Yoˊhan 3:11 - Plang (Blang)

¹¹ Kaw Uiˊ lahˊ a ri mi neumneum, ‘Lahˊ eˊ lawng ka kuˊ yawng ri naˊ, eˊ hkamˊ saˊhkiˊ lawng ka kuˊ tawn nyu ri naˊ. Daecti peˊ vaeeˊ unˊ rap ri ti leukahˊ hkamˊ saˊhkiˊ ye naˊ.’

Yoˊhan 3:11 교차 참조

Mahtae 11:27

Kuiingˊ Uiˊ ap Eun ku ceu gawmˊeucˊ naˊ ri Uiˊ hawcˊ. A lawn unˊ meuh Aˊkuiingˊ Eun koˊ, aˊnhawˊ hkuinˊ yawng Konˊ aiˊ Eun saecˊ ti peue. A lawn unˊ meuh Konˊ aiˊ Eun maeeˊ kuˊ Konˊ aiˊ sumˊ tuhˊ Eun peue yawng Aˊkuiingˊ Eun naˊ koˊ, aˊnhawˊ hkuinˊ yawng Aˊkuiingˊ Eun saecˊ ti peue.”

Mahtae 23:37

Oˊ, veng Yeruˊsalaem, veng Yeruˊsalaem, toh mi peue suip leukahˊ Eun Peucawoˊ naˊ ce maeeˊ dhimˊ mi peue cusˊ ri lih ri mi naˊ ce yeum ri seumu laleung. Uiˊ saecˊ sumˊ hk'onˊro konˊhk'i mi naˊ ce seunˊ elˊ ma naˊ ngom a konˊ ri naˊ hk'aˊruim hk'ecˊ ri naˊ laleung koˊ, daecti mi unˊ kah Uiˊ yeuh a.

Luˊka 10:22

Kuiingˊ Uiˊ ap Eun ku ceu gawmˊeucˊ naˊ ri Uiˊ hawcˊ. A lawn unˊ meuh Aˊkuiingˊ Eun koˊ, aˊnhawˊ hkuinˊ yawng Konˊ aiˊ Eun saecˊ ti peue. A lawn unˊ meuh Konˊ aiˊ Eun maeeˊ kuˊ Konˊ aiˊ sumˊ tuhˊ Eun peue yawng Aˊkuiingˊ Eun naˊ, aˊnhawˊ hkuinˊ yawng Aˊkuiingˊ Eun saecˊ ti peue.”

Yoˊhan 1:11

Eun saecˊ lih ri vang utˊ meun ri naˊ, daecti peue Eun naˊ ce unˊ rap ri ti Eun.

Yoˊhan 1:18

Aˊnhawˊ hkuinˊ duing nyu Peucawoˊ Eun, daecti Konˊ aiˊ kuˊ utˊ maeeˊ Aˊkuiingˊ naˊ Eun yeuh eˊ nyu Eun glihˊgleuengˊ.

Yoˊhan 12:49

Kopti hpaw Uiˊ caˊ lahˊ a hotˊ seunˊ kuˊ sumˊ lahˊ Uiˊ naˊ, daecti Aˊkuiingˊ Cawoˊ cusˊ Uiˊ lih naˊ tuilˊ Eun leukahˊ Uiˊ kaw lahˊ keunhawˊ maeeˊ lahˊ a yeuh saˊnhawˊ naˊ.

Yoˊhan 14:24

Aˊnhawˊ lawn unˊ leumeusˊ Uiˊ koˊ, eun kaw unˊ leuceng ri ti leukahˊ sangsawnˊ Uiˊ naˊ. Leukahˊ pun peˊ ri mhawngˊ aenˊ hpaw a caˊ meuh leukahˊ Uiˊ meun, daecti a meuh leukahˊ Eun Aˊkuiingˊ Cawoˊ cusˊ Uiˊ lih naˊ Eun.

Yoˊhan 3:12

Lahˊ Uiˊ kuˊ toˊ ri ri bhenˊ keuteˊ naˊ, mi lawn naˊ unˊ yumˊ a koˊ, Uiˊ saecˊ naˊ lahˊ kuˊ toˊ ri ri kuingˊ pang maoˊ naˊ, mi ciˊ kaw cang yumˊ a yeuh saˊnhawˊ?

Yoˊhan 3:13

A lawn unˊ meuh Konˊ aiˊ peue lih neum kuingˊ pang maoˊ naˊ Eun koˊ, aˊnhawˊ hkuinˊ duing hukˊ rot kuingˊ pang maoˊ naˊ saecˊ ti peue.

Yoˊhan 3:3

Yesuˊ Eun topˊ a, “Kaw Uiˊ lahˊ a ri mi neumneum, aˊnhawˊ lawn unˊ nang keutˊ hk'uˊ baee koˊ, eun hkuinˊ kaw pun ri nyu kuingˊ Eun Peucawoˊ naˊ.”

