Yoˊhan 7:30 - Plang (Blang)

³⁰ Yam mhawngˊ ce yeuh a keutitˊ naˊ, ce coˊcaˊ ri kaw mheutˊ Eun. Daecti aˊnhawˊ hkuinˊ mheutˊ Eun saecˊ ti peue, kopti unˊ nang rot a yam Eun Yesuˊ naˊ.

Yoˊhan 7:30 교차 참조

Mahtae 12:14

Daecti peue Hparisaeˊ naˊ ce pucti heulˊ. Ce ciˊ kaw cang pun ri toh Yesuˊ Eun yeuh saˊnhawˊ naˊ, ce heulˊ saˊlit puri.

Mahtae 21:46

Ce sok hk'aˊ kaw ri mheutˊ ri ti Eun. Daecti ce lhatˊ ri peue heunˊ naˊ ce, kopti peue heunˊ naˊ sawnˊ ce Yesuˊ Eun meuh peue suip leukahˊ Eun Peucawoˊ naˊ.

Makuˊ 11:18

Roˊ peue jhawpˊ rit maeeˊ peue guil leukahˊ ritroe naˊ pun ce ri mhawngˊ leukahˊ awnˊ a naˊ. Kop awnˊ na ce tangˊ ri sok hk'aˊ kaw ri toh Eun, kopti lhatˊ ce ri Heun, kopti peue heunˊ naˊ amˊ ce ri kuˊ sangsawnˊ Eun naˊ.

Luˊka 20:19

Peue guil leukahˊ ritroe naˊ ce maeeˊ roˊ peue jhawpˊ rit keuting naˊ ce keulawnˊ sok hk'aˊ kaw ri mheutˊ ri ti Eun, kopti yawng ce leukahˊ leupongˊ awnˊ lahˊ a ti ri naˊ. Daecti ce lhatˊ ri peue heunˊ naˊ ce.

Luˊka 22:53

Utˊ Uiˊ maeeˊ peˊ nang kangˊhkungˊ ka nya hk'oˊ munˊ keuting naˊ keuyuit, peˊ hkuinˊ mheutˊ ri ti Uiˊ. Daecti yam maetˊmaenˊ naˊ a meuh yam peˊ, a meuh yam tiˊca duimˊlawng naˊ uˊpeung ka.”

Yoˊhan 10:31

Pok aenˊ na, peue Yuˊda naˊ ce seutˊ meulˊ seumu kaw dhimˊ Yesuˊ Eun baee.

Yoˊhan 10:39

Pok aenˊ na, ce coˊcaˊ ri kaw mheutˊ Eun baee, daecti Eun pucti heulˊ hk'aiˊ ce.

Yoˊhan 11:57

Roˊ peue jhawpˊ rit keuting naˊ ce maeeˊ peue Hparisaeˊ naˊ punta kaw ce mheutˊ ri pun Yesuˊ Eun naˊ, ce tuilˊ leukahˊ ri, aˊnhawˊ lawn yawng utˊ Eun tawngnhawˊ koˊ, eun kaw kah ri lahˊ ce mhawngˊ a.

Yoˊhan 7:19

Moˊse tuilˊ eun leukahˊ ritroe naˊ ri peˊ, unˊ meuh ka aw? Daecti hk'aˊnaee peˊ ri, peˊ hkuinˊ kueˊ nang roksaˊ leukahˊ ritroe naˊ saecˊ ti peue. A ciˊ meuh kop keunhawˊ, peˊ vaeeˊ coˊcaˊ ri kaw toh Uiˊ?”

Yoˊhan 7:32

Yam peue Hparisaeˊ naˊ pun ce ri mhawngˊ peue cum heunˊ naˊ sopˊsepˊ ce lawng Eun yeuh keutitˊ naˊ, roˊ ce peue jhawpˊ rit keuting naˊ ce maeeˊ peue Hparisaeˊ naˊ ce cusˊ peue koˊ kawn nya hk'oˊ munˊ keuting naˊ ce heulˊ mheutˊ Eun.

Yoˊhan 7:6

Kop awnˊ na, Yesuˊ Eun lahˊ a ri ce, “Yam htukˊ lai a ri Uiˊ naˊ unˊ nang rot ka. Peˊ ri koˊ, saecˊ meuh yamnhawˊ a ku htukˊ lai pun peˊ.

Yoˊhan 7:8

Peˊ ri heulˊ hk'aˊnaee pawe naˊ reuˊ, hpaw Uiˊ caˊ kaw nang heulˊ. Kopti yam htukˊ lai ri Uiˊ naˊ unˊ nang rot ka.”

Yoˊhan 8:20

Yesuˊ lahˊ Eun a yeuh keutitˊ naˊ a meuh yam sangsawnˊ Eun nang nya hk'oˊ munˊ keuting keunam ka laem uinˊ hk'eung dum ri tan naˊ. Kopti yam Eun naˊ unˊ nang rot ka naˊ, a hkuinˊ kueˊ nang mheutˊ ri ti Eun saecˊ ti peue.

Yoˊhan 8:37

Yawng Uiˊ meuh peˊ ceucat eun Abraham yeut. Daecti kopti unˊ yumˊ peˊ leukahˊ sangsawnˊ Uiˊ naˊ, peˊ rangraen ri kaw toh Uiˊ.

Yoˊhan 8:59

Yam pun ce ri mhawngˊ leukahˊ aenˊ a naˊ, ce seutˊ meulˊ seumu kaw ri dhimˊ Eun naˊ, daecti Yesuˊ Eun lhawtˊlhaetˊ ri pucti heulˊ hk'aiˊ nya hk'oˊ munˊ keuting naˊ.

Yoˊhan 9:4

Cu yam kawnˊ buih meuh a yam ka peunnyi naˊ, eˊ kaw kah ri yeuh kanˊ Eun Cawoˊ kuˊ cusˊ eˊ lih naˊ Eun. Kaw a hk'awsˊ rot yam ka peunpul naˊ hawcˊ. Aˊnhawˊ hkuinˊ kaw laee cang yeuh kanˊ hk'aˊnaee yam awnˊ na.