Yakopˊ 2:12 - Plang (Blang)

¹² Kuˊ lahˊ kuˊ yeuh peˊ naˊ yeuh peˊ cang tukyak seunˊ meuh peˊ peue kaw pun ri hkamˊ hk'aˊ tawsˊ aˊmu ri leukahˊ ritroe kuˊ tuilˊ hk'aˊ lawtpon naˊ reuˊ.

Yakopˊ 2:12 교차 참조

Luˊka 4:18

“Citˊ seungaˊ Eun Peucawoˊ naˊ kueˊ a hk'aˊpang Uiˊ. Punta kaw Uiˊ suip ri tuilˊ leukahˊ munˊ renˊkawn naˊ ri peue hk'oˊtukyak naˊ ce naˊ, Eun leuk ri ti Uiˊ hawcˊ. Eun saecˊ cusˊ Uiˊ heulˊ naˊ meuh a punta kaw Uiˊ paoˊ peue hk'awngˊ ri naˊ kaw ce ploeˊ ri, maeeˊ peue ngaiˊ lecˊ naˊ kaw ce nyu hk'aˊ ri baee, maeeˊ peue pun ri hkamˊ hk'aˊ keunhapˊ nokneh naˊ kaw ce ploeˊ ri,

Yoˊhan 8:32

Peˊ naˊ yawng hk'aˊ neumneum naˊ. Hk'aˊ neumneum naˊ a kaw yeuh peˊ meuh peue pon.”

Galatiˊ 6:2

Teumˊ puri peus beus puri naˊ reuˊ. Yeuh peˊ keutitˊ naˊ, buih hotˊ peˊ ri yeuh leukahˊ ritroe Eun Hkrit naˊ.

Hpiˊliˊpiˊ 4:8

Ecˊawngˊ naˊ peˊ, leukahˊ tisutˊ naˊ, kuˊ meuh neumneum, kuˊ kuingˊ ri sukˊseunˊ, kuˊ cawpˊ, kuˊ seungaˊ chakˊ, kuˊ hk'oˊleumeusˊ maeeˊ kuˊ hk'oˊsukˊseunˊ naˊ kuit ri mhawngˊ lawng aenˊ ce reuˊ. Ceu nang aenˊ ce meuh a kuˊ chakˊ kuingˊ ri sukˊseunˊ naˊ, kuit ri nawk a reuˊ.

Kawˊlawˊsaeˊ 3:17

Peˊ saecˊ naˊ yeuh ceu nangnhawˊ naˊ unˊ lahˊ, leukahˊ leupong, aˊkoˊ yeuh kanˊ, yeuh a hk'aˊnaee muis Eun Cawoˊ Yesuˊ naˊ gawmˊeucˊ ka, munˊ keuting ri Aˊkuiingˊ Peucawoˊ Eun ri Yesuˊ Eun reuˊ.

Yakopˊ 1:25

Daecti aˊnhawˊ lawn kuit ri nawk leukahˊ ritroe htonnuk kuˊ tuilˊ hk'aˊ lawtpon naˊ hawcˊ koˊ eun unˊ pil kuˊ mhawngˊ ri naˊ eun suip ri hotˊ ri yeuh a koˊ, eun kaw pun munˊ ri kuˊ yeuh ri naˊ.

Yakopˊ 2:8

Peˊ lawn yeuh a hotˊ leukahˊ ritroe Eun Peucawoˊ temˊ ri nang htawm Seungaˊ lahˊ ri yeuh keutitˊ naˊ, “Leumeusˊ peue utˊ keunam caonaoˊ mi naˊ ce seunˊ leumeusˊ mi tuˊ ri naˊ yeut reuˊ”, neumneum ka naˊ koˊ, kuˊ yeuh peˊ naˊ cawpˊ ka hawcˊ.