Yoˊhan 1:3 - Plang (Blang)

³ Ku ceu gawmˊeucˊ naˊ a pun ri hpanplengˊ ri ri Heun. Kuˊ pun ri hpanplengˊ ri naˊ a hkuinˊ kueˊ kuˊ unˊ pun ri hpanplengˊ ri ri Heun naˊ saecˊ ti ceu.

Yoˊhan 1:3 교차 참조

Yoˊhan 1:10

Eun utˊ pang bhenˊ keuteˊ naˊ. Bhenˊ keuteˊ naˊ a saecˊ pun ri suip ri hpanplengˊ ri ri Heun koˊ, daecti bhenˊ keuteˊ naˊ a unˊ yawng Eun.

Yoˊhan 1:2

Eun utˊ maeeˊ Peucawoˊ Eun tangˊ neum yamla ri naˊ.

1 Kawˊrinhtuˊ 8:6

daecti pun eˊ naˊ, kueˊ a Peucawoˊ ti tonˊ koe. Eun meuh Aˊkuiingˊ. Eun hpanplengˊ ku ceu gawmˊeucˊ naˊ. Aˊyu imˊ eˊ naˊ a meuh pun Heun. A kueˊ Cawoˊ ti tonˊ koe, Eun meuh Yesuˊ Hkrit Eun. Peucawoˊ Eun hpanplengˊ ku ceu gawmˊeucˊ naˊ ri cu Eun Yesuˊ Hkrit Eun. Eˊ kueˊ meuh kopti Heun ri.

Eˊfeˊsuˊ 3:9

maeeˊ pun uiˊ ri tuhˊ peue gawmˊeucˊ naˊ peue nyu kuˊ vangdohˊ ruiˊ naˊ glihˊgleuengˊ, a meuh kuˊ moˊ ri hk'aˊnaee Peucawoˊ Cawoˊ hpanplengˊ ku ceu naˊ Eun tangˊ neum cu leumahˊ naˊ.

Hebraeˊ 11:3

Kopti meuh a hk'aˊ yumˊ naˊ, eˊ leuceng pun Peucawoˊ hpanplengˊ Eun saˊpahtaˊ naˊ ri leukahˊ Eun naˊ. Kop awnˊ na, kuˊ pun eˊ ri nyu naˊ ce a hkuinˊ keutˊ neum kuˊ pun eˊ ri nyu ri ngaiˊ ri naˊ.

1 Yoˊhan 5:1

Peue yumˊ Yesuˊ meuh Eun Hkrit naˊ ce ku peue, keutˊ ce neum Peucawoˊ Eun. Peue leumeusˊ Aˊkuiingˊ Eun naˊ ce ku peue, ce ku leumeusˊ Konˊ Eun naˊ Eun yeut.

Tuhˊ ri tuilˊ 3:14

Temˊ ri tuilˊ htawm ri inˊhpom ce muk konˊ Hkrit Laodisia naˊ eun yeuh keutitˊ, ‘Cawoˊ Amin kuˊ meuh Cawoˊ hkamˊ saˊhkiˊ kati keutawnˊ leupaws seumeuˊ kuˊ uˊpeung kuˊ hpanplengˊ Eun Peucawoˊ naˊ gawmˊeucˊ naˊ Eun lahˊ a yeuh keutitˊ,

Tuhˊ ri tuilˊ 4:11

“Oˊ, Peucawoˊ, Peucawoˊ ye, kuingˊ Mi ri pun munhpungˊ, hk'aˊ hkopyawmˊ naˊ maeeˊ tiˊca naˊ, kopti hpanplengˊ Mi ku ceu gawmˊeucˊ naˊ maeeˊ kopti meuh ka alo Mi naˊ, ceu nang aenˊ ce pun ri hpanplengˊ ri, pun ri keutˊ kueˊ.”