Yakopˊ 3:10 - Plang (Blang)

¹⁰ Leukahˊ sukˊseunˊ naˊ maeeˊ leukahˊ jhaˊ naˊ a pucti lih neum moeng ti keutuiˊ naˊ. Ecˊawngˊ uiˊ naˊ peˊ, pawlaee kah a yeuh keutitˊ.

Yakopˊ 3:10 교차 참조

Roˊma 12:14

Nap munˊ ri peue keunhapˊ nokneh peˊ naˊ ce reuˊ. Nap munˊ, pawlaee jhaˊ. Nap munˊ palkoe reuˊ.

1 Kawˊrinhtuˊ 3:3

Kawnˊ utˊ peˊ hk'aˊnaee hk'aˊ nhamˊ keune naˊ, kopti hk'aˊnaee muk peˊ naˊ kawnˊ kueˊ peˊ hk'aˊ hkoeˊmangˊ naˊ maeeˊ hk'aˊ kleucˊleumeul puri naˊ. Kopti meuh a awnˊ a naˊ, peˊ kawnˊ utˊ hk'aˊnaee hk'aˊ nhamˊ keune naˊ, unˊ meuh ka aw? Peˊ kawnˊ yeuh seunˊ peue sumˊhpap naˊ ce, unˊ meuh ka aw?

1 Tiˊmoˊse 5:13

Lheuˊ awnˊ na, ce naˊ meuh peue keunah eoˊ ri ti nya hawcˊ ti nya. Keunah koe a hkuinˊ nang hk'oˊ, ce naˊ eoˊ ri cukˊcicˊ suksak peue, lahˊ kuˊ unˊ htukˊ ri lahˊ naˊ.

Yakopˊ 1:16

Ecˊawngˊ leumeusˊ uiˊ naˊ peˊ, pawlaee tuilˊ peue chiˊlai Peucawoˊ Eun copˊlong peˊ.

Yakopˊ 1:19

Ecˊawngˊ leumeusˊ uiˊ naˊ peˊ, yeuh ri yawng lawng aenˊ na ku peue ri reuˊ, yeuh ri hpaiˊ ri leuceng, koekoe leukahˊ, koekoe seungeuengˊ.

Yakopˊ 3:1

Ecˊawngˊ naˊ peˊ, pawlaee va ri meuh seuraˊ heunˊ peue, kopti tup yawng peˊ seuraˊ naˊ kaw ce pun ri hkamˊ hk'aˊ tawsˊ aˊmu reng naˊ hk'aiˊ peue unˊ meuh seuraˊ naˊ ce.

Yakopˊ 3:11

Leuumˊ nyum naˊ maeeˊ leuumˊ sawngˊ naˊ kaw a cang pucti lih neum ti keutuiˊ yawo aw?

Yakopˊ 3:9

Sukˊseunˊ eˊ Peucawoˊ Eun maeeˊ Aˊkuiingˊ eˊ naˊ Eun ri dakˊ ri naˊ, peue Peucawoˊ hpanplengˊ Eun seunˊ ruprang ri naˊ ce, eˊ ku loˊ dakˊ ri naˊ jhaˊ ce ri ka.

1 Petruˊ 3:9

Pawlaee yeuh ri topˊ kuˊ rai naˊ ri kuˊ rai. Pawlaee topˊ peue isˊ peˊ naˊ ce ri leukahˊ isˊ, daecti pun aenˊ na nap munˊ ri peue reuˊ. Kopti punta kaw peˊ pun munˊ meuh sinˊ ri peˊ naˊ, Peucawoˊ Eun klawng ri ti peˊ.