온라인 성경

홈페이지
온라인 성경
Nả ꞌviạk ꞌpứng ꞌlam ꞌchạư 12:17

Nả ꞌviạk ꞌpứng ꞌlam ꞌchạư 12:17 - Tai Dam

¹⁷ ꞌTan Pê‑tô ꞌdiến ꞌnhống ꞌmứ khửn ꞌngá căm păn sáư sau ꞌnhá#ꞌnắn, ꞌlẹo ꞌtan Pê‑tô chắng ꞌtố nả ꞌviạk Chảu Pua ꞌPhạ phủ pên Chảu Chom đảy ꞌpá ꞌtan ók khói sia ꞌhướn ꞌtú ꞌsướng đaư hảư sau#ꞌphắng. ꞌTan sắng sau#ꞌva, “Chắng ꞌcoi ꞌtố ꞌquám ꞌnị sú Da‑cô‑bô kéng ꞌpứng ꞌpi ꞌnọng ứn ꞌphắng é#ꞌnớ.” ꞌVa ꞌlẹo ꞌtan ꞌcọ ꞌpai ók pay bón ứn#sia.

장을 참조하십시오 복사

다시 올라가다 ⬆

Nả ꞌviạk ꞌpứng ꞌlam ꞌchạư 12:17
28 교차 참조

ꞌMặt‑ꞌthai 10:23

ꞌMưa sau ꞌnạp têng ꞌpứng ꞌnọng nẳng ꞌmướng#đaư, hảư ꞌpai pay ꞌmướng ứn#sia. ꞌHáu ꞌvạu ꞌsư hảư ꞌpứng ꞌnọng#ꞌhụ, ꞌpứng ꞌnọng páo kháo ꞌtua phén đin ꞌmướng ꞌI‑ꞌsa‑ên báu#ꞌhế#ꞌlẹo, ꞌchí hên ꞌháu pên ꞌlụk phủ ꞌcốn ꞌnị táo ꞌlống ꞌmá té ꞌmướng ꞌphạ#cón.”

장을 참조하십시오

ꞌMa‑ꞌla‑cô 6:3

ꞌMắn pên ꞌcốn ꞌdệt ꞌchang ꞌmạy ꞌló#ꞌquá. ꞌẾm ꞌmắn ꞌchư ꞌMa‑ꞌli‑a, ꞌnọng ꞌchái ꞌmắn ꞌmen Da‑cô‑bô, Dô‑ꞌsê, Du‑đa kéng ꞌSi‑ꞌmôn, ꞌpứng ꞌnọng ꞌnhính ꞌcọ dú nẳng bản ꞌháu ꞌnị ꞌló#ꞌlế.” Sau ꞌkhới ꞌhụ hên Chảu ꞌGiê‑ꞌsu pên ꞌsướng#ꞌnặn, sau chắng đu ꞌngai báu#ꞌnặp ꞌtứ săng ꞌTan#chảu.

장을 참조하십시오

ꞌLu‑ca 1:22

ꞌChớ ꞌtan ók#ꞌmá, pák cắp sau báu#ók#sương, sau chắng ꞌhụ chắc#ꞌva ꞌtan ꞌSa‑ꞌkha‑ꞌlia hák đảy hên ăn lák lửm dú nẳng cuông ꞌhướn vảy#ꞌsớ. ꞌTan ꞌdiến au ꞌmứ ꞌdệt mai ꞌchị bók hảư sau#thôi, ꞌpưa pák báu#ók#sương.

장을 참조하십시오

Dô‑ꞌhăn 10:40

ꞌTan chảu ꞌcứn khảm ꞌme ꞌnặm Do‑đa‑ꞌnê pay ꞌhọt bón ꞌtan Dô‑ꞌhăn ꞌdệt ꞌhịt bắp‑ti‑sa‑ꞌma cón#ꞌnặn, ꞌlẹo ꞌdặng dú#hẳn.

장을 참조하십시오

Dô‑ꞌhăn 11:54

ꞌPưa ꞌsướng ꞌnặn Chảu ꞌGiê‑ꞌsu chắng pay ꞌmá ꞌlặp ꞌsuôn ꞌcốn#ꞌDiu. ꞌTan chảu đảy ók sia bón ꞌnặn pay phổng ꞌlố chăm ꞌtông#ꞌlẹng, ꞌhọt bản#ꞌnưng khék bản Ê‑ꞌpha‑ꞌla‑im ꞌlẹo đảy dú hẳn cắp mốt ꞌtoi ꞌtáng ꞌTan#chảu.

장을 참조하십시오

Dô‑ꞌhăn 13:24

ꞌSi‑ꞌmôn Pê‑tô ꞌdiến ca‑ꞌnực hua ꞌdệt mai bók hảư phủ Chảu ꞌGiê‑ꞌsu ꞌhặc ꞌnặn tham#ꞌva ꞌTan chảu ꞌvạu sáư phủ#đaư.

