Yoˊhan 10:16 - Plang (Blang)

¹⁶ Uiˊ ku kawnˊ kueˊ konˊyungˊ nang seubu kuˊ unˊ meuh isˊ ka kok aenˊ na, Uiˊ kaw kah ri heulˊ va ce ingˊ yeut. Konˊyungˊ titˊ ce ku kaw leuceng leukahˊ Uiˊ. Ce kaw pawngˊ ri meuh ti muk maeeˊ muk aenˊ ce. Ce kaw kueˊ yawo Cawoˊ goˊ ti peue.

Yoˊhan 10:16 교차 참조

Mahtae 17:5

Yam buih leukahˊ eun naˊ, putumˊ cengˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ nyawkˊ. Eun hitˊ ri hpumˊ Uiˊ nyawkˊ. Leuceng ri ti leukahˊ Eun naˊ reuˊ.”

Luˊka 15:8

Kuˊ ti lawng ka naˊ, beunˊ ti peue ka lawn kueˊ leumuil kulˊ htaepˊ daecti a naˊ raiˊ ti htaepˊ koˊ, kaw ka unˊ tokˊ kawkˊ ngawl pisˊ nya naˊ unˊ sok a rot ti nyu ka a aw?

Yoˊhan 10:11

Meuh Uiˊ Cawoˊ goˊ konˊyungˊ chakˊ. Cawoˊ goˊ konˊyungˊ chakˊ naˊ eun hkamˊ ri sum aˊyu ri naˊ pun konˊyungˊ ri naˊ ce.

Yoˊhan 10:2

Daecti peue ingˊ lec hk'aˊ leuvaˊ naˊ meuh eun cawoˊ goˊ ka konˊyungˊ naˊ.

Yoˊhan 10:27

Konˊyungˊ Uiˊ naˊ leuceng ce leukahˊ Uiˊ naˊ. Uiˊ yawng konˊyungˊ awnˊ ce. Ce ku hotˊ Uiˊ.

Yoˊhan 10:3

Peue koˊ leuvaˊ naˊ eun tahˊ leuvaˊ naˊ ri heun. Konˊyungˊ naˊ a leuceng leukahˊ eun. Eun klawng muis ka konˊyungˊ ri naˊ ti tuˊ hawcˊ ti tuˊ. Eun va konˊyungˊ ri naˊ ce pucti heulˊ.

Yoˊhan 10:4

Hawcˊ va eun konˊyungˊ ri naˊ ce pucti heulˊ eucˊ naˊ, eun heulˊ nanggalˊ ka konˊyungˊ ri naˊ. Kopti konˊyungˊ Eun naˊ yawng a leukahˊ eun naˊ, a hotˊ eun heulˊ.

Yoˊhan 10:5

Daecti konˊyungˊ naˊ a hkuinˊ duing hotˊ peue unˊ yawng ri naˊ eun. Lheuˊ awnˊ na, a sawm hk'uih ri heun kopti unˊ yawng a leukahˊ eun naˊ.”

Yoˊhan 11:52

A hkuinˊ kaw meuh pal pun peue ceu awnˊ ce koe, daecti Eun ku yeum pun konˊ Eun Peucawoˊ kuˊ taicˊjah heulˊ hk'aiˊ puri naˊ, punta kaw Eun va ri ingˊ hk'onˊro ce meuh yawo ti muk naˊ.

Yoˊhan 17:20

Hpaw Uiˊ caˊ hk'oˊ munˊ pun peue aenˊ ce koe, daecti Uiˊ hk'oˊ munˊ pun peue kaw ingˊ yumˊ Uiˊ ri leukahˊ ce naˊ yeut.

Yoˊhan 6:37

Peue Aˊkuiingˊ tuilˊ Eun ri Uiˊ naˊ ce gawmˊeucˊ, kaw ce ingˊ ri Uiˊ. Peue ingˊ ri Uiˊ naˊ Uiˊ hkuinˊ kaw tecla ce.

