Yoˊhan 1:14 - Plang (Blang)

¹⁴ Leukahˊ awnˊ keutˊ a ri meuh nhamˊ keune. A lih utˊ hk'aˊnaee eˊ. Eˊ pun ri nyu munhpungˊ Eun naˊ, a meuh munhpungˊ Eun Konˊ aiˊ ti peue koe kuˊ lih neum Aˊkuiingˊ Eun naˊ. Eun htonnuk ri munˊ sinˊ maeeˊ kuˊ neumneum naˊ.

Yoˊhan 1:14 교차 참조

Mahtae 1:16

Yakopˊ eun meuh kuiingˊ eun Yoˊsaep. Yoˊsaep eun meuh me eun Mariˊ. Mariˊ eun meuh ma Eun Yesuˊ kuˊ klawng peue Eun muis Hkrit naˊ Eun.

Luˊka 2:11

Seunyaenˊ, Cawoˊ teumˊkawm htut peˊ lawtpon naˊ keutˊ Eun pun peˊ nang veng eun Davitˊ naˊ hawcˊ. Meuh Eun Cawoˊ Hkrit.

Luˊka 2:7

Eun la ri kueˊ Konˊ aiˊ. Ka bawlˊ Eun ri omˊ, hawcˊ ka uinˊ Eun itˊ nang dongˊ somˊ ka aˊmoe naˊ. Kopti nya itˊ checˊ naˊ unˊ laee kueˊ a vang utˊ pun ka naˊ.

Luˊka 9:32

Petruˊ eun maeeˊ aˊmawo eun naˊ ka, ce itˊ jingˊ nyawkˊ. Daecti yam tang hk'awnˊ ce meulamlam ri naˊ, ce pun ri nyu munhpungˊ Eun Yesuˊ naˊ maeeˊ peue cawng keunam Eun lalˊ peue naˊ ka.

Yoˊhan 1:1

Tangˊ neum yamla ka naˊ, kueˊ a Leukahˊ. Leukahˊ awnˊ Eun utˊ maeeˊ Peucawoˊ Eun. Leukahˊ awnˊ Eun meuh Peucawoˊ Eun.

Yoˊhan 11:40

Hawcˊ koˊ, Yesuˊ Eun lahˊ, “Lahˊ Uiˊ a ri mi hawcˊ, mi lawn yumˊ koˊ, kaw mi pun ri nyu munhpungˊ Eun Peucawoˊ naˊ, unˊ meuh ka aw?”

Yoˊhan 14:6

Yesuˊ Eun topˊ a, “Meuh Uiˊ hk'aˊ, hk'aˊ leupaws seumeuˊ maeeˊ hk'aˊ aˊyu imˊ naˊ. Aˊnhawˊ lawn unˊ ingˊ ri Uiˊ koˊ, eun hkuinˊ kaw cang rot ri Aˊkuiingˊ Eun.

Yoˊhan 14:9

Yesuˊ Eun topˊ a, “Hpiˊlipˊ, utˊ Uiˊ maeeˊ peˊ lingˊ peunawˊ hawcˊ naˊ, unˊ nang yawng mi Uiˊ aw? Peue pun ri nyu Uiˊ naˊ, eun ku pun ri nyu Aˊkuiingˊ Eun. A ciˊ meuh kop keunhawˊ, mi vaeeˊ lahˊ, ‘Tuilˊ ye nyu Aˊkuiingˊ Eun’?

Yoˊhan 17:22

Punta gawmˊeucˊ ce kaw ce meuh yawo ti peue seunˊ Mi ri maeeˊ Uiˊ ri meuh Aˊ ti peue yawo naˊ koˊ, munhpungˊ tuilˊ Mi ri Uiˊ naˊ Uiˊ tuilˊ a ri ce hawcˊ.

