Yoˊhan 18:8 - Plang (Blang)

⁸ Yesuˊ Eun lahˊ, “Lahˊ Uiˊ a ri peˊ hawcˊ, meuh Uiˊ Heun ri. Peˊ lawn hotˊ ri sok Uiˊ koˊ, peˊ naˊ taeˊ peue aenˊ ce.”

Yoˊhan 18:8 교차 참조

Mahtae 26:56

Daecti aenˊ ce gawmˊeucˊ meuh a punta kaw a htonnuk hotˊ seunˊ kuˊ peue suip leukahˊ Eun Peucawoˊ lahˊ ri hk'aˊnaee htawm Seungaˊ naˊ.” Hawcˊ koˊ, tapaeˊ Eun naˊ ce tecla Eun gawmˊeucˊ ri. Ce hk'uih hk'aiˊ Heun.

Yoˊhan 10:28

Uiˊ tuilˊ aˊyu cotˊcu naˊ ri ce. Ce hkuinˊ kaw laee duing lulaic heulˊ. Aˊnhawˊ hkuinˊ kaw cang rimˊ ri ti ce hk'aiˊ dak tiˊ Uiˊ naˊ.

Yoˊhan 13:1

Yam kaw a hk'awsˊ rot ri pawe vel nya naˊ, Yesuˊ Eun yawng rot a yam kaw ri hk'akcakˊ bhenˊ keuteˊ aenˊ a Eun naˊ hukˊ ri Aˊkuiingˊ Eun naˊ hawcˊ. Kopti leumeusˊ Eun peue utˊ pang bhenˊ keuteˊ aenˊ peue naˊ, maetˊmaenˊ Eun ku yeuh hk'aˊ leumeusˊkeus nyawkˊnyaecˊ ri naˊ pucti lih glihˊgleuengˊ ri ce.

Yoˊhan 13:36

Siˊmon Petruˊ eun mhaingˊ Yesuˊ Eun, “Cawoˊ, Mi ciˊ kaw heulˊ tawngnhawˊ?” Yesuˊ Eun topˊ a, “Vang kaw Uiˊ heulˊ naˊ, maetˊmaenˊ, hpaw mi caˊ kaw nang cang heulˊ ri ka. Daecti hk'aˊ nanggalˊ ka naˊ, kaw mi hotˊ Uiˊ heulˊ yeut.”

Yoˊhan 16:32

Daecti yam awnˊ buih ingˊ ka, a ingˊ rot hawcˊ. A meuh yam kaw peˊ sawngˊ hk'akcakˊ puri ingˊ ti nya ri. Pe kaw tec a vang Uiˊ ri koe. Daecti Uiˊ hkuinˊ kaw utˊ koe kopti Aˊkuiingˊ utˊ Eun maeeˊ Uiˊ naˊ.

Yoˊhan 18:7

Yesuˊ Eun tang mhaingˊ ce baee, “Peˊ ciˊ heulˊ sok aˊnhawˊ?” Ce lahˊ, “Sok ye Yesuˊ peue veng Nasaraetˊ naˊ Eun.”

Yoˊhan 18:9

Aenˊ a meuh punta kaw a meuh neumneum hotˊ seunˊ kuˊ tawn lahˊ Eun naˊ, “Peue tuilˊ Mi ri Uiˊ naˊ ce hkuinˊ kaw pun ri lulaic heulˊ saecˊ ti peue.”

1 Kawˊrinhtuˊ 10:13

Hk'aˊ copˊlong pon lheuˊ hk'aiˊ kuˊ tawn hk'eupˊ peue naˊ a hkuinˊ kaw laee kueˊ ri peˊ. Peucawoˊ kati keutawnˊ Eun. Eun hkuinˊ kaw taeˊ peˊ hk'eupˊ kuˊ copˊlong kaw peˊ hkamˊ unˊ pe naˊ. Daecti yam hkamˊ peˊ kuˊ copˊlong naˊ, punta kaw peˊ cang keutawnˊ hk'aˊruim ka hk'aˊ copˊlong naˊ pun, Eun kaw tuilˊ peˊ isˊ hk'aˊ kaw pucti heulˊ naˊ yeut.

2 Kawˊrinhtuˊ 12:9

Daecti Eun lahˊ a ri uiˊ, “Punta tiˊca Uiˊ naˊ kaw a pucti lih htonnuk hk'aˊnaee hk'aˊ kawlˊreng kloe mi naˊ, munˊ Uiˊ naˊ kueˊ a htonnuk pun mi.” Kop awnˊ na, punta tiˊca Eun Hkrit naˊ kaw a kah ri kueˊ hk'aˊnaee uiˊ naˊ, uiˊ mhawngˊ ri hk'oˊcuin maeeˊ hk'aˊ kawlˊreng kloe ri naˊ hk'aˊnaee hk'aˊ renˊkawn naˊ.

Eˊfeˊsuˊ 5:25

Me naˊ peˊ, leumeusˊ beunˊ peˊ naˊ ce seunˊ Hkrit leumeusˊ Eun muk konˊ Hkrit ri naˊ ce reuˊ. Eun tuilˊ tuˊ ri naˊ ri ce

1 Petruˊ 5:7

Kopti Peucawoˊ cang kuit nyhapˊ hkiˊkeung Eun pun peˊ naˊ, ap tuilˊ kuˊ kuit nyhapˊ hkiˊkeung peˊ naˊ ri Heun gawmˊeucˊ ka reuˊ.