온라인 성경

홈페이지
온라인 성경
1 Dô‑ꞌhăn 3:5

1 Dô‑ꞌhăn 3:5 - Tai Dam

⁵ ꞌPi ꞌnọng ꞌcọ ꞌhụ#ꞌlẹo, Chảu ꞌGiê‑ꞌsu ꞌKha‑ꞌlịt ók ꞌmá ꞌpưa au báp ꞌsội ꞌháu ók pay#sia, hák ꞌTan chảu báu#ꞌmí báp#ꞌsội.

장을 참조하십시오 복사

다시 올라가다 ⬆

1 Dô‑ꞌhăn 3:5
33 교차 참조

ꞌMặt‑ꞌthai 1:21

ꞌNáng ꞌchí ók ꞌlụk pên phủ#ꞌchái. Hảư chảu púk ꞌchư#ꞌva, ꞌGiê‑ꞌsu, ꞌpưa ꞌTan phủ ꞌnị ꞌchí pên phủ ꞌchoi dên ꞌpay ꞌTan hảư khói sia báp ꞌsội ꞌnặn#lo.”

장을 참조하십시오

ꞌLu‑ca 23:41

Song ꞌcốn ꞌháu ꞌchọ đảy#ꞌtội, sôm đáng ꞌviạk ꞌháu đảy ꞌdệt ꞌmá ꞌnặn#ꞌtẹ. Hák ꞌGiê‑ꞌsu phủ ꞌnị báu#đảy ꞌdệt phít săng sắc#ꞌnọi.”

장을 참조하십시오

ꞌLu‑ca 23:47

Quan lính hên pên ꞌsướng#ꞌnặn, ꞌmắn ꞌdiến sỏng ꞌnhó Chảu Pua ꞌPhạ#ꞌva, “ꞌMen#ꞌtẹ, ꞌcốn phủ ꞌnị ꞌmí chaư ꞌpẹk#saư.”

장을 참조하십시오

Dô‑ꞌhăn 1:29

ꞌMá ꞌmự lăng, ꞌtan Dô‑ꞌhăn hên Chảu ꞌGiê‑ꞌsu ꞌmá#ꞌhọt, ꞌdiến bók ꞌpứng ꞌcốn dú hẳn ꞌhụ#ꞌva, “Bớng#ꞌí, phủ ꞌnị lo pên ꞌsướng tô ꞌdo ꞌnọi Chảu Pua ꞌPhạ sống ꞌmá tháy au báp ꞌsội ꞌcốn ꞌmướng#ꞌlum.

장을 참조하십시오

Dô‑ꞌhăn 1:31

Té cón khỏi hák báu#ꞌhụ chắc ꞌTan#chảu, hák#ꞌva khỏi ꞌmá ꞌdệt ꞌhịt bắp‑ti‑sa‑ꞌma nẳng ꞌnặm ꞌpưa hảư ꞌcốn ꞌI‑ꞌsa‑ên ꞌháu đảy ꞌhụ hên ꞌTan chảu ꞌnặn#ꞌló.”

장을 참조하십시오

Dô‑ꞌhăn 14:30

ꞌHáu ꞌchí báu#ꞌvạu tứm săng lai cắp ꞌpứng#ꞌnọng, ꞌpưa#ꞌva tô phi phủ ꞌnăng ꞌmướng ꞌlum pang ꞌnị ꞌchí#ꞌmá. Phi ꞌcọ báu#ꞌmí ꞌquiến săng ꞌlưn ꞌháu cá#đaư.

장을 참조하십시오

Dô‑ꞌhăn 8:46

Cuông ꞌpứng chảu ꞌmí phaư hên báp ꞌsội nẳng ꞌháu lỏ#ꞌvạu#đú. ꞌHáu ꞌvạu ꞌquám ꞌmen#ꞌtẹ, pên săng ꞌpứng chảu chắng báu#ꞌchưa#ꞌháu?

장을 참조하십시오

2 Cô‑ꞌlin‑ꞌthô 5:21

Chảu ꞌKha‑ꞌlịt báu#ꞌmí báp ꞌsội#săng, hák Chảu Pua ꞌPhạ hảư ꞌTan chảu pên ꞌcốn báp ꞌsội ꞌpưa ꞌsúm#ꞌháu, ꞌsướng ꞌnặn ꞌsúm ꞌháu dú cuông ꞌhôm ꞌngáu ꞌTan chảu chắng ꞌchí đảy pên ꞌcốn đi ꞌmí ꞌmen tó nả Chảu Pua#ꞌPhạ.

