Yoˊhan 13:11 - Plang (Blang)

¹¹ Aˊnhawˊ kaw fuin Eun naˊ, kopti yawng Eun a, Eun lahˊ, “Peˊ hkuinˊ seungaˊ ku peue ri.”

Yoˊhan 13:11 교차 참조

Yoˊhan 13:18

Hpaw Uiˊ caˊ lahˊ peˊ ku peue ri. Yawng Uiˊ peue leuk Uiˊ ri ti naˊ ce ku peue, daecti punta kaw a meuh hotˊ seunˊ kuˊ htawm Seungaˊ naˊ temˊ a ri yeuhkiˊ naˊ, ‘Kuˊ mokˊ ri somˊ maeeˊ Uiˊ naˊ, eun kaw fuin Uiˊ.’

Yoˊhan 13:2

Yam Yesuˊ Eun maeeˊ tapaeˊ Eun naˊ buih somˊ pul ce naˊ, punta Yuˊdasˊ Iˊsakariotˊ konˊ eun Siˊmon naˊ kaw eun fuin Yesuˊ Eun naˊ, seucaˊ rai naˊ a yeuh eun kuitdohˊ ri ka hawcˊ.

Yoˊhan 13:21

Hawcˊ Yesuˊ lahˊ Eun ceu nang aenˊ ce naˊ, Eun kuit nyhapˊ nang hpumˊ ri. Eun lahˊ, “Uiˊ lahˊ a ri peˊ neumneum, hk'aˊnaee peˊ ri ti peue kaw eun fuin Uiˊ.”

Yoˊhan 13:26

Yesuˊ Eun topˊ a, “Meuh a kuˊ ti Uiˊ hkawomunˊ glawkˊ aenˊ a, Uiˊ cup a nang leuumˊ kuˊ pawnˊ naˊ Uiˊ tuilˊ a ri heun naˊ eun.” Hawcˊ koˊ, Eun ti hkawomunˊ ti glawkˊ naˊ cup a nang leuumˊ kuˊ pawnˊ naˊ Eun tuilˊ a ri Yuˊdasˊ konˊ eun Siˊmon Iˊsakariotˊ naˊ eun.

Yoˊhan 17:12

Yam utˊ Uiˊ maeeˊ ce naˊ, Uiˊ kangˊrukum roksaˊ ce maeeˊ yeuh ce saˊpa samˊran ri muis tuilˊ Mi ri Uiˊ naˊ. Ce hkuinˊ kueˊ nang lulaic heulˊ saecˊ ti peue, a lawn unˊ meuh yawo kuˊ kaw htukˊ ri lulaic heulˊ punta kaw a meuh neumneum hotˊ seunˊ kuˊ lahˊ ka hk'aˊnaee htawm Seungaˊ naˊ eun naˊ.

Yoˊhan 18:4

Yesuˊ Eun yawng kuˊ kaw buih meuh ri ti naˊ ku ceu ka. Kop awnˊ na, Eun pucti mhaingˊ ce, “Peˊ ciˊ heulˊ sok aˊnhawˊ?”

Yoˊhan 2:25

Kopti kuˊ kueˊ hk'aˊnaee peue naˊ a meuh keunhawˊ naˊ yawng meun Eun a naˊ, Eun hkuinˊ kaw loˊ aˊnhawˊ ingˊ lahˊ ri mhawngˊ lawng ce peue naˊ.