장을 참조하십시오

Dô‑ꞌhăn 7:1

Lăng ꞌpứng nả ꞌviạk ꞌnặn, Chảu ꞌGiê‑ꞌsu ꞌmí ꞌto pay ꞌmá nẳng phén đin ꞌKha‑ꞌli‑ꞌlê, báu#é pay cá phén đin Du‑đai, ꞌpưa#ꞌva ꞌpứng phủ cốc ꞌcốn ꞌDiu nẳng hẳn ha ꞌlượng ꞌchí khả ꞌTan#chảu.

장을 참조하십시오

Dô‑ꞌhăn 8:59

Chảu ꞌGiê‑ꞌsu ꞌvạu ꞌsướng#ꞌnặn, ꞌpứng ꞌcốn ꞌDiu chắng au đán ꞌchí hin ꞌlếu sáư ꞌTan#chảu. Hák#ꞌva ꞌTan chảu đảy băng sia báu#hảư ꞌcốn#hên, ꞌlẹo ók cuông ꞌcuông ꞌhướn vảy ꞌsớ Chảu Pua ꞌPhạ#pay.

장을 참조하십시오

Nả ꞌviạk ꞌpứng ꞌlam ꞌchạư 1:15

ꞌMưa ꞌchớ ꞌnặn, ꞌpi ꞌnọng mốt ꞌchưa Chảu ꞌGiê‑ꞌsu ꞌmá tảu ꞌhốm ꞌsúm#căn, ꞌtếng mết ꞌmí dáo ꞌhọi ꞌsáo#ꞌcốn. ꞌTan Pê‑tô chắng tứn khửn cang mú ꞌsúm ꞌlẹo#ꞌva,

장을 참조하십시오

Nả ꞌviạk ꞌpứng ꞌlam ꞌchạư 12:16

ꞌTan Pê‑tô ꞌcọ ꞌnhắng cứ tói tu#dú. ꞌMưa sau khay tu ók hên ꞌtan Pê‑tô ꞌtẹ, phaư ꞌcọ tứn#đủng.

장을 참조하십시오

Nả ꞌviạk ꞌpứng ꞌlam ꞌchạư 12:18

ꞌMưa ꞌhung ꞌmá, phen lính các báu#hên ꞌtan Pê‑tô dú nẳng ꞌhướn#ꞌtú, sau ꞌdiến ꞌnắn nháư khửn báu#chắc pên săng ók nẳng ꞌtan Pê‑tô.

장을 참조하십시오

Nả ꞌviạk ꞌpứng ꞌlam ꞌchạư 13:16

ꞌSướng ꞌnặn ꞌtan Pôn chắng tứn ꞌnhó ꞌmứ khửn ꞌlẹo ꞌvạu#ꞌva, “ꞌPi ꞌnọng ꞌI‑ꞌsa‑ên ꞌtếng#cá ꞌpi ꞌnọng ứn phủ nể dăm Chảu Pua#ꞌPhạ, so ꞌphắng khỏi#ꞌnớ.

장을 참조하십시오

Nả ꞌviạk ꞌpứng ꞌlam ꞌchạư 15:13

ꞌMưa song ꞌtan sau ꞌvạu#ꞌlẹo, ꞌtan Da‑cô‑bô ꞌcọ đảy cáo khửn#ꞌva, “ꞌPi ꞌnọng ꞌtếng lai#ꞌhới, ꞌphắng khỏi#ꞌnớ.

장을 참조하십시오

Nả ꞌviạk ꞌpứng ꞌlam ꞌchạư 16:40

Song ꞌtan sau đảy ók ꞌtú ꞌlẹo chắng pay ha ꞌhướn ꞌnáng ꞌLi‑đia, ꞌpọ ꞌpi ꞌnọng phủ ꞌchưa Chảu ꞌGiê‑ꞌsu, ꞌmí ꞌquám pản ꞌpúa chaư ꞌpi ꞌnọng ꞌlẹo chắng ók#pay.

장을 참조하십시오

Nả ꞌviạk ꞌpứng ꞌlam ꞌchạư 19:33

Mốt ꞌcốn ꞌDiu chắng sui phủ#ꞌnưng ꞌchư ꞌA‑ꞌlệc‑ꞌsăn‑đô ók pay ꞌtáng nả phen ꞌcốn ꞌtếng#lai, ꞌmí ꞌcốn cuông ꞌsúm ꞌnặn ꞌcọ téng bók hảư ꞌmắn#ꞌvạu. ꞌMắn ꞌdiến ꞌnhó ꞌmứ khửn mai bók hảư phen ꞌcốn ꞌnặn cuốm#ꞌphắng, ꞌpưa é pảy au [mốt ꞌcốn ꞌDiu]#chảu.