Yoˊhan 3:5

Yesuˊ Eun topˊ a, “Kaw Uiˊ lahˊ a ri mi neumneum. Aˊnhawˊ lawn unˊ keutˊ hk'aˊnaee leuumˊ maeeˊ hk'aˊnaee Citˊ seungaˊ naˊ koˊ, eun hkuinˊ kaw cang pun ri lec nang kuingˊ Eun Peucawoˊ naˊ.

Yoˊhan 5:43

Lih Uiˊ hk'aˊnaee muis Eun Aˊkuiingˊ Uiˊ naˊ, peˊ unˊ rap ri ti Uiˊ. Daecti peue seubu ti peue naˊ eun lawn lih hk'aˊnaee muis ri naˊ meun koˊ, peˊ kaw rap ri ti eun.

Yoˊhan 7:16

Yesuˊ Eun topˊ a, “Leukahˊ sangsawnˊ Uiˊ naˊ hpaw a caˊ meuh isˊ Uiˊ meun, daecti lih a neum Cawoˊ cusˊ Uiˊ lih naˊ Eun.

Yoˊhan 8:14

Yesuˊ Eun topˊ a, “Uiˊ saecˊ naˊ hkamˊ saˊhkiˊ pun tuˊ ri naˊ meun koˊ, daecti leukahˊ hkamˊ saˊhkiˊ Uiˊ naˊ yumˊ pun ka yeut. Kopti Uiˊ ingˊ neum tawngnhawˊ naˊ maeeˊ Uiˊ kaw heulˊ tawngnhawˊ naˊ, yawng Uiˊ a. Daecti Uiˊ ingˊ neum tawngnhawˊ naˊ maeeˊ Uiˊ kaw heulˊ tawngnhawˊ naˊ, hpaw peˊ caˊ yawng a.

Yoˊhan 8:26

Kawnˊ kueˊ Uiˊ leukahˊ kuˊ kaw Uiˊ tawsˊ aˊmu ri peˊ naˊ heunˊ ceu. Daecti Cawoˊ cusˊ Uiˊ lih naˊ hk'oˊ Eun yumˊ nyawkˊ. Kuˊ pun Uiˊ ri mhawngˊ ri Heun naˊ, Uiˊ lahˊ a ri peue bhenˊ keuteˊ naˊ peue.”

Yoˊhan 8:38

Buih lahˊ Uiˊ kuˊ pun Uiˊ ri nyu yam utˊ Uiˊ maeeˊ Aˊkuiingˊ Eun naˊ ri peˊ. Peˊ ku yeuh kuˊ pun peˊ ri mhawngˊ ri aˊkuiingˊ peˊ naˊ eun naˊ.”

Peue caee 22:18

Uiˊ nyu Peucawoˊ lahˊ Eun, ‘Vaeevaee, keulawnˊ puc mi heulˊ hk'aiˊ veng Yeruˊsalaem naˊ reuˊ. Kopti kuˊ hkamˊ mi saˊhkiˊ lawng Uiˊ naˊ, peue aenˊ kaw ce unˊ rap ri ti a.’

2 Kawˊrinhtuˊ 4:4

Punta peue unˊ yumˊ naˊ kaw ce unˊ cang nyu kuˊ cengˊ ka leukahˊ munˊ renˊkawn munhpungˊ keuting Eun Hkrit Cawoˊ meuh ruprang Eun Peucawoˊ naˊ, peucawoˊ ka cu maetˊmaenˊ naˊ a yeuh hpumˊ ce naˊ ngaiˊ fecˊ.

Tuhˊ ri tuilˊ 1:5

maeeˊ lih neum Yesuˊ Hkrit Cawoˊ hkamˊ saˊhkiˊ kati keutawnˊ kuˊ meuh Cawoˊ tang kuhˊ imˊ hk'aiˊ vang yeum ri nanggalˊ peue, Eun meuh Cawoˊ uˊpeung hk'aˊpang hkunˊhawˊhkamˊ pang bhenˊ keuteˊ naˊ ce gawmˊeucˊ naˊ kueˊ ri peˊ reuˊ. Yesuˊ Hkrit leumeusˊ Eun eˊ. Eun yeuh eˊ pon mapˊ ri ri nhamˊ ri naˊ.

Tuhˊ ri tuilˊ 3:14

Temˊ ri tuilˊ htawm ri inˊhpom ce muk konˊ Hkrit Laodisia naˊ eun yeuh keutitˊ, ‘Cawoˊ Amin kuˊ meuh Cawoˊ hkamˊ saˊhkiˊ kati keutawnˊ leupaws seumeuˊ kuˊ uˊpeung kuˊ hpanplengˊ Eun Peucawoˊ naˊ gawmˊeucˊ naˊ Eun lahˊ a yeuh keutitˊ,