장을 참조하십시오

1 Ti‑ꞌmô‑ꞌthiêu 1:15

Chảu ꞌGiê‑ꞌsu ꞌKha‑ꞌlịt đảy ꞌlống ꞌmá ꞌmướng ꞌlum ꞌpưa ꞌchoi ꞌcốn ók khói sia báp#ꞌsội. ꞌQuám ꞌnị ꞌmen ꞌtẹ ꞌchưa#đảy, ꞌchu ꞌcốn ꞌchọ nhẳn#au. Cuông ꞌpứng phủ ꞌmí báp ꞌsội ꞌnặn ꞌmen ꞌpo ꞌnị ꞌmí báp ꞌsội ꞌsứa#mết.

장을 참조하십시오

1 Ti‑ꞌmô‑ꞌthiêu 3:16

Báu#ꞌmí phaư thiêng sia#đảy, ꞌquám ꞌlợc Chảu Pua ꞌPhạ pên nả ꞌviạk nháư luông#ꞌsướng: Chảu ꞌKha‑ꞌlịt ꞌmá pên ꞌcốn hảư hên Chảu Khuôn Saư hảư ꞌhụ ꞌTan pên phủ ꞌpẹk#saư ꞌPứng tiên ꞌchạư ꞌmướng ꞌphạ ꞌcọ hên ꞌTan ꞌMí ꞌcốn páo kháo hảư lai ꞌphắn ꞌcốn ꞌhụ ꞌCốn phén đin ꞌmướng ꞌlum ꞌcọ ꞌchưa Chảu Pua ꞌPhạ hảư ꞌTan khửn ꞌmứa ꞌmướng ꞌphạ bón ꞌhung#ꞌhướng.

장을 참조하십시오

Ti‑tô 2:14

Chảu ꞌGiê‑ꞌsu ꞌchịu ꞌváng sia ꞌchua ꞌpưa ꞌsúm#ꞌháu, ꞌpưa tháy hảư ꞌsúm ꞌháu ók khói sia ꞌtáng ác ꞌhại mết ꞌchu#ꞌnéo, ꞌlẹo hảư ꞌsúm ꞌháu ꞌmí chaư ꞌpẹk saư pên ꞌcốn ꞌTan#chảu, au chaư sáư ꞌdệt ꞌnéo đi ꞌnéo#ꞌmen.

장을 참조하십시오

ꞌHệp‑ꞌlơ 1:3

ꞌLụk ꞌchái ꞌnặn hảư ꞌháu hên ꞌhung ꞌhướng Chảu Pua#ꞌPhạ, ꞌlẹo ꞌcọ pên ꞌsướng điêu ꞌTan#chảu, ꞌmí phép ꞌquiến bók hảư ꞌchu sính ꞌchu ꞌnéo ꞌmí#dú. ꞌMưa sák sang ꞌviạk báp ꞌsội hảư phủ ꞌcốn#ꞌlẹo, ꞌcọ ꞌnăng ꞌhiếng sảng ꞌphượng khoa Chảu Pua ꞌPhạ phủ ꞌmí phép nháư ꞌquiến luông dú cá bón sung#sút.

장을 참조하십시오

ꞌHệp‑ꞌlơ 4:15

Mo luông ꞌnặn ꞌhụ chắc ꞌsúm ꞌháu ón#ꞌsém, ꞌTan chảu ꞌcọ ꞌkhới chuốp ỏn ꞌlứa ꞌchu ꞌnéo ꞌsướng#ꞌháu, hák báu đảy ꞌdệt#báp.

장을 참조하십시오

ꞌHệp‑ꞌlơ 7:26

Chảu ꞌGiê‑ꞌsu pên mo luông ꞌnéo ꞌnặn chắng ꞌpó ꞌchoi ꞌsúm ꞌháu#đảy. ꞌTan pên phủ théng ꞌpẹk#saư, báu#ꞌmí ꞌnéo chê#đảy, báu#pék ꞌsướng ꞌpứng ꞌcốn báp#ꞌsội. Chảu Pua ꞌPhạ ꞌnhó ꞌTan chảu khửn bón sung sút cá ꞌmướng#ꞌphạ.

