Yoˊhan 2:23 - Plang (Blang)

²³ Yam kawnˊ utˊ Eun nang veng Yeruˊsalaem hk'aˊnaee yam pawe vel nya naˊ, peue heunˊ naˊ ce nyu hetˊ keuting yeuh Eun naˊ, ce yumˊ hk'aˊnaee muis Eun naˊ.

Yoˊhan 2:23 교차 참조

Luˊka 8:13

Kuˊ hk'uicˊ nang tak seumu naˊ meuh a peue pun ri mhawngˊ leukahˊ naˊ ce renˊkawn rap ri ti a. Daecti kopti unˊ kueˊ a res naˊ, ce yumˊ a ti cu hkaoˊ. Yam hk'eupˊ ce hk'aˊ copˊlong naˊ, ce tang kleucˊ hk'aˊ ri.

Yoˊhan 11:45

Kop awnˊ na, peue Yuˊda heunˊ peue kuˊ ingˊ glue ri Mariˊ eun naˊ ce caw ri nyu kuˊ Yesuˊ yeuh Eun naˊ, ce yumˊ Eun.

Yoˊhan 2:11

Aenˊ meuh a hetˊ keuting kuˊ Yesuˊ la Eun ri yeuh a pok nanggalˊ naˊ. Eun yeuh a nang yungˊ Kanaˊ kuingˊ Galilaeˊ naˊ. Kopti yeuh Eun aenˊ a naˊ, a yeuh munhpungˊ Eun naˊ pucti lih. Tapaeˊ Eun naˊ ce ku kueˊ hk'aˊ yumˊ hk'aˊnaee Heun.

Yoˊhan 2:13

Yam kaw a hk'awsˊ rot ri pawe vel nya ce peue Yuˊda naˊ, Yesuˊ Eun hukˊ nang veng Yeruˊsalaem naˊ.

Yoˊhan 3:2

Eun ingˊ lahˊ a ri Yesuˊ Eun peunsumˊ naˊ, “Rabiˊ, yawng ye meuh Mi seuraˊ lih neum Peucawoˊ Eun. Kopti Peucawoˊ Eun lawn unˊ utˊ maeeˊ peue koˊ, aˊnhawˊ hkuinˊ cang yeuh hetˊ keuting seunˊ kuˊ yeuh Mi naˊ saecˊ ti peue.”

Yoˊhan 4:45

Yam hukˊ rot Eun nang kuingˊ Galilaeˊ naˊ, peue Galilaeˊ naˊ ce rap ri ti Eun. Kopti tawn nyu ce kuˊ hk'oˊamˊ heunˊ ceu yeuh Eun nang veng Yeruˊsalaem yam pawe vel nya naˊ, kopti caw ce ri utˊ tehˊ yeut naˊ.

Yoˊhan 5:36

Kueˊ Uiˊ leukahˊ hkamˊ saˊhkiˊ seucen hk'aiˊ leukahˊ hkamˊ saˊhkiˊ eun Yoˊhan naˊ. Kopti kanˊ Aˊkuiingˊ kah Eun Uiˊ yeuh htonnuk kuˊ buih yeuh Uiˊ naˊ meuh meun a saˊhkiˊ ka Aˊkuiingˊ cusˊ Eun Uiˊ lih naˊ.

Yoˊhan 6:14

Yam peue heunˊ naˊ pun ce ri nyu hetˊ keuting yeuh Eun Yesuˊ naˊ, ce tang lahˊ a ri puri, “Peue aenˊ meuh Eun peue suip leukahˊ Eun Peucawoˊ Cawoˊ kaw lih pang bhenˊ keuteˊ titˊ Eun neumneum.”

Yoˊhan 6:2

Peue cum heunˊ naˊ ce ku hotˊ Eun heulˊ, kopti nyu ce hetˊ keuting yeuh Eun ri peue peuyhat naˊ ce naˊ.

Yoˊhan 7:31

Daecti peue cum heunˊ naˊ ce yumˊ Eun heunˊ peue. Ce lahˊ, “Yam Hkrit naˊ Eun lih naˊ, kaw Eun yeuh hetˊ keuting heunˊ ceu hk'aiˊ peue aenˊ Eun aw?”

Galatiˊ 5:6

Kopti hk'aˊnaee Yesuˊ Hkrit Eun naˊ, tonˊ duingˊ hakˊ ri, aˊkoˊ unˊ tonˊ ri naˊ a hkuinˊ laee kueˊ ngos saecˊ peunaeˊ. Kuˊ kueˊ aˊyeˊ keuting ti ceu yawo naˊ meuh a hk'aˊ yumˊ kuˊ yeuh ri pucti lih hk'aˊnaee hk'aˊ leumeusˊkeus naˊ.

1 Yoˊhan 3:23

Leukahˊ tuilˊ Eun naˊ koˊ meuh a kah eˊ ri yumˊ muis Eun Yesuˊ Hkrit Konˊ aiˊ Eun Peucawoˊ naˊ, maeeˊ kah eˊ leumeusˊ puri seunˊ leukahˊ tuilˊ Eun ri eˊ naˊ.