Yoˊhan 17:24

Aˊkuiingˊ, Uiˊ sumˊ kah peue tuilˊ Mi ri Uiˊ naˊ ce utˊ maeeˊ ti vang utˊ Uiˊ naˊ maeeˊ sumˊ kah ce nyu munhpungˊ Uiˊ kuˊ tuilˊ Mi ri Uiˊ naˊ kopti leumeusˊ Mi Uiˊ tangˊ neum nanggalˊ ka yam unˊ nang hpanplengˊ Mi bhenˊ keuteˊ naˊ

Yoˊhan 18:37

Cawoˊ Piˊlat eun lahˊ, “Yeuh keutitˊ koˊ, naˊ Mi meuh Hkunˊhawˊhkamˊ?” Yesuˊ Eun topˊ a, “Lahˊ mi Uiˊ meuh Hkunˊhawˊhkamˊ naˊ cawpˊ ka. Neumneum ka naˊ koˊ, kopti meuh a ceu nang aenˊ a naˊ, Uiˊ lih keutˊ. Punta kaw Uiˊ hkamˊ saˊhkiˊ lawng hk'aˊ neumneum naˊ, Uiˊ lih pang bhenˊ keuteˊ aenˊ na. Peue utˊ hk'aˊ ka hk'aˊ neumneum naˊ ce ku peue leuceng ce Uiˊ.”

Yoˊhan 2:11

Aenˊ meuh a hetˊ keuting kuˊ Yesuˊ la Eun ri yeuh a pok nanggalˊ naˊ. Eun yeuh a nang yungˊ Kanaˊ kuingˊ Galilaeˊ naˊ. Kopti yeuh Eun aenˊ a naˊ, a yeuh munhpungˊ Eun naˊ pucti lih. Tapaeˊ Eun naˊ ce ku kueˊ hk'aˊ yumˊ hk'aˊnaee Heun.

Yoˊhan 3:16

Kopti Peucawoˊ leumeusˊ Eun peue bhenˊ keuteˊ naˊ, Eun hkamˊ ri tuilˊ Konˊ aiˊ ti peue ri naˊ Eun. Punta peue yumˊ Konˊ aiˊ Eun naˊ ku peue kaw ce unˊ lulaic, daecti ce kaw pun citˊ tip aˊyu tip cotˊcu naˊ.

Yoˊhan 3:18

Aˊnhawˊ lawn yumˊ Eun koˊ, eun hkuinˊ kaw pun ri hkamˊ hk'aˊ tawsˊ aˊmu naˊ. Daecti aˊnhawˊ lawn unˊ yumˊ koˊ, eun kaw pun ri hkamˊ hk'aˊ tawsˊ aˊmu naˊ kopti unˊ yumˊ eun muis Eun Konˊ aiˊ ti peue Eun Peucawoˊ naˊ Eun.

Yoˊhan 6:51

Meuh Uiˊ kuˊ hk'a lih neum kuingˊ pang maoˊ. Aˊnhawˊ lawn pun ri hk'a kuˊ hk'a aenˊ a koˊ, eun kaw aˊyu imˊ heulˊ cotˊcu ri. Kuˊ hk'a aenˊ a meuh keune Uiˊ. Punta peue bhenˊ keuteˊ aenˊ kaw a pun aˊyu naˊ, Uiˊ kaw tuilˊ a.”

Yoˊhan 8:32

Peˊ naˊ yawng hk'aˊ neumneum naˊ. Hk'aˊ neumneum naˊ a kaw yeuh peˊ meuh peue pon.”

Peue caee 13:33

Pun kuˊ meuh konˊhk'i ce naˊ eˊ, Peucawoˊ Eun yeuh a htonnuk hawcˊ ri yeuh Eun Yesuˊ Eun kuhˊ imˊ seunˊ temˊ a ri uinˊ ri nang htawm Sukˊseunˊ nambat keuting leualˊ ka naˊ a temˊ ri, ‘Meuh Mi Konˊ aiˊ Uiˊ, seunyaenˊ Uiˊ pun ri meuh Kuiingˊ Mi hawcˊ.’

Roˊma 8:3

Kopti hk'aˊ nhamˊ keune naˊ yeuh a leukahˊ ritroe naˊ kawlˊreng kloe naˊ kuˊ leukahˊ ritroe naˊ yeuh unˊ pun ka naˊ Peucawoˊ Eun yeuh a hawcˊ ri cusˊ Eun Konˊ aiˊ ri naˊ Eun lih seunˊ peue mapˊ naˊ punta kaw Eun meuh kuˊ tan htut mapˊ naˊ. Kopti yeuh a kiˊ naˊ, Eun pun ri tawsˊ aˊmu ciyang mapˊ ce peue mapˊ naˊ.