Peue caee 15:14

Siˊmon eun ris eˊ mhawngˊ a hawcˊ lawng nanggalˊ ka naˊ Peucawoˊ yeuh Eun hk'aˊ tukyak ri naˊ pucti lih ri leuk Eun peue unˊ meuh peue ceu Yuˊda naˊ ce ingˊ meuh peue ri ngonˊ naˊ.

Peue caee 18:10

kopti utˊ Uiˊ maeeˊ mi. Aˊnhawˊ hkuinˊ kaw cang keunhapˊ, yeuh mi suiˊ saecˊ ti peue, kopti peue Uiˊ naˊ utˊ ce nang veng aenˊ na heunˊ naˊ.”

Peue caee 22:14

Hawcˊ koˊ, eun lahˊ, ‘Peucawoˊ Eun aˊtaˊ aˊya eˊ naˊ leuk Eun ri ti mi. Eun kah mi yawng alo ri naˊ, kah mi pun ri nyu hk'aˊ leupaws seumeuˊ naˊ maeeˊ kah mi pun ri mhawngˊ leukahˊ lih neum moeng ri naˊ.

Roˊma 11:25

Ecˊawngˊ naˊ peˊ, punta kaw peˊ unˊ hpumˊ keuting maeeˊ tuˊ ri meun naˊ, uiˊ sumˊ kah peˊ leuceng pun kuˊ vangdohˊ ruiˊ aenˊ a. Aenˊ a meuh peue Iˊsarelaˊ naˊ ngonˊ kaw ce hpumˊ cenˊ rot ti peue unˊ meuh peue ceu Yuˊda naˊ kaw ce ingˊ lec nuk caˊlangˊ ri naˊ.

2 Hteˊsalawˊniˊ 2:13

Ecˊawngˊ Peucawoˊ leumeusˊ Eun naˊ peˊ, munˊ keuting ye ri Peucawoˊ Eun pun peˊ laleung. Kopti tangˊ neum yamla ka naˊ, Peucawoˊ leuk Eun ri ti peˊ kaw pun hk'aˊ htut lawtpon naˊ ri saicˊ peˊ seungaˊ chakˊ ri Citˊ seungaˊ naˊ maeeˊ ri yumˊ peˊ hk'aˊ leupaws seumeuˊ naˊ.

Hebraeˊ 13:20

Peucawoˊ Cawoˊ kuit nyawkˊ kuit samˊran Cawoˊ yeuh Cawoˊ goˊ muk konˊyungˊ keuting Eun Peucawoˊ Yesuˊ eˊ naˊ Eun tang kuhˊ imˊ ri nhamˊ ka kati satˊcaˊ cotˊcu naˊ Eun,

1 Petruˊ 2:10

Nanggalˊ ka naˊ unˊ meuh peˊ peue Eun Peucawoˊ, daecti maetˊmaenˊ peˊ meuh peue Eun hawcˊ. Nanggalˊ ka naˊ peˊ unˊ pun hk'aˊ tukyak Eun naˊ, daecti maetˊmaenˊ peˊ pun ri rap ri ti hk'aˊ tukyak Eun naˊ hawcˊ.

1 Petruˊ 2:25

Kopti seunˊ peˊ konˊyungˊ veung raiˊ heulˊ naˊ, daecti maetˊmaenˊ peˊ keutah ingˊ rot ri Cawoˊ goˊ Cawoˊ roksaˊ civit peˊ naˊ Eun hawcˊ.

1 Petruˊ 5:4

Yam Cawoˊ keuting goˊ konˊyungˊ naˊ puc Eun ri lih naˊ, peˊ naˊ pun cuiˊmaw hk'ilˊ kueˊ munhpungˊ kuˊ unˊ cang lulaic naˊ.

Tuhˊ ri tuilˊ 3:20

Keueˊ reuˊ, cawng Uiˊ keunam leuvaˊ naˊ, Uiˊ toeˊ a. Aˊnhawˊ lawn mhawngˊ sengˊ Uiˊ naˊ tahˊ leuvaˊ naˊ koˊ, Uiˊ kaw ingˊ lec ri hk'asomˊ maeeˊ heun. Eun ku kaw hk'asomˊ maeeˊ Uiˊ tiduihˊ.