 참조하십시오

1 Cô‑ꞌlin‑ꞌthô 8:4

ꞌSướng ꞌnặn, ꞌvạu ꞌmá ꞌtáng ꞌviạk kin ꞌchương sáu đảy vảy ꞌsớ ꞌthớn théng pom#ꞌnặn, ꞌháu ꞌcọ ꞌhụ ꞌlẹo#ꞌva, ꞌthớn théng pom báu#ꞌmí săng nẳng ꞌmướng ꞌlum cá#đaư, ꞌmí ꞌto Chảu Pua ꞌPhạ phủ#điêu.

장을 참조하십시오

Ê‑ꞌphê‑ꞌsô 4:17

ꞌSướng ꞌnặn khỏi au phép ꞌquiến ꞌGiê‑ꞌsu phủ pên Chảu Chom tơn ꞌpi#ꞌnọng, ꞌnhá kin dú ꞌsướng ꞌcốn báu#ꞌhụ nể dăm Chảu Pua ꞌPhạ#ꞌtọn, chaư sau ngắm ꞌnéo báu#ꞌmí lởi#săng.

장을 참조하십시오

1 ꞌThê‑ꞌsa‑ꞌlôn 1:9

Phaư ꞌcọ hák ꞌtố ꞌhọt ꞌviạk ꞌsúm khỏi ꞌmứa bók son ꞌpi ꞌnọng#ꞌnặn, ꞌpi ꞌnọng ꞌchưa ꞌphắng ꞌsúm khỏi ꞌsướng#đaư, ꞌlẹo ꞌváng sia ꞌviạk vảy ꞌsớ hún pẳn ꞌthớn pom ꞌmá ꞌkhớng nả ꞌviạk Chảu Pua ꞌPhạ phủ ꞌmen#ꞌtẹ, phủ ꞌmí ꞌlới#dú.

장을 참조하십시오

1 Ti‑ꞌmô‑ꞌthiêu 3:15

lon ꞌpo ꞌnán ꞌmá#ꞌhọt, ꞌlụk bớng sư ꞌnị ꞌcọ ꞌchí ꞌhụ ꞌluống kin dú ꞌnéo đaư nẳng ꞌhướn Chảu Pua#ꞌPhạ. ꞌHướn ꞌnặn lỏ ꞌmen ꞌsúm ꞌhốm Chảu Pua ꞌPhạ phủ ꞌmí ꞌchua ꞌlới#dú. Mốt ꞌsúm ꞌhốm ꞌTan chảu pên lắc pên sau hảư ꞌluống ꞌtáng ꞌmen#ꞌtẹ.

장을 참조하십시오

ꞌHệp‑ꞌlơ 3:12

ꞌPi ꞌnọng ꞌhặc ꞌpéng, ꞌchự hảư#đi, cuông ꞌpi ꞌnọng ꞌnhá hảư phaư ꞌmí chaư ác ꞌhại báu#ꞌchưa, ꞌváng sia Chảu Pua ꞌPhạ phủ ꞌmí ꞌchua ꞌlới#dú.

장을 참조하십시오

Da‑cô‑bô 5:17

ꞌSướng pú Ê‑ꞌli‑da pang ꞌchạu ꞌcọ pên ꞌcốn ꞌsướng điêu#ꞌháu. Pú ꞌhún chaư đé so ꞌhọt Chảu Pua ꞌPhạ báu#hảư#phôn, ꞌlẹo phôn ꞌcọ báu#tốc đảy sam pi hốc#bươn.

장을 참조하십시오

Nả ꞌviạk ꞌchí ꞌchọ pên ók 14:7

Tiên ꞌchạư đảy khék sương nháư khửn#ꞌva, “Hảư nể dăm Chảu Pua#ꞌPhạ, sỏng ꞌnhó chức nháư ꞌquiến luông ꞌTan#chảu, ꞌpưa#ꞌva ꞌhọt ꞌchớ ꞌTan chảu ꞌchí sét ꞌván ꞌcốn ꞌmướng ꞌlum#ꞌlẹo. Hảư ꞌlạy vảy ꞌháu ꞌTan chảu phủ có sảng ꞌphạ sảng#đin, ꞌnặm bể kéng ꞌnặm#bó.”

장을 참조하십시오

Nả ꞌviạk ꞌchí ꞌchọ pên ók 19:10

Khỏi ꞌdiến múp ꞌlống sáư tin ꞌchí ꞌlạy vảy ꞌháu tiên ꞌchạư phủ#ꞌnặn. ꞌTan ꞌdiến hảm khỏi#ꞌva, “ꞌNhá ꞌdệt ꞌnéo#ꞌnặn. ꞌHáu ꞌcọ pên phủ ꞌkhớng nả ꞌviạk Chảu Pua ꞌPhạ ꞌsướng điêu chảu cắp ꞌpi ꞌnọng chảu phủ ꞌchưa ꞌtoi ꞌquám pên chứng ꞌluống ꞌtáng Chảu ꞌGiê‑ꞌsu. Hảư ꞌlạy vảy#ꞌháu Chảu Pua ꞌPhạ phủ#điêu. ꞌQuám pên chứng ꞌtáng Chảu ꞌGiê‑ꞌsu ꞌnặn ꞌmen Chảu Khuôn Saư uôn ꞌpá chaư ꞌpứng ꞌlam páo ꞌquám ꞌTan#chảu.”

장을 참조하십시오

Nả ꞌviạk ꞌchí ꞌchọ pên ók 19:19

ꞌLẹo khỏi đảy hên sắt ꞌhại cắp ꞌpứng pua ꞌtua phén đin ꞌmướng#ꞌlum, ꞌtếng#cá phen lính pua ꞌnặn ꞌmá tảu ꞌhốm#căn, ꞌpưa ꞌchí ꞌdệt sớc cắp ꞌTan phủ khí ꞌmạ ꞌtếng#cá phen lính ꞌTan#chảu.

장을 참조하십시오

Nả ꞌviạk ꞌchí ꞌchọ pên ók 22:9

Tiên ꞌchạư ꞌdiến hảm khỏi#ꞌva, “ꞌNhá ꞌdệt ꞌnéo#ꞌnặn. ꞌHáu ꞌcọ pên phủ ꞌkhớng nả ꞌviạk Chảu Pua ꞌPhạ ꞌsướng điêu chảu cắp ꞌpi ꞌnọng phủ pên ꞌlam páo ꞌquám ꞌTan#chảu, ꞌtếng#cá phủ ꞌphắng ꞌquám bók son nẳng ꞌpặp sư#ꞌnị. Hảư ꞌlạy vảy ꞌháu Chảu Pua#ꞌPhạ phủ#điêu.”

장을 참조하십시오

Nả ꞌviạk ꞌchí ꞌchọ pên ók 4:11

ꞌChiếng Chảu Pua ꞌPhạ phủ pên Chảu Chom ꞌTan chảu sôm đáng đảy ꞌhung ꞌhướng ꞌMí ꞌhung nả ꞌmí ta ꞌtếng#cá phép ꞌhéng kheng cả ꞌDọn ꞌva ꞌTan chảu sảng téng ꞌchu sính ꞌchu ꞌnéo chắng ꞌmí#ók, hảư ꞌmí ꞌchua ꞌlới dú ꞌtoi ꞌluống chaư ꞌTan#chảu.

장을 참조하십시오

우리를 팔로우하세요:

스폰서 링크

광고

광고