Roˊma 9:5

Aˊtaˊ keuting ce naˊ meuh ce peue keuting. Saecˊ meuh yam Hkrit meuh Eun peue naˊ, Eun ku suipˊ ceucat ce naˊ ingˊ. Hkrit Cawoˊ meuh Peucawoˊ hk'aˊpang ku ceu gawmˊeucˊ naˊ pun Eun hk'aˊ sukˊseunˊ naˊ cotˊcu ri. Amin.

1 Kawˊrinhtuˊ 15:47

Peue nanggalˊ naˊ ingˊ eun neum keuteˊ ka bhenˊ keuteˊ naˊ, daecti peue ingˊ hotˊ naˊ Eun lih neum kuingˊ pang maoˊ.

2 Kawˊrinhtuˊ 12:9

Daecti Eun lahˊ a ri uiˊ, “Punta tiˊca Uiˊ naˊ kaw a pucti lih htonnuk hk'aˊnaee hk'aˊ kawlˊreng kloe mi naˊ, munˊ Uiˊ naˊ kueˊ a htonnuk pun mi.” Kop awnˊ na, punta tiˊca Eun Hkrit naˊ kaw a kah ri kueˊ hk'aˊnaee uiˊ naˊ, uiˊ mhawngˊ ri hk'oˊcuin maeeˊ hk'aˊ kawlˊreng kloe ri naˊ hk'aˊnaee hk'aˊ renˊkawn naˊ.

Galatiˊ 4:4

Daecti yam tangˊ ri uinˊ naˊ rot ka hawcˊ naˊ koˊ, Peucawoˊ Eun cusˊ Konˊ aiˊ ri naˊ Eun lih keutˊ ri beunˊ naˊ eun. Eun keutˊ hk'aˊruim ka leukahˊ ritroe naˊ.

Eˊfeˊsuˊ 3:8

Peue aetˊ hk'aiˊ peue hk'aˊnaee peue Eun Peucawoˊ naˊ, uiˊ saecˊ naˊ tem hk'aiˊ heun, Peucawoˊ Eun tuilˊ munˊ aenˊ na ri uiˊ. Aenˊ a meuh pun uiˊ ri sangsawnˊ peue unˊ meuh peue ceu Yuˊda naˊ peˊ ri hk'aˊ meuneum tuilˊ Eun Hkrit Cawoˊ sok unˊ pun naˊ,

Kawˊlawˊsaeˊ 1:19

Kopti kuˊ htonnuk kueˊ hk'aˊnaee Peucawoˊ Eun naˊ gawmˊeucˊ a ku kueˊ hk'aˊnaee Konˊ aiˊ naˊ Eun yeut.

Kawˊlawˊsaeˊ 2:3

Domˊ ka peuyhaˊ cuˊyi maeeˊ hk'aˊ cang yawng gawmˊeucˊ naˊ moˊ a ri hk'aˊnaee Hkrit Eun.

Kawˊlawˊsaeˊ 2:9

Kopti ruprang Eun Peucawoˊ naˊ gawmˊeucˊ kueˊ a htonnuk hk'aˊnaee jawngkuiˊ tuˊ Eun Hkrit naˊ.

1 Tiˊmoˊse 3:16

Vang ruiˊ neumneum ka hk'aˊ yumˊ eˊ naˊ keuting a hk'aiˊ leukahˊ mhaingˊ naˊ ce gawmˊeucˊ. Aenˊ a meuh, Peucawoˊ puc Eun ri lih meuh tuˊ peue, Citˊ seungaˊ naˊ a tuhˊ eˊ nyu hk'aˊ leupaws seumeuˊ Eun naˊ hawcˊ, inˊhpom naˊ ce nyu Eun, a kueˊ peue sangsawnˊ lawng Eun naˊ ri peue ceu ku ceu, peue bhenˊ keuteˊ naˊ peue yumˊ Eun, Peucawoˊ Eun yuk Eun hukˊ nang munhpungˊ ri.