장을 참조하십시오

Nả ꞌviạk ꞌpứng ꞌlam ꞌchạư 21:18

ꞌMự lăng ꞌsúm khỏi cắp ꞌtan Pôn chắng pay dam ꞌtan Da‑cô‑bô, ꞌtếng#cá thảu ké phủ bớng đu ꞌsúm ꞌhốm Chảu ꞌGiê‑ꞌsu ꞌcọ dú#hẳn.

장을 참조하십시오

Nả ꞌviạk ꞌpứng ꞌlam ꞌchạư 21:40

Quan ꞌcọ hảư phép. ꞌTan Pôn chắng dưn dú nẳng khẳn#đay, ꞌnhống ꞌmứ khửn mai bók hảư phen ꞌcốn ꞌtếng lai#ꞌphắng. Sau cuốm mết ꞌlẹo ꞌtan ꞌdiến pák ꞌquám ꞌDiu sáư#sau.

장을 참조하십시오

Nả ꞌviạk ꞌpứng ꞌlam ꞌchạư 28:15

ꞌPi ꞌnọng ꞌmướng Lôm đảy ꞌnghín kháo ꞌsúm khỏi ꞌchí pay#ꞌhọt, sau ꞌcọ ók ꞌmá tỏn cá ꞌchợ ꞌmướng ꞌA‑pi‑ô, kéng nẳng bón ꞌhướn ꞌdặng sam#lang. ꞌTan Pôn hên ꞌpi ꞌnọng ꞌmá#tỏn, ꞌcọ ꞌnghín ún chaư so đảy ꞌdọn Chảu Pua#ꞌPhạ.

장을 참조하십시오

1 Cô‑ꞌlin‑ꞌthô 15:7

Lăng ꞌmá ꞌTan chảu chắng hảư ꞌtan Da‑cô‑bô hên, ꞌlẹo chắng hảư ꞌlam ꞌchạư ꞌtếng#cá mết#hên.

장을 참조하십시오

ꞌKha‑ꞌla‑tia 1:19

Cai ꞌnặn khỏi báu#đảy ꞌpọ ꞌlam ꞌchạư páo kháo phủ#đaư, ꞌmí ꞌto ꞌpọ ꞌtan Da‑cô‑bô ꞌnọng ꞌchái Chảu ꞌGiê‑ꞌsu phủ#điêu.

장을 참조하십시오

ꞌKha‑ꞌla‑tia 2:12

Cón ꞌchớ mốt ꞌcốn ꞌtan Da‑cô‑bô ꞌchạư pay ꞌhọt#ꞌnặn, ꞌtan Pê‑tô ꞌcọ ꞌlớng ꞌkhới kin khảu ꞌho ꞌpán cắp ꞌpi ꞌnọng ꞌcốn táng#ꞌphắn. ꞌChớ hên mốt ꞌtan Da‑cô‑bô pay#ꞌhọt, ꞌtan Pê‑tô dản ꞌpứng phủ bók hảư ꞌcốn táng ꞌphắn ꞌtoi ꞌhịt tắt mai ꞌcốn#ꞌDiu. ꞌTan chắng ók pay sia báu#kin khảu cắp ꞌpứng ꞌcốn táng ꞌphắn#ꞌnặn.

장을 참조하십시오

ꞌKha‑ꞌla‑tia 2:9

ꞌTan Da‑cô‑bô, ꞌtan Pê‑tô cắp ꞌtan Dô‑ꞌhăn phủ pék ꞌsướng pên lắc pên sau nẳng ꞌsúm#ꞌhốm, sau ꞌcọ nhẳn ꞌhụ Chảu Pua ꞌPhạ phớng ꞌdứa hảư khỏi pên ꞌlam ꞌchạư páo kháo Chảu ꞌGiê‑ꞌsu, sau chắng khắm ꞌmứ ꞌcạt san cắp khỏi kéng ꞌtan Ba‑ꞌna‑bắt, chắng ꞌpọm chaư căn hảư ꞌsúm khỏi pay páo kháo hảư ꞌcốn táng#ꞌphắn, sau lỏ#páo kháo hảư ꞌcốn#ꞌDiu.

장을 참조하십시오

Da‑cô‑bô 1:1

Khỏi ꞌchư Da‑cô‑bô, phủ ꞌkhớng nả ꞌviạk Chảu Pua ꞌPhạ cắp ꞌGiê‑ꞌsu ꞌKha‑ꞌlịt phủ pên Chảu#Chom, ꞌmí sư ꞌmá ha síp song ꞌhọ ꞌháng ꞌcốn ꞌDiu phủ kin dú ꞌtua bản ꞌmướng ꞌcốn táng#ꞌphắn.

장을 참조하십시오

우리를 팔로우하세요:

스폰서 링크

광고

광고