장을 참조하십시오

ꞌHệp‑ꞌlơ 9:26

ꞌVa ꞌTan chảu hák ꞌdệt ꞌsướng#ꞌnặn, té có sảng ꞌmướng ꞌlum ꞌTan chảu ꞌchí ꞌchọ báp ꞌmo lai#ꞌtưa. Pang lả sút ꞌnị ꞌTan chảu đảy ók ꞌmá au chảu ꞌmo vảy ꞌsớ Chảu Pua ꞌPhạ ꞌpưa hảư ꞌpẹk sia báp ꞌsội ꞌtưa điêu lỏ ꞌpó#mết.

장을 참조하십시오

ꞌHệp‑ꞌlơ 9:28

ꞌSướng ꞌnặn#lo, Chảu ꞌKha‑ꞌlịt au chảu ꞌmo vảy ꞌháu Chảu Pua ꞌPhạ ꞌtưa điêu ꞌpưa au báp ꞌsội ꞌcốn ꞌtếng lai ók pay#sia. ꞌTan chảu ꞌchí ók ꞌmá ꞌtưa thứ#song, báu#ꞌmen ꞌmá tháy báp ꞌsội#ꞌlau, ꞌmá phớng ꞌdứa ꞌchoi ꞌpứng phủ ꞌcóng thả ꞌTan chảu ꞌnặn ók khói sia báp#ꞌsội.

장을 참조하십시오

1 Pê‑tô 1:18

ꞌPi ꞌnọng ꞌcọ ꞌhụ#ꞌlẹo, Chảu Pua ꞌPhạ đảy tháy au ꞌpi ꞌnọng ók sia ꞌluống kin dú ꞌnéo báu#ꞌmí ꞌca săng ꞌsướng ꞌhịt ꞌkhóng pảu pú ꞌpi ꞌnọng sứp tó ꞌmá#ꞌnặn, báu#ꞌmen au ꞌchương khong ꞌhụ pưới ꞌnau ꞌsướng ꞌngớn ꞌcắm ꞌmá tháy au cá#đaư.

장을 참조하십시오

1 Pê‑tô 1:20

Chảu Pua ꞌPhạ báu#ꞌhế có sảng phén đin ꞌmướng ꞌlum ꞌcọ đảy ꞌlưạk ꞌTan chảu ꞌvạy#cón, ꞌlẹo ꞌhọt pang lả sút ꞌnị chắng hảư ꞌTan chảu ók ꞌmá ꞌpưa ꞌpi#ꞌnọng.

장을 참조하십시오

1 Pê‑tô 2:22

ꞌTan chảu báu#đảy ꞌdệt báp ꞌsội ꞌnéo#đaư, báu#ꞌmí phaư đảy ꞌnghín ꞌquám bẻo ók nẳng sốp ꞌTan chảu sắc#ꞌtưa.

장을 참조하십시오

1 Pê‑tô 2:24

ꞌTan chảu hák háp au báp ꞌsội ꞌsúm ꞌháu nẳng ꞌmo ꞌkính ꞌTan ꞌtếng lắc#ꞌmạy, ꞌpưa hảư ꞌháu ꞌváng sia ꞌluống ꞌtáng báp#ꞌsội, ꞌchua ꞌlới máư lỏ#kin dú ꞌnéo đi ꞌmí#ꞌmen. ꞌTan chảu chuốp báp ꞌmo ꞌnặn ꞌcọ ꞌchoi ꞌpi ꞌnọng ók khói sia báp ꞌsội#ꞌlẹo.

장을 참조하십시오

1 Pê‑tô 3:18

ꞌPưa#ꞌva Chảu ꞌKha‑ꞌlịt pên ꞌcốn đi ꞌmí#ꞌmen, đảy tai tháy báp ꞌsội ꞌtưa điêu lỏ#cổm mết ꞌchu ꞌnéo ꞌluống ꞌtáng kin dú phủ ꞌcốn báu#ꞌmen, ꞌpưa hảư ꞌpi ꞌnọng ꞌmá ꞌmen cắp Chảu Pua#ꞌPhạ. ꞌMo ꞌkính ꞌTan chảu chuốp sáu#khả, hák#ꞌva Chảu Khuôn Saư hảư ꞌTan chảu ꞌcứn ꞌhéng#ꞌmá,

장을 참조하십시오

1 Dô‑ꞌhăn 1:2

ꞌTan phủ ꞌnặn ꞌcọ đảy ók#ꞌmá, ꞌsúm khỏi ꞌcọ đảy#hên. ꞌSướng ꞌnặn ꞌsúm khỏi chắng đảy pên chứng páo hảư ꞌpi ꞌnọng ꞌhụ nả ꞌviạk ꞌTan chảu phủ hảư ꞌmí ꞌchua ꞌlới#ꞌlới. ꞌTan chảu đảy dú ꞌtoi Chảu Pua ꞌPhạ phủ pên ꞌPo ꞌlẹo đảy ók ꞌmá hảư ꞌsúm khỏi#hên.