Hebraeˊ 1:3

Konˊ aiˊ naˊ meuh Eun cengˊ ka munhpungˊ Eun Peucawoˊ naˊ. Hk'aˊ ku ceu naˊ Eun seunˊ Peucawoˊ Eun. Eun roksaˊ ku ceu gawmˊeucˊ naˊ ri leukahˊ tiˊca keuting ri naˊ. Hawcˊ saicˊ Eun ri tec mapˊ peue naˊ, Eun mokˊ hk'aˊ tiˊ aˊtawmˊ Eun Cawoˊ tiˊca keuting ka kuingˊ pang maoˊ naˊ Eun.

Hebraeˊ 1:5

Kopti Peucawoˊ tawn lahˊ Eun, “Meuh Mi Konˊ aiˊ Uiˊ, seunyaenˊ Uiˊ meuh Kuiingˊ Mi hawcˊ”, aˊkoˊ “Kaw Uiˊ meuh Kuiingˊ Eun, Eun kaw meuh Konˊ aiˊ Uiˊ.” Daecti Eun hkuinˊ duing lahˊ a yeuh keutitˊ ri inˊhpom naˊ ce saecˊ ti peue.

Hebraeˊ 10:5

Kop awnˊ na yam Hkrit lih Eun pang bhenˊ keuteˊ naˊ, Eun lahˊ, “Peucawoˊ, hpaw Mi caˊ sumˊ isˊ kuˊ dum ri tan naˊ maeeˊ kuˊ tan naˊ, daecti rangraen Mi ri uinˊ jawngkuiˊ tuˊ pun Uiˊ keuhti hawcˊ.

Hebraeˊ 2:11

Cawoˊ kuˊ yeuh peue seungaˊ chakˊ naˊ Eun maeeˊ peue yeuh Eun seungaˊ chakˊ naˊ ce ingˊ meuh peue nya peue hk'ulˊ ti nya. Kop awnˊ na, Yesuˊ Eun unˊ kaic ri kaw ri klawng ce meuh ecˊawngˊ ri.

Hebraeˊ 5:5

Kop awnˊ na, saecˊ meuh Hkrit Eun hkuinˊ tangˊ tuˊ ri naˊ lhungˊ keuting ri rap Eun ri ti munhpungˊ ka meuh peue jhawpˊ rit keuting naˊ. Daecti Peucawoˊ Eun lahˊ a ri Heun, “Meuh Mi Konˊ aiˊ Uiˊ. Seunyaenˊ, meuh Uiˊ Kuiingˊ Mi hawcˊ.”

1 Yoˊhan 4:14

Pun eˊ ri nyu pun eˊ ri hkamˊ saˊhkiˊ ka Aˊkuiingˊ cusˊ Eun Konˊ aiˊ ri naˊ Eun meuh Cawoˊ htut ka bhenˊ keuteˊ naˊ.

1 Yoˊhan 4:9

Meuh a kopti aenˊ a naˊ, eˊ saecˊ maee yawng Peucawoˊ leumeusˊ Eun eˊ yeuh saˊnhawˊ naˊ, meuh a kopti punta kaw eˊ pun civit ri kopti Konˊ aiˊ Eun naˊ, Eun cusˊ Konˊ aiˊ ti peue ri Eun lih pang bhenˊ keuteˊ naˊ.

2 Yoˊhan 1:7

Peue chiˊlai unˊ rap ri ti Yesuˊ Hkrit lih keutˊ Eun ri meuh peue naˊ ingˊ ce pang bhenˊ keuteˊ naˊ heunˊ peue. Peue awnˊ ce meuh peue cang chiˊlai, ce meuh ransu Eun Hkrit.

Tuhˊ ri tuilˊ 19:13

Eun cuipˊ hk'o dalˊ cup ri nang nhamˊ naˊ. Muis Eun naˊ a meuh Leukahˊ Eun Peucawoˊ.

Tuhˊ ri tuilˊ 21:3

Hawcˊ koˊ, uiˊ pun ri mhawngˊ sengˊ lawsˊ neum tenceoˊ naˊ a lahˊ, “Maetˊmaenˊ, vang utˊ Eun Peucawoˊ naˊ lih utˊ a maeeˊ peue hawcˊ. Eun kaw utˊ maeeˊ ce. Ce kaw meuh peue Eun. Tuˊ Eun Peucawoˊ naˊ Eun kaw utˊ maeeˊ ce, meuh Peucawoˊ ce.