Yoˊhan 2:16 - Plang (Blang)

¹⁶ Eun lahˊ a ri peue paingˊ guiˊ naˊ ce, “Ti ceu nang aenˊ ce heulˊ hk'aiˊ maenˊ naˊ reuˊ. A ciˊ yeuh keunhawˊ peˊ vaeeˊ hatˊ ri yeuh nya Eun Kuiingˊ Uiˊ naˊ meuh keulas?”

Yoˊhan 2:16 교차 참조

Mahtae 21:12

Yesuˊ Eun ingˊ lecˊ nang kangˊhkungˊ ka nya hk'oˊ munˊ keuting naˊ. Eun ra ri tec peue paingˊ hk'eung maeeˊ peue leuvaee hk'eung mawnˊ naˊ ce pucti heulˊ. Eun seukleupˊ hpuinˊ ce peue leuplohˊ leumuil naˊ maeeˊ pangˊ mokˊ ce peue paingˊ guiˊ naˊ.

Mahtae 21:13

Eun lahˊ a ri ce, “Kueˊ a leukahˊ temˊ ri yeuhkiˊ, ‘Nya Uiˊ naˊ meuh a vang hk'oˊ munˊ’, daecti peˊ yeuh a meuh vang hk'onˊro conˊ.”

Mahtae 22:5

Daecti ce unˊ ti lawng aenˊ a seucen, ce yeuh kanˊ chin ri naˊ heulˊ. Ngonˊ ce heulˊ nang malˊ ri. Ngonˊ ce heulˊ ka.

Makuˊ 11:17

Eun sangsawnˊ ce, “ ‘Nya Uiˊ naˊ kaw a pun ri lahˊ ri meuh nya vang hk'oˊ munˊ pun peue ceu ku ceu’, a temˊ ri uinˊ ri yeuhkiˊ, unˊ meuh ka aw? Daecti peˊ yeuh a meuh ‘vang hk'onˊro conˊ’.”

Luˊka 2:49

Eun topˊ a, “A ciˊ meuh kop keunhawˊ, paˊ vaeeˊ eoˊ sok Uiˊ? Unˊ yawng paˊ kaw Uiˊ kah ri utˊ nang nya Eun Kuiingˊ Uiˊ naˊ aw?”

Yoˊhan 10:29

Kuiingˊ Uiˊ kuˊ ap konˊyungˊ awnˊ ce ri Uiˊ naˊ keuting Eun hk'aiˊ ku ceu gawmˊeucˊ naˊ. Aˊnhawˊ hkuinˊ kaw cang rimˊ ri ti konˊyungˊ awnˊ ce hk'aiˊ dak tiˊ Eun Kuiingˊ Uiˊ naˊ.

Yoˊhan 2:15

Eun ti ri yeuh muˊ naˊ meuh kuˊ taˊfaetˊ. Hawcˊ koˊ, Eun ra ri tec peue awnˊ ce gawmˊeucˊ gawmˊ konˊyungˊ gawmˊ aˊmoe ce naˊ pucti heulˊ hk'aiˊ kangˊhkungˊ ka nya hk'oˊ munˊ keuting naˊ. Eun bah ri tec paec ce peue leuplohˊ leumuil naˊ. Eun cutˊ hpuinˊ ce naˊ glhawp ri.

Yoˊhan 20:17

Yesuˊ Eun lahˊ, “Pawlaee yat Uiˊ kopti unˊ nang ingˊ Uiˊ ri Aˊkuiingˊ Eun. Heulˊ lahˊ a ri ecˊawngˊ Uiˊ naˊ ce, ‘Buih kaw Uiˊ ingˊ ri Aˊkuiingˊ Uiˊ Aˊkuiingˊ peˊ, Peucawoˊ Uiˊ Peucawoˊ peˊ naˊ Eun.’ ”

Yoˊhan 5:17

Yesuˊ Eun lahˊ a ri ce, “Kuiingˊ Uiˊ naˊ yeuh Eun kanˊ ri naˊ keuyuit laleung rot seunyaenˊ. Uiˊ ku buih yeuh kanˊ seunˊ Heun ri yeut.”

Yoˊhan 8:49

Yesuˊ Eun topˊ a, “Seucaˊ hpaw a caˊ lec Uiˊ. Daecti tuilˊ Uiˊ munhpungˊ Eun Kuiingˊ Uiˊ na. Peˊ ri, peˊ yeuh munhpungˊ Uiˊ naˊ lu.

1 Tiˊmoˊse 6:5

maeeˊ unˊ htukˊ unˊ lung ce peue hpumˊ hk'awˊjeuk naˊ pucti lih. Ce meuh peue unˊ kueˊ hk'aˊ leupaws seumeuˊ. Ce hteumˊ yeuh kanˊ Eun Peucawoˊ naˊ meuh hk'aˊ kaw sok ri pun nammaet leumuil naˊ.

2 Petruˊ 2:3

Kopti seuraˊ sangsawnˊ kuˊ kleucˊ naˊ lawˊhpa keuting ce naˊ, punta kaw ce koc ri hk'a peˊ naˊ, ce plengˊ kuˊ unˊ kueˊ unˊ meuh naˊ pucti lih. Leukahˊ tawsˊ aˊmu ri ce naˊ tuikˊ a ri pang cingˊ ce naˊ lingˊ ka hawcˊ, hk'aˊ lulaic naˊ buih ingˊ rot a de ce hawcˊ.