장을 참조하십시오

1 Dô‑ꞌhăn 1:7

ꞌVa ꞌháu kin dú ꞌtoi ꞌluống ꞌtáng ꞌhung saư ꞌsướng Chảu Pua ꞌPhạ dú ꞌluống ꞌtáng ꞌhung#saư, ꞌháu ꞌcọ đảy ꞌhuôm chaư#căn, ꞌlẹo ꞌlượt Chảu ꞌGiê‑ꞌsu phủ pên ꞌLụk ꞌchái Chảu Pua ꞌPhạ ꞌcọ ꞌlạng suối ꞌdệt hảư ꞌháu ꞌpẹk saư mết báu#ꞌmí báp#ꞌsội.

장을 참조하십시오

1 Dô‑ꞌhăn 2:1

ꞌPứng ꞌlụk ꞌhặc sương, khỏi tẻm sư ꞌnị ꞌmá ꞌpưa báu#é hảư ꞌpứng ꞌlụk ꞌdệt ꞌnéo báp#ꞌsội. ꞌVa phủ đaư hák ꞌdệt ꞌnéo báp#ꞌsội, ꞌsúm ꞌháu ꞌcọ ꞌmí phủ kẻ ꞌquám sú Chảu Pua ꞌPhạ phủ pên ꞌPo tang#ꞌháu, ꞌTan phủ ꞌnặn ꞌmen Chảu ꞌGiê‑ꞌsu ꞌKha‑ꞌlịt phủ ꞌdệt ꞌto ꞌnéo#ꞌmen.

장을 참조하십시오

1 Dô‑ꞌhăn 2:2

Chảu ꞌGiê‑ꞌsu pên khong ꞌsớ tháy báp ꞌsội hảư#ꞌháu, báu#sút ꞌto báp ꞌsội#ꞌháu, ꞌtếng#cá mết ꞌchu ꞌcốn nẳng ꞌmướng#ꞌlum.

장을 참조하십시오

1 Dô‑ꞌhăn 2:29

ꞌPi ꞌnọng ꞌhụ ꞌlẹo#ꞌva, Chảu Pua ꞌPhạ ꞌdệt ꞌto ꞌnéo#ꞌmen. ꞌSướng ꞌnặn ꞌpi ꞌnọng ꞌcọ ꞌhụ#ꞌva, phủ đaư ꞌdệt ꞌtoi ꞌluống ꞌtáng ꞌmen ꞌcọ đảy ꞌmá pên ꞌlụk ꞌTan chảu#ꞌlẹo.

장을 참조하십시오

1 Dô‑ꞌhăn 3:8

Phủ đaư ꞌdệt ꞌnéo báp#ꞌsội, phủ ꞌnặn ꞌcọ pên ꞌcốn phái tô cốc phi#ꞌhại, ꞌpưa#ꞌva tô cốc phi ꞌhại đảy ꞌdệt ꞌnéo báp ꞌsội té đaư té đai#ꞌmá. Chảu ꞌGiê‑ꞌsu phủ pên ꞌLụk ꞌchái Chảu Pua ꞌPhạ đảy ꞌmá ꞌcọ ꞌpưa pé ꞌpứng nả ꞌviạk tô cốc phi#ꞌhại.

장을 참조하십시오

Nả ꞌviạk ꞌchí ꞌchọ pên ók 1:5

ꞌLẹo ꞌtếng#cá Chảu ꞌGiê‑ꞌsu ꞌKha‑ꞌlịt pên chứng ꞌnặm saư chaư#ꞌsư, pên phủ thứ#ꞌnưng đảy tai ꞌlẹo ꞌcứn ꞌhéng#ꞌmá, pên Chảu Chom ꞌpứng pua nẳng phén đin ꞌmướng#ꞌlum. Chảu ꞌGiê‑ꞌsu ꞌhặc ꞌsúm#ꞌháu, ꞌchịu hảư ꞌlượt lay ók tháy au báp ꞌsội ꞌsúm#ꞌháu,

장을 참조하십시오

우리를 팔로우하세요:

스폰서 링크

광고

광고